29 сакавіка 2014 году ў Ватыкане паведамлена пра тое, што Папа Францішак зацьвердзіў Старшынём Папскай Рады па міжрэлігійным дыялогу французскага кардынала Жан-Луі Тарана, а сакратаром — гішпанскага тэолага а. Мігеля Анхеля Аюса Гіксота (на гэтай пасадзе ён з 2012 году). 
У італійскім выдавецтве «Queriniana» выйшла кніга кардынала Вальтара Каспэра «Евангельле сям’і». У ёй падаецца поўны тэкст Уступнага слова гэтага нямецкага кардынала, прамоўленага ім нядаўна на Пазачарговай кансісторыі на тэму сям’і. Сярод «вострых» тэмаў кнігі — пытаньне пра дапушчэньне разьведзеных, што ўзялі другі шлюб, да сьв. Прычасьця. 
Падчас пленарнага паседжаньня Канферэнцыі каталіцкіх біскупаў Індыі, якое адбываецца раз ў два гады, яе члены абралі кардынала Базіліяса Кліміса Татункала ў якасьці новага старшыні, паведамляе агенцтва тэленавінаў Rome Repoprts. 
Сьвяты Айцец Францішак 19 лютага 2014 году пацьвердзіў паўнамоцтвы кардынала Леанарда Сандры на пасадзе прэфекта Кангрэгацыі Ўсходніх Цэркваў і архібіскупа Цырыла Васіля, SJ на пасадзе сакратара гэтай дыкастэрыі — паведамляе афіцыйны ватыканскі сайт News.va. 
Папа Францішак 19 лютага 2014 году заклікаў спыніць ужываньне сілы ў процістаяньні ва Ўкраіне — паведамляе Ватыканскае радыё. “З глыбокай занепакоенасьцю я сачу за тым, што адбываецца ў гэтыя дні ў Кіеве”, — прызнаўся Сьвяты Айцец на заканчэньне агульнай аўдыенцыі на плошчы сьв. Пятра, на якой прысутнічала каля 20 тысячаў вернікаў. 
14 лютага 2014 году Папа Францішак прыняў на аўдыенцыі ў Доме сьв. Марты заснавальнікаў і лідараў каталіцкага руху “Неакатэхуменальны шлях” Кіка Аргуэльё, Кармэн Эрнандэс і а. Марыё Пеццы. Як паведамляе Ватыканскае радыё, падчас сустрэчы Сьвяты Айцец перадаў блаславеньне 28 сьвятарам, якія будуць адказныя за евангелізацыйныя місіі у 11 краінах Еўропы і ЗША. 
З абраньнем Папы Францішка наступіла новая культура ў прыняцьці рашэньняў у Ватыкане, лічыць былы старшыня Папскай Рады па спрыяньні еднасьці хрысьціянаў кардынал Вальтэр Каспэр. “Папа імкнецца да свабоднай дыскусіі”, — сказаў журналістам у Мюнхене нямецкі кардынал. Як паведамляе Беларуская рэдакцыя Ватыканскага радыё, 14 лютага 2014 году кардынал Вальтэр Каспэр атрымаў там Нямецкую прэмію культуры. 
З 17 па 20 студзеня 2014 году дапаможны біскуп Львоўскі УГКЦ Уладыка Бенядыкт (Алексійчук) знаходзіўся з трохдзённым працоўным візітам у Беларусі — паведамляе сайт Львоўскай архіяпархіі УГКЦ. 
Пра тое, як адраджаецца ў Беларусі Грэка-Каталіцкая Царква, скасаваная расейскімі ўладамі больш за паўтары стагоддзі таму, пра яе сучасных вернікаў і асаблівасьці душпастырскай працы — у матэрыяле Ксеніі Тарасевіч на сайце “Заўтра тваёй краіны”. 
Для хрысьціянскай любові заўсёды была характэрная “канкрэтнасьць”, якая праяўляецца “больш у справах, чым у словах”, “больш у даваньні, чым атрыманьні” — пра гэта гаварыў на ранішняй сьв. Імшы 9 студзеня 2014 году Сьвяты Айцец Францішак. 
Галоўная 
Навіны за 2014 год
29 сакавіка 2014 году ў Ватыкане паведамлена пра тое, што Папа Францішак зацьвердзіў Старшынём Папскай Рады па міжрэлігійным дыялогу французскага кардынала Жан-Луі Тарана, а сакратаром — гішпанскага тэолага а. Мігеля Анхеля Аюса Гіксота (на гэтай пасадзе ён з 2012 году).
Навіны за 2014 год
02.04.2014
Новыя прызначэньні ў Рымскай курыі
29 сакавіка 2014 году ў Ватыкане паведамлена пра тое, што Папа Францішак зацьвердзіў Старшынём Папскай Рады па міжрэлігійным дыялогу французскага кардынала Жан-Луі Тарана, а сакратаром — гішпанскага тэолага а. Мігеля Анхеля Аюса Гіксота (на гэтай пасадзе ён з 2012 году). Кардынал Жан-Луі Таран з 2007 году ўзнанчальвае Папскую Раду па міжрэлігійным дыялогу. Айцец Мігель Аюса Гіксот доўгі час працаваў місіянерам у Судане і Ягіпце, узначальваў Папскі інстытут арабскіх і ісламскіх дасьледаваньняў. Зьяўляецца віцэ-прэфектам Камісіі па рэлігійных сувязях з мусульманамі.
Да сканчэньня пяцігадовага мандату зацьверджаны таксама папярэднія сябры і дарадцы Папскай Рады па міжрэлігійным дыялогу, а новым сябрам гэтай дыкастэрыі прызначаны Яго Блаславенства Патрыярх Луіс Рафаэль І Сака, Зьверхнік Халдэйскай Каталіцкай Царквы (Ірак). Сярод новапрызначаных дарадцаў узгадаем таксама архібіскупа Астаны (Казахстан) Томаша Бярнарда Пэту.
На служэньні Прэфекта Кангрэгацыі інстытутаў пасьвячанага жыцьця і таварыстваў апостальскага жыцьця Сьвяты Айцец зацьвердзіў бразільскага кардынала Жуана Браз дзі Авіза (узначальвае з 2012 году). Сакратара гэтай Кангрэгацыі архібіскупа Хасэ Радрыгеса Карбальё Папа Францішак прызначыў неўзабаве пасьля свайго абраньня. Таксама Рымскі Архірэй зацьвердзіў некаторых ранейшых і прызначыў новых сябраў і дарадцаў гэтага ведамства.
Італійскі кардынал Джанфранка Равазі працягне ўзначальваць Папскую Раду па культуры і Папскую камісію па сакральнай археалогіі, якія ён узначальвае з 2007 году. Пацьверджаны таксама паўнамоцтвы ўсіх іншых сябраў і дарадцаў гэтай дыкастэрыі да заканчэньня пяцігадовага мандату (сярод іх — зьверхніка Мараніцкай Царквы кардынала Бешары Бутраса Раі, Патрыярха Антыёхіі), а таксама прызначаны некаторыя новыя.
Паводле матэрыялаў Ватыканскай інфармацыйнай службы.
Тэгі: Рымская курыя, Папа Францішак, Папская Рада па міжрэлігійным дыялогу, Кангрэгацыя інстытутаў пасьвячанага жыцьця і таварыстваў апостальскага жыцьця, Папская Рада па культуры, Жан-Луі Таран, Мігель Анхель Аюса Гіксот, Жуан Браз дзі Авіз, Хасэ Радрыгес Карбальё, Луіс Рафаэль І Сака, Джанфранка Равазі, Бешара Бутрас Раі
Гл. таксама:
Дэлегацыя з Ватыкану перадала пасланьне Папы Царкве Канстанцінопаля
Нясумны Папа, які любіць зьдзіўляць
Кампанія Ватыкану за мір і твіт Папы з нагоды завяршэньня Чэмпіянату сьвету па футболе
Дазволім сагрэць сэрцы пяшчотай Бога
Сьвяты Айцец пра заўсёды незадаволеных хрысьціянаў
Гэты артыкул чыталі 81 разоў (-ы)
