Папа Рымскі Францішак заклікаў усіх хрысьціянаў у сьвеце 25 сакавіка 2020 г., калі католікі і многія хрысьціяне ў сьвеце адзначаюць Дабравешчаньне Найсьвяцейшай Багародзіцы, а 12.00 гадз. разам зьвярнуцца да Бога і прамовіць малітву «Ойча наш» у інтэнцыі выбаўленьня сьвету ад пандэміі, выкліканай каранавірусам — паведамляе Беларуская рэдакцыя Vatican News. 
У сувязі з пандэміяй, выкліканай каранавірусам, і складанай эпідэміялагічнай сітуацыяй у Беларусі, Апостальскі Візітатар для грэка-католікаў Беларусі Архімандрыт Сяргей (Гаек) выдаў адмысловае Распараджэньне пра ўвядзеньне з 13 сакавіка 2020 году часовых нормаў паводзінаў у храмах і душпастырскіх цэнтрах Грэка-Каталіцкай Царквы ў Беларусі. 
Ватыканскі прэс-цэнтар паведаміў, што Папа Рымскі Францішак 25 лютага 2020 году прызначыў новага сакратара Кангрэгацыі Ўсходніх Цэркваў. Ім стаў біскуп Джорджа Дэмэтрыа Галара, 
Вечар успамінаў пра першую публічную грэка-каталіцкую Літургію ў Менску, якую адслужыў айцец Аляксандар Надсан, адбыўся 21 лютага 2020 году, на заканчэньне Сырапуснага тыдня перад пачаткам Вялікага посту, у грэка-каталіцкім Цэнтры Праведнага Язэпа ў Менску — паведамляе сайт Svjazep.org. З гэтай нагоды быў адслужаны падзячны Акафіст Імю Ісусаваму з удзелам Апостальскага Візітатара для грэка-католікаў Беларусі Архімандрыта Сяргея (Гаека) і менскіх душпастыраў а. Андрэя Абламейкі і а. Аляксандра Шыбекі. 
3 лютага 2020 ды Ватыканскі прэс-цэнтар паведаміў пра тое, што Папа Рымскі Францішак прызначыў 42-гадовага італьянскага сьвятара Флавіа Пачэ, які да гэтага служыў у Кангрэгацыі Ўсходніх Цэркваў, намесьнікам сакратара гэтага ведамства Апостальскага Пасаду. 
23 студзеня Грэка-Каталіцкая Царква мае літургічны ўспамін Пратулінскіх мучанікаў. Падзеі ў Пратуліне сталі сымбалем цярпеньняў і перасьледу за веру ўсіх уніятаў на Падляшшы і ва ўсёй Холмскай уніяцкай япархіі на тэрыторыі Царства Польскага (куды тады ўваходзілі таксама мясьціны на поўнач ад Горадні ў раёне Сапоцкіна), дзе Унія была гвалтоўна ліквідаваная расейскімі царскімі ўладамі ў 1874-75 гг. 
З нагоды Тыдня малітваў за еднасьць хрысьціянаў 19 студзеня 2020 году ў Горадні ў катэдральным рыма-каталіцкім касьцёле сьв. Францішка Ксаверыя адбылося экуменічнае набажэнства — паведамляе каталіцкі партал Гарадзенскай дыяцэзіі Grodnensis.by. 
20 студзеня 2020 году ў Ватыкане было паведамлена, што Папа Рымскі Францішак прызначыў Уладыку Цырыла Васіля, SJ, тытулярнага архібіскупа Птолемаіды ў Лібіі, які дагэтуль быў сакратаром Кангрэгацыі Ўсходніх Цэркваў, Апостальскім адміністратарам sede plena Кошыцкай япархіі Славацкай Грэка-Каталіцкай Царквы. 
Галоўная 
Навіны хрысьціянскага сьвету
Пасада сакратара Кангрэгацыі Ўсходніх Цэркваў заставалася вакантнай з 20 студзеня 2020 году пасьля таго, як Рымскі Архірэй прызначыў славацкага архібіскупа Цырыла Васіля, SJ Апостальскім адміністратарам sede plena Кошыцкай япархіі Славацкай Грэка-Каталіцкай Царквы дзеля ўзьніклых там праблемаў.
Да 25 лютага 2020 году Ўладыка Джорджа Дэмэтрыа Галара ўзначальваў япархію П’яна-дэлі-Албанэзі на захадзе Сіцыліі — адну з двух япархіяў, Італа-Албанскай Каталіцкай Царквы, якая заўсёды была ў еднасьці з Рымам. Гэтая япархія візантыйскага абраду ўтворана ў 1937 годзе і наўпрост падпарадкавана Апостальскаму Пасаду. Літургія там традыйыйна правіцца па-грэцку, але ў апошнія часы выкарыстоўваецца таксама і італійская ды албанская мовы. Паводле дадзеных Annuario Pontificio за 2016 год у япархіі П’яна-дэлі-Албанэзі было 23 тыс. вернікаў, 15 парафіяў і 25 сьвятароў.
Гл. таксама:
Першы папа, які прамовіў да беларусаў на іх мове. 10 фактаў пра Яна Паўла ІІ і Беларусь
Ліст грэка-каталіцкаму сьвятару Льву Гарошку з Кангрэгацыі «Pro Ecclesia Orientali» датычна кананічных межаў Грэка-Каталіцкага Экзархату Беларускай Царквы
Ватыканскі ярарх назваў адраджэньне БГКЦ сапраўдным цудам
Нунцый да грэка-католікаў: многае залежыць і ад вас
Ці можа каталік рымскага абраду (які быў хрышчаны ў лацінскім абрадзе й некаторы час наведваў рымскую службу) наведваць уніяцкую імшу і стаць грэка-каталіком? Ці магчымы пераход з абраду ў абрад? Ці рымскі і грэцкі абрад роўныя?
Навіны хрысьціянскага сьвету
27.02.2020
Прызначаны новы сакратар Кангрэгацыі Ўсходніх Цэркваў
Ватыканскі прэс-цэнтар паведаміў, што Папа Рымскі Францішак 25 лютага 2020 году прызначыў новага сакратара Кангрэгацыі Ўсходніх Цэркваў. Ім стаў біскуп Джорджа Дэмэтрыа Галара, які да гэтага часу зьяўляўся ардынарыем япархіі П’яна-дэлі-Албанэзі на Сіцыліі ў Італіі, якая належыць да Італа-Албанскай Грэка-Каталіцкай Царквы. Адначасова з прызначэньнем у гэтую ватыканскую дыкастэрыю Папа надаў яму годнасьць архібіскупа.
Пасада сакратара Кангрэгацыі Ўсходніх Цэркваў заставалася вакантнай з 20 студзеня 2020 году пасьля таго, як Рымскі Архірэй прызначыў славацкага архібіскупа Цырыла Васіля, SJ Апостальскім адміністратарам sede plena Кошыцкай япархіі Славацкай Грэка-Каталіцкай Царквы дзеля ўзьніклых там праблемаў.Нагадаем, Беларуская Грэка-Каталіцкая Царква сёньня наўпрост падпарадкаваная Апостальскаму Пасаду ў Рыме, кіраваньне ёй адбываецца праз Апостальскага візітатара.
Новы сакратар Кангрэгацыі Ўсходніх Цэркваў Уладыка Джорджа Дэмэтрыа Галара (Giorgio Demetrio Gallaro) нарадзіўся 16 студзеня 1948 году ў мястэчку Пацала (Pozzallo) на Сіцыліі. Свае студыі і падрыхтоўку да сьвятарства ён пачаў у семінарыі Нота на Сіцыліі. Затым у 1968 годзе пераехаў у Лос-Анжэлес, дзе навучаўся ў семінарыі сьв. Яна. 27 траўня 1972 году атрымаў сьвятарскія сьвячаньні, якія ўдзяліў яму архібіскуп Лос-Анжэлесу кардынал Тымаці Мэнінг. Пасьля васьмі гадоў служэньня ў розных парафіях усходняга абраду ў Лос-Анджэлесе працягнуў свае вышэйшыя студыі ў Рыме, у Папскім Усходнім інстытуце і Папскім універсітэце сьв. Тамаша Аквінскга. Там стаў доктарам усходняга кананічнага права і ліцэнціятам экуменічнага багаслоўя.
У 1987 годзе быў інкардынаваны да мельхіцкай грэка-каталіцкай япархіі ў Ньютане. Выкладаў кананічнае права ў семінарыі сьв. Кірылы і Мятода Пітсбургскай грэка-каталіцкай архіяпархіі, працаваў у Стэмфардзкай япархіі і Філадэльфійскай архіяпархіі УГКЦ. З 2011 году быў віцэ-прэзідэнтам Таварыства Ўсходняга права. У 2013 годзе быў пакліканы працаваць кансультарам у Кангрэгацыю Ўсходніх Цэркваў, але пры гэтым працягваў служэньне на розных пасадах у Пітсбургу (ЗША) у грэка-каталіцкіх япархіях і ў семінарыі як знаўца ўсходняга кананічнага права і прафесар экуменічнага багаслоўя.
31 сакавіка 2015 году Папа Францішак менаваў а. Джорджа Дэмэтрыа Галара біскупам япархіі П’яна-дэлі-Албанэзі. Хіратонія на біскупа адбылася 28 чэрвеня 2015 году. Галоўным сьвяціцелем быў біскуп япархіі Лунгра Італа-Албанскай Каталіцкай Царквы Даната Алівэрыё, разам з якім біскупскую хіратонію зьдзейсьнялі Апостальскі экзарх для католікаў візантыйскага абраду ў Грэцыі Дымітрыяс Салахас і біскуп мельхіцкай грэка-каталіцкай япархіі Ньютана ў ЗША Ніколас Самра.
Да 25 лютага 2020 году Ўладыка Джорджа Дэмэтрыа Галара ўзначальваў япархію П’яна-дэлі-Албанэзі на захадзе Сіцыліі — адну з двух япархіяў, Італа-Албанскай Каталіцкай Царквы, якая заўсёды была ў еднасьці з Рымам. Гэтая япархія візантыйскага абраду ўтворана ў 1937 годзе і наўпрост падпарадкавана Апостальскаму Пасаду. Літургія там традыйыйна правіцца па-грэцку, але ў апошнія часы выкарыстоўваецца таксама і італійская ды албанская мовы. Паводле дадзеных Annuario Pontificio за 2016 год у япархіі П’яна-дэлі-Албанэзі было 23 тыс. вернікаў, 15 парафіяў і 25 сьвятароў.Новы сакратар Кангрэгацыі Ўсходніх Цэркваў Уладыка Джорджа Дэмэтрыа Галара свабодна валодае італійскай і ангельскай мовамі, а з літургічных моваў — грэцкай, албанскай і арабскай.
Фота: vaticannews.va,ilsicilia.it.
Тэгі: Кангрэгацыя Ўсходніх Цэркваў, Ватыкан, Джорджа Дэмэтрыа Галара, грэка-католікі, Італа-Албанская Каталіцкая Царква
Гл. таксама:
Першы папа, які прамовіў да беларусаў на іх мове. 10 фактаў пра Яна Паўла ІІ і Беларусь
Ліст грэка-каталіцкаму сьвятару Льву Гарошку з Кангрэгацыі «Pro Ecclesia Orientali» датычна кананічных межаў Грэка-Каталіцкага Экзархату Беларускай Царквы
Ватыканскі ярарх назваў адраджэньне БГКЦ сапраўдным цудам
Нунцый да грэка-католікаў: многае залежыць і ад вас
Ці можа каталік рымскага абраду (які быў хрышчаны ў лацінскім абрадзе й некаторы час наведваў рымскую службу) наведваць уніяцкую імшу і стаць грэка-каталіком? Ці магчымы пераход з абраду ў абрад? Ці рымскі і грэцкі абрад роўныя?
Гэты артыкул чыталі 23 разоў (-ы)
