Сьпецыяльны пасланьнік Папы Францішка архібіскуп Вены кардынал Крыстаф Шэнбарн падчас урачыстасьцяў у Будславе перадасьць беларускім грэка-католікам рэліквію архібіскупа Язафата Кунцэвіча, паведамляе БЕЛТА з спасылкай на інфармацыю ад прадстаўнікоў Каталіцкай Царквы ў Беларусі. 
Апостальскі Візітатар для грэка-католікаў Беларусі Архімандрыт Сяргей (Гаек) 25 чэрвеня 2016 году асьвяціў новы фасад царквы і душпастырскага цэнтру парафіі братоў-апосталаў Пятра і Андрэя ў Берасьці. 
24 чэрвеня 2016 году самалёт італійскай авіякампаніі "Alitalia" з Папам Францішкам на борце зрабіў пасадку ў міжнародным аэрапорце «Звартноц» у сталіцы Арменіі Ерэване, паведамляе Беларуская рэдакцыя Ватыканскага радыё. 
31 траўня 2016 году з нагоды Году міласэрнасьці адбылася Юбілейная пілігрымка да базылікі святога Пятра ў Рыме, якую арганізавала Кангрэгацыя Ўсходніх Цэркваў. 
Маскоўскі Патрыярхат спадзяецца на плённае супрацоўніцтва з новым Апостальскім нунцыем у Расеі. Ім 28 траўня 2016 году быў прызначаны архібіскуп Чэлесьціна Мільёрэ, былы папскі прадстаўнік у Польшчы, паведамляе Беларуская рэдакцыя Ватыканскага радыё. 
Падрыхтоўка візіту Папы Рымскага ў Беларусь вядзецца, але гэта не азначае, што візіт адбудзецца найбліжэйшым часам, заявіў журналістам 27 траўня 2016 году ў Менску міністар замежных спраў Беларусі Ўладзімір Макей. 
Падчас Нацыянальнага еўхарыстычнага кангрэсу, які 24-26 мая праходзіў у Горадні, у якім бралі ўдзел і прадстаўнікі БГКЦ, папскі легат кардынал Зянон Грахалеўскі адказаў на пытаньне, што трэба зрабіць, каб Рымскі Архірэй наведаў Беларусь. 
У Гарадзенскім музеі гісторыі рэлігіі 23 траўня 2016 году навуковай грамадзкасьці была прадстаўлена амаль пяцісотстаронкавая манаграфія «Канфесійны фактар у сацыяльным разьвіцьці Беларусі (канец XVIII — пачатак XX ст.)», якая пабачыла сьвет у выдавецтве «Беларуская навука» у 2015 годзе. 
Урачыстасьць Найсьвяцейшай Тройцы заклікае нас быць закваской еднасьці, суцяшэньня і любові, сказаў Сьвяты Айцец Францішак падчас малітвы «Анёл Гасподні» ў нядзелю, 22 траўня 2016 году ў Ватыкане. 
Апостальскі Візітатар для грэка-католікаў Беларусі архім. Сяргей Гаек 
Галоўная 
Навіны за 2016 год
«Гэта дар вернікаў Беларускай Грэка-Каталіцкай Царквы, асабліва моладзі, якія на роднай мове моляцца за Папу, за Каталіцкую Царквы ды за сваю Бацькаўшчыну Беларусь, асабліва ў гэтыя дні», — сказаў Архімандрыт Сяргей (Гаек) Сьвятому Айцу.
Навіны за 2016 год
22.05.2016
Папу Францішку падаравалі дыск з сьпевамі візантыйскай літургіі па-беларуску
Апостальскі Візітатар для грэка-католікаў Беларусі архім. Сяргей Гаек 18 траўня 2016 году, напрыканцы агульнай аўдыенцыі на плошчы сьв. Пятра, падарыў Сьвятому Айцу Францішку дыск «Сьпевы Боскай Літургіі сьвятога Яна Залатавуснага», запісаны на беларускай мове, паведамляе сайт Svjazep.org.
«Гэта дар вернікаў Беларускай Грэка-Каталіцкай Царквы, асабліва моладзі, якія на роднай мове моляцца за Папу, за Каталіцкую Царквы ды за сваю Бацькаўшчыну Беларусь, асабліва ў гэтыя дні», — сказаў Архімандрыт Сяргей (Гаек) Сьвятому Айцу.Папа Францішак перадаў сваё блаславеньне беларускім грэка-католікам.
Падчас гэтай агульнай аўдыенцыі Папа Францішак таксама асьвяціў абраз сьв. Яна Паўла ІІ для рыма-каталіцкай парафіі ў Менску, якая носіць яго імя.
Над падрыхтоўкай рэпертуару для дыску «Сьпевы Боскай Літургіі сьвятога Яна Залатавуснага», рэдагаваньнем і нотавым запісам, некалькі гадоў працаваў Сяргей Раюнец. Запіс і выданьне зьдзейсьніла студыя Зьмітра Папко (вядомага як Vinsent).
Падчас гэтай агульнай аўдыенцыі Папа Францішак таксама асьвяціў абраз сьв. Яна Паўла ІІ для рыма-каталіцкай парафіі ў Менску, якая носіць яго імя.
Над падрыхтоўкай рэпертуару для дыску «Сьпевы Боскай Літургіі сьвятога Яна Залатавуснага», рэдагаваньнем і нотавым запісам, некалькі гадоў працаваў Сяргей Раюнец. Запіс і выданьне зьдзейсьніла студыя Зьмітра Папко (вядомага як Vinsent).
Традыцыйныя напевы і творы вядомага беларускага кампазітара Міколы Равенскага былі запісаныя паводле музычных выданьняў «Царкоўны сьпеўнік» і «Сьпевы Боскай Літургіі», якія былі выдадзеныя ў Лондане пад рэдакцыяй Гая дэ Пікарда (1931—2007) — музыказнаўцы з Вялікабрытаніі з французскімі каранямі, дасьледчыка беларускай культуры, а абыходны напеў — паводле «Палескага зборніка» (1929).
Літургічныя сьпевы, запісаныя на дыску, выканалі Наста Казаровец (альт), Андрэй Гайдукевіч і Сяргей Раюнец (тэнары) ды Арцём Сітнікаў (бас, чытальнік), а сьвятарскія часткі — а. Яўген Усошын.
З 18 траўня 2016 году Апостальскі Візітатар БГКЦ архім. Сяргей Гаек знаходзіўся ў Рыме. У складзе вялікай экуменічнай дэлегацыі з Беларусі, якую складалі католікі на чале з мітрапалітам Менска-Магілёўскім Тадэвушам Кандрусевічам, праваслаўны хор на чале з сьвятаром а. Фёдарам Поўным ды супрацоўнікі Нацыянальнага мастацкага музею Беларусі, ён прысутнічаў на ўрачыстым адкрыцьці ў Ватыканскіх музеях выставы «Іканапіс Беларусі XVII—XXI стагоддзяў». Гэтая культурная ініцыятыва экуменічнага характару прысьвечана Юбілейнаму Году Міласэрнасьці, які адбываецца ў Каталіцкай Царкве.
Фота: L’Osservatore Romano.
Фота: L’Osservatore Romano.
Гл. таксама:
Першаярарх УГКЦ сустрэўся з Рымскім Архірэем
Беларускія ярархі падарылі Папу Рымскаму беларускі пераклад яго кнігі
Пасланьне Папы з нагоды 70-х угодкаў Львоўскага псеўдасабору
У 70-ыя ўгодкі Львоўскага псеўдасабору ярархі УГКЦ сустрэліся з Папам
«Мой Улюбёны — нібы гор вышыні»
Гэты артыкул чыталі 80 разоў (-ы)
