Кароткай, але зьмястоўнай назваў сваю размову з Папам Рымскім Францішкам Апостальскі Візітатар грэка-католікаў Беларусі Архімандрыт Сяргей (Гаек). Сустрэча адбылася 8 траўня 2019 году ў Ватыкане пасьля агульнай аўдыенцыі. 
Найноўшыя тэхналогіі і навуковы прагрэс няздольныя пабудаваць гарманічнае грамадзтва, выкараніць беднасьць і сацыяльную маргіналізацыю. Для гэтага патрэбны салідарнасьць і ахвярнасьць, лічыць Папа Рымскі. 
У Берасьцейскім абласным краязнаўчым музеі 12 красавіка 2019 году адбылося адкрыцьцё выставы «Берасьце — горад Бібліі», якая прымеркаваная да 1000-годдзя Берасьця. 
Не паддавацца спакусе нараканьня, якая пазбаўляе надзеі, заклікаў Папа падчас ранішняй Еўхарыстыі, якую адслужыў 9 красавіка 2019 году у ватыканскім Доме сьв. Марты, — паведамляе беларуская рэдакцыя Vatican News. 
Прэсавы сакратар Канферэнцыі каталіцкіх біскупаў Беларусі ксёндз Юры Санько, каментуючы для Радыё Свабода сітуацыю вакол зносу крыжоў у Курапатах, сказаў, што надзвычай балюча на такое глядзець, асабліва ў час Вялікага посту. 
З нагоды падзеяў ранкам 4 красавіка 2019 году ў Курапатах, дзе былі дэмантаваныя дзясяткі крыжоў, Апостальскі Візітатар грэка-католікаў Беларусі Архімандрыт Сяргей (Гаек) зрабіў адмысловую заяву. 
Калі выпраўляем хібы бліжняга, павінны ўсьведамляць, што хібы маем таксама і мы, нагадаў Папа перад малітвай «Анёл Гасподні», якая 3 сакавіка 2019 году прайшла на плошчы сьв. Пятра ў Ватыкане — паведамляе Vatican News. 
Рэха значнага юбілею — 1150-годдзя перадачы сьвятымі Кірылам і Мятодам папу Адрыяну ІІ Сьвятога Пісаньня на славянскай мове — працягвае гучаць у Беларускай Грэка-Каталіцкай Царкве, адзначае Беларуская рэдакцыя парталу «Vatican News». 
Беларускі манах-рэдэмптарыст дыякан Сяргей Ганчароў з Менску, а таксама яго ўкраінскі сабрат дыякан Васіль Чавага атрымалі сьвятарскія сьвячаньні ў дзень Трох сьвяціцеляў (паводле юльянскага календара) 12 лютага 2019 году. Пра гэта паведамляе сайт Рэдэмптарыстаў візантыйскага абраду ў Беларусі. 
З нагоды 70-годдзя Архімандрыта Сяргея (Гаека), якое ён адзначаў 8 лютага 2019 году, Апостальскі Нунцый у Рэспубліцы Беларусь архібіскуп Габар Пінтэр накіраваў яму свой афіцыйны ліст-віншаваньне. 
Галоўная 
Навіны за 2019 год
«Трываць на шляху Веры, трываць на шляху да абяцаньня, трываць у служэньні Госпаду, заўсёды трываць», — гэтыя словы Сьвятога Айца Францішка архібіскуп Габар Пінтэр абраў у якасьці эпіграфа да свайго ліста з пажаданьнямі і падзякай Апостальскаму Візітатару БГКЦ за яго служэньне Госпаду, народу Божаму і справе еднасьці Царквы.
Гл. таксама:
Апостальскі нунцый: Беларусь павінна адкрыцца на велікодную надзею
«Быць сьведкамі Евангельля любові для кожнага чалавека»
Новы Апостальскі нунцый у Беларусі бачыць сваім прыярытэтам разьвіцьцё экуменізму
Ушанаваньне памяці Апостала Палесься
Сьвяты Пасад падтрымлівае імкненьне да свабоды і справядлівасьці ў Беларусі
Навіны за 2019 год
15.02.2019
Апостальскі нунцый павіншаваў з 70-годдзем Апостальскага Візітатара беларускіх грэка-католікаў
З нагоды 70-годдзя Архімандрыта Сяргея (Гаека), якое ён адзначаў 8 лютага 2019 году, Апостальскі Нунцый у Рэспубліцы Беларусь архібіскуп Габар Пінтэр накіраваў яму свой афіцыйны ліст-віншаваньне.
«Трываць на шляху Веры, трываць на шляху да абяцаньня, трываць у служэньні Госпаду, заўсёды трываць», — гэтыя словы Сьвятога Айца Францішка архібіскуп Габар Пінтэр абраў у якасьці эпіграфа да свайго ліста з пажаданьнямі і падзякай Апостальскаму Візітатару БГКЦ за яго служэньне Госпаду, народу Божаму і справе еднасьці Царквы.Далей у сваім лісьце Апостальскі нунцый напісаў:
«Глыбокапаважаны Архімандрыт Сяргей, сёньня мы сабраліся вакол Еўхарыстычнага стала — як знака еднасьці Касьцёла, прыбыўшы з розных куткоў Беларусі і ня толькі, таксама з нагоды Вашага сямідзесяцігадовага юбілею.
Спраўляючы Еўхарыстыю, мы разам дзякавалі Богу за ўсе Яго ласкі і асабліва — за вялікі дар, якім ёсьць Вашае жыцьцё.
I цяпер я хацеў бы выразіць Вам, вялебны Ойча, мае самыя шчырыя пажаданьні словамі Сьвятога Айца Францішка: «Трываць на шляху веры, трываць на шляху да абяцаньня, трываць у служэньні Госпаду, заўсёды трываць».
У гэтых словах я бачу адлюстраваныя Вашыя семдзесят гадоў жыцьця, падараванага Богу і людзям, без умоў і чаканьня адплаты, з такім жа вогненным запалам, смакам да жыцьця і непарушнай вернасьцю, як у пачатку.
Дзякую Вам асабліва за нястомнае крочаньне па шляху адзінства, у братняй любові, з мудрасьцю і адвагай! Будзем жа дзякаваць разам Госпаду за ўжо сабраны на гэтай ніве плён Вашага пасьвячэньня.
Дарагі Айцец Сяргей, заахвочваю Вас далей дарыць сябе, як дорыць сябе нам наш Госпад, быць хлебам для Божага народу, даверанага Вашай апецы. І ўсьлед за Сьвятым Апосталам Паўлам прагну сказаць Вам: «Дык не пакідайце адвагі вашай, якая мае вялікую ўзнагароду». (Габр 10, 35)
Хачу таксама запэўніць Вас у маёй падтрымцы і малітве, і жадаючы Вам моцнага здароўя, радасьці і супакою ў сэрцы, праз заступніцтва сьвятых роўнаапостальных Кірылы і Мятода, заклікаю на Вас і Вашае служэньне блаславеньне Госпада.
У еднасьці ў Хрысце,
Габар Пінтэр, Архібіскуп
Апостальскі Нунцый у Рэспубліцы Беларусь»
Гл. таксама:
Апостальскі нунцый: Беларусь павінна адкрыцца на велікодную надзею
«Быць сьведкамі Евангельля любові для кожнага чалавека»
Новы Апостальскі нунцый у Беларусі бачыць сваім прыярытэтам разьвіцьцё экуменізму
Ушанаваньне памяці Апостала Палесься
Сьвяты Пасад падтрымлівае імкненьне да свабоды і справядлівасьці ў Беларусі
Гэты артыкул чыталі 14 разоў (-ы)
