Мы ідзем наперад маленькімі крокамі, але зрухі ёсьць. Прагрэс экуменічнага дыялогу часта патрабуе ахвярнасьці і цярпеньня, і нярэдка яго цаною становіцца кроў мучанікаў. Пра гэта казаў старшыня Папскай Рады па спрыяньні еднасьці хрысьціянаў у інтэрв’ю газеце “L’Osservatore Romano”, — паведамляе Беларуская рэдакцыя Ватыканскага радыё. 
10 ліпеня Зьверхнік Украінскай Грэка-Каталіцкай Царквы Вярхоўны Архібіскуп Сьвятаслаў (Шаўчук) распачаў свой візіт у Бразілію. Галоўная мэта візіту ўкраінскага першаярарха ў гэтую лацінаамерыканскую краіну — увядзеньне на новы ўрад у нядаўна ўтворанай новай грэка-каталіцкай мітраполіі двух біскупаў Уладзіміра Ковбыча) і Мірона Мазура. 
7 ліпеня 2014 году, у капліцы ватыканскай рэзідэнцыі “Дом сьвятой Марты”, Папа Францішак адслужыў Сьвятую Імшу разам з шасьцю асобамі з Вялікабрытаніі, Ірландыі і Германіі, якія ў свой час пацярпелі ад сэксуальных дамаганьняў з боку прадстаўнікоў духавенства. 
9 ліпеня 2014 году распачынаецца традыцыйная штогадовая пілігрымка беларускіх грэка-католікаў з Віцебску ў Полацак. Гэтая пілігрымка будзе ўжо 20-ая. 
29 чэрвеня 2014 году ў галілейскім горадзе Хайфа (Ізраіль), падчас нядзельнай Боскай Літургіі ў грэка-каталіцкім храме “Дом Ласкі”, якую ўзначальваў Апостальскі Візітатар БГКЦ Архімандрыт Сяргей (Гаек), вернікі ўшанавалі памяць блаславёнага сьвятамучаніка Мікалая (Чарнецкага). 
Патранальнае сьвята ў гонар сьвятых братоў-апосталаў Пятра і Андрэя — апекуноў хрысьціянскага Захаду і Ўсходу — адзначыла 28 чэрвеня 2014 году грэка-каталіцкая парафія ў Берасьці. Свае сьвяткаваньні грэка-католікі спалучылі з ушанаваньнем цудатворнай іконы Маці Божай Берасьцейскай і малітвай за мір паміж краінамі-суседзямі Беларусі. 
Падчас пілігрымкі вялікай групы беларускіх католікаў у Сьвятую Зямлю 27 чэрвеня 2014 году ў Назарэце адбылося ўрачыстае асьвячэньне мазаікі абраза Маці Божай Будслаўскай. Тысячы пілігрымаў з розных куткоў сьвету, якія штодня прыбываюць на Сьвятую Зямлю, цяпер будць атрымліваць інфармацыю і пра беларускае хрысьціянства. 
У месцы нараджэньня Ісуса Хрыста — Бэтлееме, дзе жыве адна з найстарэйшых хрысьціянскіх супольнасьцяў у сьвеце, у царкве Найсьвяцейшай Багародзіцы, якая належыць мельхіцкім грэка-католікам, 22 чэрвеня 2014 году падчас нядзельнай сьв. Літургіі маліліся за хрысьціянаў Беларусі. 
Пра важнасьць прыналежнасьці да Царквы, народу Божага, і пра тое, што ніхто не становіцца хрысьціянінам сам па сабе гаварыў Папа Францішак у сваёй катэхезе падчас агульнай аўдыенцыі на плошчы сьв. Пятра 25 чэрвеня 2014 году, працягваючы цыкл павучаньняў пра Царкву. 
Зьверхнік УГКЦ Вярхоўны Архібіскуп Сьвятаслаў Шаўчук заклікаў праваслаўных расіянаў да прымірэньня. Як паведамляе Дэпартамент інфармацыі УГКЦ, у інтэрв’ю для інфармацыйнага агенцтва AsiaNews грэка-каталіцкі ярарх таксама адзначыў важнасьць, каб РПЦ МП прызнала годнасьць украінскага народу і стала адкрытай на шчыры і сумленны дыялог, заснаваны на праўдзе. 
Галоўная 
Навіны за 2014 год
Сёлетняя пілігрымка беларускіх грэка-католікаў будзе праходзіць пад дэвізам “Будзьце мужнымі! Адвагі!” Гэта словы, якія сьвяты Папа Ян Павел ІІ скіраваў беларускім грэка-католікам у 2005 годзе.
Навіны за 2014 год
07.07.2014
Беларускія грэка-католікі запрашаюць у пілігрымку ў Полацак
9 ліпеня 2014 году распачынаецца традыцыйная штогадовая пілігрымка беларускіх грэка-католікаў з Віцебску ў Полацак. Гэтая пілігрымка будзе ўжо 20-ая.
Сёлетняя пілігрымка беларускіх грэка-католікаў будзе праходзіць пад дэвізам “Будзьце мужнымі! Адвагі!” Гэта словы, якія сьвяты Папа Ян Павел ІІ скіраваў беларускім грэка-католікам у 2005 годзе.Пілігрымка пройдзе шляхам сьвятамучаніка Язафата, архібіскупа Полацкага, ад месца ягонага мучаніцтва ў Віцебску да яго былой катэдры — храму сьв. Сафіі ў Полацку, які стаў таксама месцам пакутніцкай сьмерці Полацкіх мучанікаў манахаў-базыліянаў 11 ліпеня 1705 году. Пілігрымы пройдуць гэты шлях за 4 дні: з серады (9 ліпеня) да суботы (12 ліпеня).
Пілігрымка пачынаецца ў сераду, 9 ліпеня, ранішняй малітвай у грэка-каталіцкім храме ў Віцебску па вул. 2-я Войкава, № 6 (скрыжаваньне з вул. Лявонава).
І этап: серада, 9 ліпеня: Віцебск — Шуміліна
ІІ этап: чацьвер, 10 ліпеня: Шуміліна — Обаль
ІІІ этап: пятніца, 11 ліпеня: Обаль — Гараны
ІV этап: субота, 12 ліпеня: Гараны — Струньне (месца рэзідэнцыі ўніяцкіх архібіскупаў) — Полацак
Урачыстае завяршэньне пілігрымкі — у нядзелю, 13 ліпеня, у Полацку, ля храму сьв. Параскевы Полацкай. Сьвяточная Боская Літургія распачнецца а 10.30 гадз.
Грэка-каталіцкая царква сьв. Параскевы Полацкай знаходзіцца па адрасе: г. Полацак, вул. Навасёлаў, 70. (Дабрацца можна ад вакзалу аўтобусам № 8 да канцовага прыпынку “вул. Бабушкіна”).
Для вернікаў, якія 13 ліпеня хацелі бы прыехаць на ўрачыстую сьв. Літургію ў Полацак, з Менску будзе арганізаваны сьпецыяльны аўтобус, які адправіцца ад станцыі метро “Усход” у нядзелю раніцай а 06.30 гадз. (Збор пілігрымаў а 06.15 гадз.).
Запісацца трэба да серады, 9 ліпеня, у а. Зьмітра Чарнеля, тэл. (+375-29) 214-72-20
або ў сястры Вікторыі (да аўторка), тэл. (+375-29) 309-86-02.
Усе, хто жадаў бы прыняць удзел у пілігрымцы разам з грэка-католікамі, могуць і самастойна далучыцца на любым этапе.
Тэлефоны для кантактаў:
а. Зьміцер Чарнель (+375-29) 675-29-97, Velcom
а. Яўген Усошын (+375-33) 631-55-24, МТС; (+375-29) 312-28-26, Velcom.
Гл. таксама:
Беларускія грэка-католікі запрашаюць у пілігрымку
Парафіяльнае сьвята ў гонар сьв. Язафата адзначылі ў Полацку
Грэка-католікі ўшанавалі памяць Полацкіх мучанікаў
Полацкая трагедыя 1705 году
Вернікі ўсходняга і лацінскага абрадаў разам ушанавалі памяць Яна Хрысьціцеля
Гэты артыкул чыталі 114 разоў (-ы)
