З 4 па 8 верасьня 2021 году ў сталіцы Венгрыі будзе праходзіць штогадовая Сустрэча ярархаў Усходніх Каталіцкіх Цэркваў Еўропы (Conventus Hierarcharum Orientalium Catholicorum Europae — CHOCE). Тэма сёлетняй сустрэчы ўсходніх каталіцкіх біскупаў Еўропы — «Еўхарыстыя і сінадальнасьць». 
8 жніўня 2021 году былы Апостальскі нунцый у Беларусі архібіскуп Клаўдыё Гуджэроцьці (цяпер — Апостальскі нунцый у Вялікабрытаніі) наведаў беларускую грэка-каталіцкую царкву ў Лондане — паведамляе тэлеграм-канал «Хрысьціянская візія». 
Дыкастэрыя па справах сьвецкіх, сям’і і жыцьця апублікавала сьпецыяльную малітву, падрыхтаваную да сьвяткавання першага Сусветнага дня дзядуляў, бабуляў і пажылых людзей. 
Гэты Дзень будзе адзначацца штогод у чацьвёртую нядзелю ліпеня ў непасрэднай блізкасьці да літургічнага ўспаміну сьвятых Яўхіма і Ганны, дзядулі і бабулі Ісуса — паведамляе Vatican News. 
Апостальская Сталіца апублікавала ліст Папы Францішка да біскупаў, духавенства, богапасьвячаных асобаў і сьвецкіх вернікаў Сірыйска-Малабарскай Царквы з нагоды зацьверджаньня ёю новага ўніфікаванага службоўніка для адпраўленьня ўрачыстай формы еўхарыстычнай багаслужбы — паведамляе Vatican News. 
3 ліпеня 2021 году ў Будславе ўрачыстай сьвятой Імшой, якую ўзначаліў Апостальскі нунцый у Беларусі архібіскуп Антэ Ёзіч, завяршыўся фэст Маці Божай Будслаўскай. 
На Будслаўскім фэсьце 2 ліпеня 2021 году сьв. Імшу апоўначы, якой папярэднічала шматлюдная ўрачыстая працэсія з сьвечкамі, узначаліў старшыня Канферэнцыі каталіцкіх біскупаў у Беларусі біскуп Віцебскі Алег Буткевіч — паведамляе Catholic.by. 
Увечары 2 ліпеня ў санктуарыюме Маці Божай у Будславе сьв. Імшу для пілігрымаў узначаліў архібіскуп Тадэвуш Кандрусевіч. 
Сёлета споўнілася 75 гадоў грэка-каталіцкаму малітоўніку (ці малiтаўніку, як на вокладцы падпісана) «Божым шляхам», які выдаў у 1946 годзе ў Рыме айцец Леў Гарошка — нагадвае сайт Беларускай царквы ў Лондане. 
Кіраўнік Залы Друку Сьвятога Пасаду Матэа Бруні апублікаваў заяву па Беларусі. Яна стала адказам на шматлікія запыты журналістаў. 
Галоўная 
Навіны хрысьціянскага сьвету
Сьвятар, які прайшоў праз рэпрэсіі і савецкія лагеры і яшчэ ў падпольлі (у 1976 г.) таемна быў высьвячаны на грэка-катліцкага сьвятара, паўгады таму, 7 сьнежня 2016 году, адыйшоў да Бога ў веку 89 гадоў. Гарадзенскія вернікі з удзячнасьцю ўзгадваюць свайго шматгадовага душпастыра. Пра гэта ніжэй — матэрыял журналіста Радыё Рацыя Якуба Сушчынскага.
Гл. таксама:
Айцец Андрэй Крот: Хто ж будзе сьвятаром, калі ня я?
У грэка-католікаў Горадні пабывалі міністранты з Шчучына
Манах-базыльянін з Горадні ўзгадвае пра а. Віктара Данілава
Памёр былы дэкан Беларускай Грэка-Каталіцкай Царквы
Нунцый да грэка-католікаў: многае залежыць і ад вас
Навіны хрысьціянскага сьвету
21.07.2017
У Горадні малітоўна ўзгадалі айца Віктара Данілава
Сёлета 20 ліпеня споўнілася б 90 гадоў з дня нараджэньня протапрасьвітара Віктара Данілава — першага пасьля аднаўленьня дзейнасьці Беларускай Грэка-Каталіцкай Царквы параха гарадзенскай грэка-каталіцкай грамады.
Сьвятар, які прайшоў праз рэпрэсіі і савецкія лагеры і яшчэ ў падпольлі (у 1976 г.) таемна быў высьвячаны на грэка-катліцкага сьвятара, паўгады таму, 7 сьнежня 2016 году, адыйшоў да Бога ў веку 89 гадоў. Гарадзенскія вернікі з удзячнасьцю ўзгадваюць свайго шматгадовага душпастыра. Пра гэта ніжэй — матэрыял журналіста Радыё Рацыя Якуба Сушчынскага.На дзень прарока Ільлі, які супаў з днём народзінаў айца Віктара Данілава, Боскую Літургію адслужыў яго наступнік айцец Андрэй Крот.
— Я, калі як малады сьвятар прыйшоў у гарадзенскую парафію, то сустрэў тут ужо ўзараную ніву, добра ўзараную і апрацаваную. Бо айцец Віктар ня проста быў сам па сабе духоўным чалавекам, але ён яшчэ быў таксама здольным і плённым душпастарам. Вернікі былі прывучаныя да таго, каб спавядацца, прычашчацца, маліцца. Ён навучаў людзей і сваім словам, і сваім прыкладам.
Праз айца Віктара Данілава прайшлі дзясяткі асобаў з беларускай інтэлігенцыі, якіх яднала гістарычная памяць пра беларускую Царкву, а таксама родная мова.
Згадвае парафіянка Ала Петрушкевіч ад суполкі парафіянаў, якая паўстала дзякуючы айцу Віктару, які адрадзіў Унію ў Горадні.
— Быў ён тады ўжо ў даволі сталым веку. Але трымаўся вельмі годна. Сабраў вакол сябе сям’ю, якая не распалася дасёньня. Я памятаю, як часам няпроста яму было весьці набажэнства, таму што сэрцайка ягонае было вельмі хворае. Але, разам з тым, Бог даў яму мажлівасьць пражыць амаль да 90 гадоў. Гэта пра многае сьведчыць. Гэта быў чалавек вялікай душы.
Айцец Віктар належыў да сьвятароў-падпольшчыкаў, прайшоў праз палітычны перасьлед і зьняволеньне. Дзякуючы яго намаганьням у Горадні паўстала ня толькі парафія Грэка-Каталіцкай Царквы, але таксама ён быў адным з першых выкладчыкаў Катэхетычнага інстытуту, які цяпер існуе ў Горадні. Па сабе пакінуў кніжную спадчыну з тэалагічных працаў. Адна з апошніх: «Максімы каталіцкага апасталату», якая была перакладзеная па-беларуску. Большасьць яго кніжак выходзілі самвыдатам.
Гл. таксама:
Айцец Андрэй Крот: Хто ж будзе сьвятаром, калі ня я?
У грэка-католікаў Горадні пабывалі міністранты з Шчучына
Манах-базыльянін з Горадні ўзгадвае пра а. Віктара Данілава
Памёр былы дэкан Беларускай Грэка-Каталіцкай Царквы
Нунцый да грэка-католікаў: многае залежыць і ад вас
Гэты артыкул чыталі 155 разоў (-ы)
