З нагоды сьвятаў Раства Хрыстовага 2020 году Апостальскі Візітатар для грэка-католікаў Беларусі Архімандрыт Сяргей (Гаек) накіраваў вернкіам сваё пасланьне і віншаваньне, у якім адзначыў, што радасьць сьвята зьмешваецца з смуткам у гэты складаны для Бацькаўшчыны час. Ён таксама заклікаў вернікаў сьведчыць сваю веру, надзею і любоў, будаваць еднасьць і салідарнасьць у нашым грамадзтве, падмуркам для якіх павінны быць праўда, справядлівасьць і міласэрнасьць. 
24 сьнежня 2020 году, напярэдадні сьвята Раства Хрыстовага, у Віцебску судзілі грэка-каталіцкага сьвятара Аляксея Варанко, рыма-каталіцкага сьвятара-езуіта Віктара Жука, а таксама верніка Аляксея Каракова. 
425 гадоў таму Папа Рымскі Клімент VIII выдаў булу «Magnus Dominus et laudabilis nimis», якой зацьвердзіў Унію Рускай Царквы з Апостальскім Пасадам у Рыме. 
17 сьнежня 2020 году Апостальскі нунцый у Вялікабрытаніі архібіскуп Клаўдыё Гуджэроці прыбыў у Беларусь у статусе Сьпецыяльнага пасланьніка Сьвятога Айца. Ён будзе праводзіць сустрэчы з уладамі краіны. 
30 лістапада 2020 году грэка-каталіцкі сьвятар а. Віталь Быстроў з Івацэвічаў быў асуджаны паводле арт. 23.34 КоАП на 10 сутак арышту. Падаем каментар прэс-службы курыі Апостальскага Візітатара для грэка-католікаў Беларусі 
Сёньня, 30 лістапада 2020 году, у Івацэвічах быў асуджаны па арт. 23.34 на 10 сутак грэка-каталіцкі сьвятар а. Віталь Быстроў, душпастыр грэка-католікаў з парафіі Маці Божай Жыровіцкай. 
25 лістапада 2020 году ў Ватыкане было паведамлена, што Папа Рымскі Францішак ухваліў рашэньне Сіноду біскупаў Украінскай Грэка-Каталіцкай Царквы і абвясьціў пра стварэньне новай япархіі УГКЦ — Альштынска-Гданьскай япархіі ў Польшчы. 
На сьвята Перамяненьня, 6 жніўня 1990 году, пабачыў сьвет рэлігійны часопіс «Унія», які выдаваўся ў Менску ў 1990—1995 гадах. Стваральнікі часопісу ставілі сваёй задачай дасьледаваць беларускую духоўнасьць і ініцыяваць адраджэньне Грэка-Каталіцкай (Уніяцкай) Царквы ў Беларусі. 
У Рыме ў базыліцы сьв. Пятра кардынал Конрад Краеўскі асьвяціў для Беларусі ікону сьв. Яна Паўла ІІ. 
Год таму, 20 ліпеня 2019 году, ва Ўкраіне ў м. Цячыве ў Закарпацьці высьвяцілі на дыякана Багдана Сунака — старшыню грэка-каталіцкай парафіі Ўваскрасеньня Хрыстовага ў Віцебску. 
Галоўная 
Навіны за 2020 год
23 сьнежня 1595 году прадстаўнікі епіскапату праваслаўнай Кіеўскай мітраполіі Канстанцінопальскага патрыярхату біскуп Уладзімерскі і Берасьцейскі Іпаці Пацей і біскуп Луцкі і Астрожскі Кірыла Тарлецкі былі прынятыя ў сьвяточнай атмасферы Папам Кліментам VIII. Перад ім ад імя сваёй памеснай Царквы яны выказалі жаданьне аднавіць царкоўную еднасьць, склалі ўрачыстае Вызнаньне веры і прысягнулі Папу Рымскаму за сябе і за іншых на вечнае злучэньне Ўсходняй Царквы Рэчы Паспалітай з Паўсюднай Царквой пад уладай Апостальскага Пасаду сьвятога апостала Пятра ў Рыме.
Гл. таксама:
Выстава ў Берасьці «Унія на Палесьсі. Грэка-каталіцкія місіянеры, прапаведнікі і вызнаўцы веры ХХ ст.»
Малітва за Беларусь на магіле сьв. папы Яна Паўла ІІ
420 гадоў Берасьцейскай Уніі адзначылі ў Рыме
У Беларусь прыедзе Дзяржаўны Сакратар Ватыкану
У БГКЦ — Дні малітвы за хрысьціянаў Блізкага Ўсходу
Навіны за 2020 год
23.12.2020
Беларускія грэка-католікі ўзгадваюць 425 гадоў Уніі
425 гадоў таму Папа Рымскі Клімент VIII выдаў булу «Magnus Dominus et laudabilis nimis», якой зацьвердзіў Унію Рускай Царквы з Апостальскім Пасадам у Рыме.
23 сьнежня 1595 году прадстаўнікі епіскапату праваслаўнай Кіеўскай мітраполіі Канстанцінопальскага патрыярхату біскуп Уладзімерскі і Берасьцейскі Іпаці Пацей і біскуп Луцкі і Астрожскі Кірыла Тарлецкі былі прынятыя ў сьвяточнай атмасферы Папам Кліментам VIII. Перад ім ад імя сваёй памеснай Царквы яны выказалі жаданьне аднавіць царкоўную еднасьць, склалі ўрачыстае Вызнаньне веры і прысягнулі Папу Рымскаму за сябе і за іншых на вечнае злучэньне Ўсходняй Царквы Рэчы Паспалітай з Паўсюднай Царквой пад уладай Апостальскага Пасаду сьвятога апостала Пятра ў Рыме.У той жа дзень Папа Клімент VIII выдаў булу «Magnus Dominus et laudabilis nimis», якой зацьвердзіў Унію Рускай Царквы з Каталіцкай Царквой. З гэтай нагоды быў выбіты памятны медаль «Ruthenis receptis».
Да гэтага пытаньне уніі з Рымам абмяркоўвалася ярархамі Кіеўскай мітраполіі на некалькіх Сінодах біскупаў. На памесным царкоўным саборы вясной 1595 году з намерам заключыць Унію з Рымам пагадзіліся ўсе праваслаўныя біскупы Кіеўскай мітраполіі, акрамя львоўскага біскупа, які раней адным зь першых выступаў за падпісаньне уніі. Уладыкамі — найперш Іпаціем Пацеем і Кірылам Тарлецкім — былі выпрацаваныя «33 артыкулы» — умовы яднаньня з Рымскай Царквой.
Падчас Сіноду ў Берасьці 16—20 (6—10) кастрычніка 1596 г. Унія была прынята і ўрачыста абвешчана 18 (8) кастрычніка 1596 г. у катэдральнай царкве сьв. Мікалая. 15 сьнежня 1596 г. кароль Рэчы Паспалітай Жыгімонт III выдаў універсал, якім зацьвердзіў рашэньне ярархаў Кіеўскай мітраполіі.
23 сьнежня 2020 году ў Беларускай Грэка-Каталіцкай Царкве — гэта дзень падзячнай малітвы. З гэтай нагоды ў Менску служыцца падзячная Боская Літургія ў храме Душпастырскага цэнтру сьв. Язэпа (вул. Арджанікідзэ, 6) у 18.30 гадз.
Гл. таксама:
Выстава ў Берасьці «Унія на Палесьсі. Грэка-каталіцкія місіянеры, прапаведнікі і вызнаўцы веры ХХ ст.»
Малітва за Беларусь на магіле сьв. папы Яна Паўла ІІ
420 гадоў Берасьцейскай Уніі адзначылі ў Рыме
У Беларусь прыедзе Дзяржаўны Сакратар Ватыкану
У БГКЦ — Дні малітвы за хрысьціянаў Блізкага Ўсходу
Гэты артыкул чыталі 34 разоў (-ы)
