25 красавіка 2022 году Прэс-цэнтар Сьвятога Пасаду паведаміў, што Сьвяты Айцец Францішак прыняў адстаўку ад пастырскага кіраваньня грэка-каталіцкай Прэшаўскай архіяпархіяй у Славакіі архібіскупа-мітрапаліта Яна Бабяка, SJ. Адначасова Папа Францішак прызначыў біскупа Пятра Руснака з Браціслаўскай япархіі Апостальскім адміністратарам sede vacante Прэшаўскай архіяпархіі. 
6 красавіка 2022 году, напрыканцы агульнай аўдыенцыі, Папа Рымскі Францішак гаварыў пра вайну ва Ўкраіне і памаліўся з украінскімі дзецьмі, якія знайшлі прытулак у Рыме — паведамляе Vatican News. 
Ваенная агрэсія Расеі супраць Украіны зьяўляецца злачынствам супраць міжнароднага права, правоў чалавека, свабоды і гуманізму — лічаць члены Міжнароднай тэалагічнай камісіі. Пра гэта яны скіравалі адмысловую заяву — паведамляе Vatican News. 
Сьвяты Айцец завяршыў агульную аўдыенцыю, якая 16 сакавіка 2022 года прайшла ў ватыканскай Зале Паўла VI, адмысловай малітвай, якая нарадзілася ў сувязі з вайной ва Ўкраіне, паведамляе Vatican News. 
20 студзеня 2022 г. у грэка-каталіцкай царкве сьв. братоў-апосталаў Пятра і Андрэя адбылася Экуменічная малітоўная сустрэча з нагоды 500-годдзя выданьня “Малой падарожнай кніжкі” Францішка Скарыны, выдадзенай у Вільні ў 1522 г. 
Пасьля малітвы Анёл Гасподні, якая 16 студзеня 2022 году прайшла на плошчы сьвятога Пятра ў Ватыкане, Папа Рымскі Францішак скіраваў заклік у сувязі з набліжэньнем Тыдня малітваў за еднасьціь хрысьціянаў — паведамляе Беларуская рэдакцыя Vatican News. 
Візіт Папы Рымскага на Кіпр і ў Грэцыю стане важным крокам на шляху «дыялогу любові» з Праваслаўнымі Цэрквамі. Такое меркаваньне выказаў старшыня Папскай Рады па спрыяньні еднасьці хрысьціянаў, кардынал Курт Кох. 
Як інфармуе Vatican News, у сёлетнім традыцыйным пасланьні Канстанцінопальскаму патрыярху з нагоды сьвята апостала Андрэя Першапакліканага, брата сьвятога Пятра, Папа Рымскі Францішак адзначыў, што іх супольная адказнасьць перад абліччам сучасных выклікаў вынікае з іх агульнай веры. 
У нядзелю, 28 лістапада 2021 году Апостальскі нунцый у Беларусі архібіскуп Антэ Ёзіч наведаў грэка-каталіцкую парафію сьвятога і праведнага Язэпа ў Менску. 
З 21 лістапада ў грэка-каталіцкіх парафіях Беларусі пачалася душпастырская навэнна перад сьвятам Апостала Андрэя Першапакліканага — асаблівага апекуна і заступніка Ўсходняй (Візантыйскай) Царквы, якога шануюць хрысьціяне як на Ўсходзе, так і на Захадзе. 
Галоўная 
Навіны хрысьціянскага сьвету
На першай Боскай Літургіі ў новым храме ў Лангепасе, які зьяўляецца адным з цэнтраў расейскай нафтаздабычы, і падчас ўрачыстага асьвячэньня сьвятыні Ўладыку Верту саслужылі грэка-каталіцкія сьвятары з суседніх парафіяў: а. Пётр Паўлышын, парах грэка-каталіцкай супольнасьці ў Ніжневартаўску, і а. Алег Навасад, парах парафіі ў Сургуце. Прысутнічалі таксама вернікі з суседніх грэка-каталіцкіх парафіяў і прадстаўнікі дабрачыннага фонду “Renovabis”.
Гл. таксама:
Ватыкан: тэолагі асуджаюць расейскую агрэсію супраць Украіны
У грэка-католікаў Горадні пабывалі міністранты з Шчучына
Сьвяты Пасад пракаментаваў раскол паміж Масквой і Канстанцінопалем
Праваслаўныя беларусы — народ без сваёй Царквы
Япіскап Бенядыкт Алексійчук: Беларусь і Ўсходняя Ўкраіна мелі аднолькавыя стартавыя ўмовы, а вынікі — несувымерныя
Навіны хрысьціянскага сьвету
03.06.2014
У Расеі ў адным з цэнтраў нафтаздабычы асьвячаны новы грэка-каталіцкі храм
1 чэрвеня 2014 году біскуп Ёзаф Верт, ардынарый расейскіх католікаў візантыйскага абраду, падчас свайго пастырскага візіту асьвяціў новаўзьведзены грэка-каталіцкі храм у гонар Сьвятой Тройцы ў горадзе Лангепас (Ханты-Мансійская аўтаномная акруга), паведамляе Сібірская каталіцкая газета.
На першай Боскай Літургіі ў новым храме ў Лангепасе, які зьяўляецца адным з цэнтраў расейскай нафтаздабычы, і падчас ўрачыстага асьвячэньня сьвятыні Ўладыку Верту саслужылі грэка-каталіцкія сьвятары з суседніх парафіяў: а. Пётр Паўлышын, парах грэка-каталіцкай супольнасьці ў Ніжневартаўску, і а. Алег Навасад, парах парафіі ў Сургуце. Прысутнічалі таксама вернікі з суседніх грэка-каталіцкіх парафіяў і прадстаўнікі дабрачыннага фонду “Renovabis”.“Гэта вельмі важная падзея для парафіянаў, — адзначае парах грэка-каталіцкай супольнасьці ў Лангепасе сьвятар Васіль Мельніковіч, — таму што раней для малітвы мы зьбіраліся ў кватэрах ці іншых памяшканьнях. Цяпер мы можам славіць Бога ў новым храме. Сёньня мы дзякуем Богу і ўладыку за блаславеньне і асьвячэньне храму. Таксама мы прыносім вялікую падзяку ўсім фундатарам і тым, хто дапамагаў у будаўніцтве”.
Падчас свайго тыднёвага пастырскага візіту на поўнач Цюменскай вобласьці з 24 траўня па 1 чэрвеня Ўладыка Верт наведаў і іншыя грэка-каталіцкія парафіі ў Ханты-Мансійскай аўтаномнай акрузе: у Сургуце, дзе існуе парафія ў гонар Нараджэньня Найсьвяцейшай Багародзіцы, у Ніжневартаўску — парафія сьв. Мікалая, у Радужным — парафія Архістратыга Міхаіла і ў Мегіёне — парафія Трох Сьвяціцеляў. Паўсюль ён узначальваў набажэнствы ў візантыйскім абрадзе, сустракаўся з вернікамі і праводзіў з імі духоўныя размовы.
Фота: Сібірская каталіцкая газета.
Гл. таксама:
Ватыкан: тэолагі асуджаюць расейскую агрэсію супраць Украіны
У грэка-католікаў Горадні пабывалі міністранты з Шчучына
Сьвяты Пасад пракаментаваў раскол паміж Масквой і Канстанцінопалем
Праваслаўныя беларусы — народ без сваёй Царквы
Япіскап Бенядыкт Алексійчук: Беларусь і Ўсходняя Ўкраіна мелі аднолькавыя стартавыя ўмовы, а вынікі — несувымерныя
Гэты артыкул чыталі 100 разоў (-ы)
