Украінскі грэка-каталіцкі япіскап Бенядыкт (Алексійчук), які ў свой час служыў грэка-каталіцкім сьвятаром у Полацку, прызначаны кіраўніком найвялікшай у сьвеце каталіцкай япархіі ў Чыкага. З нагоды прызначэньня ярарх даў інтэрв’ю журналісту Беларускай службы Радыё Свабода Сяргею Абламейку. Ніжэй прапануем гэтае інтэрв’ю. 
З нагоды 400-х угодкаў Ордэну базыльянаў група студэнтаў 1-2 курсаў Базыльянскага інстытуту філасофска-багаслоўскіх студыяў імя Мітрапаліта Язэпа Вельяміна-Руцкага разам з сваімі настаўнікамі з манастыра сьв. Язэпа ў Львове ў канцы красавіка 2017 году наведала мясьціны, зьвязаныя з гісторыяй базыльянаў у Беларусі. 
Богапасьвячаныя асобы «маленькага каталіцкага статку ў Ягіпце, разам з нашымі братамі праваслаўнымі, зьяўляюцца закваскай, якую Бог падрыхтаваў для гэтай блаславёнай зямлі, каб узрастала на ёй Ягонае Валадарства», падкрэсьліў Папа Францішак 29 красавіка 2017 году падчас сустрэчы з ягіпецкім духавенствам. 
Папа Францішак і Патрыярх Копцкай Праваслаўнай Царквы Тавадрас ІІ падпісалі сумесную дэкларацыю аб прадаўжэньні шляху да поўнай еўхарыстычнай еднасьці і сулучнасьці паміж Цэрквамі. Гэта адбылося вечарам, 28 красавіка 2017 году, на завяршэньне сустрэчы паміж першаярархамі ў каірскай рэзідэнцыі копцкага праваслаўнага патрыярха, паведамляе Беларуская рэдакцыя Ватыканскага радыё. 
Напярэдадні Радаўніцы, 24 красавіка 2017 году, віцебскія грамадзкія актывісты наведалі мясцовыя Курапаты — так у народзе называюць месцы масавых пахаваньняў, выяўленыя ў лесе каля вёскі Хайсы недалёка ад Віцебску — паведамляе TUT.BY. 
У Ватыкане 20 красавіка 2017 году было паведамлена, што Папа Францішак блаславіў рашэньне Сіноду Біскупаў Украінскай Грэка-Каталіцкай Царквы аб прызначэньні біскупа-памочніка Львоўскай архіяпархіі Ўладыкі Бенядыкта (Алексійчука) кіруючым біскупам грэка-каталіцкай япархіі сьвятога Мікалая з сядзібай у Чыкага (ЗША), перанёсшы яго з тытулярнага пасаду Германіціяні. Амаль тры гады будучы ўкраінскі грэка-каталіцкі ярарх нёс сьвятарскае служэньне ў Беларусі. 
Апостальскі нунцый у Рэспубліцы Беларусь архібіскуп Габар Пінтэр накіраваў беларусам сваё віншаваньне на Вялікдзень. 
Беларуская Грэка-Каталіцкая Царква ў бліжэйшы час плануе ўшанаваць памяць біскупа Баляслава Слоскана, а таксама заахвочвае глыбей пазнаваць малітоўную спадчыну Францішка Скарыны — пра гэта распавёў у інтэрв’ю Беларускай рэдакцыі Ватыканскага радыё Апостальскі Візітатар для грэка-католікаў Беларусі Архімандрыт Сяргей (Гаек). 
З нагоды падзеяў 25-26 сакавіка 2017 году ў Менску і іншых гарадах Беларусі Мітрапаліт Тадэвуш Кандрусевіч, Старшыня Канферэнцыі Каталіцкіх Біскупаў у Беларусі, у адмысловай заяве выказаў сваю вялікую занепакоенасьць разьвіцьцём сітуацыі ў краіне і клопат пра лёс затрыманых людзей. 
24 сакавіка 2017 году ў дзяржаўным мемарыяльным комплексе «Хатынь» адбылося асьвячэньне крыжа, узьведзенага для публічнага пакланеньня — паведамляе Catholic.by. Да гэтага часу ў Мемарыяльным комплексе на месцы хатынскай трагедыі не было ніводнага хрысьціянскага знаку. 
Галоўная 
Навіны за 2017 год
«Дарагія браты і сёстры ў Беларусі,
Гл. таксама:
Апостальскі нунцый: праз некалькі месяцаў мы зможам убачыць канкрэтныя крокі па ўпарадкаваньні жыцьця грэка-каталіцкай супольнасьці
«Быць сьведкамі Евангельля любові для кожнага чалавека»
Нунцый да грэка-католікаў: многае залежыць і ад вас
Свабода ня можа быць без духоўнасьці
У Беларусі – новы прадстаўнік Апостальскага Пасаду
Навіны за 2017 год
19.04.2017
Апостальскі нунцый: Беларусь павінна адкрыцца на велікодную надзею
Апостальскі нунцый у Рэспубліцы Беларусь архібіскуп Габар Пінтэр накіраваў беларусам сваё віншаваньне на Вялікдзень.
«Дарагія браты і сёстры ў Беларусі,Хрыстос, наша надзея, уваскрос; і няма ні ў кім іншым збаўленьня (пар. Дз 4, 12). Гэтымі словамі з кнігі Дзеяў Апосталаў усіх вас ад шчырага сэрца віншую са сьвятам Уваскрасеньня Госпада.
Уваскрасеньне Ісуса становіцца для кожнага з нас крыніцай аздараўленьня, надзеі і суцяшэньня. Лек ад сьмерці сапраўды існуе. Хрыстос зьяўляецца дрэвам жыцьця, якое зноў становіцца дасягальным для нас.
Калі трымаемся Яго, то знаходзімся ў жыцьці. Пасхальнае віншаваньне ўносіць новую персьпектыву ў нашае існаваньне, як людзкое, так і хрысьціянскае: персьпектыву, пазначаную ня сьмерцю, а жыцьцём; не канфліктам, а супакоем; не індывідуальным эгаізмам, а салідарнасьцю; не хлусьнёй і падманам, а бляскам праўды, сьвятла і чысьціні. Вялікдзень будзе сапраўды добрым і плённым, калі нашае грахоўнае жыцьцё накіруецца і навернецца да Бога.
Аддаленасьць і абыякавасьць у адносінах да Бога зьяўляюцца трагічнымі хваробамі, якія руйнуюць нашую рэчаіснасьць і ўсялякую надзею на будучыню.
Прыгожае імя, якое анёлы даюць Уваскросламу: той, які жывы! У гэтым і ёсьць цэнтар нашай веры і нашага існаваньня: Хрыстос жыве цяпер і тут. Ня толькі Яго вучэньне і Яго ідэі, але Яго асоба: калі Ён жывы, Ён кліча нас, дакранаецца да нас, мы можам адчуць Яго дыханьне, Ён сее радасьць і любіць нас вернай і абсалютнай любоўю. Не сымбалічна, не на паказ, не ідэалізавана, але па-сапраўднаму.
«Калі Хрыстос не ўваскрос, — кажа Пісаньне, — то вера ваша марная»: тая вера, якая ўжо дзьве тысячы гадоў падтрымлівае незьлічонае мноства мужчынаў і жанчынаў, надае сэнс іх жыцьцю, матывуе іх на вялікія справы, на штодзённае служэньне, адкрываючы іх на надзею.
Таксама і Беларусь павінна адкрыцца на велікодную надзею, якая прыходзіць да нас ва ўваскрослым Хрысьце: на надзею і духоўнае аднаўленьне, як умову для любога іншага аднаўленьня; на надзею ў дзейснае грамадзкае сяброўства, якое можа забясьпечыць упэўненасьць для нашай моладзі; на надзею на прымірэньне адрознасьцяў; на надзею на жыцьцё багатае такімі вартасьцямі, як дабро і братэрства.
Нашыя няўдачы, расчараваньні і горыч, якія, здаецца, сігналізуюць крах усяго, асьветленыя надзеяй. Акт любові крыжа пацьвярджаецца Айцом, і зіхатлівае сьвятло ўваскрасеньня ўсё ахінае і перамяняе. Са здрады можа нарадзіцца сяброўства, з адмаўленьня — прабачэньне, з нянавісьці — любоў.
Усіх шчыра віншую са сьвятам Вялікадня, няхай кожны дзень вашага жыцьця будзе напоўнены велікоднай надзеяй!»
+ Габар Пінтэр, Архібіскуп
Гл. таксама:
Апостальскі нунцый: праз некалькі месяцаў мы зможам убачыць канкрэтныя крокі па ўпарадкаваньні жыцьця грэка-каталіцкай супольнасьці
«Быць сьведкамі Евангельля любові для кожнага чалавека»
Нунцый да грэка-католікаў: многае залежыць і ад вас
Свабода ня можа быць без духоўнасьці
У Беларусі – новы прадстаўнік Апостальскага Пасаду
Гэты артыкул чыталі 81 разоў (-ы)
