Галоўная Навіны хрысьціянскага сьвету Памер шрыфту 13px15px17px19px21px23px25px27px29px31px33px 15.06.2017 У Вільні гучалі беларускія царкоўныя сьпевы 10 чэрвеня 2017 году ў Вільні, у старажытнай царкве Сьвятой Тройцы айцоў-базыльянаў, адбылася беларуская літургія і канцэрт духоўнай музыкі, на якім з беларускімі царкоўнымі сьпевамі выступіў грэка-каталіцкі хор «Прасфара» з Менску. Канцэрту папярэднічала Боская Літургія на беларускай мове, якую адслужыў Апостальскі Візітатар для грэка-католікаў Беларусі Архімандрыт Сяргей (Гаек) разам з протапрасьвітарам Яўгенам Усошыным з Менску, які апякуецца беларускімі вернікамі ў Вільні. Як паведамляе Таварыства беларускай культуры ў Літве, пасьля Боскай Літургіі была адслужана паніхіда па Сяргею Вітушку з нагоды 5-й гадавіны з дня яго сьмерці. Сяргей Вітушка быў адным з лідараў моладзевага руху ў Беларусі ў канцы 1980-х — пачатку 1990-х, стаў адным з заснавальнікаў знакавага часопісу «Унія». У 1991 годзе ён пераехаў у Вільню, дзе працаваў настаўнікам у беларускай школе, займаўся журналістыкай, краязнаўствам і адраджэньнем беларускага рэлігійнага жыцьця. Заўчасна памёр пасьля цяжкай хваробы 2 ліпеня 2012 году. Фота Зьмітра Карачуна і Ганны Русінавай, Westki.info. Тэгі: Вільня, грэка-католікі, Прасфара, Сяргей Вітушка, сьпевы, музыкаГл. таксама:У грэка-католікаў Горадні пабывалі міністранты з Шчучына У Берасьці ўшанавалі памяць ахвяраў Галадамору ва Ўкраіне Япіскап Бенядыкт Алексійчук: Беларусь і Ўсходняя Ўкраіна мелі аднолькавыя стартавыя ўмовы, а вынікі — несувымерныя Хор «Прасфара» запрашае на калядны канцэрт «Мой Улюбёны — нібы гор вышыні» Гэты артыкул чыталі 115 разоў (-ы)
