25 красавіка 2022 году Прэс-цэнтар Сьвятога Пасаду паведаміў, што Сьвяты Айцец Францішак прыняў адстаўку ад пастырскага кіраваньня грэка-каталіцкай Прэшаўскай архіяпархіяй у Славакіі архібіскупа-мітрапаліта Яна Бабяка, SJ. Адначасова Папа Францішак прызначыў біскупа Пятра Руснака з Браціслаўскай япархіі Апостальскім адміністратарам sede vacante Прэшаўскай архіяпархіі. 
6 красавіка 2022 году, напрыканцы агульнай аўдыенцыі, Папа Рымскі Францішак гаварыў пра вайну ва Ўкраіне і памаліўся з украінскімі дзецьмі, якія знайшлі прытулак у Рыме — паведамляе Vatican News. 
Ваенная агрэсія Расеі супраць Украіны зьяўляецца злачынствам супраць міжнароднага права, правоў чалавека, свабоды і гуманізму — лічаць члены Міжнароднай тэалагічнай камісіі. Пра гэта яны скіравалі адмысловую заяву — паведамляе Vatican News. 
Сьвяты Айцец завяршыў агульную аўдыенцыю, якая 16 сакавіка 2022 года прайшла ў ватыканскай Зале Паўла VI, адмысловай малітвай, якая нарадзілася ў сувязі з вайной ва Ўкраіне, паведамляе Vatican News. 
20 студзеня 2022 г. у грэка-каталіцкай царкве сьв. братоў-апосталаў Пятра і Андрэя адбылася Экуменічная малітоўная сустрэча з нагоды 500-годдзя выданьня “Малой падарожнай кніжкі” Францішка Скарыны, выдадзенай у Вільні ў 1522 г. 
Пасьля малітвы Анёл Гасподні, якая 16 студзеня 2022 году прайшла на плошчы сьвятога Пятра ў Ватыкане, Папа Рымскі Францішак скіраваў заклік у сувязі з набліжэньнем Тыдня малітваў за еднасьціь хрысьціянаў — паведамляе Беларуская рэдакцыя Vatican News. 
Візіт Папы Рымскага на Кіпр і ў Грэцыю стане важным крокам на шляху «дыялогу любові» з Праваслаўнымі Цэрквамі. Такое меркаваньне выказаў старшыня Папскай Рады па спрыяньні еднасьці хрысьціянаў, кардынал Курт Кох. 
Як інфармуе Vatican News, у сёлетнім традыцыйным пасланьні Канстанцінопальскаму патрыярху з нагоды сьвята апостала Андрэя Першапакліканага, брата сьвятога Пятра, Папа Рымскі Францішак адзначыў, што іх супольная адказнасьць перад абліччам сучасных выклікаў вынікае з іх агульнай веры. 
У нядзелю, 28 лістапада 2021 году Апостальскі нунцый у Беларусі архібіскуп Антэ Ёзіч наведаў грэка-каталіцкую парафію сьвятога і праведнага Язэпа ў Менску. 
З 21 лістапада ў грэка-каталіцкіх парафіях Беларусі пачалася душпастырская навэнна перад сьвятам Апостала Андрэя Першапакліканага — асаблівага апекуна і заступніка Ўсходняй (Візантыйскай) Царквы, якога шануюць хрысьціяне як на Ўсходзе, так і на Захадзе. 
Галоўная 
Навіны хрысьціянскага сьвету
На а. Віталя склалі пратакол за тое, што ён, знаходзячыся ў нядзелю, 25 кастрычніка 2020 году ў Берасьці, спыніўся на пешаходнай вуліцы Савецкай і нібыта ўдзельнічаў у масавай акцыі, на якую не было дазволу гарадзкіх уладаў. Айцец Віталь Быстроў, які паходзіць з Камянца, дзе жыве яго маці і сваякі, у верасьні-кастрычніку часам прыязджаў з Івацэвічаў у Берасьце, каб у нядзелю замяніць а. Ігара Кандрацьева і адслужыць літургію ў грэка-каталіцкай парафіі сьвятых братоў-апосталаў Пятра і Андрэя.
Гл. таксама:
Берасьцейцаў з юбілеем 1000-годдзя гораду павіншавалі з Рыму
У Берасьці ўшанавалі памяць ахвяраў Галадамору ва Ўкраіне
Крыж у Курапатах «Памяці берасьцейцаў»
Сьвята Еднасьці пад апекай Маці Божай Берасьцейскай
Грэка-католікі на фэсьце ў Гудагаі
Навіны хрысьціянскага сьвету
30.11.2020
Грэка-каталіцкі сьвятар арыштаваны на 10 сутак
Сёньня, 30 лістапада 2020 году, у Івацэвічах быў асуджаны па арт. 23.34 на 10 сутак грэка-каталіцкі сьвятар а. Віталь Быстроў, душпастыр грэка-католікаў з парафіі Маці Божай Жыровіцкай.
На а. Віталя склалі пратакол за тое, што ён, знаходзячыся ў нядзелю, 25 кастрычніка 2020 году ў Берасьці, спыніўся на пешаходнай вуліцы Савецкай і нібыта ўдзельнічаў у масавай акцыі, на якую не было дазволу гарадзкіх уладаў. Айцец Віталь Быстроў, які паходзіць з Камянца, дзе жыве яго маці і сваякі, у верасьні-кастрычніку часам прыязджаў з Івацэвічаў у Берасьце, каб у нядзелю замяніць а. Ігара Кандрацьева і адслужыць літургію ў грэка-каталіцкай парафіі сьвятых братоў-апосталаў Пятра і Андрэя.Угледзеўшы надуманае парушэньне заканадаўства ў самім факце прысутнасьці сьвятара на пешаходнай вуліцы ў цэнтры горада, калі супрацоўнікі міліцыі спынілі там веласіпедыста з бела-чырвона-белым сьцягам, і адправіўшы яго на 10 сутак пад арышт, суд нават не падумаў улічыць ня толькі аргументы сьвятара, але і тое, што ў а. Віталя трое малалетніх дзетак. Адразу пасьля суда супрацоўнікі міліцыі адправілі сьвятара адбываць пакараньне ў ізалятар. Да такога, тыповага сёньня, на жаль, рашэньня суда а. Віталь быў гатовы маральна, і таму адразу ўзяў з сабою ў суд усе неабходныя рэчы.
На фоне непрыхаванага незадаволеньня ўладамі пазіцыяй Каталіцкай Царквы ў Беларусі ў сувязі з гуманітарным і прававым крызісам у краіне пасьля выбараў, на Берасьцейшчыне назіраецца асаблівы ціск з боку мясцовых уладаў на грэка-католікаў. Арышт на 10 сутак грэка-каталіцкага сьвятара а. Віталя Быстрова — гэта працяг папярэдніх рэпрэсіўных захадаў цяперашняй улады.
Вялікую незадаволенасьць берасьцейскіх уладаў выклікала актыўная пазіцыя грэка-каталіцкага сьвятара з Берасьця а. Ігара Кандрацьева, які выступіў на шматтысячным агульнагарадзкім мітынгу 16 жніўня і заклікаў тады мясцовыя ўлады неадкладна вызваліць некалькі сотняў затрыманых і жорстка зьбітых АМАПам удзельнікаў пасьлявыбарчых пратэстаў, а ў шматлікіх інтэрв’ю даваў прынцыповую маральна-этычную ацэнку сітуацыі пасьля выбараў згодна з Катэхізмам Каталіцкай Царквы і навукай яе ярархаў. У канцы жніўня сьвятара выклікалі ў пракуратуру і пісьмова папярэдзілі за яго актыўную пазіцыю. Таксама Берасьцейскі аблвыканкам вынес пісьмовае папярэджаньне за дзейнасьць душпастыра Грэка-каталіцкай парафіі сьвятых братоў-апосталаў Пятра і Андрэя ў Берасьці.
Гл. таксама:
Берасьцейцаў з юбілеем 1000-годдзя гораду павіншавалі з Рыму
У Берасьці ўшанавалі памяць ахвяраў Галадамору ва Ўкраіне
Крыж у Курапатах «Памяці берасьцейцаў»
Сьвята Еднасьці пад апекай Маці Божай Берасьцейскай
Грэка-католікі на фэсьце ў Гудагаі
Гэты артыкул чыталі 64 разоў (-ы)
