Катэхетычны каледж імя Зыгмунта Лазінскага ў г. Баранавічы (Пінская дыяцэзія) працягвае прыём абітурыентаў да 1 кастрычніка 2016 году на 2016/2017 навучальны год. 
На прыміцыйных урачыстасьцях у Берасьці новаму беларускаму грэка-каталіцкаму сьвятару Віталю Быстрову падаравалі літургічныя шаты ў нацыянальным стылі, старажытную чашу і крыж. 
14 жніўня 2016 году ў грэка-каталіцкай парафіі Маці Божай Нястомнай Дапамогі ў Менску адбылося асьвячэньне іконаў Ісуса Хрыста і Багародзіцы. Абрад асьвячэньня новых іконаў зьдзейсьніў Апостальскі Візітатаар БГКЦ Архімандрыт Сяргей (Гаек). 
8 жніўня 2016 году, у дзень народзінаў а. Аляксандра Надсана, у грэка-каталіцкім Душпастырскім цэнтры Праведнага Язэпа ў Менску адбылася прэзентацыя кнігі Псалтыр, якую ён пераклаў з старажытнагрэцкай на беларускую мову. 
6 жніўня 2016 году, на сьвята Перамяненьня Гасподнага, у родным горадзе Францішка Скарыны — Полацку, у грэка-каталіцкай царкве сьвятой Параскевы Полацкай адбылася прэзентацыя богаслужбовага выданьня Псалтыра ў перакладзе а. Аляксандра Надсана. 
З 12 па 16 ліпеня 2016 году адбудзецца XXII грэка-каталіцкая пілігрымка Віцебск — Полацак у памяць Полацкіх мучанікаў-базыльянаў. Сёлета пілігрымы на сваім шляху будуць маліцца і разважаць пра Еднасьць Царквы. 
Падчас урачыстай сьв. Імшы ў Будславе, у ноч з 1 на 2 ліпеня 2016 году, кардынал Крыстаф Шэнбарн, Архібіскуп Венскі і Ардынарый для католікаў візантыйскага абраду ў Аўстрыі, у прысутнасьці 30 тысячаў пілігрымаў з усёй Беларусі ўрачыста перадаў беларускім грэка-католікам біскупскі набедранік сьвятамучаніка Язафата Кунцэвіча. 
Сваё храмавае сьвята адзначыла 26 чэрвеня 2016 году грэка-каталіцкая парафія Маці Божай Нястомнай Дапамогі ў Менску, паведамляе сайт Рэдэмптарыстаў візантыйскага абраду ў Беларусі. Напярэдадні яго ўвечары была адслужаная Вялікая Вячэрня з Ліцьцёй. 
Папа Рымскі Францішак скіраваў адмысловы ліст свайму надзвычайнаму пасланьніку на ўрачыстасьці 1-2 ліпеня 2016 году ў Будславе кардыналу Крыстафу Шэнбарну, архібіскупу Мітрапаліту Венскаму. 
Пра ўдзел грэка-католікаў ва ўрачыстасьцях Маці Божай Будслаўскай і перадачу БГКЦ пасланьнікам Папы рэліквіі сьвятога Язафата Кунцэвіча рэдакцыі Catholic.by 
Галоўная 
Навіны за 2016 год
Пілігрымы будуць крочыць дарогаю сьвятамучаніка Язафата — ад месца ягонага мучаніцтва (Віцебск) да ягонай Полацкай катэдры сьв. Сафіі, якая стала таксама месцам мучаніцкай сьмерці пяці Полацкіх манахаў-базыльянаў у 1705 годзе. Гэты шлях пілігрымы адолеюць за 5 дзён — з аўторка, 12 ліпеня, да суботы, 16 ліпеня. Па традыцыі вернікі памоляцца ля памятнага крыжа ў Струньні, на месцы былой рэзідэнцыі полацкіх архібіскупаў, і перад старажытнымі мурамі сьв. Сафіі, дзе некалі захоўваліся мошчы сьв. Язафата Кунцэвіча і дзе за еднасьць Царквы аддалі сваё жыцьцё манахі-базыльяне. Урачыстым завяршэньнем стане сьвяточная Літургія ў Полацку, у нядзелю, 17 ліпеня, на пляцы перад грэка-каталіцкай царквой сьв. Параскевы Полацкай.
Навіны за 2016 год
09.07.2016
Беларускія грэка-католікі запрашаюць у пілігрымку
З 12 па 16 ліпеня 2016 году адбудзецца XXII грэка-каталіцкая пілігрымка Віцебск — Полацак у памяць Полацкіх мучанікаў-базыльянаў. Сёлета пілігрымы на сваім шляху будуць маліцца і разважаць пра Еднасьць Царквы.
Дэвіз ХХІІ грэка-каталіцкай пілігрымкі з Віцебску ў Полацак: «Веру ў адзіную Царкву, 1596—2016».
Пілігрымы будуць крочыць дарогаю сьвятамучаніка Язафата — ад месца ягонага мучаніцтва (Віцебск) да ягонай Полацкай катэдры сьв. Сафіі, якая стала таксама месцам мучаніцкай сьмерці пяці Полацкіх манахаў-базыльянаў у 1705 годзе. Гэты шлях пілігрымы адолеюць за 5 дзён — з аўторка, 12 ліпеня, да суботы, 16 ліпеня. Па традыцыі вернікі памоляцца ля памятнага крыжа ў Струньні, на месцы былой рэзідэнцыі полацкіх архібіскупаў, і перад старажытнымі мурамі сьв. Сафіі, дзе некалі захоўваліся мошчы сьв. Язафата Кунцэвіча і дзе за еднасьць Царквы аддалі сваё жыцьцё манахі-базыльяне. Урачыстым завяршэньнем стане сьвяточная Літургія ў Полацку, у нядзелю, 17 ліпеня, на пляцы перад грэка-каталіцкай царквой сьв. Параскевы Полацкай.Пілігрымка распачынаецца ў аўторак, 12 ліпеня 2016 году, ранішняй Боскай Літургіяй у грэка-каталіцкім храме ў Віцебску па вул. 2-я Войкава, 6А (скрыжаваньне з вул. Лявонава). Аднак вернікі могуць далучыцца на любым этапе пілігрымкі, дзеля чаго варта скантактавацца з адказнымі сьвятарамі. З Менску можна даехаць прамым цягніком да Шуміліна, Обалі і Гаранаў цягніком Менск—Віцебск (адпр. 21.32 гадз.).
І этап, аўторак, 12 ліпеня: Віцебск — Заронава.
«Веру ў адзіную Царкву».
ІІ этап, серада, 13 ліпеня: Заронава — Шуміліна.
«Веру ў сьвятую Царкву».
ІІІ этап, чацьвер, 14 ліпеня: Шуміліна — Обаль.
«Веру ў паўсюдную Царкву».
IV этап, пятніца, 15 ліпеня: Обаль — Гараны.
«Веру ў апостальскую Царкву».
V этап, субот, 16 ліпеня: Гараны — Струньне — Полацак.
«Ласкаю, міласэрнасьцю і чалавекалюбствам адзінага Збавіцеля».
У нядзелю, 17 ліпеня, у Полацку ля храму сьв. Параскевы Полацкай, у 10.30 гадз. будзе адслужана сьвяточная Боская Літургія. Царква грэка-каталіцкай парафіі сьв. Язафата знаходзіца па адрасе: вул. Навасёлаў, 70 (прыватны сектар «Кароўнікі»). Дабрацца да яе можна ад вакзалу аўтобусам № 8 да канцавога прыпынку «Вул. Бабушкіна».
Тэлефоны для кантактаў:
а. Зьміцер (29) 675-29-97, Velcom.
У Менску зьвяртацца па тэл.: Андрэй (29) 88-99-550, МТС.
Гл. таксама:
Сьвятар БГКЦ: грэка-католікам выставілі рахунак за пілігрымку і яна адмененая
Грэка-католікі Беларусі рыхтуюцца да сваёй штогадовай пілігрымкі
Удзельнікі грэка-каталіцкай пілігрымкі будуць натхняцца спадчынай Скарыны
Пілігрымка БГКЦ: верыць у адзіную Царкву
Беларускія грэка-католікі запрашаюць у пілігрымку ў Полацак
Гэты артыкул чыталі 110 разоў (-ы)
