Новы Апостальскі нунцый у Беларусі бачыць сваім прыярытэтам разьвіцьцё экуменізму Прызначаны 13 траўня 2016 году Папам Францішкам новы Апостальскі нунцый у Рэспубліцы Беларусь мансіньёр Габар Пінтэр накіраваў прывітальнае слова да біскупаў, сьвятароў, членаў манаскіх супольнасьцяў, вернікаў ды ўсіх грамадзянаў добрай волі ў Беларусі, паведамляе Ватыканскае радыё.
24 красавіка ў каталіцкіх цэрквах Еўропы зьбіраюць ахвяраваньні для Ўкраіны Сьвяты Айцец Францішак, Папа Рымскі, выяўляючы клопат і салідарнасьць з людзьмі ва Ўкраіне, якія пацярпелі ў выніку вайсковых дзеяньняў, выступіў з заклікам правесьці ў нядзелю, 24 красавіка 2016 году, ва ўсіх каталіцкіх цэрквах Еўропы збор ахвяраваньняў для гуманітарнай дапамогі Ўкраіне.
22.04.2016
Год без айца Надсана – новыя выклікі для грэка-католікаў 15 красавіка 2016 году грэка-католікі Беларусі, і ня толькі, успамінаюць айца Аляксандра Надсана — знакамітага суайчыньніка, сьвятара, публіцыста і перакладчыка. Сёлета спаўняецца роўна год з моманту, як яго ня стала. У гэты дзень ў Беларусі і за мяжой вернікі моляцца і дзякуюць за яго вялікую працу на зямлі.
08.04.2016
Грэка-каталіцкая парафія ў Маладэчне адсьвяткавала сваё 25-годдзе 3 красавіка 2016 году, у Нядзелю Тамаша (іншая назва — нядзеля Божай Міласэрнасьці) маладэчанская грэка-каталіцкая парафія адсьвяткавала сваё парафіяльнае сьвята ў гонар Хрыста Чалавекалюбцы і адначасова 25-годдзе свайго існаваньня.
Слова Апостальскага Візітатара для грэка-католікаў Беларусі на сьвята Пасхі Гасподняй 2016 году Сёлетнія велікодныя ўрачыстасьці Царква Хрыстова сьвяткуе ў пасхальнай персьпектыве Божай Міласэрнасьці — адзначыў у сваім пасланьні Апостальскі Візітатар БГКЦ. «Любоў Божая, якая праявілася ў тым, што Ён не пашкадаваў Свайго Сына для збаўленьня людзей, дазваляе чалавеку паверыць у прысутнасьць любові ў сьвеце, паверыць у яе магутнасьць. Паверыць у міласэрнасьць і адкрыць глыбокі, праўдзівы сэнс любові, міласэрнасьці і салідарнасьці ў адносінах між людзьмі, між народамі, між Цэрквамі», — напісаў архім. Сяргей Гаек.
Новы Апостальскі нунцый у Беларусі бачыць сваім прыярытэтам разьвіцьцё экуменізму
Прызначаны 13 траўня 2016 году Папам Францішкам новы Апостальскі нунцый у Рэспубліцы Беларусь мансіньёр Габар Пінтэр накіраваў прывітальнае слова да біскупаў, сьвятароў, членаў манаскіх супольнасьцяў, вернікаў ды ўсіх грамадзянаў добрай волі ў Беларусі, паведамляе Ватыканскае радыё.
Ватыканскі дыпламат мяркуе, што яго паходжаньне з усходне-еўрапейскай краіны з камуністычным мінулым дапаможа яму лепш зразумець актуальную сітуацыю і праблемы Царквы і грамадзтва ў Беларусі. Новы Апостальскі нунцый у Беларусі мансіньёр Габар Пінтэр.Прыярытэтам у сваім служэньні ў Беларусі новы прадстаўнік Сьвятога Пасаду бачыць разьвіцьцё і паглыбленьне экуменічнага супрацоўніцтва з Праваслаўнай Царквой.
«Гэта вялікі гонар і задавальненьне для мяне — мець магчымасьць прадстаўляць Сьвятога Айца ў вашай цудоўнай краіне, сярод гэтага высакароднага народу, у Царкве, што так драматычна пацярпела, і ў той жа час настолькі жывая, — адзначае мансіньёр Габар Пінтэр. — Той факт, што я паходжу з Венгрыі і таму ведаю рэальнасьць камуністычнага мінулага, несумненна, дапаможа мне лепш зразумець актуальную сітуацыю Царквы і грамадзтва ў Беларусі».
У сваім прывітальным слове, якое новы Апостальскі нунцый у Беларусі накіраваў з Вены ў Нядзелю Спасланьня Сьвятога Духа, ватыканскі дыпламат адзначае высокі ўзровень экуменічнага супрацоўніцтва паміж хрысьціянскімі Цэрквамі ў Беларусі: «Я быў вельмі рады атрымаць інфармацыю пра выдатнае супрацоўніцтва паміж Каталіцкай Царквой і Праваслаўнай Царквой, што многія лічаць мадэльлю экуменізму. Для мяне будзе прыярытэтам, разьвіцьцё і паглыбленьне гэтага братняга і сапраўднага хрысьціянскага суіснаваньня».
Мансіньёр Габар Пінтэр паведаміў таксама, што цяпер пэўны час будзе заняты падрыхтоўкай да свайго служэньня ў Беларусі і, на жаль, ня зможа на пачатку ліпеня прысутнічаць на ўрачыстасьцях у Будславе, дзе будзе адзначацца 25-я гадавіна ўсталяваньня Менска-Магілёўскай архідыяцэзіі, што стала сымбалем адраджэньня Каталіцкай Царквы ў Беларусі. «На жаль, я не змагу прысутнічаць сярод вас фізічна, але буду там духоўна і ў маіх малітвах», — напісаў ён.
Напрыканцы свайго прывітальнага слова Апостальскі нунцый папрасіў беларускіх вернікаў маліцца за яго ў гэты час: «Я прашу вас шмат маліцца за мяне ў бліжэйшыя месяцы, падчас якіх я буду рыхтавацца з вялікай радасьцю і шырока адкрытым сэрцам, каб у бліжэйшы час сустрэць вас з жаданьнем быць вашым братам, які падтрымлівае вас у веры, міласэрнасьці і надзеі».
Новы прадстаўнік Сьвятога Айца ў нашай краіне нарадзіўся ў г. Кунсэнтмартан (Венгрыя) 9 сакавіка 1964 году. Сьвятарскія сьвячаньні атрымаў 11 чэрвеня 1988 году ў рыма-каталіцкай дыяцэзіі Вацу. Атрымаў ступень доктара тэалогіі. Пачаў службу ў ватыканскай дыпламатыі 1 ліпеня 1996 году. Працаваў у прадстаўніцтвах Сьвятога Пасаду на Гаіці, у Балівіі, Швецыі, Францыі, на Філіпінах і ў Аўстрыі.
13 траўня 2016 году Папа Францішак прызначыў мансіньёра Габара Пінтэра Апостальскім нунцыем у Рэспубліцы Беларусь, надаючы яму адначасова годнасьць тытулярнага архібіскупа Велбужду. Каталіцкая япархія ў Вэлбуждзе (Dioecesis Velebusdiensis) існавала ў сярэднявеччы на тэрыторыі сучаснай Баўгарыі.
Д-р Габар Пінтэр акрамя роднай вянгерскай валодае крэольскай мовай Гаіці, італійскай, ангельскай, нямецкай, гішпанскай, французскай, расейскай і шведзкай мовамі.
У Ватыкане 18 траўня 2016 году адбылася афіцыйная цырымонія адкрыцьця выставы сакральнага мастацтва «Іканапіс Беларусі ХVII-XXI стагоддзяў». 
Прызначаны 13 траўня 2016 году Папам Францішкам новы Апостальскі нунцый у Рэспубліцы Беларусь мансіньёр Габар Пінтэр накіраваў прывітальнае слова да біскупаў, сьвятароў, членаў манаскіх супольнасьцяў, вернікаў ды ўсіх грамадзянаў добрай волі ў Беларусі, паведамляе Ватыканскае радыё. 
У грэка-каталіцкім душпастырскім цэнтры Праведнага Язэпа ў Менску 24 красавіка 2016 году адбылася прэзентацыя дыску «Сьпевы Боскай Літургіі сьвятога Яна Залатавуснага». 
Кангрэгацыя Ўсходніх Цэркваў «з пачуцьцём сыноўскай удзячнасьці» далучылася да закліку Сьвятога Айца прысьвяціць нядзелю, 24 красавіка 2016 году, сьпецыяльнаму збору сродкаў для ахвяраў узброенага канфлікту ва Ўкраіне. 
Сьвяты Айцец Францішак, Папа Рымскі, выяўляючы клопат і салідарнасьць з людзьмі ва Ўкраіне, якія пацярпелі ў выніку вайсковых дзеяньняў, выступіў з заклікам правесьці ў нядзелю, 24 красавіка 2016 году, ва ўсіх каталіцкіх цэрквах Еўропы збор ахвяраваньняў для гуманітарнай дапамогі Ўкраіне. 
15 красавіка 2016 году грэка-католікі Беларусі, і ня толькі, успамінаюць айца Аляксандра Надсана — знакамітага суайчыньніка, сьвятара, публіцыста і перакладчыка. Сёлета спаўняецца роўна год з моманту, як яго ня стала. У гэты дзень ў Беларусі і за мяжой вернікі моляцца і дзякуюць за яго вялікую працу на зямлі. 
3 красавіка 2016 году, у Нядзелю Тамаша (іншая назва — нядзеля Божай Міласэрнасьці) маладэчанская грэка-каталіцкая парафія адсьвяткавала сваё парафіяльнае сьвята ў гонар Хрыста Чалавекалюбцы і адначасова 25-годдзе свайго існаваньня. 
З 31 сакавіка па 4 красавіка 2016 году ў Рыме праходзіў Еўрапейскі апостальскі кангрэс Божай Міласэрнасьці, на якім Беларусь прадстаўляў Апостальскі Візітатар для грэка-католікаў Беларусі Архімандрыт Сяргей (Гаек). 
Сёлетнія велікодныя ўрачыстасьці Царква Хрыстова сьвяткуе ў пасхальнай персьпектыве Божай Міласэрнасьці — адзначыў у сваім пасланьні Апостальскі Візітатар БГКЦ. «Любоў Божая, якая праявілася ў тым, што Ён не пашкадаваў Свайго Сына для збаўленьня людзей, дазваляе чалавеку паверыць у прысутнасьць любові ў сьвеце, паверыць у яе магутнасьць. Паверыць у міласэрнасьць і адкрыць глыбокі, праўдзівы сэнс любові, міласэрнасьці і салідарнасьці ў адносінах між людзьмі, між народамі, між Цэрквамі», — напісаў архім. Сяргей Гаек. 
З нагоды 70-й гадавіны Львоўскага псеўдасабору 1946 году Папа Францішак сутрэўся з сябрамі Пастаяннага Сіноду УГКЦ і накіраваў пасланьне на імя зьверхніка УГКЦ. 
Навіны за 2016 год
