Пасьля малітвы Анёл Гасподні, якая 16 студзеня 2022 году прайшла на плошчы сьвятога Пятра ў Ватыкане, Папа Рымскі Францішак скіраваў заклік у сувязі з набліжэньнем Тыдня малітваў за еднасьціь хрысьціянаў — паведамляе Беларуская рэдакцыя Vatican News. 
Візіт Папы Рымскага на Кіпр і ў Грэцыю стане важным крокам на шляху «дыялогу любові» з Праваслаўнымі Цэрквамі. Такое меркаваньне выказаў старшыня Папскай Рады па спрыяньні еднасьці хрысьціянаў, кардынал Курт Кох. 
Як інфармуе Vatican News, у сёлетнім традыцыйным пасланьні Канстанцінопальскаму патрыярху з нагоды сьвята апостала Андрэя Першапакліканага, брата сьвятога Пятра, Папа Рымскі Францішак адзначыў, што іх супольная адказнасьць перад абліччам сучасных выклікаў вынікае з іх агульнай веры. 
У нядзелю, 28 лістапада 2021 году Апостальскі нунцый у Беларусі архібіскуп Антэ Ёзіч наведаў грэка-каталіцкую парафію сьвятога і праведнага Язэпа ў Менску. 
З 21 лістапада ў грэка-каталіцкіх парафіях Беларусі пачалася душпастырская навэнна перад сьвятам Апостала Андрэя Першапакліканага — асаблівага апекуна і заступніка Ўсходняй (Візантыйскай) Царквы, якога шануюць хрысьціяне як на Ўсходзе, так і на Захадзе. 
Сьвяткаванне 425-годдзя Берасьцейскай царкоўнай Уніі — аднаўленьня поўнай еднасьці (сулучнасьці) Усходняй Царквы на беларускіх і ўкраінскіх землях з Рымскім Апостальскім Пасадам — гэта ўспамін і асэнсаваньне 425 гадовага шляху, на працягу якога грэка-католікі і рыма-католікі сумесна абвяшчалі Хрыстовае Евангельле. 
Праблема міграцыі, міжнародныя канфлікты і важнасьць шматбаковага падыходу для пошуку іх вырашэньня абмяркоўваліся падчас візіту ў Ватыкан Федэральнага Прэзідэнта Германіі — паведамляе Vatican News. 
Адмыслова да 425-х угодкаў Берасьцейскай царкоўнай Уніі мастачка з Берасьця Ганна Цімашук стварыла шэраг мастацкіх партрэтаў выдатных постацяў Грэка-Каталіцкай Царквы, якія аддана служылі і прапаведавалі на Заходнім Палесьсі ў міжваенны час і пазьней працягвалі жыцьцё Беларускай Грэка-Каталіцкай Царквы на эміграцыі. 
«Без сумневу, Берасьцейская унія зьяўляецца адной з найбольш контраверсійных старонак у нашай царкоўнай і палітычнай гісторыі, і зьвязана гэта з пераломам і зьменамі, якія адбыліся ў духоўным і грамадзкім жыцьці ўкраінцаў і беларусаў у XVI—XVII стагоддзях. Яе наступствы былі доўгатрывалымі і ўплываюць на сёньняшні дзень. /.../ У (пост)савецкай гістарыяграфіі, а таксама ў навуковападобнай прапагандзе /.../ захоўваецца шэраг стэрэатыпаў адносна Берасьцейскай уніі, у прыватнасьці, уяўленьне пра яе як пра падзею, наступствам якой стала стварэньне новай Царквы», — лічыць дырэктар Інстытуту гісторыі Царквы і прарэктар па зьнешніх сувязях Украінскага каталіцкага ўніверсітэту ў Львове д-р Алег Турый. 
16 кастрычніка 2021 году Старшыня Канферэнцыі Каталіцкіх Біскупаў Беларусі біскуп Віцебскі Алег Буткевіч накіраваў ад імя каталіцкіх біскупаў Беларусі віншавальны ліст Апостальскаму візітатару для грэка-католікаў Беларусі Архімандрыту Сяргею Гаеку, у якім павіншаваў беларускіх грэка-католікаў з 425-годдзем Берасьцейскай царкоўнай Уніі. 
Галоўная 
Навіны хрысьціянскага сьвету
Гл. таксама:
У Стоўпцах ушанавалі памяць архімандрыта Льва Гарошкі
У грэка-католікаў Горадні пабывалі міністранты з Шчучына
Япіскап Бенядыкт Алексійчук: Беларусь і Ўсходняя Ўкраіна мелі аднолькавыя стартавыя ўмовы, а вынікі — несувымерныя
У Баранавічах адбыліся рэкалекцыі «Быць маладым хрысьціянінам сёньня... і заўтра»
Як разьвіваўся беларускі біблійны пераклад?
Навіны хрысьціянскага сьвету
15.09.2016
Катэхетычны каледж у Баранавічах запрашае на навучаньне
Катэхетычны каледж імя Зыгмунта Лазінскага ў г. Баранавічы (Пінская дыяцэзія) працягвае прыём абітурыентаў да 1 кастрычніка 2016 году на 2016/2017 навучальны год.
Катэхетычны каледж імя Зыгмунта Лазінскага — першая ў Беларусі сьвецкая каталіцкая навучальная ўстанова. Як інфармуе сайт Катэхетычнага каледжу, дзякуючы аптымальна арганізаванай навучальнай дзейнасьці і адданай працы высокакваліфікаваных выкладчыкаў, студэнты каледжу маюць магчымасьць атрымаць веды па тэалогіі, гісторыі Царквы, біблістыцы, педагогіцы, філасофіі, псіхалогіі, а таксама прайсьці духоўную фармацыю і разьвіць свае таленты.
Сярод мэтаў Катэхетычнага каледжу — умацаваньне веры, пашырэньне рэлігійных ведаў і разьвіцьцё хрысьціянскай культуры.
Дакументы, неабходныя для паступленьня ў каледж:
- заява (напісаная ўласнаручна);
- біяграфія (напісаная ўласнаручна);
- рэкамендацыйны лiст ад пробашча парафii;
- копiі пасьведчаньняў аб сакрамантах хросту і канфірмацыі;
- 2 фотаздымкi (3х4);
- копiя атэстату аб агульнай сярэдняй адукацыі або iншыя дакументы аб адукацыi;
- копiя пашпарту;
- медычная даведка па форме 086.
Пажадана перад падачай дакументаў скантактавацца з сакратарыятам каледжу па тэлефоне або праз электронную пошту і ўзгадніць час падачы дакументаў.
Пры падачы дакументаў абітурыенту належыць вызначыцца са сьпецыялізацыяй. Набор студэнтаў адбываецца ў адну з груп па сьпецыялізацыі на выбар:
1. Катэхетыка (для жадаючых працаваць катэхетам).
2. Агульная тэалогія (без права выкладаньня катэхізіса).
3. Сямейны кансультант у галіне залежнасьцяў.
4. Сямейны кансультант.
Дакументы прымаюцца кожны дзень (акрамя суботы і нядзелі) у сакратарыяце каледжу з 9.00 да 13.00.
Адрас каледжу: 225411 г. Баранавічы, вул. Т. Шаўчэнкі, 6.
Падрабязная інфармацыя па тэлефонах:
тэл/факс: 8 (0163) 57-93-07; 8 (0163) 57-93-14
МТС: +375295135792
e-mail: callegge@gmail.com
сайт: catcollege.by
Залічэнне адбываецца на падставе экзамену з катэхізіса і вуснай кваліфікацыйнай размовы.
Да навучаньня прымаюцца асобы ад 18 гадоў.
Навучаньне ў каледжы працягваецца тры гады (ад кастрычніка па чэрвень уключна) па завочнай форме навучаньня ў першую і трэцюю суботу і нядзелю месяца.
Тэгі: катэхізацыя, Баранавічы
Гл. таксама:
У Стоўпцах ушанавалі памяць архімандрыта Льва Гарошкі
У грэка-католікаў Горадні пабывалі міністранты з Шчучына
Япіскап Бенядыкт Алексійчук: Беларусь і Ўсходняя Ўкраіна мелі аднолькавыя стартавыя ўмовы, а вынікі — несувымерныя
У Баранавічах адбыліся рэкалекцыі «Быць маладым хрысьціянінам сёньня... і заўтра»
Як разьвіваўся беларускі біблійны пераклад?
Гэты артыкул чыталі 103 разоў (-ы)
