У пасланьні перад бласлаўленьнем “Urbi et Orbi” (“Гораду і сьвету”) Папа Францішак заклікаў людзей дазволіць пяшчоце Бога, Які стаўся Дзіцяткам, сагрэць іхныя сэрцы. Сьвяты Айцец зьвярнуўся да вернікаў з цэнтральнай лоджыі базылікі сьв. Пятра 25 сьнежня 2013 году, ва ўрачыстасьць Нараджэньня Хрыстова. 
Апостальскі нунцый у Беларусі архібіскуп Клаўдыё Гуджэроцьці праз каталіцкі інтэрнэт-партал Catholic.by павінашаваў беларускі народ з сьвятам Нараджэньня Хрыстовага. 
З нагоды сьвята Нараджэньня Хрыстовага Апостальскі Візітатар для беларусаў грэка-католікаў у замежжы айцец Аляксандар Надсан зьвярнуўся да вернікаў з сваім сьвяточным пасланьнем. 
Пра тое, як Царква павінна размаўляць з сьветам, які забыўся пра Бога, ці можа сама Царква зьмяняцца і наколькі — гэтыя пытаньні закрануў у сваіх адказах Старшыня Папскай Рады па спрыяньні еднасьці хрысьціянаў кардынал Курт Кох на прэс-канферэнцыі ў Маскве 17 сьнежня 2013 году, паведамляе “Благовест-инфо”. 
Залагоджваньне канфліктнай сітуацыі паміж грэка-католікамі і праваслаўнымі на Заходняй Украіне на думку кардынала Курта Коха, старшыні Папскай Рады па спрыяньні еднасьці хрысьціянаў, павінна адбывацца намаганьнямі абодвух бакоў, паведамляе расейскае агенцтва рэлігійнай інфармацыі “Благовест-инфо”. 
Складанасьці дыялогу з праваслаўнымі Цэрквамі палягаюць на тым, што часам існуе больш адрозьненьняў паміж імі самімі, чым паміж памеснымі праваслаўнымі Цэрквамі і Каталіцкай Царквой, адзначыў кардынал Курт Кох, старшыня Папскай Рады спрыяньня еднасьці хрысьціянаў, 16 сьнежня 2013 г. падчас сустрэчы ў Санкт-Пецярбургу з каталіцкімі семінарыстамі і духавенствам паўночна-заходняга рэгіёну архідыяцэзіі Маці Божай у Маскве. 
На трывожную зьяву ў Царкве, якой зьяўляецца катэгорыя заўсёды незадаволеных хрысьціянаў, у якіх алергія на прапаведнікаў, зьвярнуў увагу 13 сьнежня 2013 году падчас Імшы Папа Францішак. Паводле Сьвятога Айца гэтыя людзі баяцца адчыніць дзьверы для Сьвятога Духа, і адсюль іх стан пастаяннага смутку, незадаволенасьці. 
З Блаславеньня Апостальскага нунцыя ў Беларусі Высокадастойнага Ўладыкі Архібіскупа Клаўдзія ( 
25 лістапада 2013 году, у сьвята сьвятамучаніка Язафата, архібіскупа Полацкага (паводле старога стылю), Першаярарх УГКЦ Яго Блаславенства Сьвятаслаў (Шаўчук), з асаблівага дазволу Біскупа Рыму Папы Францішка на галоўным алтары ватыканскай базылікі Сьвятога Пятра ўзначаліў урачыстую Архірэйскую Боскую Літургію з нагоды 50-годдзя перанясеньня ў Рым мошчаў сьвятога Язафата, мучаніка за еднасьць Царквы — паведамляе Ўкраінская служба Радыё Ватыкану. Ва ўрачыстасьці брала ўдзел і дэлегацыя беларускіх грэка-католікаў. 
Сваю гамілію падчас Еўхарыстыі ва ўрачыстасьць Хрыста Валадара Сусьвету 24 лістапада 2013 году Папа Францішак прысьвяціў цэнтральнаму месцу Госпада Ісуса Хрыста ў жыцьці чалавека і гісторыі. Гэтае набажэнства сталася ўрачыстым заканчэньнем Году веры, які быў абвешчаны Бенядыктам XVI, паведамляе Беларуская рэдакцыя Ватыканскага радыё. 
Галоўная 
Навіны за 2013 год
Затым Уладыка Клаўдзі (Гуджэроцьці) зьвярнуўся з словамі віншаваньня да ўсяго беларускага народу, заклікаў яго не пераставаць шукаць сэнс жыцьця, каб спаткацца з прыгожым і вечным і адшукаць Збаўцу: “Віншую беларускі народ — веруючых і ўсіх тых, хто, не зьвязваючы сябе ані з якой рэлігіяй, шукае сэнс жыцьця. Жадаю ўсім, каб не пераставалі шукаць. Той, хто шукае – жыве. Той, хто шукае, кожны дзень пераадольвае сябе ў пошуках новых магчымасьцяў. Мы — хрысьціяне — абвяшчаем вам Дзіцятка, што нарадзілася ў Бэтлееме. Для нас гэта Сын Божы, Які прынёс любоў Айца і засьведчыў аб ёй, не выракаючыся нават тады, калі мы ўкрыжавалі Яго.
Навіны за 2013 год
25.12.2013
Каляднае віншаваньне Апостальскага нунцыя ў Беларусі
Апостальскі нунцый у Беларусі архібіскуп Клаўдыё Гуджэроцьці праз каталіцкі інтэрнэт-партал Catholic.by павінашаваў беларускі народ з сьвятам Нараджэньня Хрыстовага.
У сваім сьвяточным пасланьні прадстаўнік Сьвятога Пасаду найперш падзякаваў супрацоўнікам інтэрнэт-парталу Catholic.by, “дзякуючы кампетэнтнай і ахвярнай працы якіх таксама і Апостальская Нунцыятура магла данесьці свой голас да грамадзтва і Царквы, як у прыгожыя, так і ў складаныя моманты”.
Затым Уладыка Клаўдзі (Гуджэроцьці) зьвярнуўся з словамі віншаваньня да ўсяго беларускага народу, заклікаў яго не пераставаць шукаць сэнс жыцьця, каб спаткацца з прыгожым і вечным і адшукаць Збаўцу: “Віншую беларускі народ — веруючых і ўсіх тых, хто, не зьвязваючы сябе ані з якой рэлігіяй, шукае сэнс жыцьця. Жадаю ўсім, каб не пераставалі шукаць. Той, хто шукае – жыве. Той, хто шукае, кожны дзень пераадольвае сябе ў пошуках новых магчымасьцяў. Мы — хрысьціяне — абвяшчаем вам Дзіцятка, што нарадзілася ў Бэтлееме. Для нас гэта Сын Божы, Які прынёс любоў Айца і засьведчыў аб ёй, не выракаючыся нават тады, калі мы ўкрыжавалі Яго.Божае Нараджэньне — гэта не гісторыя, прыдуманая для дзяцей, як нас намагаліся пераканаць. Гэта надзея чалавецтва, сэнс чалавечага жыцьця.
І калі мы – хрысьціяне – не заўсёды пасьлядоўныя ў нашым жыцьці, не адкідвайце дзеля гэтага нагоду спаткацца з Богам, толькі таму, што ў нас не заўсёды можна ўбачыць Божы вобраз. Калі вашы дзьверы застануцца адчыненымі, штосьці вялікае здарыцца і ў вашым жыцьці. Як і калі гэта адбудзецца — гэтага мы таксама ня ведаем. Гэта ведае толькі Бог, які чакае вас ад моманту вашага нараджэньня.
Хрысьціянам, асабліва католікам, жадаю перажыць захапленьне пастухоў перад абліччам анёлаў, якія ўначы абвясьцілі нараджэньне Збаўцы. Жадаю адправіцца ў дарогу разам з пастухамі, каб шукаць Яго. Гэта асаблівы час, калі можна спаткаць Збаўцу. У дарозе да Бэтлеема адчуваем сябе сваякамі Бога, Які ўсіх любіць і прыцягвае ўсіх да Сябе. Божым Нараджэньнем станем таксама мы, калі той, хто нас убачыць, зразумее, што мы спаткаліся з прыгожым і вечным. Добрых сьвятаў Божага Нараджэньня жадае вам Папа Францішак”.
Гл. таксама:
Клаўдыё Гуджэроцьці: «Усім я жадаю свабоды мараў і веры ў тое, што няма нічога немагчымага»
Збаўленыя Божаю любоўю
Апостальскі нунцый у Берасьці сустрэўся з грэка-католікамі
Свабода ня можа быць без духоўнасьці
Напярэдадні Калядаў Апостальскі нунцый сустрэўся з грэка-каталіцкім духавенствам
Гэты артыкул чыталі 155 разоў (-ы)
