30 чэрвеня 2013 году сваё парафіяльнае сьвята адсьвяткавала грэка-каталіцкая парафія Маці Божай Нястомнай Дапамогі ў Менску, якой апякуюцца сёньня беларускія айцы-рэдэмптарысты візантыйскага абраду. 
Умацаваньне ў веры, любові і еднасьці — гэта фундаментальныя рысы, якія характарызуюць служэньне Наступніка апостала Пятра, — адзначыў Папа Францішак падчас сьв. Імшы ва ўрачыстасьць сьвятых апосталаў Пятра і Паўла. 
28-30 чэрвеня 2013 году ў Берасьці адбыліся ўрачыстасьці ў гонар нябесных апекуноў грэка-каталіцкай парафіі — братоў-апосталаў Пятра і Андрэя, а таксама сьвяткаваньне 25-годдзе сьвятарства душпастыра парафіі а. Ігара Кандрацьева. 
У Рыме і сёлета была захавана традыцыя экуменічнага сьвяткаваньня ўрачыстасьці Вярхоўных апосталаў Пятра і Паўла: на сьвята прыбыла праваслаўная дэлегацыя ад Канстанцінопальскага Патрыярхату на чале з мітрапалітам Пергамскім Янам Зізіуласам, сустаршынём Зьмяшанай міжнароднай камісіі па багаслоўскім дыялогу паміж Каталіцкай і Праваслаўнай Цэрквамі. 
Пытаньне пра неабходнасьць беспасярэдняга ўдзелу прадстаўнікоў УГКЦ у праваслаўна-каталіцкім дыялогу абмяркоўвалася падчас чэрвеньскага візіту ва Ўкраіну кардынала Курта Коха — піша Рэлігійна-інфармацыйная служба Ўкраіны. 
Водгук грэка-каталіцкага сьвятара з Горадні а. Андрэя Крата на атэістычныя эсэ С. Карпава ў газеце “Наша Ніва” пра веру ў Бога, “паразіта веры”, “клерыкалусаў”. 
Кіева-Пячорскую Лаўру і Кіеўскую духоўную акадэмію УПЦ (МП) 6 чэрвеня 2013 году наведаў Старшыня Папскай Рады па спрыяньні еднасьці хрысьціянаў кардынал Курт Кох. 
Ва Ўкраіне з 5 чэрвеня 2013 году знаходзіцца з візітам кардынал Курт Кох, Старшыня Папскай Рады па спрыяньні еднасьці хрысьціянаў і сустаршыня зьмяшанай Міжнароднай камісіі па багаслоўскім дыялогу паміж Каталіцкай і Праваслаўнай Цэрквамі — паведамляе Дэпартамент інфармацыі УГКЦ. 
Старшыня Папскай Рады па спрыяньні еднасьці хрысьціянаў кардынал Курт Кох напярэдадні візіту ва Ўкраіну даў інтэрв’ю для Радыё Ватыкан, у якім адзначыў, што яго візіт накіраваны на паглыбленьне дыялогу паміж католікамі і праваслаўнымі. 
Кіраўнік справамі Ўкраінскай Праваслаўнай Царквы Маскоўскага Патрыярхату мітрапаліт Барыспальскі Антон (Паканіч) запэўніў, што на Львоўшчыне няма ніякіх непаразуменьняў паміж праваслаўнымі і грэка-католікамі і адносіны паміж абедзьвюма Цэрквамі ў рэгіёне стабільныя — паведамляе рэлігійна-інфармацыйная служба РІСУ. 
Галоўная 
Навіны за 2013 год
Гэтае пытаньне было пастаўлена Старшыні Папскай Рады па спрыяньні еднасьці хрысьціянаў на яго публічнай лекцыі ў Львове на тэму «Персьпектывы экуменічнага дыялогу паміж Каталіцкай і Праваслаўнымі Цэрквамі» 10 чэрвеня 2013 году.
Гл. таксама:
Віншаваньне Першаярарху УГКЦ з 10-годдзем служэньня ад беларускіх грэка-католікаў
420 гадоў Берасьцейскай Уніі адзначылі ў Рыме
Першаярарх УГКЦ сустрэўся з Рымскім Архірэем
Украінскія ўлады пагражаюць спыніць рэгістрацыю УГКЦ праз прысутнасьць сьвятароў на Еўрамайдане
Кардынал Курт Кох: Папа адчувае адказнасьць за дыялог паміж Усходнімі Каталіцкімі і Праваслаўнымі Цэрквамі
Навіны за 2013 год
06.07.2013
Наладжваньне стасункаў з праваслаўнымі на месцах — найбольшае заданьне для ўсходніх католікаў сёньня
Пытаньне пра неабходнасьць беспасярэдняга ўдзелу прадстаўнікоў УГКЦ у праваслаўна-каталіцкім дыялогу абмяркоўвалася падчас чэрвеньскага візіту ва Ўкраіну кардынала Курта Коха — піша Рэлігійна-інфармацыйная служба Ўкраіны.
Гэтае пытаньне было пастаўлена Старшыні Папскай Рады па спрыяньні еднасьці хрысьціянаў на яго публічнай лекцыі ў Львове на тэму «Персьпектывы экуменічнага дыялогу паміж Каталіцкай і Праваслаўнымі Цэрквамі» 10 чэрвеня 2013 году.
Як адзначыў кардынал Курт Кох, хоць Украінская Грэка-Каталіцкая Царква сёньня не ўдзельнічае ў праваслаўна-каталіцкім дыялогу, Зьверхнік гэтай Царквы, Вярхоўны Архібіскуп Сьвятаслаў (Шаўчук), зьяўляецца чальцом Папскай Рады па спрыяньні хрысьціянскай еднасьці. Таму голас найбольшай з Усходніх Каталіцкіх Цэркваў — УГКЦ — пачуты.
Як падкрэсьліў ватыканскі ярарх, найбольшае заданьне сёньня перад усімі Ўсходнімі Каталіцкімі Цэрквамі, у тым ліку і УГКЦ — у наладжваньні стасункаў з праваслаўнымі на месцах. Гэта значыць, важна весьці добры дыялог з праваслаўнымі братамі на мясцовых узроўнях. Калі такі дыялог будзе, тады можна будзе пазьбегнуць многіх непаразуменьняў паміж Цэрквамі.
«Тое, як Усходнія Каталіцкія Цэрквы павінны адказваць на выклікі адносна еднасьці, прапісана ў Дэкларацыі пра Ўсходнія Каталіцкія Цэрквы. Там сказана, што іх задача — зьбліжаць Цэрквы. Такі рэгіянальны дыялог важны на паўсюдным узроўні.
Калі на рэгіянальным узроўні ва Ўсходніх Цэркваў добрыя стасункі з праваслаўнымі, яны могуць свой досьвед перадаць на паўсюдны ўзровень. Усходнія Цэрквы павінны сёньня адыграваць важную функцыю маста паміж Каталіцкай і Праваслаўнымі Цэрквамі», — адзначыў кардынал Курт Кох.
Вярхоўны Архібіскуп УГКЦ Сьвятаслаў (Шаўчук) перакананы, што ва УГКЦ добра ўсьведамляюць сваю ролю ў праваслаўна-каталіцкім дыялогу. «Мы самі павінны вызначаць нашую ролю ў дыялогу паміж праваслаўнымі і католікамі. Мы ва Ўкраіне 20 гадоў грашым супраць экуменізму, пакінуўшы гэтае пытаньне палітыкам, якія ўсё вырашаюць за сталамі перамоў. Месца для экуменічнага дыялогу хутчэй у духоўным жыцьці Цэркваў, а не за сталом перамоваў, у асьветніцкай дзейнасьці біскупаў, у казаньнях сьвятароў у храмах, у духоўным жыцьці вернікаў, тады шмат непаразуменьняў будзе зьнята. Гэта больш важна для пасьпяховага дыялогу», — адзначыў Першаярарх УГКЦ.
Тэгі: Усходнія Каталіцкія Цэрквы, УГКЦ, Сьвятаслаў Шаўчук, Курт Кох, Папская Рада па спрыяньні еднасьці хрысьціянаў,
Гл. таксама:
Віншаваньне Першаярарху УГКЦ з 10-годдзем служэньня ад беларускіх грэка-католікаў
420 гадоў Берасьцейскай Уніі адзначылі ў Рыме
Першаярарх УГКЦ сустрэўся з Рымскім Архірэем
Украінскія ўлады пагражаюць спыніць рэгістрацыю УГКЦ праз прысутнасьць сьвятароў на Еўрамайдане
Кардынал Курт Кох: Папа адчувае адказнасьць за дыялог паміж Усходнімі Каталіцкімі і Праваслаўнымі Цэрквамі
Гэты артыкул чыталі 125 разоў (-ы)
