Папа Рымскі Францішак заклікаў усіх хрысьціянаў у сьвеце 25 сакавіка 2020 г., калі католікі і многія хрысьціяне ў сьвеце адзначаюць Дабравешчаньне Найсьвяцейшай Багародзіцы, а 12.00 гадз. разам зьвярнуцца да Бога і прамовіць малітву «Ойча наш» у інтэнцыі выбаўленьня сьвету ад пандэміі, выкліканай каранавірусам — паведамляе Беларуская рэдакцыя Vatican News. 
У сувязі з пандэміяй, выкліканай каранавірусам, і складанай эпідэміялагічнай сітуацыяй у Беларусі, Апостальскі Візітатар для грэка-католікаў Беларусі Архімандрыт Сяргей (Гаек) выдаў адмысловае Распараджэньне пра ўвядзеньне з 13 сакавіка 2020 году часовых нормаў паводзінаў у храмах і душпастырскіх цэнтрах Грэка-Каталіцкай Царквы ў Беларусі. 
Ватыканскі прэс-цэнтар паведаміў, што Папа Рымскі Францішак 25 лютага 2020 году прызначыў новага сакратара Кангрэгацыі Ўсходніх Цэркваў. Ім стаў біскуп Джорджа Дэмэтрыа Галара, 
23 студзеня Грэка-Каталіцкая Царква мае літургічны ўспамін Пратулінскіх мучанікаў. Падзеі ў Пратуліне сталі сымбалем цярпеньняў і перасьледу за веру ўсіх уніятаў на Падляшшы і ва ўсёй Холмскай уніяцкай япархіі на тэрыторыі Царства Польскага (куды тады ўваходзілі таксама мясьціны на поўнач ад Горадні ў раёне Сапоцкіна), дзе Унія была гвалтоўна ліквідаваная расейскімі царскімі ўладамі ў 1874-75 гг. 
З нагоды Тыдня малітваў за еднасьць хрысьціянаў 19 студзеня 2020 году ў Горадні ў катэдральным рыма-каталіцкім касьцёле сьв. Францішка Ксаверыя адбылося экуменічнае набажэнства — паведамляе каталіцкі партал Гарадзенскай дыяцэзіі Grodnensis.by. 
20 студзеня 2020 году ў Ватыкане было паведамлена, што Папа Рымскі Францішак прызначыў Уладыку Цырыла Васіля, SJ, тытулярнага архібіскупа Птолемаіды ў Лібіі, які дагэтуль быў сакратаром Кангрэгацыі Ўсходніх Цэркваў, Апостальскім адміністратарам sede plena Кошыцкай япархіі Славацкай Грэка-Каталіцкай Царквы. 
Каляднае віншаваньне Апостальскага Візітатара для грэка-католікаў Беларусі. 
З пілігрымкі беларускай моладзі і інтэлігенцыі 12 лістапада 1989 году на ўрачыстасьць сьв. Язафата ў мястэчка Баруны, што на Ашмяншчыне, у былы базыльянскі санктуарыюм Маці Божай, дзе служыў тады пробашчам мясцовай рыма-каталіцкай парафіі сьв. Пятра і Паўла а. Ян Матусевіч, пачалося адраджэньне Уніі ў Беларусі. 
Сваё 70-годдзе 23 верасьня 2019 году адзначыў рыма-каталіцкі біскуп Гарадзенскі Аляксандар Кашкевіч. З гэтай нагоды ярарха павіншавалі і беларускія грэка-католікі. 
21 верасьня 2019 году грэка-каталіцкаую парафію Маці Божай Фацімскай у Горадні наведала вялікая група міністрантаў з рыма-каталіцкай парафіі Сьвятой Тэрэзы Авільскай у Шчучыне на чале з іх душпастырам а. Віталём Слукой з ордэна айцоў-піяраў. 
Галоўная 
Навіны хрысьціянскага сьвету
Кошыцкую япархію для католікаў візантыйскага абраду ў Славакіі 30 студзеня 2008 году стварыў Папа Бенядыкт XVI, які ўзьняў да гэтага статусу існуючы з 1997 году Кошыцкі апостальскі экзархат. Першым япархам яе Рымскі Архірэй прызначыў тагачаснага Кошыцкага экзарха Ўладыку Мілана Хаўтура, CSsR. Менавіта замест яго будзе цяпер кіраваць Кошыцкай грэка-каталіцкай япархіяй архібіскуп Цырыл Васіль. Уладыка Мілан Хаўтур застанецца кошыцкім епархіяльным біскупам.
Навіны хрысьціянскага сьвету
21.01.2020
Кадравыя зьмены ў Кангрэгацыі Ўсходніх Цэркваў
20 студзеня 2020 году ў Ватыкане было паведамлена, што Папа Рымскі Францішак прызначыў Уладыку Цырыла Васіля, SJ, тытулярнага архібіскупа Птолемаіды ў Лібіі, які дагэтуль быў сакратаром Кангрэгацыі Ўсходніх Цэркваў, Апостальскім адміністратарам sede plena Кошыцкай япархіі Славацкай Грэка-Каталіцкай Царквы.
Кошыцкую япархію для католікаў візантыйскага абраду ў Славакіі 30 студзеня 2008 году стварыў Папа Бенядыкт XVI, які ўзьняў да гэтага статусу існуючы з 1997 году Кошыцкі апостальскі экзархат. Першым япархам яе Рымскі Архірэй прызначыў тагачаснага Кошыцкага экзарха Ўладыку Мілана Хаўтура, CSsR. Менавіта замест яго будзе цяпер кіраваць Кошыцкай грэка-каталіцкай япархіяй архібіскуп Цырыл Васіль. Уладыка Мілан Хаўтур застанецца кошыцкім епархіяльным біскупам.54-гадовы грэка-каталіцкі ярарх Ўладыка Кірыла (Васіль) паходзіць з Кошыцаў. У Кангрэгацыі Ўсходніх Цэркваў, дзе займаў пасаду сакратара, ён працаваў з 2009 году. Да таго часу працаваў у Папскім Ўсходнім інстытуце дэканам і прарэктарам, а апошнія два гады працы там быў рэктарам. У траўні 2012 году архібіскуп Цырыл Васіль, як прадстаўнік Ватыкану і сакратар Кангрэгацыі Ўсходніх Цэркваў, наведаў з візітам Беларусь.
Архібіскуп Цырыл Васіль зьяўляецца кансультарам (дарадцам) Кангрэгацыі навукі веры, Папскай Рады па спрыяньні еднасьці хрысьціянаў, а таксама Папскай Рады па справах душпастырства мігрантаў і падарожнікаў. Акрамя таго, ён быў кансультантам-эксьпертам агульнага Сіноду біскупаў, прысьвечанага Тайне Еўхарыстыі, які адбыўся ў 2005 годзе.
Архібіскуп Цырыл Васіль належыць да Таварыства Ісуса. Доктар усходняга кананічнага права, паліглот. Вучыўся на тэалагічным факультэце Браціслаўскага ўніверсітэту і факультэце кананічнага права Папскага Ўсходняга інстытута ў Рыме. Сьвятарскія сьвячаньні атрымаў у 1987 годзе, а ў 2009 годзе адбылася яго хіратонія на біскупа (Уладыка Мілан Хаўтур браў удзел у яго хіратоніі). Як душпастыр ён шмат працаваў з скаўтамі, на працягу трох гадоў быў капеланам Міжнароднай Федэрацыі каталіцкіх скаўтаў Еўропы. Быў супрацоўнікам Ватыканскага радыё. Зьяўляецца аўтарам шматлікіх кніг і публікацыяў.
Гл. таксама:
Прызначаны новы сакратар Кангрэгацыі Ўсходніх Цэркваў
Япіскап Бенядыкт Алексійчук: Беларусь і Ўсходняя Ўкраіна мелі аднолькавыя стартавыя ўмовы, а вынікі — несувымерныя
Прадстаўнік РПЦ сустрэўся з прэфектам Кангрэгацыі Ўсходніх Цэркваў
Цi зьяўляецца сёньня Русінская Грэка-Каталіцкая Царква незалежнай ад Украінскай і па якім календары жыве? Дзякуй.
Душпастырская праграма візіту ў Беларусь Сакратара Кангрэгацыі Ўсходніх Цэркваў
Гэты артыкул чыталі 19 разоў (-ы)
