Мы ідзем наперад маленькімі крокамі, але зрухі ёсьць. Прагрэс экуменічнага дыялогу часта патрабуе ахвярнасьці і цярпеньня, і нярэдка яго цаною становіцца кроў мучанікаў. Пра гэта казаў старшыня Папскай Рады па спрыяньні еднасьці хрысьціянаў у інтэрв’ю газеце “L’Osservatore Romano”, — паведамляе Беларуская рэдакцыя Ватыканскага радыё. 
10 ліпеня Зьверхнік Украінскай Грэка-Каталіцкай Царквы Вярхоўны Архібіскуп Сьвятаслаў (Шаўчук) распачаў свой візіт у Бразілію. Галоўная мэта візіту ўкраінскага першаярарха ў гэтую лацінаамерыканскую краіну — увядзеньне на новы ўрад у нядаўна ўтворанай новай грэка-каталіцкай мітраполіі двух біскупаў Уладзіміра Ковбыча) і Мірона Мазура. 
7 ліпеня 2014 году, у капліцы ватыканскай рэзідэнцыі “Дом сьвятой Марты”, Папа Францішак адслужыў Сьвятую Імшу разам з шасьцю асобамі з Вялікабрытаніі, Ірландыі і Германіі, якія ў свой час пацярпелі ад сэксуальных дамаганьняў з боку прадстаўнікоў духавенства. 
9 ліпеня 2014 году распачынаецца традыцыйная штогадовая пілігрымка беларускіх грэка-католікаў з Віцебску ў Полацак. Гэтая пілігрымка будзе ўжо 20-ая. 
29 чэрвеня 2014 году ў галілейскім горадзе Хайфа (Ізраіль), падчас нядзельнай Боскай Літургіі ў грэка-каталіцкім храме “Дом Ласкі”, якую ўзначальваў Апостальскі Візітатар БГКЦ Архімандрыт Сяргей (Гаек), вернікі ўшанавалі памяць блаславёнага сьвятамучаніка Мікалая (Чарнецкага). 
Патранальнае сьвята ў гонар сьвятых братоў-апосталаў Пятра і Андрэя — апекуноў хрысьціянскага Захаду і Ўсходу — адзначыла 28 чэрвеня 2014 году грэка-каталіцкая парафія ў Берасьці. Свае сьвяткаваньні грэка-католікі спалучылі з ушанаваньнем цудатворнай іконы Маці Божай Берасьцейскай і малітвай за мір паміж краінамі-суседзямі Беларусі. 
Падчас пілігрымкі вялікай групы беларускіх католікаў у Сьвятую Зямлю 27 чэрвеня 2014 году ў Назарэце адбылося ўрачыстае асьвячэньне мазаікі абраза Маці Божай Будслаўскай. Тысячы пілігрымаў з розных куткоў сьвету, якія штодня прыбываюць на Сьвятую Зямлю, цяпер будць атрымліваць інфармацыю і пра беларускае хрысьціянства. 
У месцы нараджэньня Ісуса Хрыста — Бэтлееме, дзе жыве адна з найстарэйшых хрысьціянскіх супольнасьцяў у сьвеце, у царкве Найсьвяцейшай Багародзіцы, якая належыць мельхіцкім грэка-католікам, 22 чэрвеня 2014 году падчас нядзельнай сьв. Літургіі маліліся за хрысьціянаў Беларусі. 
Пра важнасьць прыналежнасьці да Царквы, народу Божага, і пра тое, што ніхто не становіцца хрысьціянінам сам па сабе гаварыў Папа Францішак у сваёй катэхезе падчас агульнай аўдыенцыі на плошчы сьв. Пятра 25 чэрвеня 2014 году, працягваючы цыкл павучаньняў пра Царкву. 
Зьверхнік УГКЦ Вярхоўны Архібіскуп Сьвятаслаў Шаўчук заклікаў праваслаўных расіянаў да прымірэньня. Як паведамляе Дэпартамент інфармацыі УГКЦ, у інтэрв’ю для інфармацыйнага агенцтва AsiaNews грэка-каталіцкі ярарх таксама адзначыў важнасьць, каб РПЦ МП прызнала годнасьць украінскага народу і стала адкрытай на шчыры і сумленны дыялог, заснаваны на праўдзе. 
Галоўная 
Навіны за 2014 год
Гл. таксама:
Прадстаўнік Папскай Рады па спрыяньні еднасьці хрысьціянаў пра сустрэчу Папы Рымскага і Маскоўскага Патрыярха
Патрыяршы Сабор УГКЦ зьбярэ дэлегатаў з 57 краінаў
Маскоўскі патрыярхат заклікае багасловаў зноў абмеркаваць “праблему уніі”
Зьверхнік УГКЦ распавёў Сьвятому Айцу пра “боль ўкраінскага народу”
Першаярарх УГКЦ запрасіў Папу Францішка ва Ўкраіну
Навіны за 2014 год
26.06.2014
Зьверхнік УГКЦ праваслаўным расіянам: “Мы ня вашыя ворагі, мы вам браты ў Хрысьце”
Зьверхнік УГКЦ Вярхоўны Архібіскуп Сьвятаслаў Шаўчук заклікаў праваслаўных расіянаў да прымірэньня. Як паведамляе Дэпартамент інфармацыі УГКЦ, у інтэрв’ю для інфармацыйнага агенцтва AsiaNews грэка-каталіцкі ярарх таксама адзначыў важнасьць, каб РПЦ МП прызнала годнасьць украінскага народу і стала адкрытай на шчыры і сумленны дыялог, заснаваны на праўдзе.
“Ня верце прапагандзе! 
Мы ня вашыя ворагі, мы вам браты ў Хрысьце! Мы прагнем быць добрымі суседзямі, мець сяброўскія адносіны і шчыльнае супрацоўніцтва з вамі,” — такімі словамі зьвярнуўся Першаярарх Украінскай Грэка-Каталіцкай Царквы Яго Блаславенства Сьвятаслаў (Шаўчук) да расейскіх братоў-праваслаўных. Пра гэта гаворыцца ў матэрыяле інфармацыйнага агенцтва AsiaNews.it, які напісаны на падставе тэлефоннай размовы са Зьверхнікам УГКЦ.
Мы ня вашыя ворагі, мы вам браты ў Хрысьце! Мы прагнем быць добрымі суседзямі, мець сяброўскія адносіны і шчыльнае супрацоўніцтва з вамі,” — такімі словамі зьвярнуўся Першаярарх Украінскай Грэка-Каталіцкай Царквы Яго Блаславенства Сьвятаслаў (Шаўчук) да расейскіх братоў-праваслаўных. Пра гэта гаворыцца ў матэрыяле інфармацыйнага агенцтва AsiaNews.it, які напісаны на падставе тэлефоннай размовы са Зьверхнікам УГКЦ.“Мы шкадуем, што расейская дзяржаўная прапаганда стварае вобраз Украіны як ворага”, — дадаў ён у размове з AsiaNews. Уладыка Сьвятаслаў (Шаўчук) падкрэсьліў, што Ўкраінская Грэка-Каталіцкая Царква ня хоча рабіць нічога такога, што магло б “шкодзіць ці пазбаўляць годнасьці або свабоды Расейскай Праваслаўнай Царквы”. “Мы проста хочам адкрытага і сумленнага дыялогу, які ў выніку можа прывесьці аднойчы да прымірэньня”, — сказаў Першаярарх УГКЦ.
Грэка-каталіцкі ярарх сказаў, што шкадуе аб тым, што “нашыя браты і сёстры нападаюць на УГКЦ з дапамогай тактыкі дзяржаўнай прапаганды, а не праз адпаведнае царкоўнае паведамленьне”.
Пры гэтым ён адзначыў, што кантакты з Украінскай Праваслаўнай Царквой Маскоўскага Патрыярхату сёньня выдатныя. Таксама Ўладыка Сьвятаслаў Шаўчук заўважыў, што ва Ўкраіне ўсе хрысьціянскія Цэрквы, а таксама габрэі і мусульмане заўсёды былі згодныя па кожнай пазіцыі адносна цяперашняга крызісу, і наогул “няма абсалютна ніякай напружанасьці паміж рознымі канфесіямі ва Ўкраіне”.
Напрыканцы размовы Зьверхнік УГКЦ сказаў, што “Масква можа тлумачыць сацыяльныя падзеі ва Ўкраіне па-свойму, але мы, хрысьціяне, павінны заўсёды гаварыць праўду”. Ярархам Расейскай Праваслаўнай Царквы трэба “пазбавіцца ад палітычнай ідэалогіі”. “Пакуль яны не прызнаюць рэальнасьць, заўсёды будзе напружанасьць, — адзначыў Вярхоўны Архібіскуп УГКЦ Сьвятаслаў Шаўчук. — Але я веру ў духоўную мудрасьць праваслаўных біскупаў, што яны здолеюць вызваліцца ад палітычнай ідэалогіі, бо калі Царква застанецца палітызаванай, яна заўсёды будзе ўцягнутая, каб рознымі спосабамі рабіць палітыку і ў розных краінах, у той час як Царква павінна спрыяць еднасьці, а не падзелам”.
Гл. таксама:
Прадстаўнік Папскай Рады па спрыяньні еднасьці хрысьціянаў пра сустрэчу Папы Рымскага і Маскоўскага Патрыярха
Патрыяршы Сабор УГКЦ зьбярэ дэлегатаў з 57 краінаў
Маскоўскі патрыярхат заклікае багасловаў зноў абмеркаваць “праблему уніі”
Зьверхнік УГКЦ распавёў Сьвятому Айцу пра “боль ўкраінскага народу”
Першаярарх УГКЦ запрасіў Папу Францішка ва Ўкраіну
Гэты артыкул чыталі 119 разоў (-ы)
