Каляднае віншаваньне Апостальскага Візітатара для грэка-католікаў Беларусі. 
З пілігрымкі беларускай моладзі і інтэлігенцыі 12 лістапада 1989 году на ўрачыстасьць сьв. Язафата ў мястэчка Баруны, што на Ашмяншчыне, у былы базыльянскі санктуарыюм Маці Божай, дзе служыў тады пробашчам мясцовай рыма-каталіцкай парафіі сьв. Пятра і Паўла а. Ян Матусевіч, пачалося адраджэньне Уніі ў Беларусі. 
Сваё 70-годдзе 23 верасьня 2019 году адзначыў рыма-каталіцкі біскуп Гарадзенскі Аляксандар Кашкевіч. З гэтай нагоды ярарха павіншавалі і беларускія грэка-католікі. 
21 верасьня 2019 году грэка-каталіцкаую парафію Маці Божай Фацімскай у Горадні наведала вялікая група міністрантаў з рыма-каталіцкай парафіі Сьвятой Тэрэзы Авільскай у Шчучыне на чале з іх душпастырам а. Віталём Слукой з ордэна айцоў-піяраў. 
Дні 6-8 ліпеня 2019 году сталі ў Берасьці кульмінацыяй сьвяткаваньня Міленіюму, да якога актыўна далучыліся таксама мясцовыя каталіцкія вернікі лацінскага і візантыйскага абрадаў разам з сваімі душпастырамі. 
6-8 ліпеня 2019 году Берасьце адзначыў сваё 1000-годдзе, і да гэтай знакавай даты было прымеркавана шэраг мерапрыемстваў у духоўным і рэлігійным жыцьці. Адным з іх стала ўрачыстае бласлаўленьне новазбудаванага рыма-каталіцкага касьцёлу ў гонар Найсьвяцейшага Сэрца Ісуса ў мікрараёне Рэчыца. 
6-8 верасьня 2019 году Берасьце ўрачыста адзначыў свой 1000-гадовы юбілей. З гэтай нагоды віншаваньне вернікам і ўсім жыхарам гораду на адрас старшыні Берасьцейскага гарвыканкаму сп. Аляксандра Рагачука было накіраванае з Рыму, з ватыканскай кангрэгацыі. 
Юбілейная 25-ая пілігрымка беларускіх грэка-католікаў з Віцебску ў Полацак у памяць Полацкіх мучанікаў-базыльянаў, якая мела праходзіць з 9 па 13 ліпеня 2019 году пад дэвізам «Хрыстос жыве», адменена. Пра гэта паведаміў вернікаў канцлер Курыі Апостальскага візітатара для грэка-католікаў Беларусі а. Яўген Усошын, зьмясьціўшы на сваёй старонцы ў сацыяльнай сетцы Фэйсбук паведамленьне аднаго з арганізатараў пілігрымкі а. Аляксандра Шаўцова з Полацку. 
У аўторак, 9 ліпеня 2019 году, з Літургіі ў грэка-каталіцкай царкве Ўваскрасеньня Хрыстова ў Віцебску пачынаецца 25-ая юбілейная пілігрымка беларускіх грэка-католікаў для ўшанаваньня Полацкіх мучанікаў. 
У Ватыкане паведамлена пра стварэньне новай царкоўнай структуры для католікаў усходняга абраду. 1 чэрвеня 2019 году Францішак заснаваў Апостальскую адміністратуру для католікаў візантыйскага абраду ў Казахстане і Сярэдняй Азіі. Яе рэзідэнцыя будзе знаходзіцца ў Карагандзе. 
Галоўная 
Навіны за 2019 год
У адрас юбіляра прагучала шмат добрых словаў і пажаданьняў. Душпастыр гарадзенскіх грэка-католікаў перадаў Уладыку Аляксандру падарунак і віншаваньні ад Апостальскага Візітатара грэка-католікаў у Беларусі Архімандрыта Сяргея (Гаека) ды ад усіх сьвятароў і вернікаў Беларускай Грэка-Каталіцкай Царквы.
Гл. таксама:
Гарадзенскія грэка-католікі ўшанавалі памяць блаславёнай Мар’яны Бярнацкай
Берасьцейцаў з юбілеем 1000-годдзя гораду павіншавалі з Рыму
Япіскап Бенядыкт Алексійчук: Беларусь і Ўсходняя Ўкраіна мелі аднолькавыя стартавыя ўмовы, а вынікі — несувымерныя
Пешая пілігрымка ў памяць бласл. Марыяны Бярнацкай
Літургія для грэка-католікаў у Ваўкавыску
Навіны за 2019 год
28.09.2019
Грэка-католікі павіншавалі біскупа Аляксандра Кашкевіча з 70-годдзем
Сваё 70-годдзе 23 верасьня 2019 году адзначыў рыма-каталіцкі біскуп Гарадзенскі Аляксандар Кашкевіч. З гэтай нагоды ярарха павіншавалі і беларускія грэка-католікі.
У катэдральным касьцёле сьв. Францішка Ксаверыя ў Горадні адбылася сьвятая Імша падзякі за 70 гадоў жыцьця біскупа Гарадзенскага Аляксандра Кашкевіча, на якую сабраліся шматлікія сьвятары і біскупы, манахі і манахіні, семінарысты, а таксама вернікі. У сьвяткаваньні прыняў удзел і парах грэка-каталіцкай парафіі Маці Божай Фацімскай у Горадні а. Андрэй Крот.
У адрас юбіляра прагучала шмат добрых словаў і пажаданьняў. Душпастыр гарадзенскіх грэка-католікаў перадаў Уладыку Аляксандру падарунак і віншаваньні ад Апостальскага Візітатара грэка-католікаў у Беларусі Архімандрыта Сяргея (Гаека) ды ад усіх сьвятароў і вернікаў Беларускай Грэка-Каталіцкай Царквы.У сваім віншавальным слове а. Андрэй Крот падкрэсьліў, што хоць грэка-католікі фармальна і не знаходзяцца пад уладай біскупа Аляксандра, але вельмі ўдзячныя яму за бацькоўскую апеку, за дапамогу ў складаныя для грэка-каталіцкай парафіі ў Горадні моманты, за братэрскую падтрымку ад сьвятароў і вернікаў яго Гарадзенскай дыяцэзіі.
Пастыр рыма-католікаў на Гарадзеншчыне біскуп Аляксандар Кашкевіч кіруе жыцьцём Царквы ў гэтым рэгіёне ад самага пачатку заснаваньня Гарадзенскай дыяцэзіі — з 1991 году.
* * *
Рыма-каталіцкі біскуп Аляксандар Кашкевіч нарадзіўся 23 верасьня 1949 году ў в. Падгайдзі (Літва), у парафіі Эйшышкі Віленскай архідыяцэзіі РКЦ.
Скончыў Вышэйшую духоўную семінарыю ў Каўнасе. 30 траўня 1976 году прыняў прасьвітарскае пасьвячэньне.
У 1976–1981 гг. працаваў у Панявежы ў Літве вікарыем. З 1981 году – пробашч рыма-каталіцкай парафіі Сьвятога Духа ў Вільні.
13 красавіка 1991 году Сьвяты Айцец Ян Павел II прызначыў кс. Аляксандра Кашкевіча біскупам новаўтворанай Гарадзенскай рыма-каталіцкай япархіі. Хіратонія на біскупа адбылася 23 траўня 1991 году. Яе зьдзейсьніў архібіскуп Тадэвуш Кандрусевіч.
З 2006 па 2015 гг. зьяўляўся Старшынём Канферэнцыі Каталіцкіх Біскупаў у Беларусі. З 2015 году — намесьнік Старшыні ККББ. У ККББ узначальвае Раду па справах моладзі і Раду па справах каталіцкага выхаваньня.
Фота: Павел Леановіч / Grodnensis.by.
Гл. таксама:
Гарадзенскія грэка-католікі ўшанавалі памяць блаславёнай Мар’яны Бярнацкай
Берасьцейцаў з юбілеем 1000-годдзя гораду павіншавалі з Рыму
Япіскап Бенядыкт Алексійчук: Беларусь і Ўсходняя Ўкраіна мелі аднолькавыя стартавыя ўмовы, а вынікі — несувымерныя
Пешая пілігрымка ў памяць бласл. Марыяны Бярнацкай
Літургія для грэка-католікаў у Ваўкавыску
Гэты артыкул чыталі 56 разоў (-ы)
