У любові няма страху, а дасканалая любоў праганяе страх, бо ў страху ёсьць пакута; хто баіцца, той не дасканалы ў любові (1-ае Саборнае Пасланьне сьв. ап. Яна Багаслова 4:18)
Незвычайны музычны альбом Папы Францішка 17 сьнежня Сьвятому Айцу Францішку споўнілася 79 гадоў. За некалькі тыдняў да яго дня народзінаў, 27 лістапада 2015 году, пабачыў свьет незвычайны музычна-катэхетычны праект — музычны альбом «Wake Up»! («Абудзіцеся!») з урыўкамі з прамоваў Папы Францішка і яго малітвамі.
16.12.2015
Новая грэка-каталіцкая япархія створана ва Ўкраіне У Ватыкане 11 сьнежня 2015 году паведамлена, што Сьвяты Айцец Францішак блаславіў рашэньне Сіноду Біскупаў УГКЦ пра стварэньне Камянец-Падольскай япархіі з цэнтрам у г. Хмяльніцкі.
15.12.2015
Архібіскуп Клаўдыё Гуджэроцьці: «Я быў сьведкам вашага пошуку ўнутранай свабоды» 12 сьнежня 2015 году архібіскуп Клаўдыё Гуджэроцьці адслужыў у архікатэдры ў Менску сьв. Імшу на разьвітаньне і ў знак падзякі за чатырохгадовае служэньне Апостальскім нунцыем у Беларусі. «Маліцеся за мяне, каб я мог быць пасланьнікам міру і паяднаньня», — папрасіў беларускіх вернікаў ярарх, якога Сьвяты Пасад накіраваў цяпер для служэньня ва Ўкраіну.
Візантыйская ікона на адкрыцьці Году міласэрнасьці На просьбу Сьвятога Айца Францішка старажытная візантыйская ікона Багародзіцы «Міласэрнасьці дзьверы» была дастаўлена ў Рым з грэка-каталіцкай царквы ў Польшчы і выстаўлена на плошчы сьв. Пятра ў дзень адкрыцьця Сьвятога году Божай міласэрнасьці.
10.12.2015
Рымскі Архірэй адчыніў Сьвятыя Дзьверы Папа Францішак 8 сьнежня 2015 году, пасьля ўрачыстай літургіі на ватыканскай плошчы, адчыніў Сьвятыя Дзьверы ў базыліцы сьв. Пятра, распачынаючы Год Божай міласэрнасьці ў Каталіцкай Царкве, паведамляе Беларуская рэдакцыя Ватыканскага радыё.
У Любліне высьвячаны новы дыякан для БГКЦ 29 лістапада 2015 году ў Любліне падчас сьвяточнай архірэйскай літургіі з нагоды сьвята ў гонар сьвятамучаніка Язафата быў высьвячаны на грэка-каталіцкага дыякана беларус Аляксандар Хахлоў з Менску.
29 лістапада 2015 году ў Любліне падчас сьвяточнай архірэйскай літургіі з нагоды сьвята ў гонар сьвятамучаніка Язафата быў высьвячаны на грэка-каталіцкага дыякана беларус Аляксандар Хахлоў з Менску.
Урачыстую Боскую Літургію ў люблінскай грэка-каталіцкай царкве Нараджэньня Багародзіцы ўзначальваў архібіскуп-намінат Перамышальска-Варшаўскай грэка-каталіцкай мітраполіі Ўладыка Яўген Паповіч. Разам з ім саслужылі рыма-каталіцкі дапаможны біскуп Люблінскі Мечыслаў Цісла, Апостальскі Візітатар для беларускіх грэка-католікаў Архімандрыт Сяргей (Гаек), а таксама шматлікія сьвятары з Польшчы, Беларусі і Ўкраіны.
Прысутныя на літургіі ў люблінскай грэка-каталіцкай парафіі шматлікія вернікі ўзялі ўдзел у водпусьце з нагоды сьвята Язафата, архібіскупа Полацкага. Сярод іх была і група беларускіх грэка-католікаў разам з сьвятармі а. Зьмітром Грышанам з Віцебску і дыяканам Вячаславам Гарчаковым з Івацэвічаў.
Уладыка Яўген (Паповіч) вітае новага дыякана БГКЦ Алеся Хахлова.Падчас архірэйскай Службы Божай менаваны 7 лістапада 2015 году Папам Рымскім Францішкам новы мітрапаліт Перамышальска-Варшаўскі Ўладыка Яўген (Паповіч) на просьбу Апостальскага Візітатара БГКЦ Архімандрыта Сяргея (Гаека) ўдзяліў сьвячаньні дыяканату кандыдату на сьвятарства з Беларускай Грэка-Каталіцкай Царквы Аляксандру Хахлову. Удзельнікі ўрачыстай архірэйскай багаслужбы з трох славянскіх краінаў — Польшчы, Беларусі і Ўкраіны — разам памаліліся ў гэты дзень таксама за ахвяраў Галадамору, які быў выкліканы бальшавіцкай палітыкай ва Ўкраіне ў 1932-1933 гг.
Пасьля заканчэньня літургічнай часткі сьвяткаваньняў вернікі і духавенства мелі брацкую агапу ў суседняй Сядзібе Касьшюшкаў, што знаходзіцца на тэрыторыі Батанічнага саду Ўніверсітэту Марыі Кюры-Складоўскай у Любліне.
Варта адзначыць, што новапрызначаны архібіскуп-мітрапаліт Яўген Паповіч (1961 г. нар., паходзіць з украінскай грэка-каталіцкай сям’і, што жыла ў Члухаве ў паўночна-заходняй Польшчы), які высьвяціў новага дыякана для БГКЦ, даўно добра знаёмы з Апостальскім Візітатарам беларускіх грэка-католікаў і шмат дапамагае адраджэньню грэка-каталіцкай Царквы ў Беларусі. Калі ў 1981 годзе ён паступіў у Вышэйшую духоўную семінарыю ў Любліне і навучаўся ў Люблінскім каталіцкім універсітэце, быў тады студэнтам а. д-ра Сяргея Гаека. Таксама сёлета, 14 чэрвеня 2015 году, Уладыка Яўген (Паповіч) у каталіцкай парафіі візантыйска-славянскага абраду ў Кастамлотах (Польшча) рукапаклаў у сьвятары для Беларускай Грэка-Каталіцкай Царквы дыякана Аляксея Філіпенку з Менску.
Новы дыякан Беларускай Грэка-Каталіцкай Царквы Алесь Хахлоў паходзіць з грэка-каталіцкай парафіі ў Віцебску. Нарадзіўся 1 ліпеня 1982 году. Жанаты, мае дачку. Цяпер жыве і працуе ў Менску. Навучаўся ва Ўкраіне ў Івана-Франкоўскай грэка-каталіцкай духоўнай семінарыі імя сьвятамучаніка Язафата, а таксама ў рыма-каталіцкай Вышэйшай духоўнай семінарыі ў Драгічыне (Польшча).
Апостальскі нунцый Кляўдыё Гуджэроцьці, які нядаўна быў пераведзены зь Беларусі ва Ўкраіну, даў сваё першае інтэрв’ю ўкраінскаму каталіцкаму выданьню Credo. 
Пра тое, як адзначалі сёлета сьвята Нараджэньня Хрыстовага ў грэка-каталіцкай парафіі Маці Божай Фацімскай у Горадні, матэрыял журналіста Радыё Свабода Міхала Карневіча. 
17 сьнежня Сьвятому Айцу Францішку споўнілася 79 гадоў. За некалькі тыдняў да яго дня народзінаў, 27 лістапада 2015 году, пабачыў свьет незвычайны музычна-катэхетычны праект — музычны альбом «Wake Up»! («Абудзіцеся!») з урыўкамі з прамоваў Папы Францішка і яго малітвамі. 
У Ватыкане 11 сьнежня 2015 году паведамлена, што Сьвяты Айцец Францішак блаславіў рашэньне Сіноду Біскупаў УГКЦ пра стварэньне Камянец-Падольскай япархіі з цэнтрам у г. Хмяльніцкі. 
12 сьнежня 2015 году архібіскуп Клаўдыё Гуджэроцьці адслужыў у архікатэдры ў Менску сьв. Імшу на разьвітаньне і ў знак падзякі за чатырохгадовае служэньне Апостальскім нунцыем у Беларусі. «Маліцеся за мяне, каб я мог быць пасланьнікам міру і паяднаньня», — папрасіў беларускіх вернікаў ярарх, якога Сьвяты Пасад накіраваў цяпер для служэньня ва Ўкраіну. 
З нагоды 50-годдзі дэкларацыі II Ватыканскага сабору «Nostra Aetate» («Пра стаўленьне Царквы да нехрысьціянскіх рэлігіяў») група 25 ізраільскіх, еўрапейскіх і амерыканскіх артадаксальных рабінаў апублікавала сумесную заяву «Выконваючы волю нашага Нябеснага Айца: на шляху да супрацоўніцтва паміж габрэямі і хрысьціянамі». 
На просьбу Сьвятога Айца Францішка старажытная візантыйская ікона Багародзіцы «Міласэрнасьці дзьверы» была дастаўлена ў Рым з грэка-каталіцкай царквы ў Польшчы і выстаўлена на плошчы сьв. Пятра ў дзень адкрыцьця Сьвятога году Божай міласэрнасьці. 
Папа Францішак 8 сьнежня 2015 году, пасьля ўрачыстай літургіі на ватыканскай плошчы, адчыніў Сьвятыя Дзьверы ў базыліцы сьв. Пятра, распачынаючы Год Божай міласэрнасьці ў Каталіцкай Царкве, паведамляе Беларуская рэдакцыя Ватыканскага радыё. 
50-ыя ўгодкі знакавай падзеі ў гісторыі каталіцка-праваслаўных стасункаў прыгадаў Сьвяты Айцец Францішак 6 сьнежня 2015 году пасьля нядзельнай малітвы «Анёл Гасподні», паведамляе Ватыканскае Радыё. 
29 лістапада 2015 году ў Любліне падчас сьвяточнай архірэйскай літургіі з нагоды сьвята ў гонар сьвятамучаніка Язафата быў высьвячаны на грэка-каталіцкага дыякана беларус Аляксандар Хахлоў з Менску. 
Навіны за 2015 год
