Пасьля малітвы Анёл Гасподні, якая 16 студзеня 2022 году прайшла на плошчы сьвятога Пятра ў Ватыкане, Папа Рымскі Францішак скіраваў заклік у сувязі з набліжэньнем Тыдня малітваў за еднасьціь хрысьціянаў — паведамляе Беларуская рэдакцыя Vatican News. 
Візіт Папы Рымскага на Кіпр і ў Грэцыю стане важным крокам на шляху «дыялогу любові» з Праваслаўнымі Цэрквамі. Такое меркаваньне выказаў старшыня Папскай Рады па спрыяньні еднасьці хрысьціянаў, кардынал Курт Кох. 
Як інфармуе Vatican News, у сёлетнім традыцыйным пасланьні Канстанцінопальскаму патрыярху з нагоды сьвята апостала Андрэя Першапакліканага, брата сьвятога Пятра, Папа Рымскі Францішак адзначыў, што іх супольная адказнасьць перад абліччам сучасных выклікаў вынікае з іх агульнай веры. 
У нядзелю, 28 лістапада 2021 году Апостальскі нунцый у Беларусі архібіскуп Антэ Ёзіч наведаў грэка-каталіцкую парафію сьвятога і праведнага Язэпа ў Менску. 
З 21 лістапада ў грэка-каталіцкіх парафіях Беларусі пачалася душпастырская навэнна перад сьвятам Апостала Андрэя Першапакліканага — асаблівага апекуна і заступніка Ўсходняй (Візантыйскай) Царквы, якога шануюць хрысьціяне як на Ўсходзе, так і на Захадзе. 
Сьвяткаванне 425-годдзя Берасьцейскай царкоўнай Уніі — аднаўленьня поўнай еднасьці (сулучнасьці) Усходняй Царквы на беларускіх і ўкраінскіх землях з Рымскім Апостальскім Пасадам — гэта ўспамін і асэнсаваньне 425 гадовага шляху, на працягу якога грэка-католікі і рыма-католікі сумесна абвяшчалі Хрыстовае Евангельле. 
Праблема міграцыі, міжнародныя канфлікты і важнасьць шматбаковага падыходу для пошуку іх вырашэньня абмяркоўваліся падчас візіту ў Ватыкан Федэральнага Прэзідэнта Германіі — паведамляе Vatican News. 
Адмыслова да 425-х угодкаў Берасьцейскай царкоўнай Уніі мастачка з Берасьця Ганна Цімашук стварыла шэраг мастацкіх партрэтаў выдатных постацяў Грэка-Каталіцкай Царквы, якія аддана служылі і прапаведавалі на Заходнім Палесьсі ў міжваенны час і пазьней працягвалі жыцьцё Беларускай Грэка-Каталіцкай Царквы на эміграцыі. 
«Без сумневу, Берасьцейская унія зьяўляецца адной з найбольш контраверсійных старонак у нашай царкоўнай і палітычнай гісторыі, і зьвязана гэта з пераломам і зьменамі, якія адбыліся ў духоўным і грамадзкім жыцьці ўкраінцаў і беларусаў у XVI—XVII стагоддзях. Яе наступствы былі доўгатрывалымі і ўплываюць на сёньняшні дзень. /.../ У (пост)савецкай гістарыяграфіі, а таксама ў навуковападобнай прапагандзе /.../ захоўваецца шэраг стэрэатыпаў адносна Берасьцейскай уніі, у прыватнасьці, уяўленьне пра яе як пра падзею, наступствам якой стала стварэньне новай Царквы», — лічыць дырэктар Інстытуту гісторыі Царквы і прарэктар па зьнешніх сувязях Украінскага каталіцкага ўніверсітэту ў Львове д-р Алег Турый. 
16 кастрычніка 2021 году Старшыня Канферэнцыі Каталіцкіх Біскупаў Беларусі біскуп Віцебскі Алег Буткевіч накіраваў ад імя каталіцкіх біскупаў Беларусі віншавальны ліст Апостальскаму візітатару для грэка-католікаў Беларусі Архімандрыту Сяргею Гаеку, у якім павіншаваў беларускіх грэка-католікаў з 425-годдзем Берасьцейскай царкоўнай Уніі. 
Галоўная 
Навіны хрысьціянскага сьвету
Візіт праходзіў у рамках традыцыйнага абмену паміж дзьвюма дэлегацыямі Цэркваў з нагоды сьвятаў сьвятых заступнікаў: апосталаў Пятра і Паўла — 29 чэрвеня і апостала Андрэя — 30 лістапада, калі ў Стамбул адпраўляецца дэлегацыя ад Сьвятога Пасаду.
Гл. таксама:
У грэка-католікаў Горадні пабывалі міністранты з Шчучына
«Статус-кво радыкальна зьменены». Эксьперт – пра выклікі і персьпектывы ўкраінскай Царквы
Сьвяты Пасад захоўвае кантакты з усімі бакамі канфлікту ў праваслаўі
Сьвяты Пасад пракаментаваў раскол паміж Масквой і Канстанцінопалем
Зьверхнік УГКЦ: «Экуменізм трэба забраць з рук дыпламатаў»
Навіны хрысьціянскага сьвету
08.07.2013
Сьвята апосталаў Пятра і Паўла зноў прайшло пад знакам экуменізму
У Рыме і сёлета была захавана традыцыя экуменічнага сьвяткаваньня ўрачыстасьці Вярхоўных апосталаў Пятра і Паўла: на сьвята прыбыла праваслаўная дэлегацыя ад Канстанцінопальскага Патрыярхату на чале з мітрапалітам Пергамскім Янам Зізіуласам, сустаршынём Зьмяшанай міжнароднай камісіі па багаслоўскім дыялогу паміж Каталіцкай і Праваслаўнай Цэрквамі.
Візіт праходзіў у рамках традыцыйнага абмену паміж дзьвюма дэлегацыямі Цэркваў з нагоды сьвятаў сьвятых заступнікаў: апосталаў Пятра і Паўла — 29 чэрвеня і апостала Андрэя — 30 лістапада, калі ў Стамбул адпраўляецца дэлегацыя ад Сьвятога Пасаду.
Як паведамляе Расейская служба Радыё Ватыкану, 28 чэрвеня 2013 году прадстаўнікі Канстанцінопальскага Патрыярхату былі прынятыя на аўдыенцыі Папам Францішкам. Затым адбыліся калоквіюмы праваслаўных дэлегатаў з сябрамі Папскай Рады па спрыяньні хрысьціянскай еднасьці. А 29 чэрвеня прадстаўнікі Праваслаўнай Царквы прысутнічалі на ўрачыстай Сьвятой Імшы ў гонар сьвятых вярхоўных апосталаў Пятра і Паўла, якую ўзначальваў Рымскі Архірэй.
З сьвятам сьв. Апосталаў Пятра і Паўла зьвязана яшчэ адна традыцыя, якая ўсталявалася з мінулага году, калі ў Рым прыязджаў англіканскі хор Вэстмінстарскага абацтва, які выступаў разам з Папскай музычнай Сікстынскай капэлай: абодва калектывы сьпявалі на Сьвятой Імшы 29 чэрвеня. Сёлета ў Ватыкан прыехаў лютаранскі хор — знакаміты лейпцыгскі Таманэрхор, якім у свой час кіраваў Ёган Себасьцян Бах. Напачатку чэрвеня 2013 году Сікстынская капэла наведала Лейпцыг для сумесных рэпетыцыяў, а 29 чэрвеня, ва ўрачыстасьць сьв. Пятра і Паўла, увечары абодва хоры выступілі ў Сікстынскай капліцы ў Ватыкане з шырокім рэпертуарам: былі выкананы творы Баха і Палестрыны, а таксама цяперашняга кіраўніка Таманэрхора Хрыстафа Білера, сучаснага грэцкага кампазітара Дзімітрыя Тэрзакіса і сучаснага польскага кампазітара Кшыштафа Пендэрэцкага.
Таманэрхор і хор Папскай музычнай капэлы ўпрыгожылі сваімі сьпевамі і ўрачыстую літургію сьв. Пятра і Паўла, якую адслужыў 29 чэрвеня Папа Францішак. Такім чынам, і сёлета католікі і пратэстанты адзначаць сьвята сьвятых заступнікаў Рыму, аб’яднаўшыся ў сьпеве і малітве.
Гл. таксама:
У грэка-католікаў Горадні пабывалі міністранты з Шчучына
«Статус-кво радыкальна зьменены». Эксьперт – пра выклікі і персьпектывы ўкраінскай Царквы
Сьвяты Пасад захоўвае кантакты з усімі бакамі канфлікту ў праваслаўі
Сьвяты Пасад пракаментаваў раскол паміж Масквой і Канстанцінопалем
Зьверхнік УГКЦ: «Экуменізм трэба забраць з рук дыпламатаў»
Гэты артыкул чыталі 110 разоў (-ы)
