У Ватыкане 18 траўня 2016 году адбылася афіцыйная цырымонія адкрыцьця выставы сакральнага мастацтва «Іканапіс Беларусі ХVII-XXI стагоддзяў». 
Прызначаны 13 траўня 2016 году Папам Францішкам новы Апостальскі нунцый у Рэспубліцы Беларусь мансіньёр Габар Пінтэр накіраваў прывітальнае слова да біскупаў, сьвятароў, членаў манаскіх супольнасьцяў, вернікаў ды ўсіх грамадзянаў добрай волі ў Беларусі, паведамляе Ватыканскае радыё. 
У грэка-каталіцкім душпастырскім цэнтры Праведнага Язэпа ў Менску 24 красавіка 2016 году адбылася прэзентацыя дыску «Сьпевы Боскай Літургіі сьвятога Яна Залатавуснага». 
Кангрэгацыя Ўсходніх Цэркваў «з пачуцьцём сыноўскай удзячнасьці» далучылася да закліку Сьвятога Айца прысьвяціць нядзелю, 24 красавіка 2016 году, сьпецыяльнаму збору сродкаў для ахвяраў узброенага канфлікту ва Ўкраіне. 
Сьвяты Айцец Францішак, Папа Рымскі, выяўляючы клопат і салідарнасьць з людзьмі ва Ўкраіне, якія пацярпелі ў выніку вайсковых дзеяньняў, выступіў з заклікам правесьці ў нядзелю, 24 красавіка 2016 году, ва ўсіх каталіцкіх цэрквах Еўропы збор ахвяраваньняў для гуманітарнай дапамогі Ўкраіне. 
15 красавіка 2016 году грэка-католікі Беларусі, і ня толькі, успамінаюць айца Аляксандра Надсана — знакамітага суайчыньніка, сьвятара, публіцыста і перакладчыка. Сёлета спаўняецца роўна год з моманту, як яго ня стала. У гэты дзень ў Беларусі і за мяжой вернікі моляцца і дзякуюць за яго вялікую працу на зямлі. 
3 красавіка 2016 году, у Нядзелю Тамаша (іншая назва — нядзеля Божай Міласэрнасьці) маладэчанская грэка-каталіцкая парафія адсьвяткавала сваё парафіяльнае сьвята ў гонар Хрыста Чалавекалюбцы і адначасова 25-годдзе свайго існаваньня. 
З 31 сакавіка па 4 красавіка 2016 году ў Рыме праходзіў Еўрапейскі апостальскі кангрэс Божай Міласэрнасьці, на якім Беларусь прадстаўляў Апостальскі Візітатар для грэка-католікаў Беларусі Архімандрыт Сяргей (Гаек). 
Сёлетнія велікодныя ўрачыстасьці Царква Хрыстова сьвяткуе ў пасхальнай персьпектыве Божай Міласэрнасьці — адзначыў у сваім пасланьні Апостальскі Візітатар БГКЦ. «Любоў Божая, якая праявілася ў тым, што Ён не пашкадаваў Свайго Сына для збаўленьня людзей, дазваляе чалавеку паверыць у прысутнасьць любові ў сьвеце, паверыць у яе магутнасьць. Паверыць у міласэрнасьць і адкрыць глыбокі, праўдзівы сэнс любові, міласэрнасьці і салідарнасьці ў адносінах між людзьмі, між народамі, між Цэрквамі», — напісаў архім. Сяргей Гаек. 
З нагоды 70-й гадавіны Львоўскага псеўдасабору 1946 году Папа Францішак сутрэўся з сябрамі Пастаяннага Сіноду УГКЦ і накіраваў пасланьне на імя зьверхніка УГКЦ. 
Галоўная 
Навіны за 2016 год
Гл. таксама:
Кангрэгацыя Ўсходніх Цэркваў заклікае шчодра паўдзельнічаць у дабрачыннай акцыі для Ўкраіны
Апостальскі Візітатар БГКЦ прадстаўляў Беларусь на Кангрэсе Божай Міласэрнасьці ў Рыме
Пасланьне Папы з нагоды 70-х угодкаў Львоўскага псеўдасабору
У 70-ыя ўгодкі Львоўскага псеўдасабору ярархі УГКЦ сустрэліся з Папам
Папа Францішак: пошук еднасьці хрысьціянаў застаецца прыярытэтам для Каталіцкай Царквы
Навіны за 2016 год
24.04.2016
24 красавіка ў каталіцкіх цэрквах Еўропы зьбіраюць ахвяраваньні для Ўкраіны
Сьвяты Айцец Францішак, Папа Рымскі, выяўляючы клопат і салідарнасьць з людзьмі ва Ўкраіне, якія пацярпелі ў выніку вайсковых дзеяньняў, выступіў з заклікам правесьці ў нядзелю, 24 красавіка 2016 году, ва ўсіх каталіцкіх цэрквах Еўропы збор ахвяраваньняў для гуманітарнай дапамогі Ўкраіне.
Гэтую дабрачынную агульнаеўрапейскую ініцыятыву Рымскі Архірэй агучыў у Нядзелю Божай міласэрнасьці, 3 красавіка 2016 году. 
Зьвяртаючыся да каталіцкіх вернікаў у Еўропе, Папа Францішак сказаў: «Мая думка нясецца да ўсіх народаў, якія больш за ўсё прагнуць прымірэньня і міру. У прыватнасьці, маю на ўвазе тут, у Еўропе, драму тых, хто пераносіць наступствы гвалту ва Ўкраіне: тых, якія знаходзяцца на тэрыторыях, ахопленых вайсковымі дзеяньнямі, якія ўжо прывялі да тысячаў сьмерцяў і больш за мільён былі вымушаныя пакінуць гэтыя тэрыторыі з улікам цяжкай сітуацыі, якая і далей трывае. Гэта перш за ўсё датычыць асобаў пахілага веку і дзяцей. Апроч таго, што я ўвесь час маю іх у сваіх думках і суправаджаю малітвай, я вырашыў выступіць з ініцыятывай гуманітарнай падтрымкі на іх карысьць.
Зьвяртаючыся да каталіцкіх вернікаў у Еўропе, Папа Францішак сказаў: «Мая думка нясецца да ўсіх народаў, якія больш за ўсё прагнуць прымірэньня і міру. У прыватнасьці, маю на ўвазе тут, у Еўропе, драму тых, хто пераносіць наступствы гвалту ва Ўкраіне: тых, якія знаходзяцца на тэрыторыях, ахопленых вайсковымі дзеяньнямі, якія ўжо прывялі да тысячаў сьмерцяў і больш за мільён былі вымушаныя пакінуць гэтыя тэрыторыі з улікам цяжкай сітуацыі, якая і далей трывае. Гэта перш за ўсё датычыць асобаў пахілага веку і дзяцей. Апроч таго, што я ўвесь час маю іх у сваіх думках і суправаджаю малітвай, я вырашыў выступіць з ініцыятывай гуманітарнай падтрымкі на іх карысьць.З гэтай мэтай у нядзелю, 24 красавіка, ва ўсіх каталіцкіх цэрквах Еўропы будзе праведзены сьпецыяльны збор. Заахвочваю вернікаў далучыцца да гэтай ініцыятывы сваімі шчодрымі ахвяраваньнямі. Гэты жэст міласэрнай любові, акрамя аблягчэньня матэрыяльных цярпеньняў, мае на мэце выказаць маю асабістую і усёй Царквы блізкасьць і салідарнасьць.
Выказваю шчырае пажаданьне, каб гэта змагло дапамагчы без далейшых затрымак спрыяньню міру і пашане да права на гэтай зямлі, якая зьведала вельмі шмат выпрабаваньняў».
Паводле зьвестак ААН, ад пачатку вайны на Данбасе ва Ўкраіне загінула 9208 чалавек, больш за 1,7 млн. чалавек вымушаныя былі шукаць прытулку ў больш спакойных рэгіёнах краіны, гуманітарнай дапамогі агулам патрабуе ня менш за 3,1 млн. чалавек.
Сабраныя католікамі 24 красавіка грошы будуць прызначаныя на падрыхтаваныя Апостальскім Пасадам праекты падтрымкі найбольш пацярпелых і неабароненых груп ва Ўкраіне.
Да гэтай агульнаеўрапейскай ініцыятывы далучацца і вернікі Ўкраінскай Грэка-Каталіцкай Царквы ва ўсім сьвеце.
Гл. таксама:
Кангрэгацыя Ўсходніх Цэркваў заклікае шчодра паўдзельнічаць у дабрачыннай акцыі для Ўкраіны
Апостальскі Візітатар БГКЦ прадстаўляў Беларусь на Кангрэсе Божай Міласэрнасьці ў Рыме
Пасланьне Папы з нагоды 70-х угодкаў Львоўскага псеўдасабору
У 70-ыя ўгодкі Львоўскага псеўдасабору ярархі УГКЦ сустрэліся з Папам
Папа Францішак: пошук еднасьці хрысьціянаў застаецца прыярытэтам для Каталіцкай Царквы
Гэты артыкул чыталі 75 разоў (-ы)
