Папа даслаў каляднае вітаньне католікам Блізкага Ўсходу Напярэдадні Хрыстовага Нараджэньня Папа Францішак напісаў адмысловы ліст да католікаў Блізкага Ўсходу, у якім заахвоціў іх мужна вызнаваць сваю веру — паведамляе Беларуская рэдакцыя Ватыканскага радыё.
12.12.2014
Архімандрыт Сяргей Гаек пракаментаваў ідэю кананізацыі Францішка Скарыны «Сёньня зарана казаць аб тым, наколькі жыцьцё і справы Скарыны наогул дазваляюць распачаць яго кананічны працэс», — так пракаментаваў Апостальскі Візітатар грэка-католікаў Беларусі архімандрыт Сяргей Гаек пытаньне пра кананізацыю беларускага першадрукара Францішка Скарыны.
11.12.2014
Юбілей біскупа Чэслава Сіповіча ў Рыме 100-гадовы юбілей першага беларускага грэка-каталіцкага біскупа ў XX стагоддзі Чэслава Сіповіча адсьвяткавалі ў Рыме. Урачыстасьці праходзілі ў царкве пры Папскім калегіюме «Russicum» і ў Генеральным доме Айцоў Марыянаў.
Еднасьць — гэта шлях, якім неабходна ісьці разам Падчас пералёту з Стамбулу ў Рым, пасьля апостальскага візіту ў Турцыю, Папа Францішак па традыцыі паразмаўляў з журналістамі, якія суправаджалі яго на борце самалёта, і падсумаваў некаторыя вынікі свайго візіту.
06.12.2014
Сьвята парафіі ў гонар апостала Андрэя ў берасьцейскіх грэка-католікаў 30 лістапада 2014 году, у дзень сьв. апостала Андрэя Першапакліканага, які лічыцца сьвятым заступнікам хрысьціянскага Ўсходу, грэка-каталіцкая парафія сьв. братоў-апосталаў Пятра і Андрэя ў Берасьці адзначыла сваё зімовае парафіяльнае сьвята.
27.11.2014
Барталамей I перад сустрэчай з Францішкам: поўная еднасьць усё больш рэальная «Даты яшчэ ня ведаем, але я ўпэўнены, што прыйдзе дзень, калі мы супольна ўзьнясем хвалу Богу і будзем спажываць адзін Хлеб і будзем піць з адной чашы. Вера ў аднаўленьне поўнай еднасьці зьяўляецца ўсё больш рэальнай». Пра гэта гаварыў напярэдадні візіту Папы Рымскага ў Турцыю праваслаўны патрыярх Канстанцінопальскі Барталамей I у інтэрв’ю італійскаму штотыднёвіку «Famiglia Cristiana».
25.11.2014
Грэка-каталіцкі сьвятар з Украіны: палітычныя працэсы не павінны пераносіцца на рэлігійную глебу У Ватыкане завяршылася пасяджэньне Папскай Рады па спрыяньні еднасьці хрысьціянаў, у якім прымаў удзел таксама прадстаўнік Украінскай Грэка-Каталіцкай Царквы. Сустрэча, якая праходзіла 18-21 лістапада 2014 году, была прысьвечана 50-годдзю саборнага Дэкрэту пра экуменізм, выданьне якога стала пераломным момантам, з якога па сутнасьці пачалася новая старонка ў адносінах паміж хрысьціянскімі Цэрквамі.
22.11.2014
Папа Францішак: пошук еднасьці хрысьціянаў застаецца прыярытэтам для Каталіцкай Царквы Хоць шлях экуменічнага дыялогу пазначаны рознымі цяжкасьцямі, сярод якіх - новыя рознагалосьсі ў маральных і антрапалагічных пытаньнях, мы ня маем права паддавацца расчараваньню і мірыцца з падзеламі. На гэта зьвярнуў увагу Папа Францішак у сваім пасланьні, падрыхтаваным з нагоды сустрэчы з удзельнікамі пленарнай сесіі Папскай Рады па спрыяньні еднасьці хрысьціянаў, якіх ён прыняў на аўдыенцыі ў Ватыкане 20 лістапада 2014 году.
19.11.2014
Архімандрыт Сяргей Гаек: Папа пажадаў грэка-католікам Беларусі асэнсаваць сваю спадчыну Папа Францішак пажадаў беларускім грэка-католікам, каб «з адвагай асэнсавалі спадчыну мінулых дзесяцігоддзяў». Кароткая размова Апостальскага Візітатара для грэка-католікаў Беларусі архімандрыта Сяргея Гаека з Сьвятым Айцом адбылася пасьля агульнай аўдыенцыі 19 лістапада 2014 году.
Лонданскія беларусы адзначылі 100-годдзе біскупа Сіповіча
У нядзелю, 7 сьнежня 2014 году беларуская грамада ў Лондане адсьвяткавала 100-годдзе з дня нараджэньня грэка-каталіцкага біскупа Чэслава Сіповіча.
Сьвяткаваньне 100-гадовага юбілею першага беларускага грэка-каталіцкага біскупа ў XX ст. распачалося з Боскай Літургіі ў яго памяць у Беларускім культурна-рэлігійным цэнтры «Marian House», да стварэньня якога меў непасрэднае дачыненьне сам Уладыка Чэслаў Сіповіч. Айцец Сяргей Стасевіч прамаўляе падчас сьвяткаваньня юбілею біскупа Сіповіча ў Лондане.Як паведамляе сайт «Беларусы ў Вялікабрытаніі», на набажэнства былі запрошаны сябры брытанскага экуменічнага каталіцкага Таварыства Яна Залатавуснага, да адраджэньня якога спрычыніўся біскуп Сіповіч.
Уладыка Чэслаў Сіповіч быў адным з пачынальнікаў беларускага жыцьця ў Вялікабрытаніі. Ён быў выдатным арганізатарам і лідарам. Яго намаганьнямі ў Лондане была адчынена Беларуская каталіцкая місія і створана вакол яе «беларуская вёска» — так часта называюць некалькі дамоў ў раёне Фінчлі ў паўночным Лондане. Акрамя таго біскуп Чэслаў Сіповіч стаў сузаснавальнікам Згуртаваньня беларусаў у Вялікай Брытаніі (ЗБВБ), Англа-беларускага таварыства, Скарынаўскай бібліятэкі ў Лондане. Усе гэтыя арганізацыі і ўстановы існуюць дагэтуль і гуртуюць нашых суайчыньнікаў у Вялікабрытаніі.
Біскуп Сіповіч, як ніхто іншы, папулярызаваў веды пра Беларусь у брытанскім грамадзтве. У Скарынаўскай бібліятэцы ў Лондане захоўваюцца здымкі сустрэчаў біскупа з многімі выдатнымі рэлігійнымі і сьвецкімі асобамі, у т.л. Маргарэт Тэтчэр.
Біскуп Сіповіч быў актыўным удзельнікам Другога Ватыканскага сабору (1964—1968), які вызначыў сучасны характар Каталіцкай Царквы.
Удзельнікі сьвяткаваньня юбілею біскупа Сіповіча ў Лондане змаглі праслухаць таксама ўнікальны запіс аднаго з апошніх казаньняў Уладыкі Чэслава. Гэты запіс захаваўся ў беларускай Скарынаўскай бібліятэцы на магнітафоннай касеце, якой ужо 33 гады.
Пасьля літургіі адбылася прэзентацыя кнігі выбраных твораў а. Аляксандра Надсана, які ў 2004 годзе напісаў кнігу «Біскуп Чэслаў Сіповіч: сьвятар і беларус». Пра новую кнігу а. Аляксандра Надсана, якая выйшла зусім нядаўна ў Менску ў кніжнай серыі «Кнігазбор», гаварыў а. Сяргей Стасевіч, які, разам з укладальніцай Ірынай Багдановіч з Акадэміі навук прэзентаваў том выбраных твораў у Беларусі. Сам аўтар ня змог прэзентаваць сваю кнігу дзеля хваробы.
Напярэдадні Хрыстовага Нараджэньня Папа Францішак напісаў адмысловы ліст да католікаў Блізкага Ўсходу, у якім заахвоціў іх мужна вызнаваць сваю веру — паведамляе Беларуская рэдакцыя Ватыканскага радыё. 
«Сёньня зарана казаць аб тым, наколькі жыцьцё і справы Скарыны наогул дазваляюць распачаць яго кананічны працэс», — так пракаментаваў Апостальскі Візітатар грэка-католікаў Беларусі архімандрыт Сяргей Гаек пытаньне пра кананізацыю беларускага першадрукара Францішка Скарыны. 
100-гадовы юбілей першага беларускага грэка-каталіцкага біскупа ў XX стагоддзі Чэслава Сіповіча адсьвяткавалі ў Рыме. Урачыстасьці праходзілі ў царкве пры Папскім калегіюме «Russicum» і ў Генеральным доме Айцоў Марыянаў. 
У нядзелю, 7 сьнежня 2014 году беларуская грамада ў Лондане адсьвяткавала 100-годдзе з дня нараджэньня грэка-каталіцкага біскупа Чэслава Сіповіча. 
Падчас пералёту з Стамбулу ў Рым, пасьля апостальскага візіту ў Турцыю, Папа Францішак па традыцыі паразмаўляў з журналістамі, якія суправаджалі яго на борце самалёта, і падсумаваў некаторыя вынікі свайго візіту. 
30 лістапада 2014 году, у дзень сьв. апостала Андрэя Першапакліканага, які лічыцца сьвятым заступнікам хрысьціянскага Ўсходу, грэка-каталіцкая парафія сьв. братоў-апосталаў Пятра і Андрэя ў Берасьці адзначыла сваё зімовае парафіяльнае сьвята. 
«Даты яшчэ ня ведаем, але я ўпэўнены, што прыйдзе дзень, калі мы супольна ўзьнясем хвалу Богу і будзем спажываць адзін Хлеб і будзем піць з адной чашы. Вера ў аднаўленьне поўнай еднасьці зьяўляецца ўсё больш рэальнай». Пра гэта гаварыў напярэдадні візіту Папы Рымскага ў Турцыю праваслаўны патрыярх Канстанцінопальскі Барталамей I у інтэрв’ю італійскаму штотыднёвіку «Famiglia Cristiana». 
У Ватыкане завяршылася пасяджэньне Папскай Рады па спрыяньні еднасьці хрысьціянаў, у якім прымаў удзел таксама прадстаўнік Украінскай Грэка-Каталіцкай Царквы. Сустрэча, якая праходзіла 18-21 лістапада 2014 году, была прысьвечана 50-годдзю саборнага Дэкрэту пра экуменізм, выданьне якога стала пераломным момантам, з якога па сутнасьці пачалася новая старонка ў адносінах паміж хрысьціянскімі Цэрквамі. 
Хоць шлях экуменічнага дыялогу пазначаны рознымі цяжкасьцямі, сярод якіх - новыя рознагалосьсі ў маральных і антрапалагічных пытаньнях, мы ня маем права паддавацца расчараваньню і мірыцца з падзеламі. На гэта зьвярнуў увагу Папа Францішак у сваім пасланьні, падрыхтаваным з нагоды сустрэчы з удзельнікамі пленарнай сесіі Папскай Рады па спрыяньні еднасьці хрысьціянаў, якіх ён прыняў на аўдыенцыі ў Ватыкане 20 лістапада 2014 году. 
Папа Францішак пажадаў беларускім грэка-католікам, каб «з адвагай асэнсавалі спадчыну мінулых дзесяцігоддзяў». Кароткая размова Апостальскага Візітатара для грэка-католікаў Беларусі архімандрыта Сяргея Гаека з Сьвятым Айцом адбылася пасьля агульнай аўдыенцыі 19 лістапада 2014 году. 
Навіны за 2014 год
