Кіраўнік Залы Друку Сьвятога Пасаду Матэа Бруні апублікаваў заяву па Беларусі. Яна стала адказам на шматлікія запыты журналістаў. 
Адрачыся ад саміх сябе і мараў пра веліч, каб паставіць Бога і людзей у цэнтар штодзённых клопатаў заклікаў Папа Рымскі Францішак французскіх сьвятароў, якія атрымліваюць адукацыю ў Рыме — паведамляе Беларуская рэдакцыя парталу Vatican News. 
Апостальскі нунцый у Рэспубліцы Беларусь архібіскуп Антэ Ёзіч у прыватным парадку наведаў праваслаўны Сьвята-Ўсьпенскі манастыр у Жыровічах, дзе памаліўся перад адной з самых шанаваных хрысьціянскіх сьвятыняў Беларусі — цудатворнай іконай Маці Божай Жыровіцкай, паведамляе Catholic.by. 
22 траўня 2021 году Апостальскі нунцый у Рэспубліцы Беларусь архібіскуп Антэ Ёзіч наведаў рыма-каталіцкую парафію Ўнебаўзяцьця Найсьвяцейшай Панны Марыі ў Пружане (Пінская дыяцэзія), дзе падчас урачыстай сьвятой Імшы зьдзейсьніў асьвячэньне абраза Маці Божай Апякункі лясоў — паведамляе Catholic.by. 
У Янаве на Палесьсі адзначылі ўрачыстасьць у гонар сьвятога Андрэя Баболі — апекуна Пінскай рыма-каталіцкай дыяцэзіі. Ва ўрачыстасьці бралі ўдзел і грэка-католікі. 
Група грэка-каталіцкіх пілігрымаў з Менску і Івацэвічаў 11 траўня 2021 году прыехала ў Стоўпцы, каб памаліцца і ўшанаваць памяць беларускага грэка-каталіцкага сьвятара Льва Гарошкі, які пэўны час служыў там, паведамляе сайт Svjazep.org. 
11 траўня 2021 году Нацыянальны санктуарыюм Маці Божай Будслаўскай, дзе здарыўся пажар, у той жа дзень наведалі каталіцкія біскупы Беларусі, паведамляе Catholic.by. Ярархі заклікалі ўсіх да малітвы і далучыцца да збору ахвяраваньняў на аднаўленьне старажытнай сьвятыні. 
Раніцай 11 траўня 2021 году ў Нацыянальным санктуарыюме Маці Божай у Будславе здарыўся пажар у выніку ўзгараньня на даху. Патушыць агонь не ўдавалася на працягу некалькіх гадзінаў, у выніку чаго дах абрынуўся на скляпеньні. 
18 красавіка 2021 году мінула 40 гадоў ад дня спачыну Слугі Божага біскупа Баляслава Слосканса, які на працягу многіх гадоў, у вельмі складаныя часы, быў архіпастырам беларускіх католікаў лацінскага і візантыйскага абрадаў як у Беларусі, так і за яе межамі. 
Біскуп Віцебскі Алег Буткевіч абраны новым старшынём Канферэнцыі каталіцкіх біскупаў у Беларусі (ККББ). Выбары прайшлі 14 красавіка 2021 году на 80-м пленарным пасяджэньні біскупскай асамблеі. Пасяджэньне было прымеркаванае да 30-годдзя адраджэньня структураў Каталіцкай Царквы ў Беларусі. 
Галоўная 
Навіны хрысьціянскага сьвету
Сёлета ва ўсім сьвеце ўрачыста адзначаюцца 150-ыя ўгодкі пачатку публічнага шанаваньня цудатворнай іконы Маці Божай Нястомнай Дапамогі, якая, паводле паданьня, паходзіць з Крыту. У 1866 годзе Папа Рымскі Пій IX перадаў гэтую ікону пад апеку манахаў-рэдэмптарыстаў з просьбай: «Зрабіце яе вядомай ва ўсім сьвеце». Ад гэтага часу цудатворная ікона Багародзіцы была выстаўлена для ўсеагульнага пакланеньня ў храме сьв. Альфонса ў Рыме, а манахі-рэдэмптарысты пачалі распаўсюджваць культ Маці Божай Нястомнай Дапамогі па ўсім сьвеце.
Урачыстую Сьвятую Літургію ў дзень сьвята іконы Маці Божай Нястомнай Дапамогі ў сталічнай парафіі ўзначаліў Апостальскі Візітатар для грэка-католікаў Беларусі архімандрыт Сяргей Гаек. Разам з ім саслужылі ераманах-рэдэмптарыст а. Зьміцер Чарнель, які ўьяўляецца душпастырам у гэтай сталічнай парафіі, дэкан БГКЦ а. Андрэй Буйніч з Ліды, а. Аляксей Філіпенка з Менску, а таксама новавысьвячаныя ўкраінскія айцы-рэдэмптарысты Ўладзімір Барэйка і Дзьмітры Кіт. Дыяканскае служэньне выконваў дыякан Алесь Хахлоў з Менску.
Гл. таксама:
Беларускія грэка-каталікі маюць новага сьвятара
Прэзентацыя кнігі Аляксандра Надсана — пісьменьніка і сьвятара — адбылася ў Менску
Славацкі біскуп пра БГКЦ: гэтая Царква мае вялікі духоўны патэнцыял
Ватыканскі ярарх разам з грэка-католікамі памаліўся за Менск і за ахвяры вайны
Грэка-католікі на фэсьце ў Гудагаі
Навіны хрысьціянскага сьвету
04.07.2016
Сьвята Маці Божай Нястомнай Дапамогі ў Менску
Сваё храмавае сьвята адзначыла 26 чэрвеня 2016 году грэка-каталіцкая парафія Маці Божай Нястомнай Дапамогі ў Менску, паведамляе сайт Рэдэмптарыстаў візантыйскага абраду ў Беларусі. Напярэдадні яго ўвечары была адслужаная Вялікая Вячэрня з Ліцьцёй.
Сёлета ва ўсім сьвеце ўрачыста адзначаюцца 150-ыя ўгодкі пачатку публічнага шанаваньня цудатворнай іконы Маці Божай Нястомнай Дапамогі, якая, паводле паданьня, паходзіць з Крыту. У 1866 годзе Папа Рымскі Пій IX перадаў гэтую ікону пад апеку манахаў-рэдэмптарыстаў з просьбай: «Зрабіце яе вядомай ва ўсім сьвеце». Ад гэтага часу цудатворная ікона Багародзіцы была выстаўлена для ўсеагульнага пакланеньня ў храме сьв. Альфонса ў Рыме, а манахі-рэдэмптарысты пачалі распаўсюджваць культ Маці Божай Нястомнай Дапамогі па ўсім сьвеце.Традыцыя шанаваньня гэтай іконы беларускімі грэка-католікамі была запачаткаваная яшчэ ў міжваенны час. Ва ўніяцкіх парафіях на Заходнім Палесьсі ў в. Альпень і м. Гарадная (Столінскі р-н) былі створаныя малітоўныя суполкі Архібрацтва Маці Божай Нястомнай Дапамогі. Сёньня ў гонар гэтай іконы названа адна з грэка-каталіцкіх парафіяў у сталіцы краіны, а ў парафіі ў Берасьці яна зьмешчана ў іканастасе царквы, вернікі БГКЦ сьпяваюць па-беларуску Акафіст да Маці Божай Нястомнай Дапамогі.
Урачыстую Сьвятую Літургію ў дзень сьвята іконы Маці Божай Нястомнай Дапамогі ў сталічнай парафіі ўзначаліў Апостальскі Візітатар для грэка-католікаў Беларусі архімандрыт Сяргей Гаек. Разам з ім саслужылі ераманах-рэдэмптарыст а. Зьміцер Чарнель, які ўьяўляецца душпастырам у гэтай сталічнай парафіі, дэкан БГКЦ а. Андрэй Буйніч з Ліды, а. Аляксей Філіпенка з Менску, а таксама новавысьвячаныя ўкраінскія айцы-рэдэмптарысты Ўладзімір Барэйка і Дзьмітры Кіт. Дыяканскае служэньне выконваў дыякан Алесь Хахлоў з Менску.Айцец Андрэй Буйніч у сваім слове да вернікаў распавёў пра ўшанаваньне Багародзіцы. «Усе марыйныя дагматы зьяўляюцца хрысталагічнымі», — падкрэсьліў ён, дадаўшы, што праз ушанаваньне Маці Божай мы ўшаноўваем яе Сына.
На завяршэньне Літургіі адбылося асьвячэньне вады, а новавысьвячаныя сьвятары ўдзялілі парафіянам і гасьцям сьвята прыміцыйнае блаславеньне. Сьвяткаваньне працягвалася на двары парафіяльнага цэнтру. Школа танцаў «Капітэль» зладзіла танцавальную праграму. На сьвяце развучвалі і танчылі некалькі сярэднявечных і ампірных танцаў.
Фота: Рэдэмптарысты, Менск.
Гл. таксама:
Беларускія грэка-каталікі маюць новага сьвятара
Прэзентацыя кнігі Аляксандра Надсана — пісьменьніка і сьвятара — адбылася ў Менску
Славацкі біскуп пра БГКЦ: гэтая Царква мае вялікі духоўны патэнцыял
Ватыканскі ярарх разам з грэка-католікамі памаліўся за Менск і за ахвяры вайны
Грэка-католікі на фэсьце ў Гудагаі
Гэты артыкул чыталі 133 разоў (-ы)
