З нагоды сьвята сьвятога апостала Андрэя Першапакліканага, нябеснага апекуна Канстанцінопальскага патрыяршага пасаду, дэлегацыя Сьвятога Пасаду ў Рыме, узначаленая Старшынём Папскай Рады па спрыяньні еднасьці хрысьціянаў кардыналам Куртам Кохам, прыняла ўдзел ва ўрачыстых сьвяткаваньнях, якія адбыліся ў Стамбуле 30 лістапада 2016 году. 
У старажытнай базыльянскай царкве Сьвятой Тройцы ў Вільні 12 лістапада 2016 году адбылася архірэйская Боская Літургія з нагоды сьвяткаваньня дня памяці сьвятамучаніка Язафата і 400-годдзя стварэньня базыльянскага закону. 
Папа Францішак прыняў на прыватнай аўдыенцыі Вярхоўнага Архібіскупа Кіева-Галіцкага Сьвятаслава (Шаўчука), Першаярарха УГКЦ, які знаходзіўся ў Рыме і ўдзельнічаў у пленарнай Асамблеі Папскай Рады па спрыяньні еднасьці хрысьціянаў. 
На запрашэньне кардынала Крыстафа Шэнбарна, архібіскупа Вены і ардынарыя для грэка-католікаў Аўстрыі, група грэка-каталіцкіх сьвятароў і вернікаў з Беларусі 12 лістапада 2016 году прыняла ўдзел ва ўрачыстым сьвяткаваньні памяці сьвятамучаніка Язафата (Кунцэвіча) ў Вене — паведамляе сайт SvJazep.org. 
Грэка-каталіцкая парафія сьвятых Кірылы і Мятода ў Баранавічах запрасіла моладзь на рэкалекцыі, якія прайшлі 5-7 лістапада 2016 году — паведамляе сайт SvJazep.org. 
Міжканфесійнае хрысьціянскае рэлігійнае брацтва «Біблейскае таварыства ў Рэспубліцы Беларусь» заклікала грамадзтва актыўна прыняць удзель у мерапрыемствах, якія ў 2017 годзе будуць прысьвечаныя 500-годдзю перакладу Бібліі першадрукаром і асьветнікам Францішкам Скарынам, паведамляе БелаПАН. 
«Пастырскі клопат пра ўсходніх каталіцкіх мігрантаў у краінах Захаду» — такой была тэма чарговай Сустрэчы біскупаў Усходніх Каталіцкіх Цэркваў Еўропы, якая адбывалася 20-23 кастрычніка 2016 году ў партугальскай Фаціме — паведамляе Ватыканскае радыё. 
19 кастрычніка 2016 году падчас агульнай аўдыенцыі ў Рымскага Архірэя ў Ватыкане рыма-каталіцкі біскуп Віцебскі Алег Буткевіч і Апостальскі візітатар для грэка-католікаў Беларусі архімандрыт Сяргей Гаек падарылі Сьвятому Айцу Францішку беларускае выданьне ягонай кнігі «Імя Бога — Міласэрнасьць». 
Прэфект Кангрэгацыі Ўсходніх Цэркваў кардынал Леанарда Сандры пабываў з візітам у Ярданіі на адкрыцьці санктуарыюма-мемарыяла Майсея на гары Нэво, а таксама сустрэўся з ірацкімі і сірыйскімі ўцекачамі-хрысьціянамі і перадаў ім словы блізкасьці і падтрымкі Папы Францішка. 
11 верасьня 2016 году ў Дэнвэры (ЗША) адышоў у вечнасьць сьвятой памяці Юры Хадыка — руплівы грэка-католік, які спрычыніўся да адраджэньня БГКЦ, дасьледчык уніяцкага іканапісу і гісторыі беларускага мастацтва. Яму было 78 год. 
Галоўная 
Навіны за 2016 год
«Быць маладым хрысьціянінам сёння... і заўтра» — такой была тэма трохдзённых рэкалекцыяў у грэка-каталіцкай парафіі, названай у гонар Настаўнікаў славянаў — сьвятых Кірылы і Мятода.
Навіны за 2016 год
12.11.2016
У Баранавічах адбыліся рэкалекцыі «Быць маладым хрысьціянінам сёньня... і заўтра»
Грэка-каталіцкая парафія сьвятых Кірылы і Мятода ў Баранавічах запрасіла моладзь на рэкалекцыі, якія прайшлі 5-7 лістапада 2016 году — паведамляе сайт SvJazep.org.
«Быць маладым хрысьціянінам сёння... і заўтра» — такой была тэма трохдзённых рэкалекцыяў у грэка-каталіцкай парафіі, названай у гонар Настаўнікаў славянаў — сьвятых Кірылы і Мятода.У час рэкалекцыяў моладзь малілася рознымі малітвамі, складзенымі Францішкам Скарынам, ушаноўваючы такім чынам памяць беларускага першадрукара і асьветніка.
У першы дзень рэкалекцыяў, які меў евангелізацыйны характар, удзельнікі слухалі духоўныя настаўленьні а. Андрэя Буйніча з Ліды – протапрасьвітара Заходняга дэканата і Апостальскага Візітатара БГКЦ Архімандрыта Сяргея (Гаека).
Другі і трэці дзень рэкалекцыяў быў прысьвечаны праблемам падрыхтоўкі моладзі да адказнага жыцьця, асабліва да хрысьціянскага сужэнства.
У гэтыя дні духоўныя настаўленьні і педагагічныя семінары праводзілі а. Аляксей Варанко з Віцебску разам з а. Андрэем Абламейкам з Менску і яго сужонкай спн. Сьвятланай.
У праграме рэкалекцыяў для моладзі ўдзельнічалі таксама душпастыр баранавіцкіх грэка-католікаў а. Яўген Маліноўскі (дацэнт, кандыдат псіхалагічных навук) з сваёй сужонкай Любоўю, якія маюць вялікі досьвед сумеснага жыцьця і выхаваньня дзяцей у шматдзетнай сям’і.
Падчас рэкалекцыяў асабліва адзначалася важнасьць падрыхтоўкі беларускай моладзі да сужэнства ў духу любові да духовай спадчыны Бацькаўшчыны.
Малітвы аўтарства Францішка Скарыны былі для ўдзельнікаў рэкалекцыяў карыснай дапамогай на гэтым шляху: «Будзь са мною ва ўсякай маёй патрэбе дзеля вялікай радасьці, якую Ты мела пры зачацьці Сына Божага; пачуй маю недастойную малітву і дапамажы мне ў суме маім. У рукі Твае аддаю самога сябе: захавай душу маю, ацалі цела маё, прасьвятлі розум, напраў учынкі мае; накіруй думкі мае да Бога, сэрца маё ўмацуй у добрым; памяць настаў у запаветах; накіруй вочы мае да неба; сумленьне маё ачысьці ад грахоў; аддалі ад мяне пажаданьні цялесныя; адгані д’ябальскія спакусы; захавай ад агульнага сораму; ратуй ад нечаканае бяды, ня дай прыйсьці суму, жалю і роспачы; вызвалі ад вечнага агню. Прымі ад мяне гэтую пахвалу, даючы ўзамен радасьць духоўную і робячы мяне годным радасьці вечнае».
Гл. таксама:
У грэка-католікаў Горадні пабывалі міністранты з Шчучына
Царква любіць Еўропу і верыць у яе будучыню
Памёр былы дэкан Беларускай Грэка-Каталіцкай Царквы
Споведзь пілігрыма
Раство ў сучасным сьвеце
Гэты артыкул чыталі 128 разоў (-ы)
