3 ліпеня 2018 году ў Ватыкане ў доме Сьвятой Марты з ініцыятывы і на просьбу Зьверхніка УГКЦ адбылася сустрэча Яго Блаславенства Сьвятаслава (Шаўчука) з Сьвятым Айцом Францішкам. Як паведамляе Сакратарыят Зьверхніка УГКЦ сустрэча была прымеркваная да сьвяткаваньня 1030-годдзя Хрышчэньня Русі і Ўкраіны. 
«Gaudete et exsultate» — «Радуйцеся і весяліцеся» (Мц 5, 12) — пад такім дэвізам адбудзецца сёлета чарговая грэка-каталіцкая пілігрымка Віцебск — Полацак 10-15 ліпеня 2018 году. 
У Італіі 14-17 чэрвеня 2018 году распачалася ХХІ Сустрэча ўсходніх каталіцкіх ярархаў Еўропы (Conventus Hierarchorum Catholicorum Europae). Сёлетняя штогадовая сустрэча ярархаў адбываецца ў г. Лунгра, што ў Калабрыі, на запрашэньне ўладыкі Даната Алівэрыё, які ўзначальвае каталіцкую япархію Лунгра для італа-албанцаў на тэрыторыі кантынентальнай Італіі. 
4-7 чэрвеня 2018 году на Крыце (Грэцыя), у мястэчку Ліменас Херсанісу адбылася нарада падкамісіі Каардынацыйнага камітэту Зьмешанай міжнароднай камісіі па багаслоўскім дыялогу паміж Каталіцкай і Праваслаўнай Цэрквамі — паведамляе афіцыйны сайт УГКЦ са спасылкай на прэс-службу Інстытуту экуменічных студыяў Украінскага каталіцкага ўніверсітэту. 
У Ватыкане было паведамлена, што Папа Францішак 31 траўня 2018 году ўзьняў да ўзроўню япархіі былы Апостальскі экзархат для вернікаў візантыйскага абраду ў Былой Югаслаўскай Рэспубліцы Македоніі і прызначыў першага епархіяльнага біскупа. 
Мінула два гады, як 13 траўня 2016 году Папа Рымскі Францішак прызначыў вянгерскага каталіцкага сьвятара і ватыканскага дыпламата Габара Пінтэра новым Апостальскім нунцыем у Рэспубліцы Беларусь. З гэтай нагоды журналісты хрысьціянскага інфармацыйнага парталу Krynica.info сустрэліся з прадстаўніком Сьвятога Пасаду ў Беларусі для таго, каб узяць інтэрв’ю і абмеркаваць ўражаньні Ўладыкі Габара ад краіны за гэты час, дачыненьні Царквы з беларускімі ўладамі і некаторыя ўнутрыцаркоўныя праблемы. 
12 траўня 2018 году ў мястэчку Косава (Івацэвіцкі р-н) ў Траецкім касьцёле адбыўся парафіяльны фэст з нагоды ўспаміну Маці Божай Ласкавай. 
У Берасьці 20 красавіка 2018 году ў Музеі «Выратаваныя мастацкія каштоўнасьці» адбылося адкрыцьцё цікавай мастацкай выставы «Абожанае цела», якая паўстала па выніках ІХ Міжнародных майстар-класаў іканапісу ў Навіцы (Польшча). 
Брацтва і еднасьць, якія адчуваем у гэтыя велікодныя дні, павінны стаць нашым ладам жыцьця і духам нашых адносінаў, падкрэсьліў Сьвяты Айцец Францішак падчас сустрэчы з вернікамі на малітве «Regina Coeli», якая адбылася 2 красавіка 2018 году на плошчы сьв. Пятра ў Ватыкане. 
Вялікдзень — гэта самае важнае сьвята літургічнага году, таму што гэта ёсьць успамін сьмерці і ўваскрасеньня Ісуса Хрыста, адзначыў Сьвяты Айцец Францішак падчас агульнай аўдыенцыі, якая адбылася 28 сакавіка 2018 году на плошчы сьв. Пятра ў Ватыкане. Сваю катэхезу Рымскі Архірэй прысьвяціў значэньню велікодных сьвятаў. 
Галоўная 
Навіны за 2018 год
Выставу адкрылі Генеральны консул Рэспублікі Польшча ў Берасьці Пётр Казакевіч, выконваючы абавязкі дырэктара Польскага інстытуту ў Менску Томаш Адамскі, дырэктар музею «Выратаваныя мастацкія каштоўнасьці» Ірына Тарыма і каардынатар праектаў Польскага інстытуту ў Менску Аляксей Мацюшонак.
Гл. таксама:
У грэка-католікаў Горадні пабывалі міністранты з Шчучына
Япіскап Бенядыкт Алексійчук: Беларусь і Ўсходняя Ўкраіна мелі аднолькавыя стартавыя ўмовы, а вынікі — несувымерныя
Візантыйская ікона на адкрыцьці Году міласэрнасьці
Як разьвіваўся беларускі біблійны пераклад?
Душпастырская праграма візіту ў Беларусь Сакратара Кангрэгацыі Ўсходніх Цэркваў
Навіны за 2018 год
23.04.2018
Вобразы зямнога і нябеснага
У Берасьці 20 красавіка 2018 году ў Музеі «Выратаваныя мастацкія каштоўнасьці» адбылося адкрыцьцё цікавай мастацкай выставы «Абожанае цела», якая паўстала па выніках ІХ Міжнародных майстар-класаў іканапісу ў Навіцы (Польшча).
Выставу адкрылі Генеральны консул Рэспублікі Польшча ў Берасьці Пётр Казакевіч, выконваючы абавязкі дырэктара Польскага інстытуту ў Менску Томаш Адамскі, дырэктар музею «Выратаваныя мастацкія каштоўнасьці» Ірына Тарыма і каардынатар праектаў Польскага інстытуту ў Менску Аляксей Мацюшонак.Двухтыднёвыя пленэры ў Навіцы дазваляюць сабрацца разам творцам з кранаў Усходняй Еўропы. Апошні пленэр у Навіцы сабраў 40 мастакоў з Польшчы, Украіны, Беларусі, а таксама ўпершыню з Румыніі. Творцы атрымліваюць унікальны досьвед ад сумеснага побыту ў цэнтры «Сарэпта» у Навіцы. У дадатак да творчай працы мастакі маюць магчымасьць браць удзел у сумеснай малітве, размовах з калегамі і сьвятарамі. Выставы па выніках працы пленэраў у Навіцы адбываюцца потым у розных гарадах і краінах. Знаёмства з творамі мастакоў, якія займаюцца рэлігійнай тэматыкай, дазваляе ўбачыць агульныя іканапісныя традыцыі памежных дзяржаў і новыя тэндэнцыі, што прасочваюцца ў розных краінах.
Як адзначана ў апісаньні выставы «Абожанае цела», хрысьціянскае мастацтва ў цэнтры сваіх інтарэсаў ставіць Уцелаўленьне — перадачу вобразу нябачнага Бога не праз рэалістычнае адлюстраваньне рэчаіснасьці, але праз пошук значэньняў, сымбаляў.
Вось на гэтыя творчыя пошукі сучасных мастакоў і змогуць паглядзець берасьцейцы да 13 траўня 2018 году, пакуль будзе працаваць гэтая выстава. Цікава паглядзець на гэтыя мастацкія творы і пашукаць мяжу, якая аддзяляе класічны візантыйскі іканапіс ад сучаснага мастацкага твору на рэлігійную тэматыку з сваёй, ня менш глыбокай сымболікай. Безумоўна, ня кожны з прадстаўленых на выставе твораў можна назваць іконай. Але кожны з іх — глыбока прадуманы, арыгінальны мастацкі твор з роздумам пра Бога, пра зямное і нябеснае, зроблены на высокім узроўні. Як можна пераканацца на выставе, сёньня вельмі актыўна разьвіваецца іканапіснае мастацтва ва Ўкраіне, якое часта вельмі ўдала спалучае іканапісную традыцыю, уласьцівую ўкраінскім і беларускім землям, і сучасныя тэхнікі ды мастацкія прыёмы. Некаторыя творы мастакоў адразу пасьля экспазіцыі можна было б зьмясьціць у храме.
Гл. таксама:
У грэка-католікаў Горадні пабывалі міністранты з Шчучына
Япіскап Бенядыкт Алексійчук: Беларусь і Ўсходняя Ўкраіна мелі аднолькавыя стартавыя ўмовы, а вынікі — несувымерныя
Візантыйская ікона на адкрыцьці Году міласэрнасьці
Як разьвіваўся беларускі біблійны пераклад?
Душпастырская праграма візіту ў Беларусь Сакратара Кангрэгацыі Ўсходніх Цэркваў
Гэты артыкул чыталі 51 разоў (-ы)
