20 студзеня 2022 г. у грэка-каталіцкай царкве сьв. братоў-апосталаў Пятра і Андрэя адбылася Экуменічная малітоўная сустрэча з нагоды 500-годдзя выданьня “Малой падарожнай кніжкі” Францішка Скарыны, выдадзенай у Вільні ў 1522 г. 
Пасьля малітвы Анёл Гасподні, якая 16 студзеня 2022 году прайшла на плошчы сьвятога Пятра ў Ватыкане, Папа Рымскі Францішак скіраваў заклік у сувязі з набліжэньнем Тыдня малітваў за еднасьціь хрысьціянаў — паведамляе Беларуская рэдакцыя Vatican News. 
Візіт Папы Рымскага на Кіпр і ў Грэцыю стане важным крокам на шляху «дыялогу любові» з Праваслаўнымі Цэрквамі. Такое меркаваньне выказаў старшыня Папскай Рады па спрыяньні еднасьці хрысьціянаў, кардынал Курт Кох. 
Як інфармуе Vatican News, у сёлетнім традыцыйным пасланьні Канстанцінопальскаму патрыярху з нагоды сьвята апостала Андрэя Першапакліканага, брата сьвятога Пятра, Папа Рымскі Францішак адзначыў, што іх супольная адказнасьць перад абліччам сучасных выклікаў вынікае з іх агульнай веры. 
У нядзелю, 28 лістапада 2021 году Апостальскі нунцый у Беларусі архібіскуп Антэ Ёзіч наведаў грэка-каталіцкую парафію сьвятога і праведнага Язэпа ў Менску. 
З 21 лістапада ў грэка-каталіцкіх парафіях Беларусі пачалася душпастырская навэнна перад сьвятам Апостала Андрэя Першапакліканага — асаблівага апекуна і заступніка Ўсходняй (Візантыйскай) Царквы, якога шануюць хрысьціяне як на Ўсходзе, так і на Захадзе. 
Сьвяткаванне 425-годдзя Берасьцейскай царкоўнай Уніі — аднаўленьня поўнай еднасьці (сулучнасьці) Усходняй Царквы на беларускіх і ўкраінскіх землях з Рымскім Апостальскім Пасадам — гэта ўспамін і асэнсаваньне 425 гадовага шляху, на працягу якога грэка-католікі і рыма-католікі сумесна абвяшчалі Хрыстовае Евангельле. 
Праблема міграцыі, міжнародныя канфлікты і важнасьць шматбаковага падыходу для пошуку іх вырашэньня абмяркоўваліся падчас візіту ў Ватыкан Федэральнага Прэзідэнта Германіі — паведамляе Vatican News. 
Адмыслова да 425-х угодкаў Берасьцейскай царкоўнай Уніі мастачка з Берасьця Ганна Цімашук стварыла шэраг мастацкіх партрэтаў выдатных постацяў Грэка-Каталіцкай Царквы, якія аддана служылі і прапаведавалі на Заходнім Палесьсі ў міжваенны час і пазьней працягвалі жыцьцё Беларускай Грэка-Каталіцкай Царквы на эміграцыі. 
«Без сумневу, Берасьцейская унія зьяўляецца адной з найбольш контраверсійных старонак у нашай царкоўнай і палітычнай гісторыі, і зьвязана гэта з пераломам і зьменамі, якія адбыліся ў духоўным і грамадзкім жыцьці ўкраінцаў і беларусаў у XVI—XVII стагоддзях. Яе наступствы былі доўгатрывалымі і ўплываюць на сёньняшні дзень. /.../ У (пост)савецкай гістарыяграфіі, а таксама ў навуковападобнай прапагандзе /.../ захоўваецца шэраг стэрэатыпаў адносна Берасьцейскай уніі, у прыватнасьці, уяўленьне пра яе як пра падзею, наступствам якой стала стварэньне новай Царквы», — лічыць дырэктар Інстытуту гісторыі Царквы і прарэктар па зьнешніх сувязях Украінскага каталіцкага ўніверсітэту ў Львове д-р Алег Турый. 
Галоўная 
Навіны хрысьціянскага сьвету
«Еднасьць хрысьціянаў — гэта плён Божай ласкі, і мы павінны быць гатовыя прыняць яе з шчодрым і прыхільным сэрцам», — падкрэсьліў Папа Францішак у гаміліі на набажэнстве Нешпараў 18 студзеня, адкрываючы Тыдзень малітваў за еднасьць хрысьціянаў у саборы сьв. Паўла за Мурамі.
Гл. таксама:
Папа: ахвяруем цяжкасьці і пакуты ў інтэнцыі еднасьці хрысьціянаў
Першаярарх УГКЦ: нашая еднасьць з Сьвятым Айцом не базуецца на нейкай палітычнай выгадзе
Кардынал Кох: Папа Францішак адчыняе многія дзьверы
Папа: Бог прагне нашай еднасьці
У БГКЦ — Дні малітвы за хрысьціянаў Блізкага Ўсходу
Навіны хрысьціянскага сьвету
19.01.2019
Справядлівасьць у цэнтры ўвагі сёлетняга Тыдня малітваў за еднасьць хрысьціянаў
18 студзеня 2019 году распачаўся Тыдзень малітваў за еднасьць хрысьціянаў. З гэтай нагоды Папа Францішак узначаліў у гэты дзень урачыстую вячэрнюю слубу Нешпараў у рымскай базыліцы сьв. Паўла за Мурамі, паведамляе беларуская рэдакцыя парталу Vatican News.
«Еднасьць хрысьціянаў — гэта плён Божай ласкі, і мы павінны быць гатовыя прыняць яе з шчодрым і прыхільным сэрцам», — падкрэсьліў Папа Францішак у гаміліі на набажэнстве Нешпараў 18 студзеня, адкрываючы Тыдзень малітваў за еднасьць хрысьціянаў у саборы сьв. Паўла за Мурамі.Сёлетняя міжканфесійная малітва была падрыхтаваная хрысьціянскай супольнасьцю Інданэзіі і будзе натхнёная тэмай «Імкніцеся да справядлівасьці». Канчатковы тэкст быў распрацаваны і зацьверджаны членамі Міжнароднага камітэту, прызначанага Сусьветнай Радай Цэркваў, і Папскай Радай па спрыяньні еднасьці хрысьціянаў.
У падрыхтоўчым дакуменце Папскай Рады па спрыяньні еднасьці хрысьціянаў падкрэсьліваецца, што вялікай пагрозай справядлівасьці і вяршэнству закона ў гэтай краіне зьяўляецца карупцыя. Яна «выяўляецца ў самых розных формах і закранае палітыку і дзелавую сферу, часта несучы разбуральныя наступствы для навакольнага асяроддзя».
Аўтары заўважаюць, што словы Другазаконьня «Імкніцеся да справядлівасьці» (Дрг 16, 18-20) зьяўляюцца адбіткам той сітуацыі, у якой знаходзяцца хрысьціяне Інданэзіі, якія складаюць усяго 10% больш за 265-мільённага насельніцтва гэтай, пераважна мусульманскай, краіны.
«Хрысьціянскія супольнасьці пачынаюць усьведамляць сваю еднасьць, калі засяроджваюцца на ўзаемным клопаце і на сумесным адказе на праявы несправядлівасьці. (…) Толькі слухаючы малітву Ісуса, “каб усе былі адно” (Ян 17, 21), мы можам сьведчыць аб жыцьці ў еднасьці разнастайнасьцяў. Менавіта праз нашую еднасьць у Хрысьце мы будзем здольныя змагацца з несправядлівасьцю і забясьпечваць яе ахвяраў усім неабходным», — адзначаецца ў дакуменце.
Напярэдадні Тыдня малітваў за еднасьць хрысьціянаў, падчас агульнай аўдыенцыі 16 студзеня 2019 г. у Ватыкане, Сьвяты Айцец Францішак нагадаў пра важнасьць гэтай ініцыятывы. Ён падкрэсьліў, што экуменізм — гэта не факультатыўная зьява, і заклікаў маліцца аб тым, каб хрысьціяне сталі адзінай сям’ёй і сьведчылі пра сваю еднасьці супольнымі намаганьнямі на карысьць справядлівасьці і абароны бедных.
Тыдзень малітваў за еднасьць хрысьціянаў праводзіцца ва ўсім сьвеце штогод з 18 па 25 студзеня.
Гл. таксама:
Папа: ахвяруем цяжкасьці і пакуты ў інтэнцыі еднасьці хрысьціянаў
Першаярарх УГКЦ: нашая еднасьць з Сьвятым Айцом не базуецца на нейкай палітычнай выгадзе
Кардынал Кох: Папа Францішак адчыняе многія дзьверы
Папа: Бог прагне нашай еднасьці
У БГКЦ — Дні малітвы за хрысьціянаў Блізкага Ўсходу
Гэты артыкул чыталі 20 разоў (-ы)
