Пра айца Аляксандра Надсана: як працаваць з надзеяй у безнадзейны час «Калі адыходзіць чалавек, з якім ты быў блізка знаёмы, першае, што прыходзіць у галаву, гэта шкадаваньне: ці пасьпеў ты з ім разьвітацца, ці сказаў усё тое, што меўся сказаць, ці не пакрыўдзіў неяк»? — піша журналіст Радыё Свабода і першы старшыня менскай грэка-каталіцкай парафіі Сяргей Абламейка.
16.04.2015
Вяртаньне ў сьвятло Сваімі згадкамі пра а. Аляксандра Надсана дзеліцца вядомы беларускі перакладчык і журналіст Радыё Свабода Сяргей Шупа.
16.04.2015
Ён прынёс свабоду нашай Царкве ў Беларусі Увечары, 15 красавіка 2015 году, у Лондане на 89-м годзе жыцьця памёр а. Аляксандар Надсан, Апостальскі Візітатар для беларсаў-католікаў у замежжы.
У Каталіцкай Царкве расьце колькасьць сьвятароў і сталых дыяканаў На канец 2013 году ва ўсім сьвеце было каля 1,253 млрд. католікаў, што на 25 млн. або на 2% больш, чым год раней. Такія дадзеныя прыводзяцца ў апошнім «Annuariun Statisticum Ecclesiale» — царкоўным статыстычным даведніку, выдадзеным у сакавіку 2015 году ў Ватыкане.
29.03.2015
Вянгерская Грэка-Каталіцкая Царква падвышана да статусу мітраполіі 23 сакавіка 2015 году ў грэка-каталіцкай катэдры Гайдудорагу (Венгрыя) адбыліся ўрачыстасьці з нагоды прызначэньня біскупа Фюлёпа Кочыша першым архібіскупам-мітрапалітам для католікаў візантыйскага абраду ў Венгрыі.
Апостальскі нунцый у Беларусі архібіскуп Клаўдыё Гуджэроцьці павіншаваў беларусаў з Вялікаднем.
Апостальскі нунцый падчас велікоднага набажэнства ў менскай архікатэдры, 04.04.2015. (Фота Віталя Палінеўскага, Catholic.by). «Як прадстаўнік Папы на беларускай зямлі, я хацеў бы пажадаць усім, каб уваскрослы Хрыстос дапамог зламаць бар’еры, якія людзі ўпарта працягваюць узносіць, і каб усе змаглі адчуць сябе адной сям’ёй, — адзначаецца ў велікодным віншаваньні Апостальскага нунцыя архібіскупа Клаўдыё Гуджэроцьці, тэкст якога падае афіцыйны сайт Рыма-Каталіцкай Царквы ў Беларусі Catholic.by. — Жадаю ўсім быць здольнымі бачыць рэчаіснасьць вачамі грамадзянаў сьвету, нікога не адпіхваючы і не выключаючы».
Архібіскуп Клаўдыё Гуджэроцьці ў сваім віншаваньні ўзгадаў постаць Папы Яна Паўла ІІ, які дзесяць гадоў таму адышоў у вечнасьць і якога Царква абвясьціла сьвятым. Ён адзначыў, што працягу многіх гадоў Караль Вайтыла быў ізаляваны атэістычным рэжымам і змушаны быў маўчаць. Калі ён стаў Папам, то сваю місію хрысьціяніна і славяніна бачыў у тым, каб зламаць навязанае маўчаньне, абвяшчаць Хрыста ўсяму сьвету, каб некалі пераадолець усё, што разьдзяляе Цэрквы, нацыі, народы. Ян Павел ІІ вельмі шмат падарожнічаў і шчыра любіў кожную культуру. Абдымаючы прадстаўнікоў розных краінаў або апранаючы на сябе элементы іх нацыянальнага касьцюму, Папа паказваў сваю надзею на адзінства ўсяго сьвету.
Узгадваючы ў сваім велікодным віншаваньні першага папу, пакліканага на Пасад cьвятога Пятра з славянскіх народаў, які жадаў прыехаць таксама і ў Беларусь, каб абняць беларусаў на іх зямлі, пасланьнік Папы Рымскага зьвярнуўся з малітоўнай просьбай: «Сьвяты Ян Павел II, выпрасі ў Бога для “сваіх славянаў” дар адзінства і міру, бяз зайздрасьці, подласьці, барацьбы, без трагедыі насільля ва Ўкраіне».
«Жадаю, каб беларусы лепш разумелі сваю адмысловую ролю ў будаваньні славянскай еднасьці, з павагай да разнастайнасьці і з сьвядомасьцю агульнай спадчыны. У гэтым працэсе таксама і розныя Цэрквы ўцягваюцца ў пераадольваньне бясплённых падзелаў, незразумелых і непрымальных для сучаснага чалавека, якія асудзіў сам Хрыстос», — гаворыцца ў віншаваньні Апостальскага нунцыя.
Уладыка Клаўдзі прагадаў таксама нядаўні візіт у Беларусь Дзяржаўнага Сакратара Папы Францішка кардынала П’етра Параліна (12–15 сакавіка 2015 году).
«Пасьля свайго вяртаньня ён расказаў Папу пра гэты візіт. Пантыфік быў вельмі ўзрушаны сьведчаньнем свайго найбліжэйшага супрацоўніка. Папа Францішак бласлаўляе ўсіх беларусаў і жадае таго, што найбольш каштоўнае ў жыцьці: дарыць любоў і быць любімымі. Таксама і кардынал П’етра Паралін перадае вам прывітаньне і дзякуе за вашую гасьціннасьць, якую ён у размове са мной назваў “незабыўнай”», — адзначыў архібіскуп Клаўдыё Гуджэроцьці.
«Спадзяюся, што прыйдзе той дзень, калі ня толькі прадстаўнік, але сам Папа Францішак зможа прыехаць сюды, каб абняць вас, дазваляючы гэтым адчуць, як моцна Бог вас любіць», — дадаў Апостальскі нунцый.
«Дарагія беларусы, Хрыстос уваскрос!» — завершыў сваё велікоднае віншаваньне беларускаму народу прадстаўнік Папы ў Беларусі.
Як паведаміў беларускі грэка-каталіцкі сьвятар Сяргей Стасевіч, які жыве ў Лондане, абрад пахаваньня мітрафорнага протаярэя Аляксандра Надсана адбудзецца у сераду, 29 красавіка 2015 году. 
Гутарка з айцом Аляксандрам Надсанам, запісаная журналістакай Кацярынай Петуховай у межах праекту «Я “нарадзіўся” там» кампаніі «Будзьма беларусамі!» і часопісу «Большой». 
«Калі адыходзіць чалавек, з якім ты быў блізка знаёмы, першае, што прыходзіць у галаву, гэта шкадаваньне: ці пасьпеў ты з ім разьвітацца, ці сказаў усё тое, што меўся сказаць, ці не пакрыўдзіў неяк»? — піша журналіст Радыё Свабода і першы старшыня менскай грэка-каталіцкай парафіі Сяргей Абламейка. 
Сваімі згадкамі пра а. Аляксандра Надсана дзеліцца вядомы беларускі перакладчык і журналіст Радыё Свабода Сяргей Шупа. 
Увечары, 15 красавіка 2015 году, у Лондане на 89-м годзе жыцьця памёр а. Аляксандар Надсан, Апостальскі Візітатар для беларсаў-католікаў у замежжы. 
Апостальскі нунцый у Беларусі архібіскуп Клаўдыё Гуджэроцьці павіншаваў беларусаў з Вялікаднем. 
25-ыя ўгодкі аднаўленьня адкрытага літургічнага і душпастырскага служэньня БГКЦ і малітва за Ўкраіну сталі галоўнымі акцэнтамі велікодных сьвяткаваньняў у грэка-каталіцкай парафіі Берасьця. 
На сьвята Вялікадня Прэфект Кангрэгацыі Ўсходніх Цэркваў кардынал Леанарда Сандры даслаў на імя Апостальскага Візітатара для грэка-католікаў Беларусі архімандрыта Сяргея (Гаека) віншавальны ліст з нагоды 25-годдзя аднаўленьня літургічнага жыцьця і пачатку адкрытага душпастырскага служэньня Беларускай Грэка-Каталіцкай Царквы — паведамляе сайт Svjazep.org. 
На канец 2013 году ва ўсім сьвеце было каля 1,253 млрд. католікаў, што на 25 млн. або на 2% больш, чым год раней. Такія дадзеныя прыводзяцца ў апошнім «Annuariun Statisticum Ecclesiale» — царкоўным статыстычным даведніку, выдадзеным у сакавіку 2015 году ў Ватыкане. 
23 сакавіка 2015 году ў грэка-каталіцкай катэдры Гайдудорагу (Венгрыя) адбыліся ўрачыстасьці з нагоды прызначэньня біскупа Фюлёпа Кочыша першым архібіскупам-мітрапалітам для католікаў візантыйскага абраду ў Венгрыі. 
Навіны за 2015 год
