Галоўная Навіны хрысьціянскага сьвету Памер шрыфту 13px15px17px19px21px23px25px27px29px31px33px 04.04.2020 Душпастырскія прапановы для вернікаў на Вялікі тыдзень У сувязі з сітуацыяй пандэміі, выкліканай каранавірусам, Апостальскі Візітатар для грэка-католікаў у Беларусі Архімандрыт Сяргей (Гаек) накіраваў вернікам БГКЦ душпастырскія прапановы на Вялікі тыдзень, каб духоўна маглі падрыхтавацца да сьвята Вялікадня. Вялікі Тыдзень Пакутаў Хрыстовых — гэта час асаблівага духовага подзьвігу. У грэка-каталіцкіх парафіях у Беларусі праходзяць багаслужэньні (за што мы ўдзячныя нашым сьвятарам), але ў сітуацыі эпідэміі шматлікія вернікі вымушаныя заставацца ў сваіх дамах. У дні Вялікага тыдня, калі Ісус Хрыстос “ідзе на Сваю дабравольную, вечнапамятную і жыватворчую сьмерць” прапануем тым, хто ў асабістай (сямейнай) малітве хоча Яго суправаджаць, прачытаць фрагменты Сьвятога Евангельля (і паразважаць над імі) паводле наступнага парадку: Вялікі панядзелак — Ев. Марка 14:1-9 Вялікі аўторак — Ев. Марка 14:10-42 Вялікая серада — Ев. Марка 14:43-72 Вялікі чацьвер — Ев. Лукі 22:1-40 Вялікая пятніца — Ев. Марка 15:1-47 Карысным будзе выкарыстаць (паводле магчымасьці) багаслужбовыя тэксты, якія знаходзяцца ў Малітоўніку “Госпаду памолімся” на старонках: 389-408. (Гэтыя і іншыя тэксты службаў Вялікага тыдня можна знайсьці таксама на сайце “Часасловец” — Рэд.). У малітоўнай сулучнасьці, + Архімандрыт Сяргей (Гаек) Апостальскі візітатар для грэка-католікаў Беларусі Менск, 4.04.2020. *** У Вялікі чацьвер, Вялікую пятніцу і ў Пасхальную Ноч будзе магчымасьць удзельнічаць у анлайн-трансьляцыі набажэнстваў з грэка-каталіцкай парафіі сьв. Язафата ў Лідзе. Таксама і на сьвята Ўваходу Госпада ў Ерусалім (Вербная нядзеля) а 11-й гадз. можна будзе глядзець анлайн-трансьляцыю багаслужбы з грэка-каталіцкай парафіі ў Лідзе. Тэгі: Вялікі тыдзень, малітва, эпідэмія, каранавірус, багаслужбовыя тэксты, літургія, Архімандрыт Сяргей Гаек, Грэка-Каталіцкая Царква, грэка-католікіГл. таксама:Апостальскі Візітатар БГКЦ: сьвята Пасхі Хрыстовай дае нам магчымасьць аднавіць еднасьць з Хрыстом У Ватыкане падрыхтавалі інструкцыі адносна сьвяткаваньня Вялікадня ва ўмовах пандэміі Што ўяўляе сабой грэка-каталіцкая Царква? Грэка-каталіцкі сьвятар Зьміцер Грышан: «Мы свабодныя, каб стаць шчасьлівымі!» Фота з сямейнага архіву беларускага грэка-каталіцкага сьвятара Баляслава Пачопкі Гэты артыкул чыталі 58 разоў (-ы)
