Ніхто ня можа служыць двум гаспадарам: бо альбо аднаго будзе ненавідзець, а другога любіць; альбо аднаго пачне трымацца, а другім будзе пагарджаць. Ня можаце служыць Богу і мамоне. (Паводле Мацьвея Сьвятое Дабравесьце 6:24)
Папа даслаў каляднае вітаньне католікам Блізкага Ўсходу Напярэдадні Хрыстовага Нараджэньня Папа Францішак напісаў адмысловы ліст да католікаў Блізкага Ўсходу, у якім заахвоціў іх мужна вызнаваць сваю веру — паведамляе Беларуская рэдакцыя Ватыканскага радыё.
12.12.2014
Архімандрыт Сяргей Гаек пракаментаваў ідэю кананізацыі Францішка Скарыны «Сёньня зарана казаць аб тым, наколькі жыцьцё і справы Скарыны наогул дазваляюць распачаць яго кананічны працэс», — так пракаментаваў Апостальскі Візітатар грэка-католікаў Беларусі архімандрыт Сяргей Гаек пытаньне пра кананізацыю беларускага першадрукара Францішка Скарыны.
11.12.2014
Юбілей біскупа Чэслава Сіповіча ў Рыме 100-гадовы юбілей першага беларускага грэка-каталіцкага біскупа ў XX стагоддзі Чэслава Сіповіча адсьвяткавалі ў Рыме. Урачыстасьці праходзілі ў царкве пры Папскім калегіюме «Russicum» і ў Генеральным доме Айцоў Марыянаў.
Еднасьць — гэта шлях, якім неабходна ісьці разам Падчас пералёту з Стамбулу ў Рым, пасьля апостальскага візіту ў Турцыю, Папа Францішак па традыцыі паразмаўляў з журналістамі, якія суправаджалі яго на борце самалёта, і падсумаваў некаторыя вынікі свайго візіту.
06.12.2014
Сьвята парафіі ў гонар апостала Андрэя ў берасьцейскіх грэка-католікаў 30 лістапада 2014 году, у дзень сьв. апостала Андрэя Першапакліканага, які лічыцца сьвятым заступнікам хрысьціянскага Ўсходу, грэка-каталіцкая парафія сьв. братоў-апосталаў Пятра і Андрэя ў Берасьці адзначыла сваё зімовае парафіяльнае сьвята.
27.11.2014
Барталамей I перад сустрэчай з Францішкам: поўная еднасьць усё больш рэальная «Даты яшчэ ня ведаем, але я ўпэўнены, што прыйдзе дзень, калі мы супольна ўзьнясем хвалу Богу і будзем спажываць адзін Хлеб і будзем піць з адной чашы. Вера ў аднаўленьне поўнай еднасьці зьяўляецца ўсё больш рэальнай». Пра гэта гаварыў напярэдадні візіту Папы Рымскага ў Турцыю праваслаўны патрыярх Канстанцінопальскі Барталамей I у інтэрв’ю італійскаму штотыднёвіку «Famiglia Cristiana».
25.11.2014
Грэка-каталіцкі сьвятар з Украіны: палітычныя працэсы не павінны пераносіцца на рэлігійную глебу У Ватыкане завяршылася пасяджэньне Папскай Рады па спрыяньні еднасьці хрысьціянаў, у якім прымаў удзел таксама прадстаўнік Украінскай Грэка-Каталіцкай Царквы. Сустрэча, якая праходзіла 18-21 лістапада 2014 году, была прысьвечана 50-годдзю саборнага Дэкрэту пра экуменізм, выданьне якога стала пераломным момантам, з якога па сутнасьці пачалася новая старонка ў адносінах паміж хрысьціянскімі Цэрквамі.
22.11.2014
Папа Францішак: пошук еднасьці хрысьціянаў застаецца прыярытэтам для Каталіцкай Царквы Хоць шлях экуменічнага дыялогу пазначаны рознымі цяжкасьцямі, сярод якіх - новыя рознагалосьсі ў маральных і антрапалагічных пытаньнях, мы ня маем права паддавацца расчараваньню і мірыцца з падзеламі. На гэта зьвярнуў увагу Папа Францішак у сваім пасланьні, падрыхтаваным з нагоды сустрэчы з удзельнікамі пленарнай сесіі Папскай Рады па спрыяньні еднасьці хрысьціянаў, якіх ён прыняў на аўдыенцыі ў Ватыкане 20 лістапада 2014 году.
19.11.2014
Архімандрыт Сяргей Гаек: Папа пажадаў грэка-католікам Беларусі асэнсаваць сваю спадчыну Папа Францішак пажадаў беларускім грэка-католікам, каб «з адвагай асэнсавалі спадчыну мінулых дзесяцігоддзяў». Кароткая размова Апостальскага Візітатара для грэка-католікаў Беларусі архімандрыта Сяргея Гаека з Сьвятым Айцом адбылася пасьля агульнай аўдыенцыі 19 лістапада 2014 году.
Архімандрыт Сяргей Гаек: Папа пажадаў грэка-католікам Беларусі асэнсаваць сваю спадчыну
Папа Францішак пажадаў беларускім грэка-католікам, каб «з адвагай асэнсавалі спадчыну мінулых дзесяцігоддзяў». Кароткая размова Апостальскага Візітатара для грэка-католікаў Беларусі архімандрыта Сяргея Гаека з Сьвятым Айцом адбылася пасьля агульнай аўдыенцыі 19 лістапада 2014 году.
— Ойча Сяргей, калі ласка, некалькі словаў пра Вашую сёньняшнюю сустрэчу з Папам Францішкам.
— Для мяне сёньняшняя сустрэча з Папам у гэтыя дні мела асаблівае значэньне. Гэта вялікая радасьць і вялікая ласка таму, што 12 лістапада 2014 году ў сьвята сьв. Язафата, архібіскупа Полацкага, споўнілася 25 гадоў выхаду з падпольля нашай грэка-каталіцкай супольнасьці ў Беларусі. Я, канешне, з гэтай нагоды прасіў у Сьвятога Айца асаблівага блаславеньня.
25 гадоў таму група моладзі з Менску паехала ў Баруны, дзе тады служыў айцец Ян Матусевіч, яшчэ на рыма-каталіцкай парафіі. Яны прасілі яго атуліць іх сваёй духоўнай апекай. Пасьля ён ахрысьціў шмат маладых людзей. Вось чаму мы лічым гэты дзень датай аднаўленьня публічнага служэньня нашай Царквы. Мы ня лічым, што нашая Царква была ліквідавана, проста яе дзейнасьць была замарожана або нейкім чынам было схаванае ў падпольлі нашае душпастырства.
Таму блаславеньне Сьвятога Айца для нас і яго словы, каб мы «з адвагай асэнсавалі спадчыну мінулых дзесяцігоддзяў, асабліва апошніх 25-ці гадоў», гэта вялікая ласка, вялікая радасьць.
— У гэтыя апошнія тыдні і месяцы праходзяць юбілейныя ўрачыстасьці, зьвязаныя з асобай біскупа Чэслава Сіповіча. Яны прайшлі ўжо ў Беларусі, і зараз нас чакае іх рымскі этап...
— Біскуп Чэслаў Сіповіч нарадзіўся 8 сьнежня 1914 году ў вёсцы Дзедзінка, што пад Друяй. Дзякуючы гасьціннасьці Ўладыкі Алега Буткевіча, біскупа Віцебскага, мы ў апошнюю нядзелю жніўня разам сьвяткавалі ў Друі 100-годдзе з дня нараджэньня ярарха. І гэта быў беларускі этап урачыстасьцяў.
У Рыме, зразумела, мы хочам сканцэнтравацца на самой даце. 8 сьнежня 2014 году, у сьвята Беззаганнага Зачацьця Найсьвяцейшай Дзевы Марыі, Генерал Кангрэгацыі айцоў марыянаў арганізуе малітву і сустрэчу сяброў марыянаў і тых, хто памятае біскупа Сіповіча. Для марыянаў гэта асаблівая дата таму, што біскуп Чэслаў Сіповіч быў Генеральным суперыёрам марыянаў і 50 гадоў таму адкрыў місію марыянаў у Бразіліі.
У больш шырокім фармаце 7 сьнежня ў храме сьв. Антонія пры рымскім калегіюме «Russicum», дзе атрымаў сьвятарскія сьвячаньні біскуп Сіповіч, адбудзецца ўрачыстая літургія, якую ўзначаліць архібіскуп Цырыл Васіль, Сакратар Кангрэгацыі Ўсходніх Цэркваў. Трэба адзначыць, што біскуп Сіповіч быў у свой час членам гэтай ватыканскай дыкастэрыі. Канешне, на гэтую ўрачыстасьць запрошаныя і беларусы, асабліва студэнты, якія жывуць у Рыме, а таксама і ўсе сябры Беларусі.
Гэта будзе таксама дзень малітвы за Беларусь, за ўсіх хрысьціянаў Беларусі, таму, што біскуп Чэслаў Сіповіч заўжды падкрэсьліваў, і ў размовах са мной у тым ліку, што ён лічыць сябе сьвятаслужыцелем для ўсіх хрысьціянаў Беларусі, ня толькі для грэка-католікаў, рыма-католікаў, але таксама і для праваслаўных.
— Ойча, дзякуй вялікі за арганізацыю гэтых важных для нас мерапрыемстваў. Жадаю, каб яны былі заўважаны ў Беларусі і ня толькі, і прынесьлі сапраўдны духоўны плён.
Напярэдадні Хрыстовага Нараджэньня Папа Францішак напісаў адмысловы ліст да католікаў Блізкага Ўсходу, у якім заахвоціў іх мужна вызнаваць сваю веру — паведамляе Беларуская рэдакцыя Ватыканскага радыё. 
«Сёньня зарана казаць аб тым, наколькі жыцьцё і справы Скарыны наогул дазваляюць распачаць яго кананічны працэс», — так пракаментаваў Апостальскі Візітатар грэка-католікаў Беларусі архімандрыт Сяргей Гаек пытаньне пра кананізацыю беларускага першадрукара Францішка Скарыны. 
100-гадовы юбілей першага беларускага грэка-каталіцкага біскупа ў XX стагоддзі Чэслава Сіповіча адсьвяткавалі ў Рыме. Урачыстасьці праходзілі ў царкве пры Папскім калегіюме «Russicum» і ў Генеральным доме Айцоў Марыянаў. 
У нядзелю, 7 сьнежня 2014 году беларуская грамада ў Лондане адсьвяткавала 100-годдзе з дня нараджэньня грэка-каталіцкага біскупа Чэслава Сіповіча. 
Падчас пералёту з Стамбулу ў Рым, пасьля апостальскага візіту ў Турцыю, Папа Францішак па традыцыі паразмаўляў з журналістамі, якія суправаджалі яго на борце самалёта, і падсумаваў некаторыя вынікі свайго візіту. 
30 лістапада 2014 году, у дзень сьв. апостала Андрэя Першапакліканага, які лічыцца сьвятым заступнікам хрысьціянскага Ўсходу, грэка-каталіцкая парафія сьв. братоў-апосталаў Пятра і Андрэя ў Берасьці адзначыла сваё зімовае парафіяльнае сьвята. 
«Даты яшчэ ня ведаем, але я ўпэўнены, што прыйдзе дзень, калі мы супольна ўзьнясем хвалу Богу і будзем спажываць адзін Хлеб і будзем піць з адной чашы. Вера ў аднаўленьне поўнай еднасьці зьяўляецца ўсё больш рэальнай». Пра гэта гаварыў напярэдадні візіту Папы Рымскага ў Турцыю праваслаўны патрыярх Канстанцінопальскі Барталамей I у інтэрв’ю італійскаму штотыднёвіку «Famiglia Cristiana». 
У Ватыкане завяршылася пасяджэньне Папскай Рады па спрыяньні еднасьці хрысьціянаў, у якім прымаў удзел таксама прадстаўнік Украінскай Грэка-Каталіцкай Царквы. Сустрэча, якая праходзіла 18-21 лістапада 2014 году, была прысьвечана 50-годдзю саборнага Дэкрэту пра экуменізм, выданьне якога стала пераломным момантам, з якога па сутнасьці пачалася новая старонка ў адносінах паміж хрысьціянскімі Цэрквамі. 
Хоць шлях экуменічнага дыялогу пазначаны рознымі цяжкасьцямі, сярод якіх - новыя рознагалосьсі ў маральных і антрапалагічных пытаньнях, мы ня маем права паддавацца расчараваньню і мірыцца з падзеламі. На гэта зьвярнуў увагу Папа Францішак у сваім пасланьні, падрыхтаваным з нагоды сустрэчы з удзельнікамі пленарнай сесіі Папскай Рады па спрыяньні еднасьці хрысьціянаў, якіх ён прыняў на аўдыенцыі ў Ватыкане 20 лістапада 2014 году. 
Папа Францішак пажадаў беларускім грэка-католікам, каб «з адвагай асэнсавалі спадчыну мінулых дзесяцігоддзяў». Кароткая размова Апостальскага Візітатара для грэка-католікаў Беларусі архімандрыта Сяргея Гаека з Сьвятым Айцом адбылася пасьля агульнай аўдыенцыі 19 лістапада 2014 году. 
Навіны за 2014 год
