З 4 па 8 верасьня 2021 году ў сталіцы Венгрыі будзе праходзіць штогадовая Сустрэча ярархаў Усходніх Каталіцкіх Цэркваў Еўропы (Conventus Hierarcharum Orientalium Catholicorum Europae — CHOCE). Тэма сёлетняй сустрэчы ўсходніх каталіцкіх біскупаў Еўропы — «Еўхарыстыя і сінадальнасьць». 
8 жніўня 2021 году былы Апостальскі нунцый у Беларусі архібіскуп Клаўдыё Гуджэроцьці (цяпер — Апостальскі нунцый у Вялікабрытаніі) наведаў беларускую грэка-каталіцкую царкву ў Лондане — паведамляе тэлеграм-канал «Хрысьціянская візія». 
Дыкастэрыя па справах сьвецкіх, сям’і і жыцьця апублікавала сьпецыяльную малітву, падрыхтаваную да сьвяткавання першага Сусветнага дня дзядуляў, бабуляў і пажылых людзей. 
Гэты Дзень будзе адзначацца штогод у чацьвёртую нядзелю ліпеня ў непасрэднай блізкасьці да літургічнага ўспаміну сьвятых Яўхіма і Ганны, дзядулі і бабулі Ісуса — паведамляе Vatican News. 
Апостальская Сталіца апублікавала ліст Папы Францішка да біскупаў, духавенства, богапасьвячаных асобаў і сьвецкіх вернікаў Сірыйска-Малабарскай Царквы з нагоды зацьверджаньня ёю новага ўніфікаванага службоўніка для адпраўленьня ўрачыстай формы еўхарыстычнай багаслужбы — паведамляе Vatican News. 
3 ліпеня 2021 году ў Будславе ўрачыстай сьвятой Імшой, якую ўзначаліў Апостальскі нунцый у Беларусі архібіскуп Антэ Ёзіч, завяршыўся фэст Маці Божай Будслаўскай. 
На Будслаўскім фэсьце 2 ліпеня 2021 году сьв. Імшу апоўначы, якой папярэднічала шматлюдная ўрачыстая працэсія з сьвечкамі, узначаліў старшыня Канферэнцыі каталіцкіх біскупаў у Беларусі біскуп Віцебскі Алег Буткевіч — паведамляе Catholic.by. 
Увечары 2 ліпеня ў санктуарыюме Маці Божай у Будславе сьв. Імшу для пілігрымаў узначаліў архібіскуп Тадэвуш Кандрусевіч. 
Сёлета споўнілася 75 гадоў грэка-каталіцкаму малітоўніку (ці малiтаўніку, як на вокладцы падпісана) «Божым шляхам», які выдаў у 1946 годзе ў Рыме айцец Леў Гарошка — нагадвае сайт Беларускай царквы ў Лондане. 
Кіраўнік Залы Друку Сьвятога Пасаду Матэа Бруні апублікаваў заяву па Беларусі. Яна стала адказам на шматлікія запыты журналістаў. 
Галоўная 
Навіны хрысьціянскага сьвету
Вялікі металёвы Крыж памяці стаіць на ўскрайку Бельчыцкіх могілкаў. Некалі ў Бельчыцы пад Полацкам цягам некалькіх стагоддзяў існаваў старажытны Барысаглебскі манастыр. Зьвязаны гэты манастыр з Уніяй, з дзейнасьцю базыльянаў, і з асобаю сьвятога Язафата (Кунцэвіча), архібіскупа Полацкага, якога мае за свайго нябеснага апекуна грэка-каталіцкай парафія ў Полацку. Падчас савецка-польскай вайны (верасень 1919 — травень 1920 гг.), у выніку абстрэлаў, рэгулярна чынімых бальшавіцкай артылерыяй, былі разбураныя абедзьве царквы манастыра. У 1930-х гадах храмы разабраныя вязьнямі турмы НКВД на цэглу для пабудовы жыльля тым жа вартавым рэвалюцыі з НКВД.
Як адзначаюць полацкія краязнаўцы, сярод мясцовых жыхароў захаваліся аповеды пра масавыя расстрэлы, якія ладзілі тут у 1930-ыя гады энкавэдысты з полацкай турмы. Гэтыя страшныя сьведчаньні перадаюцца з пакаленьня ў пакаленьне.
Гл. таксама:
Гадавіна дыяканскіх сьвячаньняў старшыні грэка-каталіцкай парафіі з Віцебску Багдана Сунака
Парафіяльнае сьвята ў гонар сьв. Язафата адзначылі ў Полацку
Вернікі ўсходняга і лацінскага абрадаў разам ушанавалі памяць Яна Хрысьціцеля
Добры дзень! Вельмі цікавіць вобраз сьв. Параскевы Полацкай, дзе можна пачытаць пра яе.
У Полацку ўпершыню пасьля скасаваньня Уніі высьвячаны сьвятар
Навіны хрысьціянскага сьвету
09.11.2015
Ахвяраў бальшавіцкіх рэпрэсіяў ушанавалі ў Бельчыцах пад Полацкам
Ля Бельчыцкага крыжа ў Полацку адбылася жалобная ўрачыстасьць у памяць ахвяраў сталінскіх рэпрэсіяў. Штогод на Дзяды гэтае мерапрыемства праводзяць тут вернікі полацкай грэка-каталіцкай парафіі сьв. Язафата — адзначае Радыё Рацыя.
Вялікі металёвы Крыж памяці стаіць на ўскрайку Бельчыцкіх могілкаў. Некалі ў Бельчыцы пад Полацкам цягам некалькіх стагоддзяў існаваў старажытны Барысаглебскі манастыр. Зьвязаны гэты манастыр з Уніяй, з дзейнасьцю базыльянаў, і з асобаю сьвятога Язафата (Кунцэвіча), архібіскупа Полацкага, якога мае за свайго нябеснага апекуна грэка-каталіцкай парафія ў Полацку. Падчас савецка-польскай вайны (верасень 1919 — травень 1920 гг.), у выніку абстрэлаў, рэгулярна чынімых бальшавіцкай артылерыяй, былі разбураныя абедзьве царквы манастыра. У 1930-х гадах храмы разабраныя вязьнямі турмы НКВД на цэглу для пабудовы жыльля тым жа вартавым рэвалюцыі з НКВД.Як адзначаюць полацкія краязнаўцы, сярод мясцовых жыхароў захаваліся аповеды пра масавыя расстрэлы, якія ладзілі тут у 1930-ыя гады энкавэдысты з полацкай турмы. Гэтыя страшныя сьведчаньні перадаюцца з пакаленьня ў пакаленьне.Паніхіду па памерлых і малебен за беларускі народ адслужыў душпастыр полацкай грэка-каталіцкай парафіі сьв. Язафата айцец Аляксандар Шаўцоў. Напрыканцы малітваў прысутныя разам прасьпявалі гімн «Магутны Божа». У працоўны дзень жалобную ўрачыстасьць арганізатары мусілі наладзіць увечары, пасьля 18-й гадзіны. Таму мерапрыемства праходзіла пры сьвятле сьвечак і ліхтарыка, што надало яму яшчэ большую сэнсавую заглыбленасьць і філасофскую разважлівасьць, адзначае журналіст Радыё Рацыя Алесь Аркуш.
Фота Алеся Аркуша.
Гл. таксама:
Гадавіна дыяканскіх сьвячаньняў старшыні грэка-каталіцкай парафіі з Віцебску Багдана Сунака
Парафіяльнае сьвята ў гонар сьв. Язафата адзначылі ў Полацку
Вернікі ўсходняга і лацінскага абрадаў разам ушанавалі памяць Яна Хрысьціцеля
Добры дзень! Вельмі цікавіць вобраз сьв. Параскевы Полацкай, дзе можна пачытаць пра яе.
У Полацку ўпершыню пасьля скасаваньня Уніі высьвячаны сьвятар
Гэты артыкул чыталі 111 разоў (-ы)
