Кароткай, але зьмястоўнай назваў сваю размову з Папам Рымскім Францішкам Апостальскі Візітатар грэка-католікаў Беларусі Архімандрыт Сяргей (Гаек). Сустрэча адбылася 8 траўня 2019 году ў Ватыкане пасьля агульнай аўдыенцыі. 
Найноўшыя тэхналогіі і навуковы прагрэс няздольныя пабудаваць гарманічнае грамадзтва, выкараніць беднасьць і сацыяльную маргіналізацыю. Для гэтага патрэбны салідарнасьць і ахвярнасьць, лічыць Папа Рымскі. 
У Берасьцейскім абласным краязнаўчым музеі 12 красавіка 2019 году адбылося адкрыцьцё выставы «Берасьце — горад Бібліі», якая прымеркаваная да 1000-годдзя Берасьця. 
Не паддавацца спакусе нараканьня, якая пазбаўляе надзеі, заклікаў Папа падчас ранішняй Еўхарыстыі, якую адслужыў 9 красавіка 2019 году у ватыканскім Доме сьв. Марты, — паведамляе беларуская рэдакцыя Vatican News. 
Прэсавы сакратар Канферэнцыі каталіцкіх біскупаў Беларусі ксёндз Юры Санько, каментуючы для Радыё Свабода сітуацыю вакол зносу крыжоў у Курапатах, сказаў, што надзвычай балюча на такое глядзець, асабліва ў час Вялікага посту. 
З нагоды падзеяў ранкам 4 красавіка 2019 году ў Курапатах, дзе былі дэмантаваныя дзясяткі крыжоў, Апостальскі Візітатар грэка-католікаў Беларусі Архімандрыт Сяргей (Гаек) зрабіў адмысловую заяву. 
Калі выпраўляем хібы бліжняга, павінны ўсьведамляць, што хібы маем таксама і мы, нагадаў Папа перад малітвай «Анёл Гасподні», якая 3 сакавіка 2019 году прайшла на плошчы сьв. Пятра ў Ватыкане — паведамляе Vatican News. 
Рэха значнага юбілею — 1150-годдзя перадачы сьвятымі Кірылам і Мятодам папу Адрыяну ІІ Сьвятога Пісаньня на славянскай мове — працягвае гучаць у Беларускай Грэка-Каталіцкай Царкве, адзначае Беларуская рэдакцыя парталу «Vatican News». 
Беларускі манах-рэдэмптарыст дыякан Сяргей Ганчароў з Менску, а таксама яго ўкраінскі сабрат дыякан Васіль Чавага атрымалі сьвятарскія сьвячаньні ў дзень Трох сьвяціцеляў (паводле юльянскага календара) 12 лютага 2019 году. Пра гэта паведамляе сайт Рэдэмптарыстаў візантыйскага абраду ў Беларусі. 
З нагоды 70-годдзя Архімандрыта Сяргея (Гаека), якое ён адзначаў 8 лютага 2019 году, Апостальскі Нунцый у Рэспубліцы Беларусь архібіскуп Габар Пінтэр накіраваў яму свой афіцыйны ліст-віншаваньне. 
Галоўная 
Навіны за 2019 год
Гл. таксама:
Архімандрыт Сяргей (Гаек) пра чаканьні беларусаў ад сустрэчы з Папам у краінах Балтыі
Ноч храмаў — традыцыя, якую варта запазычыць Беларусі
Беларускія ярархі падарылі Папу Рымскаму беларускі пераклад яго кнігі
Апостальскі Візітатар БГКЦ прадстаўляў Беларусь на Кангрэсе Божай Міласэрнасьці ў Рыме
Пасланьне Папы з нагоды 70-х угодкаў Львоўскага псеўдасабору
Навіны за 2019 год
08.05.2019
Папа блаславіў ініцыятыву беларускіх грэка-католікаў
Кароткай, але зьмястоўнай назваў сваю размову з Папам Рымскім Францішкам Апостальскі Візітатар грэка-католікаў Беларусі Архімандрыт Сяргей (Гаек). Сустрэча адбылася 8 траўня 2019 году ў Ватыкане пасьля агульнай аўдыенцыі.
Архімандрыт Сяргей (гаек) паведаміў у інтэрв’ю беларускай рэдакцыі Vatican News, што падышоў да Рымскага Архірэя з іконай сьвятых Кірылы і Мятода, арыгінал якой знаходзіцца ў грэка-каталіцкім храме ў Берасьці. 
«Мы хочам, каб яна наведвала парафіі і сем’і ў нашай краіне. Таму я прасіў Папу блаславіць ікону і гэтую душпастырскую ініцыятыву па ўшанаваньні памяці сьвятых Кірылы і Мятода, каб мы маглі асэнсаваць каштоўнасьць спадчыны гэтых сьвятых для нас», — сказаў Архімандрыт Сяргей (Гаек).
«Мы хочам, каб яна наведвала парафіі і сем’і ў нашай краіне. Таму я прасіў Папу блаславіць ікону і гэтую душпастырскую ініцыятыву па ўшанаваньні памяці сьвятых Кірылы і Мятода, каб мы маглі асэнсаваць каштоўнасьць спадчыны гэтых сьвятых для нас», — сказаў Архімандрыт Сяргей (Гаек).«Таксама я падзякаваў Сьвятому Айцу за словы пра важнасьць сьвятых Кірылы і Мятода для ўсёй Царквы, пра што ён гаварыў у Баўгарыі і Паўночнай Македоніі. Пры гэтым я адзначыў, што беларуская моладзь у дні яго візіту ў гэтыя краіны асабліва малілася за ягоную місію. Папа сказаў, што з радасьцю нас бласлаўляе. Гэта была кароткая, але зьмястоўная размова. Напрыканцы Францішак сказаў: «Маліцеся за мяне, каб я таксама працягваў сваю місію з руплівасьцю сьвятых Кірылы і Мятода!», — падсумаваў сваю сустрэчу з Папам кіраўнік беларускіх грэка-католікаў.
Ён адзначыў, што для каталіцкай супольнасьці краіны гэта важна, паколькі сёлета працягваецца сьвяткаваньне юбілею 1150-годдзя зацьвярджэньня місіі сьвятых Кірылы і Мятода Рымам.
Гл. таксама:
Архімандрыт Сяргей (Гаек) пра чаканьні беларусаў ад сустрэчы з Папам у краінах Балтыі
Ноч храмаў — традыцыя, якую варта запазычыць Беларусі
Беларускія ярархі падарылі Папу Рымскаму беларускі пераклад яго кнігі
Апостальскі Візітатар БГКЦ прадстаўляў Беларусь на Кангрэсе Божай Міласэрнасьці ў Рыме
Пасланьне Папы з нагоды 70-х угодкаў Львоўскага псеўдасабору
Гэты артыкул чыталі 52 разоў (-ы)
