I калі я раздам усю маёмасьць маю і аддам цела маё на спаленьне, а любові ня маю, - няма мне ў тым ніякай карысьці (Пасланьне сьв. ап. Паўла да Карынфянаў 13:3)
Айцец Андрэй Крот: Хто ж будзе сьвятаром, калі ня я? 2 ліпеня 2020 году 15-годдзе свайго сьвятарства адзначыў а. Андрэй Крот, дэкан Заходняга дэканату БГКЦ і парах грэка-каталіцкай парафіі Маці Божай Фацімскай у Горадні. У гэты дзень у 2005 годзе ў Івана-Франкоўску ва Ўкраіне сьв. Тайну Сьвятарства яму ўдзяліў ўкраінскі грэка-каталіцкі Ўладыка Сафрон (Мудры).
Папскай Радзе па спрыяньні еднасьці хрысьціянаў – 60 гадоў Кардынал Курт Кох, старшыня Папскай Рады па спрыяньні еднасьці хрысьціянаў, скіраваў сьпецыяльнае паведамленьне з нагоды 60-годдзя гэтай структуры, запэўніваючы ў адданасьці Каталіцкай Царквы экуменічнаму шляху. Пра гэта паведамляе Vatican News.
Францішак: Ян Павел ІІ – чалавек міласэрнасьці і справядлівасьці У 100-ыя ўгодкі з дня народзінаў сьв. Яна Паўла ІІ, 18 мая 2020 году, Папа Рымскі Францішак узначаліў сьв. Імшу ля магілы гэтага Вялікага Папы, у капліцы сьв. Себасьцяна ватыканскай базылікі сьв. Пятра — паведамляе Vatican News.
Адышоў да Бога вядомы тэолаг і экуменіст а. Вацлаў Грыневіч
Значнае месца ў яго тэалагічнай працы займала Таямніца Хрыстовай Пасхі і багаслоўе Старажытнай Русі.
У аўторак, 26 траўня 2020 году, у шпіталі ў горадзе Люблінец (у Польшчы) адышоў да Бога сьв. пам. айцец праф. Вацлаў Грыневіч з Ордэну Місіянераў Аблатаў Беззаганнай Марыі (OMI).
Айцец Праф. Вацлаў Грыневіч. (Andrzej Kerner / Foto Gość).Айцец Вацлаў Грыневіч нарадзіўся 23 ліпеня 1936 году на Падляшшы ў мястэчку Ламазы на гістарычнай Берасьцейшчыне, сёньня — Люблінскае ваяводзтва ў Польшчы). 8 верасьня 1953 году ён склаў першыя манаскія зарокі ў Місіянераў Аблатаў Беззаганнай Марыі, а 26 чэрвеня 1960 году прыняў сьвятарскія сьвячаньні.
Айцец Вацлаў Грыневіч быў знакамітым тэолагам і экуменістам, выдатным знаўцам багаслоўя Ўсходніх Цэркваў. Многія называлі яго тэолагам надзеі і любові.
“Мы прызвычаіліся да падзелу ў хрысьціянстве, і гэта, мабыць, адзін з найвялікшых нашых грахоў”, — казаў а. праф. Вацлаў Грыневіч.
На працягу многіх гадоў ён быў зьвязаны з Люблінскім каталіцкім універсітэтам Яна Паўла II (KUL). Прафесар а. Вацлаў Грыневіч стаў сузаснавальнікам Экуменічнага інстытуту Люблінскага каталіцкага ўніверсітэту, зьяўляўся яго шматгадовым дырэктарам (да 2005 году).
Ён быў дарадцам у Радзе па справах Еднасьці хрысьціянаў у Ватыкане (1979—1984) і сябрам Міжнароднай зьмешанай камісіі па тэалагічным дыялогу паміж Каталіцкай Царквой і Праваслаўнай Царквой (1980—2005).
Праф. Вацлаў Грыневіч — аўтар многіх навуковых артыкулаў і багаслоўскіх кніг. Значнае месца ў ягонай тэалагічнай працы займала Таямніца Хрыстовай Пасхі і багаслоўе Старажытнай Русі. Рэдакцыя беларускай грэка-каталіцкай газеты «Царква» ў 1997 годзе спрычынілася да выданьня брашуры з важным артыкулам праф. Вацлаў Грыневіч “Пасхальныя матывы ў творах сьв. Кірылы Тураўскага”. Тэалагічная рэфлексія айца прафесара Вацлава Грыневіча над творамі сьв. Кірылы Тураўскага заахвочвае сёньняшніх спадкаемцаў Тураўскага ўладыкі шукаць у таямніцы Пасхі Хрыстовай крыніцы для духоўнага адраджэньня сучаснага грамадзтва.
Яго тэалагічная трылогія “Хрыстос — наша Пасха” служыла асновай для духоўнай фармацыі духавенства Беларускай Грэка-Каталіцкай Царквы. Тэалагічная дзейнасьць айца Вацлава натхніла таксама на міжканфесійныя сустрэчы моладзі ў прыбужскім Кодані і ўніяцкай парафіі ў Кастамлотах.
Разьвітальныя ўрачыстасьці і пахаваньне айца Вацлава Грыневіча адбудуцца ў санктуарыюме Маці Божай Коданьскай у Кодані, у суботу, 30 траўня 2020 году, адкуль будзе весьціся трансьляцыя.
Дзякуем Госпаду за жыцьцё і служэньне айца Вацлава і душу ягоную супрваджаем малітваю “Вечная памяць”!
У складанай сітуацыі каранавіруснай пандэміі духоўная праграма сёлетняй грэка-каталіцкай пілігрымкі з Віцебску ў Полацак 8-12 ліпеня 2020 году адбудзецца ў фармаце анлайн — паведамляе сайт Svjazep.org. 
2 ліпеня 2020 году 15-годдзе свайго сьвятарства адзначыў а. Андрэй Крот, дэкан Заходняга дэканату БГКЦ і парах грэка-каталіцкай парафіі Маці Божай Фацімскай у Горадні. У гэты дзень у 2005 годзе ў Івана-Франкоўску ва Ўкраіне сьв. Тайну Сьвятарства яму ўдзяліў ўкраінскі грэка-каталіцкі Ўладыка Сафрон (Мудры). 
30 чэрвеня 2020 году пры касьцёле Беззаганнага Зачацьця Найсьвяцейшай Панны Марыі ў Горадні адбылося пахаваньне кс. пралата Юзафа Трубовіча, найстарэйшага каталіцкага сьвятара ў Беларусі. 
У Нядзелю Ўсіх сьвятых беларускага народу, 14 чэрвеня 2020 году, вернікі гарадзенскай грэка-каталіцкай парафіі Маці Божай Фацімскай ушанавалі памяць блаславёнай Мар’яны Бярнацкай. 
Пра выклікі, якія стаяць перад экуменізмам, з нагоды 60-годдзя Папскай Рады па спрыяньні еднасьці хрысьціянаў, распавёў у інтэрв’ю Vatican News яе старшыня, кардынал Курт Кох. 
Кардынал Курт Кох, старшыня Папскай Рады па спрыяньні еднасьці хрысьціянаў, скіраваў сьпецыяльнае паведамленьне з нагоды 60-годдзя гэтай структуры, запэўніваючы ў адданасьці Каталіцкай Царквы экуменічнаму шляху. Пра гэта паведамляе Vatican News. 
Значнае месца ў яго тэалагічнай працы займала Таямніца Хрыстовай Пасхі і багаслоўе Старажытнай Русі. 
21 траўня 2020 году Сьвяты Айцец Францішак прызначыў новым Апостальскім нунцыем у Беларусі архібіскупа Антэ Ёзіча. Пра гэта паведаміла беларуская рэдакцыя Vatican News. 
100 гадоў таму нарадзіўся Караль Вайтыла, які стаў папам Янам Паўлам ІІ. Ён прыйшоў на сьвет 18 траўня 1920 году ў Вадавіцах пад Кракавам. На радзіме яго лічаць адным з самых значных палякаў XX стагоддзя. 
У 100-ыя ўгодкі з дня народзінаў сьв. Яна Паўла ІІ, 18 мая 2020 году, Папа Рымскі Францішак узначаліў сьв. Імшу ля магілы гэтага Вялікага Папы, у капліцы сьв. Себасьцяна ватыканскай базылікі сьв. Пятра — паведамляе Vatican News. 
Навіны хрысьціянскага сьвету
