Кіраўнік Залы Друку Сьвятога Пасаду Матэа Бруні апублікаваў заяву па Беларусі. Яна стала адказам на шматлікія запыты журналістаў. 
Адрачыся ад саміх сябе і мараў пра веліч, каб паставіць Бога і людзей у цэнтар штодзённых клопатаў заклікаў Папа Рымскі Францішак французскіх сьвятароў, якія атрымліваюць адукацыю ў Рыме — паведамляе Беларуская рэдакцыя парталу Vatican News. 
Апостальскі нунцый у Рэспубліцы Беларусь архібіскуп Антэ Ёзіч у прыватным парадку наведаў праваслаўны Сьвята-Ўсьпенскі манастыр у Жыровічах, дзе памаліўся перад адной з самых шанаваных хрысьціянскіх сьвятыняў Беларусі — цудатворнай іконай Маці Божай Жыровіцкай, паведамляе Catholic.by. 
22 траўня 2021 году Апостальскі нунцый у Рэспубліцы Беларусь архібіскуп Антэ Ёзіч наведаў рыма-каталіцкую парафію Ўнебаўзяцьця Найсьвяцейшай Панны Марыі ў Пружане (Пінская дыяцэзія), дзе падчас урачыстай сьвятой Імшы зьдзейсьніў асьвячэньне абраза Маці Божай Апякункі лясоў — паведамляе Catholic.by. 
У Янаве на Палесьсі адзначылі ўрачыстасьць у гонар сьвятога Андрэя Баболі — апекуна Пінскай рыма-каталіцкай дыяцэзіі. Ва ўрачыстасьці бралі ўдзел і грэка-католікі. 
Група грэка-каталіцкіх пілігрымаў з Менску і Івацэвічаў 11 траўня 2021 году прыехала ў Стоўпцы, каб памаліцца і ўшанаваць памяць беларускага грэка-каталіцкага сьвятара Льва Гарошкі, які пэўны час служыў там, паведамляе сайт Svjazep.org. 
11 траўня 2021 году Нацыянальны санктуарыюм Маці Божай Будслаўскай, дзе здарыўся пажар, у той жа дзень наведалі каталіцкія біскупы Беларусі, паведамляе Catholic.by. Ярархі заклікалі ўсіх да малітвы і далучыцца да збору ахвяраваньняў на аднаўленьне старажытнай сьвятыні. 
Раніцай 11 траўня 2021 году ў Нацыянальным санктуарыюме Маці Божай у Будславе здарыўся пажар у выніку ўзгараньня на даху. Патушыць агонь не ўдавалася на працягу некалькіх гадзінаў, у выніку чаго дах абрынуўся на скляпеньні. 
18 красавіка 2021 году мінула 40 гадоў ад дня спачыну Слугі Божага біскупа Баляслава Слосканса, які на працягу многіх гадоў, у вельмі складаныя часы, быў архіпастырам беларускіх католікаў лацінскага і візантыйскага абрадаў як у Беларусі, так і за яе межамі. 
Біскуп Віцебскі Алег Буткевіч абраны новым старшынём Канферэнцыі каталіцкіх біскупаў у Беларусі (ККББ). Выбары прайшлі 14 красавіка 2021 году на 80-м пленарным пасяджэньні біскупскай асамблеі. Пасяджэньне было прымеркаванае да 30-годдзя адраджэньня структураў Каталіцкай Царквы ў Беларусі. 
Навіны хрысьціянскага сьвету
05.07.2010
23-24 чэрвеня 2010 году па запрашэньні кс. Яцака Хутмана адбылася паездка прадстаўнікоў грэка-каталіцкіх парафіяў Віцебска і Полацка ў мястэчка Камаі Пастаўскага раёну на парафіяльнае сьвята мясцовай рыма-каталіцкай парафіі.
Увечары першага дня ў камайскім касьцёле сьв. Яна Хрысьціцеля адбылася сьвяточная Імша. Пробашч парафіі кс. Яцэк правёў невялікую экскурсію для гасьцей па старажытным храме.
24 чэрвеня, на сьвята Нараджэньня Прадвесьніка і Хрысьціцеля Гасподняга сьв. Яна, а. Зьміцер Грышан, а. Аляксандар Шыбека і а. Aляксандар Шаўцоў адслужылі ў касьцёле сьвяточную Літургію ва ўсходнім абрадзе. Багаслужэньне скончылася ўрачыстай працэсіяй са сьвятымі Дарамі. Вернікі з Камаяў мелі магчымасьць прыняць удзел у Боскай Літургіі візантыйскага абраду, пазнаёміцца з усходняй традыцыяй праслаўленьня Госпада.
Хрысьціяне-католікі абодвух абрадаў — візантыйскага і лацінскага – маліліся разам, даючы добрае сьведчаньне еднасьці і веры.
а. Аляксандар Шыбека, г. Віцебск
Гл. таксама:
Духоўная праграма XXVІ грэка-каталіцкай пілігрымкі Віцебск – Полацак
Пілігрымка БГКЦ: верыць у адзіную Царкву
Беларускія грэка-католікі запрашаюць у пілігрымку
«Люблю прыказаньні Твае, Госпадзе!»
Пульс хрысьціянскай Беларусі: пілігрымка Віцебск — Полацак
