Бо ўсякая прырода зьвяроў і птушак, плазуноў і марскіх жывёлін таймуецца і ўтаймавана прыродаю чалавечай,
а язык утаймаваць ніхто зь людзей ня можа: гэта - неўтаймавальнае ліха; ён поўны сьмяротнай атруты. (Саборнае пасланьне сьв. ап. Якава 3:7-8)
Кардынал Кох пра стан экуменічнага дыялогу і новыя выклікі для хрысьціянства Мы ідзем наперад маленькімі крокамі, але зрухі ёсьць. Прагрэс экуменічнага дыялогу часта патрабуе ахвярнасьці і цярпеньня, і нярэдка яго цаною становіцца кроў мучанікаў. Пра гэта казаў старшыня Папскай Рады па спрыяньні еднасьці хрысьціянаў у інтэрв’ю газеце “L’Osservatore Romano”, — паведамляе Беларуская рэдакцыя Ватыканскага радыё.
У Хайфе ўшанавалі памяць блаславёнага Мікалая (Чарнецкага) 29 чэрвеня 2014 году ў галілейскім горадзе Хайфа (Ізраіль), падчас нядзельнай Боскай Літургіі ў грэка-каталіцкім храме “Дом Ласкі”, якую ўзначальваў Апостальскі Візітатар БГКЦ Архімандрыт Сяргей (Гаек), вернікі ўшанавалі памяць блаславёнага сьвятамучаніка Мікалая (Чарнецкага).
04.07.2014
Сьвята грэка-католікаў Берасьця — пад апекай Маці Божай Берасьцейскай Патранальнае сьвята ў гонар сьвятых братоў-апосталаў Пятра і Андрэя — апекуноў хрысьціянскага Захаду і Ўсходу — адзначыла 28 чэрвеня 2014 году грэка-каталіцкая парафія ў Берасьці. Свае сьвяткаваньні грэка-католікі спалучылі з ушанаваньнем цудатворнай іконы Маці Божай Берасьцейскай і малітвай за мір паміж краінамі-суседзямі Беларусі.
01.07.2014
Знак беларускай прысутнасьці на Сьвятой Зямлі Падчас пілігрымкі вялікай групы беларускіх католікаў у Сьвятую Зямлю 27 чэрвеня 2014 году ў Назарэце адбылося ўрачыстае асьвячэньне мазаікі абраза Маці Божай Будслаўскай. Тысячы пілігрымаў з розных куткоў сьвету, якія штодня прыбываюць на Сьвятую Зямлю, цяпер будць атрымліваць інфармацыю і пра беларускае хрысьціянства.
29.06.2014
У Бэтлееме грэка-католікі маліліся за хрысьціянаў Беларусі У месцы нараджэньня Ісуса Хрыста — Бэтлееме, дзе жыве адна з найстарэйшых хрысьціянскіх супольнасьцяў у сьвеце, у царкве Найсьвяцейшай Багародзіцы, якая належыць мельхіцкім грэка-католікам, 22 чэрвеня 2014 году падчас нядзельнай сьв. Літургіі маліліся за хрысьціянаў Беларусі.
27.06.2014
Папа: быць хрысьціянінам — быць прыналежным да Царквы Пра важнасьць прыналежнасьці да Царквы, народу Божага, і пра тое, што ніхто не становіцца хрысьціянінам сам па сабе гаварыў Папа Францішак у сваёй катэхезе падчас агульнай аўдыенцыі на плошчы сьв. Пятра 25 чэрвеня 2014 году, працягваючы цыкл павучаньняў пра Царкву.
26.06.2014
Зьверхнік УГКЦ праваслаўным расіянам: “Мы ня вашыя ворагі, мы вам браты ў Хрысьце” Зьверхнік УГКЦ Вярхоўны Архібіскуп Сьвятаслаў Шаўчук заклікаў праваслаўных расіянаў да прымірэньня. Як паведамляе Дэпартамент інфармацыі УГКЦ, у інтэрв’ю для інфармацыйнага агенцтва AsiaNews грэка-каталіцкі ярарх таксама адзначыў важнасьць, каб РПЦ МП прызнала годнасьць украінскага народу і стала адкрытай на шчыры і сумленны дыялог, заснаваны на праўдзе.
У новай грэка-каталіцкай мітраполіі ў Бразіліі Першаярарх УГКЦ зьдзейсьніў чын інтранізацыі новых правячых біскупаў
10 ліпеня Зьверхнік Украінскай Грэка-Каталіцкай Царквы Вярхоўны Архібіскуп Сьвятаслаў (Шаўчук) распачаў свой візіт у Бразілію. Галоўная мэта візіту ўкраінскага першаярарха ў гэтую лацінаамерыканскую краіну — увядзеньне на новы ўрад у нядаўна ўтворанай новай грэка-каталіцкай мітраполіі двух біскупаў Уладзіміра Ковбыча) і Мірона Мазура.
Акрамя гэтых двух галоўных урачыстых набажэнстваў, паведамляе Дэпартамент інфармацыі УГКЦ, у праграме візіту Першаярарха УГКЦ Сьвятаслава (Шаўчука) запланаваны сустрэчы з духавенствам, манаскімі супольнасьцямі і арганізацыямі сьвецкіх вернікаў УГКЦ у Бразіліі. Таксама ён сустрэнецца з прадстаўнікамі дзяржаўнай улады, кіраўнікамі органаў мясцовага самакіраваньня.
Чын інтранізацыі Ўладыкі Мірона (Мазура) на Япарха грэка-каталіцкай япархіі Беззаганнага Зачацьця Найсьвяцейшай Багародзіцы ў Прудэнтопалісе (Бразілія)..Рымскі Архірэй Францішак 12 траўня 2014 году узьняў колішнюю япархію Сьвятога Яна Хрысьціцеля УГКЦ у Бразіліі з цэнтрам у Курытыбе да статусу архіяпархіі. Першым архібіскупам і мітрапалітам з мітрапалічай рэзідэнцыяй у Курытыбе прызначаны ранейшы япарх Уладыка Ўладзімір (Коўбыч). Адначасова Рымскі Архірэй стварыў япархію Беззаганнага Зачацьця Найсьвяцейшай Багародзіцы УГКЦ з цэнтрам у Прудэнтопалісе, вылучыўшы яе тэрыторыю з новастворанай архіяпархіі Сьвятога Яна Хрысьціцеля і падпарадкаваўшы гэтаму мітрапалічаму пасаду. Першым епархам новастворанай япархіі прызначаны Ўладыка Мірон (Мазур), які да апошняга часу зьяўляўся біскупам-памочнікам Курытыбскай япархіі УГКЦ.
Першаярарх УГКЦ Сьвятаслаў (Шаўчук) і новыя правячыя архірэі ў Бразіліі.Стварэньне новай мітраполіі Зьверхнік Украінскай Грэка-Каталіцкай Царквы назваў новым крокам для ўмацаваньня і вызнаньня патрыяршай годнасьці УГКЦ. “Стварэньне новых структураў у Царкве — знак таго, што яна актыўна разьвіваецца і расьце. Стварэньне мітраполіі УГКЦ ў Бразіліі, ужо чацьвёртай за апошні перыяд, сьведчыць пра тое, што сёньня нашая Царква зрабіла важны крок у разьвіцьці сваёй памеснасьці на гэтых землях”, — сказаў Яго Блаславенства Сьвятаслаў у відэаблогу для “Жывога.ТБ”.
У нядзелю, 13 ліпеня 2014 году, у Прудэнтопалісе (Бразілія) Першаярарх УГКЦ зьдзейсьніў чын інтранізацыі Ўладыкі Мірона (Мазура) на Япарха грэка-каталіцкай япархіі Беззаганнага Зачацьця Найсьвяцейшай Багародзіцы. Падзея адбылася ў цяпер ужо катэдральным саборы Беззаганнага Зачацьця.
Урачыстасьць інтранізацыі новага грэка-каталіцкага япарха ў Прудэнтопалісе (Бразілія).Пасьля інтранізацыі распачалася Архірэйская Боская Літургія, якую са Зьверхнікам УГКЦ саслужылі Ўладыка Ўладзімір (Коўбыч), Архібіскуп і Мітрапаліт архіяпархіі Сьвятога Яна Хрысьціцеля, Уладыка Даніла (Казьлінскі), Апостальскі Адміністратар япархіі Покрыва Найсьвяцейшай Багародзіцы ў Аргентыне, рыма-каталіцкія біскупы Бразіліі і шматлікае духавенства новастворанай грэка-каталіцкай япархіі.
У казаньні Яго Блаславенства Сьвятаслаў (Шаўчук) распавёў, што новая структурная адзінка УГКЦ створана, улічваючы новыя выклікі для Грэка-Каталіцкай Царквы ў Бразіліі. Ён заклікаў маліцца за разьвіцьцё япархіі Беззаганнага Зачацьця Найсьвяцейшай Багародзіцы: “Маліцеся за тое, каб жыцьцё УГКЦ з стварэньнем гэтай новай япархіі актывізавалася і мела добрыя плады ў будучыні”.
15 ліпеня падобная ўрачыстасьць мела месца ў яшчэ адным бразільскім горадзе — Курытыбе. У гэты дзень адбылася інтранізацыя Ўладыкі Ўладзіміра (Коўбыча) на Архібіскупа і Мітрапаліта архіяпархіі Сьвятога Яна Хрысьціцеля.
Мы ідзем наперад маленькімі крокамі, але зрухі ёсьць. Прагрэс экуменічнага дыялогу часта патрабуе ахвярнасьці і цярпеньня, і нярэдка яго цаною становіцца кроў мучанікаў. Пра гэта казаў старшыня Папскай Рады па спрыяньні еднасьці хрысьціянаў у інтэрв’ю газеце “L’Osservatore Romano”, — паведамляе Беларуская рэдакцыя Ватыканскага радыё. 
10 ліпеня Зьверхнік Украінскай Грэка-Каталіцкай Царквы Вярхоўны Архібіскуп Сьвятаслаў (Шаўчук) распачаў свой візіт у Бразілію. Галоўная мэта візіту ўкраінскага першаярарха ў гэтую лацінаамерыканскую краіну — увядзеньне на новы ўрад у нядаўна ўтворанай новай грэка-каталіцкай мітраполіі двух біскупаў Уладзіміра Ковбыча) і Мірона Мазура. 
7 ліпеня 2014 году, у капліцы ватыканскай рэзідэнцыі “Дом сьвятой Марты”, Папа Францішак адслужыў Сьвятую Імшу разам з шасьцю асобамі з Вялікабрытаніі, Ірландыі і Германіі, якія ў свой час пацярпелі ад сэксуальных дамаганьняў з боку прадстаўнікоў духавенства. 
9 ліпеня 2014 году распачынаецца традыцыйная штогадовая пілігрымка беларускіх грэка-католікаў з Віцебску ў Полацак. Гэтая пілігрымка будзе ўжо 20-ая. 
29 чэрвеня 2014 году ў галілейскім горадзе Хайфа (Ізраіль), падчас нядзельнай Боскай Літургіі ў грэка-каталіцкім храме “Дом Ласкі”, якую ўзначальваў Апостальскі Візітатар БГКЦ Архімандрыт Сяргей (Гаек), вернікі ўшанавалі памяць блаславёнага сьвятамучаніка Мікалая (Чарнецкага). 
Патранальнае сьвята ў гонар сьвятых братоў-апосталаў Пятра і Андрэя — апекуноў хрысьціянскага Захаду і Ўсходу — адзначыла 28 чэрвеня 2014 году грэка-каталіцкая парафія ў Берасьці. Свае сьвяткаваньні грэка-католікі спалучылі з ушанаваньнем цудатворнай іконы Маці Божай Берасьцейскай і малітвай за мір паміж краінамі-суседзямі Беларусі. 
Падчас пілігрымкі вялікай групы беларускіх католікаў у Сьвятую Зямлю 27 чэрвеня 2014 году ў Назарэце адбылося ўрачыстае асьвячэньне мазаікі абраза Маці Божай Будслаўскай. Тысячы пілігрымаў з розных куткоў сьвету, якія штодня прыбываюць на Сьвятую Зямлю, цяпер будць атрымліваць інфармацыю і пра беларускае хрысьціянства. 
У месцы нараджэньня Ісуса Хрыста — Бэтлееме, дзе жыве адна з найстарэйшых хрысьціянскіх супольнасьцяў у сьвеце, у царкве Найсьвяцейшай Багародзіцы, якая належыць мельхіцкім грэка-католікам, 22 чэрвеня 2014 году падчас нядзельнай сьв. Літургіі маліліся за хрысьціянаў Беларусі. 
Пра важнасьць прыналежнасьці да Царквы, народу Божага, і пра тое, што ніхто не становіцца хрысьціянінам сам па сабе гаварыў Папа Францішак у сваёй катэхезе падчас агульнай аўдыенцыі на плошчы сьв. Пятра 25 чэрвеня 2014 году, працягваючы цыкл павучаньняў пра Царкву. 
Зьверхнік УГКЦ Вярхоўны Архібіскуп Сьвятаслаў Шаўчук заклікаў праваслаўных расіянаў да прымірэньня. Як паведамляе Дэпартамент інфармацыі УГКЦ, у інтэрв’ю для інфармацыйнага агенцтва AsiaNews грэка-каталіцкі ярарх таксама адзначыў важнасьць, каб РПЦ МП прызнала годнасьць украінскага народу і стала адкрытай на шчыры і сумленны дыялог, заснаваны на праўдзе. 
Навіны за 2014 год
