З 4 па 8 верасьня 2021 году ў сталіцы Венгрыі будзе праходзіць штогадовая Сустрэча ярархаў Усходніх Каталіцкіх Цэркваў Еўропы (Conventus Hierarcharum Orientalium Catholicorum Europae — CHOCE). Тэма сёлетняй сустрэчы ўсходніх каталіцкіх біскупаў Еўропы — «Еўхарыстыя і сінадальнасьць». 
8 жніўня 2021 году былы Апостальскі нунцый у Беларусі архібіскуп Клаўдыё Гуджэроцьці (цяпер — Апостальскі нунцый у Вялікабрытаніі) наведаў беларускую грэка-каталіцкую царкву ў Лондане — паведамляе тэлеграм-канал «Хрысьціянская візія». 
Дыкастэрыя па справах сьвецкіх, сям’і і жыцьця апублікавала сьпецыяльную малітву, падрыхтаваную да сьвяткавання першага Сусветнага дня дзядуляў, бабуляў і пажылых людзей. 
Гэты Дзень будзе адзначацца штогод у чацьвёртую нядзелю ліпеня ў непасрэднай блізкасьці да літургічнага ўспаміну сьвятых Яўхіма і Ганны, дзядулі і бабулі Ісуса — паведамляе Vatican News. 
Апостальская Сталіца апублікавала ліст Папы Францішка да біскупаў, духавенства, богапасьвячаных асобаў і сьвецкіх вернікаў Сірыйска-Малабарскай Царквы з нагоды зацьверджаньня ёю новага ўніфікаванага службоўніка для адпраўленьня ўрачыстай формы еўхарыстычнай багаслужбы — паведамляе Vatican News. 
3 ліпеня 2021 году ў Будславе ўрачыстай сьвятой Імшой, якую ўзначаліў Апостальскі нунцый у Беларусі архібіскуп Антэ Ёзіч, завяршыўся фэст Маці Божай Будслаўскай. 
На Будслаўскім фэсьце 2 ліпеня 2021 году сьв. Імшу апоўначы, якой папярэднічала шматлюдная ўрачыстая працэсія з сьвечкамі, узначаліў старшыня Канферэнцыі каталіцкіх біскупаў у Беларусі біскуп Віцебскі Алег Буткевіч — паведамляе Catholic.by. 
Увечары 2 ліпеня ў санктуарыюме Маці Божай у Будславе сьв. Імшу для пілігрымаў узначаліў архібіскуп Тадэвуш Кандрусевіч. 
Сёлета споўнілася 75 гадоў грэка-каталіцкаму малітоўніку (ці малiтаўніку, як на вокладцы падпісана) «Божым шляхам», які выдаў у 1946 годзе ў Рыме айцец Леў Гарошка — нагадвае сайт Беларускай царквы ў Лондане. 
Кіраўнік Залы Друку Сьвятога Пасаду Матэа Бруні апублікаваў заяву па Беларусі. Яна стала адказам на шматлікія запыты журналістаў. 
Галоўная 
Навіны хрысьціянскага сьвету
Гл. таксама:
Сьвятаром стаў яшчэ адзін беларускі грэка-каталіцкі рэдэмптарыст
Япіскап Бенядыкт Алексійчук: Беларусь і Ўсходняя Ўкраіна мелі аднолькавыя стартавыя ўмовы, а вынікі — несувымерныя
У Данецку выкрадзены грэка-каталіцкі сьвятар
Быць Царквою – несьці Божае блаславеньне ўсім людзям
Заява Зьверхніка УГКЦ з нагоды ліста-папярэджаньня ад уладаў
Навіны хрысьціянскага сьвету
09.06.2013
Кіраўніцтва УПЦ (МП) задаволена адносінамі з УГКЦ на Львоўшчыне
Кіраўнік справамі Ўкраінскай Праваслаўнай Царквы Маскоўскага Патрыярхату мітрапаліт Барыспальскі Антон (Паканіч) запэўніў, што на Львоўшчыне няма ніякіх непаразуменьняў паміж праваслаўнымі і грэка-католікамі і адносіны паміж абедзьвюма Цэрквамі ў рэгіёне стабільныя — паведамляе рэлігійна-інфармацыйная служба РІСУ.
«Слава Богу, у нас стабільныя адносіны», — сказаў ён у Львове на «VІІ Фэстывалі СМІ праваслаўных» 27 траўня 2013 году.
Праваслаўны мітрапаліт паведаміў, што пасьля таго, як Львоўскую япархію ўзначаліў япіскап Філарэт (Кучараў), міжканфесійная сітуацыя ў Львоўскай вобласьці палепшылася.
«Мы сёньня размаўлялі з уладыкам Філарэтам. І, сапраўды, з часу яго кіраваньня Львоўскай япархіяй паміж УГКЦ і УПЦ адносіны стабілізаваліся», — адзначыў мітрапаліт Барыспальскі Антон (Паканіч).
«Самае галоўнае – разумець адзін аднаго. Самае галоўнае — не паддавацца на нейкія правакацыі і тады тыя пытаньні, якія часам узьнікаюць, любыя праблемы, мы можам вырашыць сумесна, разам з нашым кіраўніцтвам», — адзначыў уладыка Антон (Паканіч).
«Слава Богу, яшчэ раз паўтару, што нейкіх канфліктаў, глабальных канфліктаў паміж намі не існуе», — дадаў кіраўнік справамі Украінскай Праваслаўнай Царквы Маскоўскага Патрыярхату.
Гл. таксама:
Сьвятаром стаў яшчэ адзін беларускі грэка-каталіцкі рэдэмптарыст
Япіскап Бенядыкт Алексійчук: Беларусь і Ўсходняя Ўкраіна мелі аднолькавыя стартавыя ўмовы, а вынікі — несувымерныя
У Данецку выкрадзены грэка-каталіцкі сьвятар
Быць Царквою – несьці Божае блаславеньне ўсім людзям
Заява Зьверхніка УГКЦ з нагоды ліста-папярэджаньня ад уладаў
Гэты артыкул чыталі 124 разоў (-ы)
