«Мы маем такую пазіцыю, што ня хочам прымаць ахвяраваньняў ад афіцыйных органаў. Таму што гэта заўсёды цягне за сабой пэўную, так бы мовіць, “удзячнасьць”. Мы хочам быць Царквой свабоднай, каб ахвяраваньні не перашкодзілі нам сказаць праўду, калі яе трэба сказаць». 
Навіны за 2011 год
01.01.2011
Рыма-каталіцкі архібіскуп Тадэвуш Кандрусевіч накіраваў сьвятарам Беларусі свой каментар да Пасланьня папы Бенядыкта XVI на Сусьветны дзень міру 2011, у якім заклікае беларускае грамадзтва да супольнага пошуку сапраўднага міру і згоды ў духу навучаньня Сьвятога Айца.
Гэты каментар Мітрапаліт Кандрусевіч папрасіў сьвятароў зачытаць усім вернікам 1 студзеня 2011 году — у дзень, калі адзначаецца Сусьветны дзень міру.
“З удзячнасьцю і пашанай прымем, дарагія браты і сёстры, гэтае пасланьне папы Бенядыкта XVI як заклік да дасягненьня сапраўднага міру. У гэты Сусьветны дзень міру заклікаю ўсіх вернікаў і ўсё нашае грамадзтва будаваць свае адносіны на навучаньні Пантыфіка, каб, абапіраючыся на свабоду веравызнаньня і маральныя каштоўнасьці, распачаты Новы 2011 год сапраўды стаў часам згоды і супольнага пошуку міру. Няхай усім нам у гэтым, праз заступніцтва Марыі — Маці міру, блаславіць Бог”, — напісаў Уладыка Тадэвуш Кандрусевіч.
Гл. таксама:
Папа Рымскі заклікаў да спыненьня гвалту ў Беларусі
Кардынал Паралін: дыпламатыя Сьвятога Пасаду служыць шматлікім Абэлям, якіх працягваюць забіваць Каіны гэтага сьвету
Зьверхнік УГКЦ: сьвята кананізацыі двух папаў дае нам надзею
Сірыйска-малабарскі ярарх: трактуеце нас несправядліва
Сваякі арыштаваных беларускіх палітыкаў просяць Папу аб дапамозе
