25 красавіка 2022 году Прэс-цэнтар Сьвятога Пасаду паведаміў, што Сьвяты Айцец Францішак прыняў адстаўку ад пастырскага кіраваньня грэка-каталіцкай Прэшаўскай архіяпархіяй у Славакіі архібіскупа-мітрапаліта Яна Бабяка, SJ. Адначасова Папа Францішак прызначыў біскупа Пятра Руснака з Браціслаўскай япархіі Апостальскім адміністратарам sede vacante Прэшаўскай архіяпархіі. 
6 красавіка 2022 году, напрыканцы агульнай аўдыенцыі, Папа Рымскі Францішак гаварыў пра вайну ва Ўкраіне і памаліўся з украінскімі дзецьмі, якія знайшлі прытулак у Рыме — паведамляе Vatican News. 
Ваенная агрэсія Расеі супраць Украіны зьяўляецца злачынствам супраць міжнароднага права, правоў чалавека, свабоды і гуманізму — лічаць члены Міжнароднай тэалагічнай камісіі. Пра гэта яны скіравалі адмысловую заяву — паведамляе Vatican News. 
Сьвяты Айцец завяршыў агульную аўдыенцыю, якая 16 сакавіка 2022 года прайшла ў ватыканскай Зале Паўла VI, адмысловай малітвай, якая нарадзілася ў сувязі з вайной ва Ўкраіне, паведамляе Vatican News. 
20 студзеня 2022 г. у грэка-каталіцкай царкве сьв. братоў-апосталаў Пятра і Андрэя адбылася Экуменічная малітоўная сустрэча з нагоды 500-годдзя выданьня “Малой падарожнай кніжкі” Францішка Скарыны, выдадзенай у Вільні ў 1522 г. 
Пасьля малітвы Анёл Гасподні, якая 16 студзеня 2022 году прайшла на плошчы сьвятога Пятра ў Ватыкане, Папа Рымскі Францішак скіраваў заклік у сувязі з набліжэньнем Тыдня малітваў за еднасьціь хрысьціянаў — паведамляе Беларуская рэдакцыя Vatican News. 
Візіт Папы Рымскага на Кіпр і ў Грэцыю стане важным крокам на шляху «дыялогу любові» з Праваслаўнымі Цэрквамі. Такое меркаваньне выказаў старшыня Папскай Рады па спрыяньні еднасьці хрысьціянаў, кардынал Курт Кох. 
Як інфармуе Vatican News, у сёлетнім традыцыйным пасланьні Канстанцінопальскаму патрыярху з нагоды сьвята апостала Андрэя Першапакліканага, брата сьвятога Пятра, Папа Рымскі Францішак адзначыў, што іх супольная адказнасьць перад абліччам сучасных выклікаў вынікае з іх агульнай веры. 
У нядзелю, 28 лістапада 2021 году Апостальскі нунцый у Беларусі архібіскуп Антэ Ёзіч наведаў грэка-каталіцкую парафію сьвятога і праведнага Язэпа ў Менску. 
З 21 лістапада ў грэка-каталіцкіх парафіях Беларусі пачалася душпастырская навэнна перад сьвятам Апостала Андрэя Першапакліканага — асаблівага апекуна і заступніка Ўсходняй (Візантыйскай) Царквы, якога шануюць хрысьціяне як на Ўсходзе, так і на Захадзе. 
Галоўная 
Навіны хрысьціянскага сьвету
Пахавальную сьв. Імшу ўзначаліў Мітрапаліт Менска-Магілёўскі Тадэвуш Кандрусевіч у саслужэньні гарадзенскіх біскупаў Аляксандра Кашкевіча і Юзафа Станеўскага, а таксама біскупа Віцебскага Алега Буткевіча і дапаможных біскупаў Менска-Магілёўскай архідыяцэзіі Юрыя Касабуцкага і Аляксандра Яшэўскага.
Гл. таксама:
Айцец Андрэй Крот: Хто ж будзе сьвятаром, калі ня я?
Гарадзенскія грэка-католікі ўшанавалі памяць блаславёнай Мар’яны Бярнацкай
У Горадні малітоўна ўзгадалі айца Віктара Данілава
Памёр былы дэкан Беларускай Грэка-Каталіцкай Царквы
«Каб ня думалі, што мы – секта». У Горадні ствараюць музей Беларускай Уніяцкай Царквы
Навіны хрысьціянскага сьвету
01.07.2020
У Горадні пахавалі найстарэйшага каталіцкага сьвятара Беларусі, які дапамагаў грэка-католікам
30 чэрвеня 2020 году пры касьцёле Беззаганнага Зачацьця Найсьвяцейшай Панны Марыі ў Горадні адбылося пахаваньне кс. пралата Юзафа Трубовіча, найстарэйшага каталіцкага сьвятара ў Беларусі.
Пахавальную сьв. Імшу ўзначаліў Мітрапаліт Менска-Магілёўскі Тадэвуш Кандрусевіч у саслужэньні гарадзенскіх біскупаў Аляксандра Кашкевіча і Юзафа Станеўскага, а таксама біскупа Віцебскага Алега Буткевіча і дапаможных біскупаў Менска-Магілёўскай архідыяцэзіі Юрыя Касабуцкага і Аляксандра Яшэўскага.Сьв. Імшу саслужыў таксама і парах гарадзенскай грэка-каталіцкай парафіі Маці Божай Фацімскай а. Андрэй Крот — протапрасьвітар Заходняга дэканату Беларускай Грэка-Каталіцкай Царквы. Яго прысутнасьць на пахавальнай урачыстасьці была знакам удзячнасьці гарадзенскіх грэка-католікаў кс. прэлату Юзафу Трубовічу за ягоную адважную дапамогу, якую ён аказваў грэка-каталіцкаму душпастыру ў Горадні а. Віктару Данілаву ў гады камуністычнага перасьледу (1977-1988) і ў 1996-2005 гг.
Пахавальная Імша за супакой душы спачылага сьвятара Юзафа сабрала мясцовых парафіянаў, а таксама іншых жыхароў горада над Нёманам, якія прыйшлі выказаць Богу ўдзячнасьць за ўсё дабро, якое атрымалі ад гэтага простага і чулага сьвятара.
На пахаваньне прыехалі сьвятары з усёй Беларусі, якія былі зьвязаныя з кс. Юзафам Трубовічам, яго выхаванцы і тыя, у каго ён быў прэфектам падчас іх вучобы ў Вышэйшай духоўнай семінарыі ў Рызе.
Кс. Юзаф Трубовіч нарадзіўся 6 студзеня 1926 году ў вёсцы Невярышкі (Браслаўскі р-н), паходзіў з сям’і мясцовых католікаў. Адышоў у вечнасьць на 95-м годзе жыцьця, 26 чэрвеня 2020 году. Амаль 64 гады гэты сьвятар нёс душпастырскую паслугу вернікам Беларусі і Латвіі. Дзякуючы прыкладу ягонага руплівага служэньня адкрылі сваё пакліканьне многія сьвятары, якія сёньня служаць ня толькі ў Беларусі, але і ў Латвіі, дзе ён служыў больш за 20 гадоў.
Вечная памяць!
Фота: Эвеліна Лукашэвіч, Grodnensis.by.
Гл. таксама:
Айцец Андрэй Крот: Хто ж будзе сьвятаром, калі ня я?
Гарадзенскія грэка-католікі ўшанавалі памяць блаславёнай Мар’яны Бярнацкай
У Горадні малітоўна ўзгадалі айца Віктара Данілава
Памёр былы дэкан Беларускай Грэка-Каталіцкай Царквы
«Каб ня думалі, што мы – секта». У Горадні ствараюць музей Беларускай Уніяцкай Царквы
Гэты артыкул чыталі 59 разоў (-ы)
