Архімандрыт Сяргей Гаек: трэба вучыць вернікаў, што ў Хрысьце мы ўсе сапраўды браты і сёстры «Экуменізм стасуецца да еднасьці хрысьціянаў, а не да еднасьці Царквы. Адзіная, Сьвятая, Саборная і Апостальскай Царква існуе, але, на жаль, хрысьціяне падзеленыя», — адзначыў Апостальскі Візітатар для грэка-католікаў Беларусі архімандрыт Сяргей Гаек у каментары для Catholic.by з нагоды Тыдня малітваў за еднасьць хрысьціянаў, які з 18 па 25 студзеня праходзіў ва ўсім сьвеце.
16.01.2016
Міжнародны семінар у Рыме ў памяць пра архімандрыта Фабіяна Абрантовіча 2 студзеня 2016 году мінула 70 гадоў з дня мучаніцкай сьмерці ў Бутырскай турме беларускага каталіцкага сьвятара візантыйскга абраду архімандрыта Фабіяна Абрантовіча. У 2003 годзе распачаўся афіцыйны працэс яго беатыфікацыі.
Гурт «Балцкі Субстрат» сьпяваў у грэка-католікаў Берасьця
10 студзеня 2016 году музыкі з эксьперыментальнага фолк-блюз гурта «Балцкі Субстрат» былі гасьцямі ў душпастырскім цэнтры грэка-католікаў Берасьця.
У канцэртнай праграме гурта былі калядныя і хрысьціянскія сьпевы (у тым ліку на словы каталіцкага сьвятара Казіміра Сваяка, Зянона Пазьняка), песьні на вершы беларускіх класікаў (Уладзіміра Караткевіча) і сучасных аўтараў (Віктар Сямашка), а таксама арыгінальныя апрацоўкі народных песьняў, у тым ліку на латышскай мове.
Гурт «Балцкі Субстрат» выступае ў грэка-католікаў Берасьця.Музыкі з «Балцкага Субстрату» ўвесь час імкнуцца эксьперыментаваць і пашыраць звыклы набор музычных інструментаў. Так, упершыню рэпертуар гурта ўзбагачала ігрой на дарбуцы Марына Анісовіч. Разам з лідарам гурта кампазітарам, сьпеваком і гітарыстам Максімам Іўкіным (які да таго ж практыкуючы вернік), берасьцейцаў таксама радавала сваім голасам Ганна Амозава, а партыі на бас-гітары выконваў Уладзімір Такарчук.
Як патлумачыў кіраўнік праекту Максім Іўкін, музыка гурта — гэта ўзаемаперасячэньне акадэмічнай беларускай школы, сучаснай паэзіі і ўнікальнай беларускай аўтэнтыкі.
Паслухаць арыгінальныя сьпевы беларускіх музыкаў пасьля нядзельнай Боскай Літургіі сабраліся ня толькі вернікі грэка-каталіцкай парафіі сьв. братоў-апсоталаў Пятра і Андрэя, але і іншыя зацікаўленыя жыхары гораду. У ходзе сустрэчы была яшчэ і невялікая віктарына, па выніках якой пераможцы атрымлівалі прызы ад грамадзка-культурніцкай кампаніі «Будзьма беларусамі». Як адзначалі пасьля канцэрту многія прысутныя, яны атрымалі масу станоўчых эмоцыяў і пазітыву. Пасьля брацкага абеду для ўсіх гасьцей канцэрту яшчэ доўга працягваліся размовы на розныя хрысьціянскія тэмы і сумесныя сьпевы з удзельнкамі гурта.
Варта адзначыць, гэта быў першы выступ гурта «Балцкі Субстрат» ў Берасьці.
Фота і тэкст Алеся Паплаўскага і Ігара Бараноўскага.
12 лютага 2016 году ўпершыню ў гісторыі адбудзецца сустрэча Зьверхніка Каталіцкай Царквы са Зьверхнікам Расейскай Праваслаўнай Царквы. Мяркуецца, што першаярархі, якія сустрэнуцца на Кубе ў будынку аэрапорту ў Гаване, правядуць двухгадзінную размову і падпішуць сумесную дэкларацыю. 
Сёлета Царква ў Беларусі адзначае 110 гадоў з дня нараджэньня беларускага каталіцкага сьвятара візантыйскага абраду а. Тамаша Падзявы, які быў выхаванцам Друйскага кляштару айцоў-марыянаў. 
У Беларускай каталіцкай місіі ў Лондане 7 лютага 2016 году адбылося ўрачыстае асьвячэньне падмурка храму ў гонар сьв. Кірылы Тураўскага і Ўсіх сьвятых заступнікаў беларускага народу. 
«Экуменізм стасуецца да еднасьці хрысьціянаў, а не да еднасьці Царквы. Адзіная, Сьвятая, Саборная і Апостальскай Царква існуе, але, на жаль, хрысьціяне падзеленыя», — адзначыў Апостальскі Візітатар для грэка-католікаў Беларусі архімандрыт Сяргей Гаек у каментары для Catholic.by з нагоды Тыдня малітваў за еднасьць хрысьціянаў, які з 18 па 25 студзеня праходзіў ва ўсім сьвеце. 
2 студзеня 2016 году мінула 70 гадоў з дня мучаніцкай сьмерці ў Бутырскай турме беларускага каталіцкага сьвятара візантыйскга абраду архімандрыта Фабіяна Абрантовіча. У 2003 годзе распачаўся афіцыйны працэс яго беатыфікацыі. 
10 студзеня 2016 году музыкі з эксьперыментальнага фолк-блюз гурта «Балцкі Субстрат» былі гасьцямі ў душпастырскім цэнтры грэка-католікаў Берасьця. 
Навіны за 2016 год
