Украінская Грэка-Каталіцкая Царква — Царква Ўладзімеравага Хрышчэньня, якая была, ёсьць і будзе душою свайго народу, а еднасьць грэка-католікаў з Сьвятым Айцом не базуецца на палітычнай выгадзе або геапалітычнай міжнароднай кан’юнктуры. Гэта ёсьць частка веры Царквы часоў князя Ўладзімера. Грэка-католікі — гэта ня частка Лацінскага патрыярхату, як некаторыя кажуць, УГКЦ будуе свой, як памесная Царква свайго права. 
3 ліпеня 2018 году ў Ватыкане ў доме Сьвятой Марты з ініцыятывы і на просьбу Зьверхніка УГКЦ адбылася сустрэча Яго Блаславенства Сьвятаслава (Шаўчука) з Сьвятым Айцом Францішкам. Як паведамляе Сакратарыят Зьверхніка УГКЦ сустрэча была прымеркваная да сьвяткаваньня 1030-годдзя Хрышчэньня Русі і Ўкраіны. 
«Gaudete et exsultate» — «Радуйцеся і весяліцеся» (Мц 5, 12) — пад такім дэвізам адбудзецца сёлета чарговая грэка-каталіцкая пілігрымка Віцебск — Полацак 10-15 ліпеня 2018 году. 
У Італіі 14-17 чэрвеня 2018 году распачалася ХХІ Сустрэча ўсходніх каталіцкіх ярархаў Еўропы (Conventus Hierarchorum Catholicorum Europae). Сёлетняя штогадовая сустрэча ярархаў адбываецца ў г. Лунгра, што ў Калабрыі, на запрашэньне ўладыкі Даната Алівэрыё, які ўзначальвае каталіцкую япархію Лунгра для італа-албанцаў на тэрыторыі кантынентальнай Італіі. 
4-7 чэрвеня 2018 году на Крыце (Грэцыя), у мястэчку Ліменас Херсанісу адбылася нарада падкамісіі Каардынацыйнага камітэту Зьмешанай міжнароднай камісіі па багаслоўскім дыялогу паміж Каталіцкай і Праваслаўнай Цэрквамі — паведамляе афіцыйны сайт УГКЦ са спасылкай на прэс-службу Інстытуту экуменічных студыяў Украінскага каталіцкага ўніверсітэту. 
У Ватыкане было паведамлена, што Папа Францішак 31 траўня 2018 году ўзьняў да ўзроўню япархіі былы Апостальскі экзархат для вернікаў візантыйскага абраду ў Былой Югаслаўскай Рэспубліцы Македоніі і прызначыў першага епархіяльнага біскупа. 
Мінула два гады, як 13 траўня 2016 году Папа Рымскі Францішак прызначыў вянгерскага каталіцкага сьвятара і ватыканскага дыпламата Габара Пінтэра новым Апостальскім нунцыем у Рэспубліцы Беларусь. З гэтай нагоды журналісты хрысьціянскага інфармацыйнага парталу Krynica.info сустрэліся з прадстаўніком Сьвятога Пасаду ў Беларусі для таго, каб узяць інтэрв’ю і абмеркаваць ўражаньні Ўладыкі Габара ад краіны за гэты час, дачыненьні Царквы з беларускімі ўладамі і некаторыя ўнутрыцаркоўныя праблемы. 
12 траўня 2018 году ў мястэчку Косава (Івацэвіцкі р-н) ў Траецкім касьцёле адбыўся парафіяльны фэст з нагоды ўспаміну Маці Божай Ласкавай. 
У Берасьці 20 красавіка 2018 году ў Музеі «Выратаваныя мастацкія каштоўнасьці» адбылося адкрыцьцё цікавай мастацкай выставы «Абожанае цела», якая паўстала па выніках ІХ Міжнародных майстар-класаў іканапісу ў Навіцы (Польшча). 
Брацтва і еднасьць, якія адчуваем у гэтыя велікодныя дні, павінны стаць нашым ладам жыцьця і духам нашых адносінаў, падкрэсьліў Сьвяты Айцец Францішак падчас сустрэчы з вернікамі на малітве «Regina Coeli», якая адбылася 2 красавіка 2018 году на плошчы сьв. Пятра ў Ватыкане. 
Галоўная 
Навіны хрысьціянскага сьвету
Сярод іншых тэмаў, Зьверхнік УГКЦ абмеркаваў з Сьвятым Айцом тэму так званага ўніятызму. Ён узгадаў, што УГКЦ яшчэ ў 1993 годзе перажыла працэс рэцэпцыі Баламандзкага пагадненьня і не прымае ўніятызм як метад у дасягненьні еднасьці ў Хрыстовай Царкве. «У прыватнасьці, відавочным ёсьць факт, што найбольшым актам уніятызму ў ХХ стагоддзі быў Львоўскі псеўдасабор 1946 году. Абвінавачваньні УГКЦ ва ўніятызьме праз актыўную экуменічную пазіцыю і намаганьні шукаць шляхі для паяднаньня з праваслаўнымі — гэта нішто іншае, як маніпуляваньне ісьцінай. Усходнія Каталіцкія Цэрквы самі ў сабе ня ёсьць «нейкім метадам», але жывымі членамі Царквы Хрыстовай, якія ня толькі маюць права на існаваньне, але пакліканыя да місійнай і евангелізацыйнай дзейнасьці», - адзначыў Яго Блаславенства Сьвятаслаў.
Навіны хрысьціянскага сьвету
07.07.2018
Папа Францішак падзякаваў УГКЦ за «экуменічную адкрытасьць» і назваў беспадстаўнымі абвінавачаньні яе ва ўніятызьме
3 ліпеня 2018 году ў Ватыкане ў доме Сьвятой Марты з ініцыятывы і на просьбу Зьверхніка УГКЦ адбылася сустрэча Яго Блаславенства Сьвятаслава (Шаўчука) з Сьвятым Айцом Францішкам. Як паведамляе Сакратарыят Зьверхніка УГКЦ сустрэча была прымеркваная да сьвяткаваньня 1030-годдзя Хрышчэньня Русі і Ўкраіны.
Сярод іншых тэмаў, Зьверхнік УГКЦ абмеркаваў з Сьвятым Айцом тэму так званага ўніятызму. Ён узгадаў, што УГКЦ яшчэ ў 1993 годзе перажыла працэс рэцэпцыі Баламандзкага пагадненьня і не прымае ўніятызм як метад у дасягненьні еднасьці ў Хрыстовай Царкве. «У прыватнасьці, відавочным ёсьць факт, што найбольшым актам уніятызму ў ХХ стагоддзі быў Львоўскі псеўдасабор 1946 году. Абвінавачваньні УГКЦ ва ўніятызьме праз актыўную экуменічную пазіцыю і намаганьні шукаць шляхі для паяднаньня з праваслаўнымі — гэта нішто іншае, як маніпуляваньне ісьцінай. Усходнія Каталіцкія Цэрквы самі ў сабе ня ёсьць «нейкім метадам», але жывымі членамі Царквы Хрыстовай, якія ня толькі маюць права на існаваньне, але пакліканыя да місійнай і евангелізацыйнай дзейнасьці», - адзначыў Яго Блаславенства Сьвятаслаў.Папа Францішак падзякаваў Украінскай Грэка-Каталіцкай Царкве за яе мучаніцтва «як вызнаньне хрысьціянскай веры і сьведчаньне таго, што намесьнік апостала Пятра мае асаблівую місію служэньня еднасьці паміж хрысьціянамі». Ён запэўніў сваю падтрымку грэка-католікам і выказаў удзячнасьць за дынамічнае разьвіцьцё і экуменічную адкрытасьць УГКЦ. Сьвяты Айцец пагадзіўся, што любыя закіды ў бок УГКЦ адносна ўніятызму абсалютна беспадстаўныя.
Гл. таксама:
Вярхоўны архібіскуп УГКЦ Сьвятаслаў Шаўчук: я ня ведаю, чаму Ватыкан не дае біскупа грэка-католікам у Беларусі, я дзіўлюся гэтаму
Першаярарх УГКЦ сустрэўся з Рымскім Архірэем
Першаярарх УГКЦ адслужыў Боскую Літургію на галоўным алтары ў базыліцы Сьвятога Пятра
Ліст Сіноду біскупаў УГКЦ каталіцкім ярархам Беларусі з нагоды 1025-годдзя Хрышчэньня Русі
УГКЦ захавала старажытную Кіеўскую традыцыю сьвяткаваньня Хрышчэньня Русі
Гэты артыкул чыталі 37 разоў (-ы)
