Бо паўстануць ілжэхрысты ды ілжэпрарокі, і дадуць азнакі і цуды, каб увесьці ў зман, калі магчыма, і выбраных.
А вы зважайце... (Паводле Марка Сьвятое Дабравесьце 13:22-23)
Папа хоча бачыць у новых біскупах асобаў, здольных абудзіць Царкву Сёньня патрэбныя біскупы, якія не задавальняюцца павярхоўным, але імкнуцца да глыбіняў, адкуль Сьвяты Дух працягвае натхняць сваю Царкву. З такімі словамі Папа Францішак 18 верасьня 2014 году ў Ватыкане зьвярнуўся да біскупаў, якія атрымалі хіратонію на працягу апошняга году — паведамляе Беларуская рэдакцыя Ватыканскага радыё.
21.09.2014
Сьвяткаваньні ў гонар сьвятога Язафата Кунцэвіча 20 гадоў споўнілася адноўленай грэка-каталіцкай парафіі сьвятога Язафата Кунцэвіча. З гэтай нагоды ў Лідзкай парафіі ягонага імя адбылося ўрачыстае набажэнства, у якім узяў удзел айцец Сяргей Гаек, Апостальскі Візітатар для грэка-католікаў Беларусі. Пасьля малітвы на сьвяце гучала сярэднявечная беларуская музыка, парафіяне танчылі і радаваліся. Рэпартаж з сайту Радыё Свабода.
20.09.2014
Маскоўскі патрыярхат заклікае багасловаў зноў абмеркаваць “праблему уніі” Старшыня Аддзелу зьнешніх царкоўных сувязяў Маскоўскага Патрыярхату мітрапаліт Іларыён Алфееў, каментуючы ў інтэрв’ю “Интерфакс-Религия” пачатак працы ў Амане чарговай сесіі Зьмешанай камісіі па тэалагічным дыялогу паміж Каталіцкай і Праваслаўнымі Цэрквамі, заявіў, што падзеі ва Ўкраіне зноў абвастрылі “праблему уніі” і лічыць неабходным абмеркаваць яе на гэтым форуме.
Пілігрымка ў памяць блаславёнага сьвятамучаніка Тэадора Ромжы Напрыканцы лета, 22-24 жніўня 2014 году, адбылася 8-ая пешая пілігрымка моладзі Мукачаўскай Грэка-Каталіцкай япархіі з Хуста ў Вялікі Бычкаў, дзе захоўваюцца сьвятыя мошчы Блаславёнага Тэадора. Пра свой паломніцкі шлях і ўдзел у гэтай пілігрымцы распавядае адзін з вернікаў Беларускай Грэка-Каталіцкай Царквы з Баранавічаў.
13.09.2014
Славацкі біскуп пра БГКЦ: гэтая Царква мае вялікі духоўны патэнцыял Сітуацыя, у якой знаходзяцца беларускія грэка-католікі, цяжкая, аднак у іх ёсьць вялікі духоўны патэнцыял — так лічыць дапаможны біскуп Прэшаўскай грэка-каталіцкай архіяпархіі ў Славакіі Ўладыка Мілан Лах, SJ. Пра ўражаньні гэтага ярарха пасьля візіту ў Беларусь з нагоды 100-гадовага юбілею беларускага грэка-каталіцкага біскупа Чэслава Сіповіча распавядае матэрыял з кароткім інтэрв’ю на афіцыйным сайце грэка-каталіцкага архібіскупства ў Прэшаве.
Кнігу выбраных твораў айца Аляксандра Надсана прэзентавалі ў Горадні У душпастырскім цэнтры грэка-каталіцкай парафіі Маці Божай Фацімскай у Горадні 7 верасьня 2014 году адбылася першая ў Беларусі прэзентацыя кнігі выбраных твораў Апостальскага Візітатара для беларусаў-католікаў замежжа айца Аляксандра Надсана.
03.09.2014
Прадстаўнік Папы пра біскупа Сіповіча: “Ён ня мог прадаць праўду, праўду, якая вызваляе” 31 жніўня 2014 году ў парафіі Найсьвяцейшай Тройцы ў Друі адбыліся ўрачыстасьці з нагоды 100-ых угодкаў з дня нараджэньня выхаванца Друйскага кляштару айцоў-марыянаў грэка-каталіцкага біскупа Чэслава Сіповіча. Падчас сьвяткаваньняў Апостальскі Нунцый у Беларусі архібіскуп Клаўдыё Гуджэроцьці выступіў з беларускамоўнай гаміліяй, якая выклікала вялікую цікавасьць у тым ліку і ў беларускіх сьвецкіх СМІ, многія з якіх прыводзілі цытаты з яе. Прапануем поўны тэкст гэтай гаміліі прадстаўніка Папы ў Беларусі.
02.09.2014
У Друі і Менску адбыліся ўрачыстасьці ў гонар 100-годдзя біскупа Чэслава Сіповіча У памяць пра выдатнага беларускага рэлігійнага i грамадзкага дзеяча, першага беларускага грэка-каталіцкага біскупа ў ХХ стагоддзі Ўладыку Чэслава Сіповіча, які скончыў сваё зямное жыцьцё ў Лондане, ў 100-ыя ўгодкі з дня нараджэньня на яго радзіме была ўстаноўлена і асьвячана мемарыяльная табліца, а на магіле бацькоў закладзена капсула з зямлёй з магілы біскупа і ўстаноўлены новы помнік.
Славацкі біскуп пра БГКЦ: гэтая Царква мае вялікі духоўны патэнцыял
Сітуацыя, у якой знаходзяцца беларускія грэка-католікі, цяжкая, аднак у іх ёсьць вялікі духоўны патэнцыял — так лічыць дапаможны біскуп Прэшаўскай грэка-каталіцкай архіяпархіі ў Славакіі Ўладыка Мілан Лах, SJ. Пра ўражаньні гэтага ярарха пасьля візіту ў Беларусь з нагоды 100-гадовага юбілею беларускага грэка-каталіцкага біскупа Чэслава Сіповіча распавядае матэрыял з кароткім інтэрв’ю на афіцыйным сайце грэка-каталіцкага архібіскупства ў Прэшаве.
Госьця з Славакіі Ўладыку Мілана Лаха вітаюць у Друі дзеці і пробашч парафіі кс. Сяргей Сурыновіч і Апостальскі Візітатар БГКЦ архім. Сяргей Гаек.Характарызуючы сітуацыю, у якой знаходзіцца сёньня Грэка-Каталіцкая Царква ў Беларусі, Уладыка Мілан (Лах) адзначыў: “Сітуацыя беларускіх грэка-католікаў ёсьць цяжкай. Пасьля 1990 году яны пачыналі практычна з нуля. /.../ Ня маюць свайго біскупа, што я лічу вялікай шкодай, бо без яго цяжка дамаўляцца з уладай ці з іншымі інстытуцыямі. Ёсьць дзесяць жанатых сьвятароў, тры рэдэмптарысты і адзін студыт. З законьніцаў адна сястра-студытка. Храмаў няма, бо іх ня могуць пабудаваць. Боская літургія правяць у дамах, дзе маюць хатнія капліцы. Некаторыя бачылі жывога грэка-каталіцкага біскупа ў першы раз, калі я служыў архірэйскую Боскую літургію”.
Нягледзячы на такія складаныя ўмовы існаваньня для БГКЦ, славацкі грэка-каталіцкі біскуп атрымаў пасьля візіту ў Беларусь і станоўчыя ўражаньні: “Гэта ёсьць Царква, якая мае вялікі духоўны патэнцыял, бо іх папярэднікі пацярпелі, я бы сказаў, нават больш, чым у нас. Толькі адзін прыклад з адной парафіі: ў 1939 годзе, калі прыйшлі Саветы, арыштоўвалі, мучылі аж да сьмерці мясцовага грэка-каталіцкага сьвятара.Дапаможны грэка-каталіцкі біскуп Прэшаўскай архіяпархіі Ўладыка Мілан Лах, SJ. (Фота Алены Шаліма). У 1942 годзе прыйшлі нацысты, спалілі гэтую парафію, акрамя храму. У 1944 годзе прыйшла савецкая армія і спаліла і царкву. Такім чынам, за пяць гадоў не засталося ад парафіі анічога. (Уладыка Мілан меў на ўвазе трагічны лёс а. Баляслава Пачопкі і ўніяцкай парафіі ў Бабровічах. — Рэд. “Царквы”) Многа сьвятароў і сьвецкіх за вернасьць Каталіцкай Царкве пралілі сваю кроў, і гэта ня можа застацца без адказу”, — лічыць Уладыка Мілан Лах.
“У параўнаньні з Грэка-Каталіцкай Царквой у Беларусі мы ў Славакіі пачуваемся нашмат лепш”, — адзначыў грэка-каталіцкі біскуп з Прэшава. На думку Ўладыкі Мілана Лаха, гэта абавязвае славацкіх грэка-католікаў задумацца над актывізацыяй сваёй місійнай дзейнасьці, каб Царква расла колькасна.
Нагадаем, дапаможны біскуп Прэшаўскай грэка-каталіцкай архіяпархіі Ўладыка Мілан Лах знаходзіўся ў Беларусі з 27 жніўня па 1 верасьня 2014 году па запрашэньні Апостальскага Візітатара для грэка-католікаў Беларусі Архімандрыта Сяргея (Гаека). Нагодай для візіту славацкага біскупа-езуіта ў Беларусь было сьвяткаваньне 100-ых угодкаў з дня нараджэньня біскупа Чэслава Сіповіча. Уладыка Мілан падчас свайго знаходжаньня ў Беларусі прыняў удзел ва ўрачыстасьцях у Менску і Друі, а таксама правёў духоўныя рэкалекцыі для грэка-каталіцкага духавенства Беларусі, пазнаёміўшыся з умовамі жыцьця беларускіх грэка-католікаў у Пінску і Баранавічах.
Уладыка Мілан (Лах) узначальвае Архірэйскую літургію ў Менску.30 жніўня Ўладыка Мілан (Лах) узначаліў Архірэйскую літургію ў памяць біскупа Чэслава Сіповіча ў капліцы грэка-каталіцкага душпастырскага цэнтру сьв. Язэпа ў Менску, якую ён саслужыў з Апостальскім Нунцыем у Беларусі архібіскупам Клаўдыё Гуджэроцьці і духавенствам Беларускай Грэка-Каталіцкай Царквы.
У нядзелю, 31 жніўня, славацкі грэка-каталіцкі ярарх ушанаваў памяць першага беларускага грэка-каталіцкага біскупа ў XX стагоддзі, удзельніка II Ватыканскага сабору ў яго родных мясьцінах. (На афіцыйным сайце Прэшаўскага грэка-каталіцкага архібіскупства быў зьмешчаны жыцьцяпіс з фотаздымкам беларускага біскупа).
У вёсцы Дзедзінка Ўладыка Мілан асьвяціў новы помнік на магіле бацькоў біскупа Сіповіча, дзе ў гэты дзень таксама была закладзена капсула з зямлёй з яго магілы ў Лондане.
У мястэчку Друя, у касьцёле Сьвятой Тройцы, які да II Сусьветнай вайны належаў беларускім айцам-марыянам, у якіх атрымліваў духоўную фармацыю будучы беларускі біскуп, Уладыка Мілан (Лах) з Апостальскім нунцыем у Беларусі архібіскупам Клаўдыё Гуджароцьці. (Фота Алены Шаліма).славацкі ярарх удзельнічаў у малітве Акафісту Багародзіцы і саслужыў падчас урачыстай сьв. Імшы з удзелам Апостальскага Нунцыя архібіскупа Клаўдыё Гуджэроцьці, рыма-каталіцкага біскупа Віцебскага Алега Буткевіча, Апостальскага Візітатара БГКЦ архім. Сяргея (Гаека), шматлікага духавенства і вернікаў лацінскага і візантыйскага абрадаў. У друйскім касьцёле ён прысутнічаў на ўрачыстым адкрыцьці мемарыяльнай шыльды ў гонар біскупа-патрыёта Чэслава Сіповіча, а для гэтага храму Ўладыка Мілан (Лах) асьвяціў новую ікону сьв. Язэпа.
Сёньня патрэбныя біскупы, якія не задавальняюцца павярхоўным, але імкнуцца да глыбіняў, адкуль Сьвяты Дух працягвае натхняць сваю Царкву. З такімі словамі Папа Францішак 18 верасьня 2014 году ў Ватыкане зьвярнуўся да біскупаў, якія атрымалі хіратонію на працягу апошняга году — паведамляе Беларуская рэдакцыя Ватыканскага радыё. 
20 гадоў споўнілася адноўленай грэка-каталіцкай парафіі сьвятога Язафата Кунцэвіча. З гэтай нагоды ў Лідзкай парафіі ягонага імя адбылося ўрачыстае набажэнства, у якім узяў удзел айцец Сяргей Гаек, Апостальскі Візітатар для грэка-католікаў Беларусі. Пасьля малітвы на сьвяце гучала сярэднявечная беларуская музыка, парафіяне танчылі і радаваліся. Рэпартаж з сайту Радыё Свабода. 
Старшыня Аддзелу зьнешніх царкоўных сувязяў Маскоўскага Патрыярхату мітрапаліт Іларыён Алфееў, каментуючы ў інтэрв’ю “Интерфакс-Религия” пачатак працы ў Амане чарговай сесіі Зьмешанай камісіі па тэалагічным дыялогу паміж Каталіцкай і Праваслаўнымі Цэрквамі, заявіў, што падзеі ва Ўкраіне зноў абвастрылі “праблему уніі” і лічыць неабходным абмеркаваць яе на гэтым форуме. 
15-23 верасьня 2014 году ў сталіцы Ярданіі Амане праходзіць ХІІІ пленарная сесія Зьмешанай міжнароднай камісіі па тэалагічным дыялогу паміж Каталіцкай і Праваслаўнымі Царквой — паведамляе Беларуская рэдакцыя Ватыканскага радыё. 
Напрыканцы лета, 22-24 жніўня 2014 году, адбылася 8-ая пешая пілігрымка моладзі Мукачаўскай Грэка-Каталіцкай япархіі з Хуста ў Вялікі Бычкаў, дзе захоўваюцца сьвятыя мошчы Блаславёнага Тэадора. Пра свой паломніцкі шлях і ўдзел у гэтай пілігрымцы распавядае адзін з вернікаў Беларускай Грэка-Каталіцкай Царквы з Баранавічаў. 
Сітуацыя, у якой знаходзяцца беларускія грэка-католікі, цяжкая, аднак у іх ёсьць вялікі духоўны патэнцыял — так лічыць дапаможны біскуп Прэшаўскай грэка-каталіцкай архіяпархіі ў Славакіі Ўладыка Мілан Лах, SJ. Пра ўражаньні гэтага ярарха пасьля візіту ў Беларусь з нагоды 100-гадовага юбілею беларускага грэка-каталіцкага біскупа Чэслава Сіповіча распавядае матэрыял з кароткім інтэрв’ю на афіцыйным сайце грэка-каталіцкага архібіскупства ў Прэшаве. 
Размова з Апостальскім Візітатарам грэка-католікаў Беларусі архімандрытам Сяргеем Гаекам журналіста Радыё Свабода ў Магілёве, з нагоды патранальнага сьвята мясцовай грэка-каталіцкай парафіі. 
У душпастырскім цэнтры грэка-каталіцкай парафіі Маці Божай Фацімскай у Горадні 7 верасьня 2014 году адбылася першая ў Беларусі прэзентацыя кнігі выбраных твораў Апостальскага Візітатара для беларусаў-католікаў замежжа айца Аляксандра Надсана. 
31 жніўня 2014 году ў парафіі Найсьвяцейшай Тройцы ў Друі адбыліся ўрачыстасьці з нагоды 100-ых угодкаў з дня нараджэньня выхаванца Друйскага кляштару айцоў-марыянаў грэка-каталіцкага біскупа Чэслава Сіповіча. Падчас сьвяткаваньняў Апостальскі Нунцый у Беларусі архібіскуп Клаўдыё Гуджэроцьці выступіў з беларускамоўнай гаміліяй, якая выклікала вялікую цікавасьць у тым ліку і ў беларускіх сьвецкіх СМІ, многія з якіх прыводзілі цытаты з яе. Прапануем поўны тэкст гэтай гаміліі прадстаўніка Папы ў Беларусі. 
У памяць пра выдатнага беларускага рэлігійнага i грамадзкага дзеяча, першага беларускага грэка-каталіцкага біскупа ў ХХ стагоддзі Ўладыку Чэслава Сіповіча, які скончыў сваё зямное жыцьцё ў Лондане, ў 100-ыя ўгодкі з дня нараджэньня на яго радзіме была ўстаноўлена і асьвячана мемарыяльная табліца, а на магіле бацькоў закладзена капсула з зямлёй з магілы біскупа і ўстаноўлены новы помнік. 
Навіны за 2014 год
