Папа Рымскі Францішак заклікаў усіх хрысьціянаў у сьвеце 25 сакавіка 2020 г., калі католікі і многія хрысьціяне ў сьвеце адзначаюць Дабравешчаньне Найсьвяцейшай Багародзіцы, а 12.00 гадз. разам зьвярнуцца да Бога і прамовіць малітву «Ойча наш» у інтэнцыі выбаўленьня сьвету ад пандэміі, выкліканай каранавірусам — паведамляе Беларуская рэдакцыя Vatican News. 
У сувязі з пандэміяй, выкліканай каранавірусам, і складанай эпідэміялагічнай сітуацыяй у Беларусі, Апостальскі Візітатар для грэка-католікаў Беларусі Архімандрыт Сяргей (Гаек) выдаў адмысловае Распараджэньне пра ўвядзеньне з 13 сакавіка 2020 году часовых нормаў паводзінаў у храмах і душпастырскіх цэнтрах Грэка-Каталіцкай Царквы ў Беларусі. 
Ватыканскі прэс-цэнтар паведаміў, што Папа Рымскі Францішак 25 лютага 2020 году прызначыў новага сакратара Кангрэгацыі Ўсходніх Цэркваў. Ім стаў біскуп Джорджа Дэмэтрыа Галара, 
Вечар успамінаў пра першую публічную грэка-каталіцкую Літургію ў Менску, якую адслужыў айцец Аляксандар Надсан, адбыўся 21 лютага 2020 году, на заканчэньне Сырапуснага тыдня перад пачаткам Вялікага посту, у грэка-каталіцкім Цэнтры Праведнага Язэпа ў Менску — паведамляе сайт Svjazep.org. З гэтай нагоды быў адслужаны падзячны Акафіст Імю Ісусаваму з удзелам Апостальскага Візітатара для грэка-католікаў Беларусі Архімандрыта Сяргея (Гаека) і менскіх душпастыраў а. Андрэя Абламейкі і а. Аляксандра Шыбекі. 
3 лютага 2020 ды Ватыканскі прэс-цэнтар паведаміў пра тое, што Папа Рымскі Францішак прызначыў 42-гадовага італьянскага сьвятара Флавіа Пачэ, які да гэтага служыў у Кангрэгацыі Ўсходніх Цэркваў, намесьнікам сакратара гэтага ведамства Апостальскага Пасаду. 
23 студзеня Грэка-Каталіцкая Царква мае літургічны ўспамін Пратулінскіх мучанікаў. Падзеі ў Пратуліне сталі сымбалем цярпеньняў і перасьледу за веру ўсіх уніятаў на Падляшшы і ва ўсёй Холмскай уніяцкай япархіі на тэрыторыі Царства Польскага (куды тады ўваходзілі таксама мясьціны на поўнач ад Горадні ў раёне Сапоцкіна), дзе Унія была гвалтоўна ліквідаваная расейскімі царскімі ўладамі ў 1874-75 гг. 
З нагоды Тыдня малітваў за еднасьць хрысьціянаў 19 студзеня 2020 году ў Горадні ў катэдральным рыма-каталіцкім касьцёле сьв. Францішка Ксаверыя адбылося экуменічнае набажэнства — паведамляе каталіцкі партал Гарадзенскай дыяцэзіі Grodnensis.by. 
20 студзеня 2020 году ў Ватыкане было паведамлена, што Папа Рымскі Францішак прызначыў Уладыку Цырыла Васіля, SJ, тытулярнага архібіскупа Птолемаіды ў Лібіі, які дагэтуль быў сакратаром Кангрэгацыі Ўсходніх Цэркваў, Апостальскім адміністратарам sede plena Кошыцкай япархіі Славацкай Грэка-Каталіцкай Царквы. 
Галоўная 
Навіны за 2020 год
Пачэсныя сьвятаслужыцелі, дарагія вернікі!
У сувязі з пандэміяй, выкліканай каранавірусам, сёньня ў сьвеце і ў Беларусі склалася надзвычай сур’ёзная і складаная эпідэміялагічная сітуацыя.
Гл. таксама:
Разьвітаньне з пінскім журналістам Васілём Мацкевічам
Малітва падчас згубнай пошасьці
Што ўяўляе сабой грэка-каталіцкая Царква?
Сьвяткаваньні ў гонар сьвятога Язафата Кунцэвіча
Фота з сямейнага архіву беларускага грэка-каталіцкага сьвятара Баляслава Пачопкі
Навіны за 2020 год
14.03.2020
Часовыя нормы паводзінаў у храмах і душпастырскіх цэнтрах Грэка-Каталіцкай Царквы ў Беларусі
У сувязі з пандэміяй, выкліканай каранавірусам, і складанай эпідэміялагічнай сітуацыяй у Беларусі, Апостальскі Візітатар для грэка-католікаў Беларусі Архімандрыт Сяргей (Гаек) выдаў адмысловае Распараджэньне пра ўвядзеньне з 13 сакавіка 2020 году часовых нормаў паводзінаў у храмах і душпастырскіх цэнтрах Грэка-Каталіцкай Царквы ў Беларусі.
Пачэсныя сьвятаслужыцелі, дарагія вернікі!У сувязі з пандэміяй, выкліканай каранавірусам, сёньня ў сьвеце і ў Беларусі склалася надзвычай сур’ёзная і складаная эпідэміялагічная сітуацыя.
Да вашай увагі даводжу поўныя пастырскага клопату словы Высокадастойнага Мітрапаліта Тадэвуша (Кандрусевіча): “Беручы пад увагу няспыннае распаўсюджваньне сьмяротна небясьпечнай хваробы, з вераю ў Божы Провід і з клопатам пра здароўе нашых грамадзянаў у Каталіцкай Царкве ў Беларусі, якая клапоціцца пра духоўнае і фізічнае дабро сваіх вернікаў і ўсяго нашага народу, уводзяцца прэвентыўныя санітарныя захады”.
З пашанай да традыцыяў нашага візантыйскага абраду ўводзім часовыя нормы паводзінаў у храмах і душпастырскіх цэнтрах Грэка-Каталіцкай Царквы ў Беларусі:
1. Ушанаваньне сьвятога Крыжа, іконаў і мошчаў адбываецца праз глыбокі паклон бяз дотыку і цалаваньня.У Крыжапаклонную нядзелю сьвяты Крыж ушаноўваем праз зямны паклон.
2. У храмах не карыстаемся сьвятой (Ярданскай) вадой, ня п’ём яе.
3. Вітаем адзін аднаго схіленьнем галавы, без падаваньня рукі.
У кантакце з душпастырам стараемся захаваць магчымую дыстанцыю.
4. Перад богаслужэньнем сьвятаслужыцелі і панамары павінны старанна вымыць рукі і няўхільна захоўваць строгія нормы гігіены.
5. Усіх вернікаў заклікаем да руплівай малітвы да Госпада аб спыненьні эпідэміі.
6. Гэтым Распараджэньнем старэйшых і слабых вернікаў і дзяцей вызваляю ад абавязку ўдзельнічаць у Боскай Літургіі ў нядзелі.
Заахвочваю іх, каб у нядзелі маліліся дома і — калі магчыма — карысталіся трансьляцыяй богаслужэньняў у СМІ або рознымі духовымі праграмамі.
Гэтыя нормы дзейнічаюць да іх адмены.
Малітвамі Найсьвяцейшай Багародзіцы і сьвятых лекараў Касмы і Дам’яна няхай Міласэрны Бог выбавіць усіх нас ад эпідэміі каранавірусу, адорыць здароўем хворых і падтрымае сваёй дапамогай супрацоўнікаў службы аховы здароўя, якія імі апякуюцца.
З малітвай і блаславеньнем,
+ Архімандрыт Сяргей (Гаек)
Апостальскі Візітатар для грэка-католікаў Беларусі
Менск, 13 сакавіка 2020 году, напярэдадні Крыжапаклоннай нядзелі
Тэгі: хвароба, эпідэмія, каранавірус, здароўе, літургія, крыж, Архімандрыт Сяргей Гаек, Грэка-Каталіцкая Царква, грэка-католікі
Гл. таксама:
Разьвітаньне з пінскім журналістам Васілём Мацкевічам
Малітва падчас згубнай пошасьці
Што ўяўляе сабой грэка-каталіцкая Царква?
Сьвяткаваньні ў гонар сьвятога Язафата Кунцэвіча
Фота з сямейнага архіву беларускага грэка-каталіцкага сьвятара Баляслава Пачопкі
Гэты артыкул чыталі 99 разоў (-ы)
