Прасеце, і дасца вам; шукайце, і знойдзеце; стукайцеся, і адчыняць вам;
бо кожны, хто просіць, атрымлівае, і, хто шукае, знаходзіць, і хто стукаецца, таму адчыняць (Паводле Мацьвея Сьвятое Дабравесьце 7:7-8)
Дэлегацыя з Ватыкану перадала пасланьне Папы Царкве Канстанцінопаля З нагоды сьвята сьвятога апостала Андрэя Першапакліканага, нябеснага апекуна Канстанцінопальскага патрыяршага пасаду, дэлегацыя Сьвятога Пасаду ў Рыме, узначаленая Старшынём Папскай Рады па спрыяньні еднасьці хрысьціянаў кардыналам Куртам Кохам, прыняла ўдзел ва ўрачыстых сьвяткаваньнях, якія адбыліся ў Стамбуле 30 лістапада 2016 году.
19.11.2016
У Вільні прадстаўнікі БГКЦ ушанавалі памяць сьв. Язафата і продкаў У старажытнай базыльянскай царкве Сьвятой Тройцы ў Вільні 12 лістапада 2016 году адбылася архірэйская Боская Літургія з нагоды сьвяткаваньня дня памяці сьвятамучаніка Язафата і 400-годдзя стварэньня базыльянскага закону.
18.11.2016
Першаярарх УГКЦ сустрэўся з Рымскім Архірэем Папа Францішак прыняў на прыватнай аўдыенцыі Вярхоўнага Архібіскупа Кіева-Галіцкага Сьвятаслава (Шаўчука), Першаярарха УГКЦ, які знаходзіўся ў Рыме і ўдзельнічаў у пленарнай Асамблеі Папскай Рады па спрыяньні еднасьці хрысьціянаў.
16.11.2016
Пілігрымы з Беларусі на сьвяткаваньні 100-годдзя перанясеньня мошчаў сьв. Язафата ў Вену На запрашэньне кардынала Крыстафа Шэнбарна, архібіскупа Вены і ардынарыя для грэка-католікаў Аўстрыі, група грэка-каталіцкіх сьвятароў і вернікаў з Беларусі 12 лістапада 2016 году прыняла ўдзел ва ўрачыстым сьвяткаваньні памяці сьвятамучаніка Язафата (Кунцэвіча) ў Вене — паведамляе сайт SvJazep.org.
Біблейскае таварыства заклікала актыўна адсьвяткаваць 500-годдзе беларускага перакладу Бібліі Міжканфесійнае хрысьціянскае рэлігійнае брацтва «Біблейскае таварыства ў Рэспубліцы Беларусь» заклікала грамадзтва актыўна прыняць удзель у мерапрыемствах, якія ў 2017 годзе будуць прысьвечаныя 500-годдзю перакладу Бібліі першадрукаром і асьветнікам Францішкам Скарынам, паведамляе БелаПАН.
24.10.2016
Апостальскі Візітатар БГКЦ на сустрэчы ярархаў Усходніх Цэркваў у Фаціме «Пастырскі клопат пра ўсходніх каталіцкіх мігрантаў у краінах Захаду» — такой была тэма чарговай Сустрэчы біскупаў Усходніх Каталіцкіх Цэркваў Еўропы, якая адбывалася 20-23 кастрычніка 2016 году ў партугальскай Фаціме — паведамляе Ватыканскае радыё.
21.10.2016
Беларускія ярархі падарылі Папу Рымскаму беларускі пераклад яго кнігі 19 кастрычніка 2016 году падчас агульнай аўдыенцыі ў Рымскага Архірэя ў Ватыкане рыма-каталіцкі біскуп Віцебскі Алег Буткевіч і Апостальскі візітатар для грэка-католікаў Беларусі архімандрыт Сяргей Гаек падарылі Сьвятому Айцу Францішку беларускае выданьне ягонай кнігі «Імя Бога — Міласэрнасьць».
20.10.2016
Кардынал Сандры перадаў блаславеньне Папы ірацкім і сірыйскім уцекачам Прэфект Кангрэгацыі Ўсходніх Цэркваў кардынал Леанарда Сандры пабываў з візітам у Ярданіі на адкрыцьці санктуарыюма-мемарыяла Майсея на гары Нэво, а таксама сустрэўся з ірацкімі і сірыйскімі ўцекачамі-хрысьціянамі і перадаў ім словы блізкасьці і падтрымкі Папы Францішка.
16.09.2016
У Менску адслужылі паніхіду па Юрыю Хадыку 11 верасьня 2016 году ў Дэнвэры (ЗША) адышоў у вечнасьць сьвятой памяці Юры Хадыка — руплівы грэка-католік, які спрычыніўся да адраджэньня БГКЦ, дасьледчык уніяцкага іканапісу і гісторыі беларускага мастацтва. Яму было 78 год.
Пілігрымы з Беларусі на сьвяткаваньні 100-годдзя перанясеньня мошчаў сьв. Язафата ў Вену
На запрашэньне кардынала Крыстафа Шэнбарна, архібіскупа Вены і ардынарыя для грэка-католікаў Аўстрыі, група грэка-каталіцкіх сьвятароў і вернікаў з Беларусі 12 лістапада 2016 году прыняла ўдзел ва ўрачыстым сьвяткаваньні памяці сьвятамучаніка Язафата (Кунцэвіча) ў Вене — паведамляе сайт SvJazep.org.
Гэты Дзень памяці быў прымеркаваны да 100-годдзя перанясеньня мошчаў сьв. Язафата, архібіскупа Полацкага 9-17 ліпеня 1916 году з Белай Падляскай (дзе яны доўгі час былі схаваныя ў былой базыльянскай царкве) у Вену, у грэка-каталіцкую царкву сьв. Барбары.
Шлях пілігрымаў у сталіцу Аўстрыі праходзіў праз Белую Падляскую (Польшча), адкуль 100 гадоў таму мошчы сьв. Язафата перанесьлі ў Вену. Па дарозе да беларускіх пілігрымаў далучыўся Архімандрыт Сяргей (Гаек), Апостальскі Візітатар грэка-католікаў Беларусі.
Пілігрымы затрымаліся на малітву ў санктуарыюме ў Велеградзе (Чэхія). У базыліцы Ўсьпеньня Багародзіцы і сьвятых Кірылы і Мятода яны папрасілі малітоўнага заступніцтва сьвятых Настаўнікаў Славянаў і апекуноў Еўропы, а таксама памаліліся да першага іхняга вучня — сьв. Гаразда, які зьяўляецца апекуном студэнтаў-багасловаў.
Урачыстае сьвяткаваньне ў Аўстрыі з нагоды 100-годдзя перанясеньня мошчаў сьв. Язафата узначальваў Першаярарх Украінскай Грэка-Каталіцкай Царквы Яго Блаславенства Сьвятаслаў (Шаўчук). У суботу, 12 лістапада, у Вене Апостальскі Візітатар БГКЦ архім. Сяргей Гаек, а. Зьміцер Грышан і а. Андрэй Абламейка ўдзельнічалі ва ўрачыстай акадэміі ў Архібіскупскім палацы Вены, прысьвечанай постаці сьв. Язафата, архібіскупа Полацкага, якую арганізаваў Ардынарыят для грэка-католікаў Аўстрыі.
Увечары 12 лістапада беларускія пілігрымы ўдзельнічалі ў цэнтральнай падзеі сьвяткаваньняў — архірэйскай Боскай Літургіі у гонар сьв. Язафата, якую ў катэдральным саборы сьв. Стэфана ў Вене, у прысутнасьці кардынала Крыстафа Шэнбарна правіў першаярарх УГКЦ Яго Блаславенства Святаслаў (Шаўчук). Разам з ім саслужылі мітрапаліт Мельхіцкай Грэка-Каталіцкай Царквы з Алепа (Сірыя) архібіскуп Ян Жанбарт, Апостальскі Візітатар БГКЦ Архімандрыт Сяргей (Гаек), а. Юры Коласа, генеральны вікарый вернікаў візантыйскага абраду ў Аўстрыі, рэктар калегіюма «Арыентале» у Айхштэце, прадстаўнік Протаархімандрыта базыльянскага чыну сьв. Язафата, шматлікія сьвятары Ўсходніх Каталіцкіх Цэркваў візантыйскай традыцыі (украінскай, румынскай, мельхіцкай, русінскай, славацкай, беларускай).
Напрыканцы Боскай Літургіі Архімандрыт Сяргей падзякаваў кардыналу Хрыстафору (Шэнбарну) за каштоўны духоўны дар — частку архірэйскай вопраткі (набедранік) сьв. Язафата, які аўстрыйскі кардынал урачыста перадаў БГКЦ ў санктуарыюме ў Будславе ў ліпені 2016 году. У знак падзякі Апостальскі Візітатар БГКЦ і а. Зьміцер Грышан з Віцебску перадалі кардыналу Хрыстафору зямлю з месца мучаніцтва полацкага архібіскупа.
У нядзелю, 13 лістапада 2016 году беларускія пілігрымы ўдзельнічалі ў беларускамоўнай Боскай Літургіі ў гонар сьвятамучаніка Язафата і сьв. Яна Залатавуснага, якую па запрашэньні экзарха Грэка-Каталіцкай Царквы Чэхіі Ўладыкі Ладзіслава (Гучка) адслужыў у грэка-каталіцкім храме сьвятых Кузьмы і Дзям’яна ў Празе архімандрыт Сяргей (Гаек) у саслужэньні а. Андрэя Абламейкі і а. Зьмітра Грышана. Дыяканскае служэньне нёс дыякан Вячаслаў Гарчакоў з Івацэвічаў. Падчас набажэнства сьпявалі ўдзельнікі хору «Прасфара» з Менску.
Падчас набажэнства адбыўся хрост хлопчыка з сям’і пражскіх грэка-католікаў беларусаў. Таксама ў гэты ж дзень адбыўся хрост яшчэ аднаго беларускага хлопчыка ў горадзе Градэц Кралавэ.
У старажытнай Празе перад Літургіяй беларускія пілігрымы мелі магчымасьць наведаць мясьціны, зьвязаныя з жыцьцём і дзейнасьцю беларускага першадрукара Францішка Скарыны, а таксама памаліліся ў катэдральным грэка-каталіцкім саборы сьв. Клімента ў сталіцы Чэхіі.
З нагоды сьвята сьвятога апостала Андрэя Першапакліканага, нябеснага апекуна Канстанцінопальскага патрыяршага пасаду, дэлегацыя Сьвятога Пасаду ў Рыме, узначаленая Старшынём Папскай Рады па спрыяньні еднасьці хрысьціянаў кардыналам Куртам Кохам, прыняла ўдзел ва ўрачыстых сьвяткаваньнях, якія адбыліся ў Стамбуле 30 лістапада 2016 году. 
У старажытнай базыльянскай царкве Сьвятой Тройцы ў Вільні 12 лістапада 2016 году адбылася архірэйская Боская Літургія з нагоды сьвяткаваньня дня памяці сьвятамучаніка Язафата і 400-годдзя стварэньня базыльянскага закону. 
Папа Францішак прыняў на прыватнай аўдыенцыі Вярхоўнага Архібіскупа Кіева-Галіцкага Сьвятаслава (Шаўчука), Першаярарха УГКЦ, які знаходзіўся ў Рыме і ўдзельнічаў у пленарнай Асамблеі Папскай Рады па спрыяньні еднасьці хрысьціянаў. 
На запрашэньне кардынала Крыстафа Шэнбарна, архібіскупа Вены і ардынарыя для грэка-католікаў Аўстрыі, група грэка-каталіцкіх сьвятароў і вернікаў з Беларусі 12 лістапада 2016 году прыняла ўдзел ва ўрачыстым сьвяткаваньні памяці сьвятамучаніка Язафата (Кунцэвіча) ў Вене — паведамляе сайт SvJazep.org. 
Грэка-каталіцкая парафія сьвятых Кірылы і Мятода ў Баранавічах запрасіла моладзь на рэкалекцыі, якія прайшлі 5-7 лістапада 2016 году — паведамляе сайт SvJazep.org. 
Міжканфесійнае хрысьціянскае рэлігійнае брацтва «Біблейскае таварыства ў Рэспубліцы Беларусь» заклікала грамадзтва актыўна прыняць удзель у мерапрыемствах, якія ў 2017 годзе будуць прысьвечаныя 500-годдзю перакладу Бібліі першадрукаром і асьветнікам Францішкам Скарынам, паведамляе БелаПАН. 
«Пастырскі клопат пра ўсходніх каталіцкіх мігрантаў у краінах Захаду» — такой была тэма чарговай Сустрэчы біскупаў Усходніх Каталіцкіх Цэркваў Еўропы, якая адбывалася 20-23 кастрычніка 2016 году ў партугальскай Фаціме — паведамляе Ватыканскае радыё. 
19 кастрычніка 2016 году падчас агульнай аўдыенцыі ў Рымскага Архірэя ў Ватыкане рыма-каталіцкі біскуп Віцебскі Алег Буткевіч і Апостальскі візітатар для грэка-католікаў Беларусі архімандрыт Сяргей Гаек падарылі Сьвятому Айцу Францішку беларускае выданьне ягонай кнігі «Імя Бога — Міласэрнасьць». 
Прэфект Кангрэгацыі Ўсходніх Цэркваў кардынал Леанарда Сандры пабываў з візітам у Ярданіі на адкрыцьці санктуарыюма-мемарыяла Майсея на гары Нэво, а таксама сустрэўся з ірацкімі і сірыйскімі ўцекачамі-хрысьціянамі і перадаў ім словы блізкасьці і падтрымкі Папы Францішка. 
11 верасьня 2016 году ў Дэнвэры (ЗША) адышоў у вечнасьць сьвятой памяці Юры Хадыка — руплівы грэка-католік, які спрычыніўся да адраджэньня БГКЦ, дасьледчык уніяцкага іканапісу і гісторыі беларускага мастацтва. Яму было 78 год. 
Навіны за 2016 год
