Кіраўнік Залы Друку Сьвятога Пасаду Матэа Бруні апублікаваў заяву па Беларусі. Яна стала адказам на шматлікія запыты журналістаў. 
Адрачыся ад саміх сябе і мараў пра веліч, каб паставіць Бога і людзей у цэнтар штодзённых клопатаў заклікаў Папа Рымскі Францішак французскіх сьвятароў, якія атрымліваюць адукацыю ў Рыме — паведамляе Беларуская рэдакцыя парталу Vatican News. 
Апостальскі нунцый у Рэспубліцы Беларусь архібіскуп Антэ Ёзіч у прыватным парадку наведаў праваслаўны Сьвята-Ўсьпенскі манастыр у Жыровічах, дзе памаліўся перад адной з самых шанаваных хрысьціянскіх сьвятыняў Беларусі — цудатворнай іконай Маці Божай Жыровіцкай, паведамляе Catholic.by. 
22 траўня 2021 году Апостальскі нунцый у Рэспубліцы Беларусь архібіскуп Антэ Ёзіч наведаў рыма-каталіцкую парафію Ўнебаўзяцьця Найсьвяцейшай Панны Марыі ў Пружане (Пінская дыяцэзія), дзе падчас урачыстай сьвятой Імшы зьдзейсьніў асьвячэньне абраза Маці Божай Апякункі лясоў — паведамляе Catholic.by. 
У Янаве на Палесьсі адзначылі ўрачыстасьць у гонар сьвятога Андрэя Баболі — апекуна Пінскай рыма-каталіцкай дыяцэзіі. Ва ўрачыстасьці бралі ўдзел і грэка-католікі. 
Група грэка-каталіцкіх пілігрымаў з Менску і Івацэвічаў 11 траўня 2021 году прыехала ў Стоўпцы, каб памаліцца і ўшанаваць памяць беларускага грэка-каталіцкага сьвятара Льва Гарошкі, які пэўны час служыў там, паведамляе сайт Svjazep.org. 
11 траўня 2021 году Нацыянальны санктуарыюм Маці Божай Будслаўскай, дзе здарыўся пажар, у той жа дзень наведалі каталіцкія біскупы Беларусі, паведамляе Catholic.by. Ярархі заклікалі ўсіх да малітвы і далучыцца да збору ахвяраваньняў на аднаўленьне старажытнай сьвятыні. 
Раніцай 11 траўня 2021 году ў Нацыянальным санктуарыюме Маці Божай у Будславе здарыўся пажар у выніку ўзгараньня на даху. Патушыць агонь не ўдавалася на працягу некалькіх гадзінаў, у выніку чаго дах абрынуўся на скляпеньні. 
18 красавіка 2021 году мінула 40 гадоў ад дня спачыну Слугі Божага біскупа Баляслава Слосканса, які на працягу многіх гадоў, у вельмі складаныя часы, быў архіпастырам беларускіх католікаў лацінскага і візантыйскага абрадаў як у Беларусі, так і за яе межамі. 
Біскуп Віцебскі Алег Буткевіч абраны новым старшынём Канферэнцыі каталіцкіх біскупаў у Беларусі (ККББ). Выбары прайшлі 14 красавіка 2021 году на 80-м пленарным пасяджэньні біскупскай асамблеі. Пасяджэньне было прымеркаванае да 30-годдзя адраджэньня структураў Каталіцкай Царквы ў Беларусі. 
Галоўная 
Навіны хрысьціянскага сьвету
Прызначаючы кардынала Шэнбарна сваім надзвычайным прадстаўніком на ўрачыстым сьвяткаваньні 25-й гадавіны заснаваньня Менска-Магілёўскай мітрапалітальнай Царквы лацінскага абраду, якое адбудзецца ў Нацыянальным санктуарыюме Маці Божай Будслаўскай 1 і 2 ліпеня, Рымскі Архірэй папрасіў Мітрапаліта Венскага, які вельмі шмат дапамагае Царкве ў Беларусі, узначаліць гэтыя ўрачыстасьці і адслужыць Еўхарыстыю ды ад яго імя прывітаць Мітрапаліта Тадэвуша Кандрусевіча, які спаўняе таксама функцыю Старшыні Канферэнцыі Каталіцкіх Біскупаў у Беларусі, ярархаў, сьвятароў, богапасьвячаных асобаў, сьвецкія ўлады і ўсіх беларускіх вернікаў. У такі спосаб Сьвяты Айцец Францішак пажадаў выказаць сваю пашану да беларускай паствы.
Гл. таксама:
Архімандрыт Сяргей (Гаек) пра чаканьні беларусаў ад сустрэчы з Папам у краінах Балтыі
Папа пра значэньне велікодных сьвятаў
Япіскап Бенядыкт Алексійчук: Беларусь і Ўсходняя Ўкраіна мелі аднолькавыя стартавыя ўмовы, а вынікі — несувымерныя
Папа ягіпецкім католікам: «ня бойцеся адкрыць свае сэрцы», будзьце будаўнікамі мастоў, дыялогу і згоды
Кніга пра ўніяцкіх сьвятароў Беларусі перададзеная Рымскаму Архірэю
Навіны хрысьціянскага сьвету
02.07.2016
Папа папрасіў свайго пасланьніка прывітаць ад яго імя беларусаў у Будславе
Папа Рымскі Францішак скіраваў адмысловы ліст свайму надзвычайнаму пасланьніку на ўрачыстасьці 1-2 ліпеня 2016 году ў Будславе кардыналу Крыстафу Шэнбарну, архібіскупу Мітрапаліту Венскаму.
Прызначаючы кардынала Шэнбарна сваім надзвычайным прадстаўніком на ўрачыстым сьвяткаваньні 25-й гадавіны заснаваньня Менска-Магілёўскай мітрапалітальнай Царквы лацінскага абраду, якое адбудзецца ў Нацыянальным санктуарыюме Маці Божай Будслаўскай 1 і 2 ліпеня, Рымскі Архірэй папрасіў Мітрапаліта Венскага, які вельмі шмат дапамагае Царкве ў Беларусі, узначаліць гэтыя ўрачыстасьці і адслужыць Еўхарыстыю ды ад яго імя прывітаць Мітрапаліта Тадэвуша Кандрусевіча, які спаўняе таксама функцыю Старшыні Канферэнцыі Каталіцкіх Біскупаў у Беларусі, ярархаў, сьвятароў, богапасьвячаных асобаў, сьвецкія ўлады і ўсіх беларускіх вернікаў. У такі спосаб Сьвяты Айцец Францішак пажадаў выказаць сваю пашану да беларускай паствы.У сваім лісьце на імя кардынала Крыстафа Шэнбарна Рымскі Архірэй напісаў: «Мы ведаем пра многія жудасныя моманты, якія перажылі хрысьціяне ў Беларусі падчас камуністычнага рэжыму, але гэта спрычынілася да ўмацаваньня веры і сёньня зьяўляецца добрым сьведчаньнем пра Хрыста і Яго Царкву. Сярод гэтых людзей знаходзіўся Яго Эмінэнцыя кардынал Казімір Сьвёнтэк, першы архібіскуп гэтай мітрапалітальнай сталіцы, нязломны абаронца веры, які пад пагрозай сьмерці абвяшчаў Хрыста і вёў вернікаў шляхам Евангельля.
Жадаем, каб усе вернікі Беларусі, успамінаючы розныя старонкі гісторыі мітрапалітальнай Царквы, захоўвалі Божыя запаведзі ў штодзённым жыцьці, а таксама паказвалі прыгажосьць хрысьціянскага пакліканьня сваім прыкладам і словам».
Таксама Папа Рымскі Францішак папрасіў свайго надзвычайнага пасланьніка кардынала Шэнбарна перадаць усім удзельнікам ўрачыстасьцяў у Будславе яго Апостальскае бласлаўленьне.
Гл. таксама:
Архімандрыт Сяргей (Гаек) пра чаканьні беларусаў ад сустрэчы з Папам у краінах Балтыі
Папа пра значэньне велікодных сьвятаў
Япіскап Бенядыкт Алексійчук: Беларусь і Ўсходняя Ўкраіна мелі аднолькавыя стартавыя ўмовы, а вынікі — несувымерныя
Папа ягіпецкім католікам: «ня бойцеся адкрыць свае сэрцы», будзьце будаўнікамі мастоў, дыялогу і згоды
Кніга пра ўніяцкіх сьвятароў Беларусі перададзеная Рымскаму Архірэю
Гэты артыкул чыталі 81 разоў (-ы)
