Дазволім сагрэць сэрцы пяшчотай Бога У пасланьні перад бласлаўленьнем “Urbi et Orbi” (“Гораду і сьвету”) Папа Францішак заклікаў людзей дазволіць пяшчоце Бога, Які стаўся Дзіцяткам, сагрэць іхныя сэрцы. Сьвяты Айцец зьвярнуўся да вернікаў з цэнтральнай лоджыі базылікі сьв. Пятра 25 сьнежня 2013 году, ва ўрачыстасьць Нараджэньня Хрыстова.
25.12.2013
Каляднае віншаваньне Апостальскага нунцыя ў Беларусі Апостальскі нунцый у Беларусі архібіскуп Клаўдыё Гуджэроцьці праз каталіцкі інтэрнэт-партал Catholic.by павінашаваў беларускі народ з сьвятам Нараджэньня Хрыстовага.
25.12.2013
Слова на Каляды З нагоды сьвята Нараджэньня Хрыстовага Апостальскі Візітатар для беларусаў грэка-католікаў у замежжы айцец Аляксандар Надсан зьвярнуўся да вернікаў з сваім сьвяточным пасланьнем.
24.12.2013
Кардынал Курт Кох: навучыцца нанова фармуляваць каштоўнасьці хрысьціянства Пра тое, як Царква павінна размаўляць з сьветам, які забыўся пра Бога, ці можа сама Царква зьмяняцца і наколькі — гэтыя пытаньні закрануў у сваіх адказах Старшыня Папскай Рады па спрыяньні еднасьці хрысьціянаў кардынал Курт Кох на прэс-канферэнцыі ў Маскве 17 сьнежня 2013 году, паведамляе “Благовест-инфо”.
Ватыканскі ярарх: складанасьць экуменізму – у адрозьненьнях унутры праваслаўных Цэркваў Складанасьці дыялогу з праваслаўнымі Цэрквамі палягаюць на тым, што часам існуе больш адрозьненьняў паміж імі самімі, чым паміж памеснымі праваслаўнымі Цэрквамі і Каталіцкай Царквой, адзначыў кардынал Курт Кох, старшыня Папскай Рады спрыяньня еднасьці хрысьціянаў, 16 сьнежня 2013 г. падчас сустрэчы ў Санкт-Пецярбургу з каталіцкімі семінарыстамі і духавенствам паўночна-заходняга рэгіёну архідыяцэзіі Маці Божай у Маскве.
23.12.2013
Сьвяты Айцец пра заўсёды незадаволеных хрысьціянаў На трывожную зьяву ў Царкве, якой зьяўляецца катэгорыя заўсёды незадаволеных хрысьціянаў, у якіх алергія на прапаведнікаў, зьвярнуў увагу 13 сьнежня 2013 году падчас Імшы Папа Францішак. Паводле Сьвятога Айца гэтыя людзі баяцца адчыніць дзьверы для Сьвятога Духа, і адсюль іх стан пастаяннага смутку, незадаволенасьці.
Першаярарх УГКЦ адслужыў Боскую Літургію на галоўным алтары ў базыліцы Сьвятога Пятра 25 лістапада 2013 году, у сьвята сьвятамучаніка Язафата, архібіскупа Полацкага (паводле старога стылю), Першаярарх УГКЦ Яго Блаславенства Сьвятаслаў (Шаўчук), з асаблівага дазволу Біскупа Рыму Папы Францішка на галоўным алтары ватыканскай базылікі Сьвятога Пятра ўзначаліў урачыстую Архірэйскую Боскую Літургію з нагоды 50-годдзя перанясеньня ў Рым мошчаў сьвятога Язафата, мучаніка за еднасьць Царквы — паведамляе Ўкраінская служба Радыё Ватыкану. Ва ўрачыстасьці брала ўдзел і дэлегацыя беларускіх грэка-католікаў.
27.11.2013
Папа на заканчэньне Году веры: паставіць Хрыста ў цэнтар жыцьця Сваю гамілію падчас Еўхарыстыі ва ўрачыстасьць Хрыста Валадара Сусьвету 24 лістапада 2013 году Папа Францішак прысьвяціў цэнтральнаму месцу Госпада Ісуса Хрыста ў жыцьці чалавека і гісторыі. Гэтае набажэнства сталася ўрачыстым заканчэньнем Году веры, які быў абвешчаны Бенядыктам XVI, паведамляе Беларуская рэдакцыя Ватыканскага радыё.
Папа на заканчэньне Году веры: паставіць Хрыста ў цэнтар жыцьця
Сваю гамілію падчас Еўхарыстыі ва ўрачыстасьць Хрыста Валадара Сусьвету 24 лістапада 2013 году Папа Францішак прысьвяціў цэнтральнаму месцу Госпада Ісуса Хрыста ў жыцьці чалавека і гісторыі. Гэтае набажэнства сталася ўрачыстым заканчэньнем Году веры, які быў абвешчаны Бенядыктам XVI, паведамляе Беларуская рэдакцыя Ватыканскага радыё.
Выстаўленьне сьвятых рэліквіяў апостала Пятра.Перад пачаткам сьв. Імшы на плошчы сьв. Пятра, упершыню для публічнага ўшанаваньня былі выстаўлены рэліквіі вярхоўнага апостала Пятра, зьмешчаныя ў сьпецыяльную бронзавую скрыню. Рэліквіяр быў урачыста вынесены ў працэсіі і ўсталяваны каля галоўнага алтара.
Рэліквіі апостала былі знойдзены ў базыліцы сьв. Пятра ўнутры нішы ў сьцяне гроту эпохі імператара Канстанціна. Было прынята рашэньне прыступіць да іх вывучэньня і аналізу. Гэтую працу даручылі эксьпертам і сьпецыялістам у галіне эксьперыментальных навук, з удзелам антраполага Венеранда Карэнці. Тое, што рэліквіі належаць апосталу Пятру, было абвешчана папам Паўлам VI 26 чэрвеня 1968 году. З 1971 году сьвятыя рэліквіі апостала Пятра захоўваліся ў папскіх апартаментах да канца пантыфікату Бенядыкта XVI. У апошнія гады рэліквіі пачалі выстаўляць для ўшанаваньня штогод 29 чэрвеня, ва ўрачыстасьць сьвятых апосталаў Пятра і Паўла, у прыватнай капліцы Рымскага Архірэя.
Разам з Сьвятым Айцом саслужылі зьверхнікі Ўсходніх Каталіцкіх Цэркваў, сярод іх — Першаярарх УГКЦ Сьвятаслаў (Шаўчук) і біскупы Сіноду УГКЦ з Украіны і з-за мяжы. Агульная колькасьць біскупаў і сьвятароў, якія маліліся разам з Рымскім Архірэем на ўрачыстым набажэнстве з нагоды закрыцьця Году веры, складала больш за 1200 чалавек. Сярод сьвятароў былі таксама і беларускія грэка-каталіцкія сьвятары.
У сваёй гаміліі падчас сьв. Імшы Папа Францішак нагадаў, што апостал Павел паказваў Хрыста, “як цэнтар усяго”, пачатак кожнага стварэньня, якому Бог даў поўню, “каб у Ім прымірылася ўсё”. “Ад верніка, калі ён хоча быць такім, патрабуецца прызнаць і прыняць у жыцьці гэтае цэнтральнае месца Ісуса Хрыста, у думках, словах і справах. І так нашыя думкі стануць хрысьціянскімі, думкамі Хрыста. Нашыя справы стануць хрысьціянскімі, справамі Хрыста. Нашыя словы стануць хрысьціянскімі, словамі Хрыста. Але калі губляецца гэты цэнтар, бо замяняецца нечым іншым, наносіцца толькі шкода асяроддзю, што вакол нас, і самаму чалавеку”, — адзначыў Рымскі Архірэй.
Францішак падкрэсьліў таксама, што Хрыстос зьяўляецца цэнтрам Народу Божага — у ім споўнена чаканьне народу Ізраіля пра караля, які будзе блізкім, згодным суправаджаць на жыцьцёвым шляху і стане іх братам.
Сьвяты Айцец Францішак ушаноўвае рэліквіі сьв. апостала Пятра.“Хрыстос, нашчадак караля Давіда — гэта “брат” вакол якога ўтвараецца народ, брат, які клапоціцца пра свой народ, пра усіх нас, коштам свайго жыцьця. У ім мы адно — адзін народ; паяднаныя з Ім, разьдзяляем адзін і той жа шлях, адзін лёс. Толькі у Ім, як у цэнтры, мы маем ідэнтычнасьць народа”, — адзначыў Папа.
Сьвяты Айцец падкрэсьліў, што калі Хрыстос знаходзіцца у цэнтры жыцьця чалавека асьвятляюцца нават самыя цёмныя моманты, як адбылося са злачынцам, якога Ісус прабачыў на крыжы. “Ісус прамовіў толькі слова прабачэньня, а не асуджэньня. І калі чалавек знаходзіць адвагу прасіць гэтага прабачэньня, Госпад ніколі не пакіне без адказу такую просьбу”, — сказаў Папа.
Францішак заклікаў вернікаў паразважаць пра сваё жыцьцё і, усьведамляючы ўласную слабасьць, зьвярнуцца да Хрыста з словамі: “Успомні мяне Госпадзе, калі прыйдзеш у Валадарстве сваім”.
Сьвяты Айцец адзначыў, што абяцаньне збаўленьня, дадзенае злачынцы, дае таксама і нам сёньня вялікую надзею, яно сьведчыць, што ласка Божая заўсёды пераўзыходзіць малітву таго, хто просіць. “Госпад заўсёды дае больш, Ён вельмі шчодры”, — сказаў Папа.
Падчас урачыстага набажэнства перад базылікай сьв. Пятра на закрыцьцё Году веры ў Каталіцкай Царкве Рымскі Архірэй асобна ўзгадаў таксама прыклад хрысьціянаў Усходніх Цэркваў, іх вернасьць Біскупу Рыму, праяўленую часта ў вельмі неспрыяльных умовах. “Жадаю зьвярнуцца да тут прысутных патрыярхаў і вярхоўных архібіскупаў Усходніх Цэркваў. Пацалунак міру, якім абменьваемся з вамі, азначае, перш за ўсё, вызнаньне Біскупа Рыму вашымі супольнасьцямі, якія вельмі часта нават дарагой цаной сьведчылі сваю вернасьць”, — адзначыў Папа Францыск ў пропаведзі.