Апостальскі нунцый у Рэспубліцы Беларусь архібіскуп Антэ Ёзіч у прыватным парадку наведаў праваслаўны Сьвята-Ўсьпенскі манастыр у Жыровічах, дзе памаліўся перад адной з самых шанаваных хрысьціянскіх сьвятыняў Беларусі — цудатворнай іконай Маці Божай Жыровіцкай, паведамляе Catholic.by. 
22 траўня 2021 году Апостальскі нунцый у Рэспубліцы Беларусь архібіскуп Антэ Ёзіч наведаў рыма-каталіцкую парафію Ўнебаўзяцьця Найсьвяцейшай Панны Марыі ў Пружане (Пінская дыяцэзія), дзе падчас урачыстай сьвятой Імшы зьдзейсьніў асьвячэньне абраза Маці Божай Апякункі лясоў — паведамляе Catholic.by. 
У Янаве на Палесьсі адзначылі ўрачыстасьць у гонар сьвятога Андрэя Баболі — апекуна Пінскай рыма-каталіцкай дыяцэзіі. Ва ўрачыстасьці бралі ўдзел і грэка-католікі. 
Група грэка-каталіцкіх пілігрымаў з Менску і Івацэвічаў 11 траўня 2021 году прыехала ў Стоўпцы, каб памаліцца і ўшанаваць памяць беларускага грэка-каталіцкага сьвятара Льва Гарошкі, які пэўны час служыў там, паведамляе сайт Svjazep.org. 
11 траўня 2021 году Нацыянальны санктуарыюм Маці Божай Будслаўскай, дзе здарыўся пажар, у той жа дзень наведалі каталіцкія біскупы Беларусі, паведамляе Catholic.by. Ярархі заклікалі ўсіх да малітвы і далучыцца да збору ахвяраваньняў на аднаўленьне старажытнай сьвятыні. 
Раніцай 11 траўня 2021 году ў Нацыянальным санктуарыюме Маці Божай у Будславе здарыўся пажар у выніку ўзгараньня на даху. Патушыць агонь не ўдавалася на працягу некалькіх гадзінаў, у выніку чаго дах абрынуўся на скляпеньні. 
18 красавіка 2021 году мінула 40 гадоў ад дня спачыну Слугі Божага біскупа Баляслава Слосканса, які на працягу многіх гадоў, у вельмі складаныя часы, быў архіпастырам беларускіх католікаў лацінскага і візантыйскага абрадаў як у Беларусі, так і за яе межамі. 
Біскуп Віцебскі Алег Буткевіч абраны новым старшынём Канферэнцыі каталіцкіх біскупаў у Беларусі (ККББ). Выбары прайшлі 14 красавіка 2021 году на 80-м пленарным пасяджэньні біскупскай асамблеі. Пасяджэньне было прымеркаванае да 30-годдзя адраджэньня структураў Каталіцкай Царквы ў Беларусі. 
10 красавіка 2021 году прэс-служба Апостальскага візітатара для грэка-католікаў Беларусі распаўсюдзіла паведамленьне ў сувязі з шпіталізацыяй Архімандрыта Сяргея (Гаека). 
Слова Апостальскага Візітатара для грэка-католікаў Беларусі на сьвята Пасхі Хрыстовай 2021 году 
Галоўная 
Навіны за 2021 год
Агонь цалкам зьнішчыў дах старажытнай сьвятыні, але скляпеньні засталіся цэлымі, хоць неабходна дасьледаваць іх стан пасьля пажару і наступстваў тушэньня.
Гл. таксама:
Апостальскі нунцый: малюся, каб пераадолець падзелы і ўсталяваць у краіне сапраўдную культуру братэрства і салідарнасьці
Біскуп Алег Буткевіч: молімся, каб Беларусь стала краінай для годнага жыцьця
Архібіскуп Тадэвуш Кандрусевіч: з табой, Марыя, пабудуем новую Беларусь!
Зварот Канферэнцыі каталіцкіх біскупаў у Беларусі ў сувязі з пажарам у Будславе
У грэка-католікаў Горадні пабывалі міністранты з Шчучына
Навіны за 2021 год
12.05.2021
Пажар у Нацыянальным санктуарыюме Маці Божай у Будславе
Раніцай 11 траўня 2021 году ў Нацыянальным санктуарыюме Маці Божай у Будславе здарыўся пажар у выніку ўзгараньня на даху. Патушыць агонь не ўдавалася на працягу некалькіх гадзінаў, у выніку чаго дах абрынуўся на скляпеньні.
Агонь цалкам зьнішчыў дах старажытнай сьвятыні, але скляпеньні засталіся цэлымі, хоць неабходна дасьледаваць іх стан пасьля пажару і наступстваў тушэньня.Як паведаміў Catholic.by пробашч парафіі ў Будславе ксёндз Дзьмітры Дубовік, Найсьвяцейшы Сакрамант і абраз Маці Божай Будслаўскай адразу пасьля зьяўленьня дыму былі вынесеныя ў бясьпечнае месца.
Паводле словаў пробашча парафіі ў Будславе ў 7.47 гадз. ён выклікаў пажарных, а потым з дапамогаю валанцёраў пачалі выносіць з старажытнага касьцёлу XVIII ст. усё, што толькі магчыма: літургічныя праналежнасьці, абразы, кнігі і іншыя пераносныя рэчы.
Намесьнік начальніка Менскага абласнога МНС Віталь Пякурын адзначыў, што пасьля паведамленьня аб пажары першыя ратавальнікі былі на месцы ўжо праз чатыры хвіліны. На момант узгараньня вернікаў у касьцёле не было. Загарэліся драўляныя перакрыцьці ў закрытых поласьцях, падаць туды ваду было складана. Але далей за дах агонь не распаўсюдзіўся — паведаміў журналістам прадстаўнік МНС.
Як піша БЕЛТА, у ліквідацыі ўзгараньня ўдзельнічалі ратавальнікі Мядзельскага, Вілейскага, Докшыцкага, Астравецкага раёнаў і Менску, ратавальнікі пажарнага аварыйна-выратавальнага атраду Менскай вобласьці. Задзейнічаныя былі 13 аўтацыстэрнаў, 4 аўталесьвіцы, 2 аўтапад’ёмнікі і іншая сьпецтэхніка.
Выратавальнікі пажарных атрадаў лакалізавалі агонь за пару гадзінаў, аднак працавалі яны да вечара, заліваючы тлеючыя элементы даху.
Як адзначыў ксёндз Дзьмітры Дубовік, прычына ўзгараньня невядомая, сьледчы камітэт ужо распачаў справу. Так званы «стары касьцёл», які знаходзіцца за алтарнай часткай сьвятыні, полымя не закранула, «а вось у касьцёле — арган мокры, алтар мокры, мокры ўвесь жывапіс». Сьвятар падкрэсьлівае, што ў такой сітуацыі марудзіць нельга: арган і алтар чакае пільны дэмантаж для наступнай кансервацыі і далейшага аднаўленьня. Таксама распачнецца супраца з праекціроўшчыкамі, якія будуць шукаць часовае рашэньне для даху.
Ужо ў бліжэйшыя дні плануецца аднавіць набажэнствы у старым касьцёле будслаўскага санктуарыюма, які ня быў пашкоджаны агнём і не пацярпеў падчас тушэньня пажару.
Ужо ў бліжэйшыя дні плануецца аднавіць набажэнствы у старым касьцёле будслаўскага санктуарыюма, які ня быў пашкоджаны агнём і не пацярпеў падчас тушэньня пажару.
Гл. таксама:
Апостальскі нунцый: малюся, каб пераадолець падзелы і ўсталяваць у краіне сапраўдную культуру братэрства і салідарнасьці
Біскуп Алег Буткевіч: молімся, каб Беларусь стала краінай для годнага жыцьця
Архібіскуп Тадэвуш Кандрусевіч: з табой, Марыя, пабудуем новую Беларусь!
Зварот Канферэнцыі каталіцкіх біскупаў у Беларусі ў сувязі з пажарам у Будславе
У грэка-католікаў Горадні пабывалі міністранты з Шчучына
Гэты артыкул чыталі 29 разоў (-ы)
