Кароткай, але зьмястоўнай назваў сваю размову з Папам Рымскім Францішкам Апостальскі Візітатар грэка-католікаў Беларусі Архімандрыт Сяргей (Гаек). Сустрэча адбылася 8 траўня 2019 году ў Ватыкане пасьля агульнай аўдыенцыі. 
Найноўшыя тэхналогіі і навуковы прагрэс няздольныя пабудаваць гарманічнае грамадзтва, выкараніць беднасьць і сацыяльную маргіналізацыю. Для гэтага патрэбны салідарнасьць і ахвярнасьць, лічыць Папа Рымскі. 
У Берасьцейскім абласным краязнаўчым музеі 12 красавіка 2019 году адбылося адкрыцьцё выставы «Берасьце — горад Бібліі», якая прымеркаваная да 1000-годдзя Берасьця. 
Не паддавацца спакусе нараканьня, якая пазбаўляе надзеі, заклікаў Папа падчас ранішняй Еўхарыстыі, якую адслужыў 9 красавіка 2019 году у ватыканскім Доме сьв. Марты, — паведамляе беларуская рэдакцыя Vatican News. 
Прэсавы сакратар Канферэнцыі каталіцкіх біскупаў Беларусі ксёндз Юры Санько, каментуючы для Радыё Свабода сітуацыю вакол зносу крыжоў у Курапатах, сказаў, што надзвычай балюча на такое глядзець, асабліва ў час Вялікага посту. 
З нагоды падзеяў ранкам 4 красавіка 2019 году ў Курапатах, дзе былі дэмантаваныя дзясяткі крыжоў, Апостальскі Візітатар грэка-католікаў Беларусі Архімандрыт Сяргей (Гаек) зрабіў адмысловую заяву. 
Калі выпраўляем хібы бліжняга, павінны ўсьведамляць, што хібы маем таксама і мы, нагадаў Папа перад малітвай «Анёл Гасподні», якая 3 сакавіка 2019 году прайшла на плошчы сьв. Пятра ў Ватыкане — паведамляе Vatican News. 
Рэха значнага юбілею — 1150-годдзя перадачы сьвятымі Кірылам і Мятодам папу Адрыяну ІІ Сьвятога Пісаньня на славянскай мове — працягвае гучаць у Беларускай Грэка-Каталіцкай Царкве, адзначае Беларуская рэдакцыя парталу «Vatican News». 
Беларускі манах-рэдэмптарыст дыякан Сяргей Ганчароў з Менску, а таксама яго ўкраінскі сабрат дыякан Васіль Чавага атрымалі сьвятарскія сьвячаньні ў дзень Трох сьвяціцеляў (паводле юльянскага календара) 12 лютага 2019 году. Пра гэта паведамляе сайт Рэдэмптарыстаў візантыйскага абраду ў Беларусі. 
З нагоды 70-годдзя Архімандрыта Сяргея (Гаека), якое ён адзначаў 8 лютага 2019 году, Апостальскі Нунцый у Рэспубліцы Беларусь архібіскуп Габар Пінтэр накіраваў яму свой афіцыйны ліст-віншаваньне. 
Галоўная 
Навіны за 2019 год
У гаміліі Рымскі Архірэй спаслаўся на літургічнае чытаньне з Кнігі Лічбаў (Лч 21, 4-9), у якім распавядаецца, як выбраны народ, стаміўшыся ад вандраваньня па пустыні, згубіў цярплівасьць, а таксама энтузіязм і надзею, зьвязаныя з вызваленьнем з ягіпецкай няволі, і пачаў наракаць супраць Майсея. «Дух стомленасьці пазбаўляе надзеі», — папярэдзіў Францішак.
Навіны за 2019 год
13.04.2019
Францішак заклікаў не паддавацца спакусе нараканьня
Не паддавацца спакусе нараканьня, якая пазбаўляе надзеі, заклікаў Папа падчас ранішняй Еўхарыстыі, якую адслужыў 9 красавіка 2019 году у ватыканскім Доме сьв. Марты, — паведамляе беларуская рэдакцыя Vatican News.
У гаміліі Рымскі Архірэй спаслаўся на літургічнае чытаньне з Кнігі Лічбаў (Лч 21, 4-9), у якім распавядаецца, як выбраны народ, стаміўшыся ад вандраваньня па пустыні, згубіў цярплівасьць, а таксама энтузіязм і надзею, зьвязаныя з вызваленьнем з ягіпецкай няволі, і пачаў наракаць супраць Майсея. «Дух стомленасьці пазбаўляе надзеі», — папярэдзіў Францішак.Папа адзначыў, што стомленасьць дзейнічае селектыўна: яна робіць так, што мы заўважаем толькі цяжкасьці, а забываем пра тое добрае, якое атрымалі.
«А калі мы ў роспачы, дарога становіцца нязноснай і пачынаем шукаць суцяшэньня ў ідалах, нараканьнях ці іншых рэчах (...) Гэты дух роспачы ў выпадку нас, хрысьціянаў, прыводзіць да незадаволенасьці...», — сказаў Сьвяты Айцец.
Паводле Францішка, некаторыя хрысьціяне трываюць ва ўпадніцкім настроі, не разумеючы, што гэта «дасканалае поле для д’ябальскага пасеву». Часам яны нават баяцца суцяшэньня, надзеі, міласэрнасьці Госпада і аддаюць перавагу таму, каб жыць у незадаволенасьці, у пастаянным нараканьні, няспынна крытыкуючы іншых людзей. Біскуп Рыму заўважыў, што роспач паходзіць ад д’ябла — таго самага старажытнага зьмея, які спакусіў Еву, а потым спакушаў роспаччу выбраны народ у пустыні.
Сьвяты Айцец перакананы, што ў нараканьнях жывуць людзі, якія ня маюць надзеі і не прымаюць уваскрасеньня Ісуса. Ён заклікаў вернікаў маліцца, каб ня быць хрысьціянамі, якія баяцца надзеі і аздараўленьня, што прывязаныя да духа незадаволенасьці, стомленасьці і ўпадніцтва.
Фота: Vatican Media.
Фота: Vatican Media.
Гл. таксама:
Папа: каб весьці іншых, трэба бачыць уласныя хібы
Папа пра значэньне велікодных сьвятаў
5 гадоў з Папам Францішкам: статыстыка і адметнасьці пантыфікату
Папа адправіўся з візітам у першую хрысьціянскую краіну
Сьвяты Дух перамагае рознагалосьсі і будуе еднасьць
Гэты артыкул чыталі 12 разоў (-ы)
