Візіт Папы Рымскага на Кіпр і ў Грэцыю стане важным крокам на шляху «дыялогу любові» з Праваслаўнымі Цэрквамі. Такое меркаваньне выказаў старшыня Папскай Рады па спрыяньні еднасьці хрысьціянаў, кардынал Курт Кох. 
Як інфармуе Vatican News, у сёлетнім традыцыйным пасланьні Канстанцінопальскаму патрыярху з нагоды сьвята апостала Андрэя Першапакліканага, брата сьвятога Пятра, Папа Рымскі Францішак адзначыў, што іх супольная адказнасьць перад абліччам сучасных выклікаў вынікае з іх агульнай веры. 
У нядзелю, 28 лістапада 2021 году Апостальскі нунцый у Беларусі архібіскуп Антэ Ёзіч наведаў грэка-каталіцкую парафію сьвятога і праведнага Язэпа ў Менску. 
З 21 лістапада ў грэка-каталіцкіх парафіях Беларусі пачалася душпастырская навэнна перад сьвятам Апостала Андрэя Першапакліканага — асаблівага апекуна і заступніка Ўсходняй (Візантыйскай) Царквы, якога шануюць хрысьціяне як на Ўсходзе, так і на Захадзе. 
Сьвяткаванне 425-годдзя Берасьцейскай царкоўнай Уніі — аднаўленьня поўнай еднасьці (сулучнасьці) Усходняй Царквы на беларускіх і ўкраінскіх землях з Рымскім Апостальскім Пасадам — гэта ўспамін і асэнсаваньне 425 гадовага шляху, на працягу якога грэка-католікі і рыма-католікі сумесна абвяшчалі Хрыстовае Евангельле. 
Праблема міграцыі, міжнародныя канфлікты і важнасьць шматбаковага падыходу для пошуку іх вырашэньня абмяркоўваліся падчас візіту ў Ватыкан Федэральнага Прэзідэнта Германіі — паведамляе Vatican News. 
Адмыслова да 425-х угодкаў Берасьцейскай царкоўнай Уніі мастачка з Берасьця Ганна Цімашук стварыла шэраг мастацкіх партрэтаў выдатных постацяў Грэка-Каталіцкай Царквы, якія аддана служылі і прапаведавалі на Заходнім Палесьсі ў міжваенны час і пазьней працягвалі жыцьцё Беларускай Грэка-Каталіцкай Царквы на эміграцыі. 
«Без сумневу, Берасьцейская унія зьяўляецца адной з найбольш контраверсійных старонак у нашай царкоўнай і палітычнай гісторыі, і зьвязана гэта з пераломам і зьменамі, якія адбыліся ў духоўным і грамадзкім жыцьці ўкраінцаў і беларусаў у XVI—XVII стагоддзях. Яе наступствы былі доўгатрывалымі і ўплываюць на сёньняшні дзень. /.../ У (пост)савецкай гістарыяграфіі, а таксама ў навуковападобнай прапагандзе /.../ захоўваецца шэраг стэрэатыпаў адносна Берасьцейскай уніі, у прыватнасьці, уяўленьне пра яе як пра падзею, наступствам якой стала стварэньне новай Царквы», — лічыць дырэктар Інстытуту гісторыі Царквы і прарэктар па зьнешніх сувязях Украінскага каталіцкага ўніверсітэту ў Львове д-р Алег Турый. 
16 кастрычніка 2021 году Старшыня Канферэнцыі Каталіцкіх Біскупаў Беларусі біскуп Віцебскі Алег Буткевіч накіраваў ад імя каталіцкіх біскупаў Беларусі віншавальны ліст Апостальскаму візітатару для грэка-католікаў Беларусі Архімандрыту Сяргею Гаеку, у якім павіншаваў беларускіх грэка-католікаў з 425-годдзем Берасьцейскай царкоўнай Уніі. 
З 4 па 8 верасьня 2021 году ў сталіцы Венгрыі будзе праходзіць штогадовая Сустрэча ярархаў Усходніх Каталіцкіх Цэркваў Еўропы (Conventus Hierarcharum Orientalium Catholicorum Europae — CHOCE). Тэма сёлетняй сустрэчы ўсходніх каталіцкіх біскупаў Еўропы — «Еўхарыстыя і сінадальнасьць». 
Галоўная 
Навіны хрысьціянскага сьвету
У віншавальным лісьце ад імя КККБ біскуп Віцебскі Алег Буткевіч напісаў:
У час вашага Юбілею ўсім, хто прычыняецца да разьвіцьця Божай справы ў нашай краіне, хачу выказаць словы шчырай падзякі і пажадаць, каб душпастырскія намаганьні духавенства і вашых вернікаў прыносілі шчодры плён і служылі паглыбленьню супрацоўніцтва паміж католікамі ўсходняй і заходняй традыцыяў.
Гл. таксама:
425-годдзе Берасьцейскай Уніі: урачыстасьці ў Віцебску, Полацку і Магілёве
Вярхоўны архібіскуп УГКЦ Сьвятаслаў Шаўчук: я ня ведаю, чаму Ватыкан не дае біскупа грэка-католікам у Беларусі, я дзіўлюся гэтаму
Сымбалічныя падарункі новаму сьвятару БГКЦ
Чаму мітрапаліт Павел абрынуўся на царкоўную унію?
Уніі практыкаваліся ў гісторыі практычна ўсіх Цэркваў
Навіны хрысьціянскага сьвету
16.10.2021
Віншаваньне Старшыні Канферэнцыі Каталіцкіх Біскупаў Беларусі з нагоды 425-годдзя Берасьцейскай Уніі
16 кастрычніка 2021 году Старшыня Канферэнцыі Каталіцкіх Біскупаў Беларусі біскуп Віцебскі Алег Буткевіч накіраваў ад імя каталіцкіх біскупаў Беларусі віншавальны ліст Апостальскаму візітатару для грэка-католікаў Беларусі Архімандрыту Сяргею Гаеку, у якім павіншаваў беларускіх грэка-католікаў з 425-годдзем Берасьцейскай царкоўнай Уніі.
У віншавальным лісьце ад імя КККБ біскуп Віцебскі Алег Буткевіч напісаў:«Дастойны Архімандрыт Сяргeй!
Ад імя Канферэнцыі Каталіцкіх Біскупаў Беларусі прагну выказаць Вам, шаноўным сьвятарам і вернікам Грэка-Каталіцкай Царквы ў Беларусі братэрскае прывітаньне і шчырыя віншаваньні з нагоды 425-годдзя Берасьцейскай царкоўнай Уніі – аднаўленьня сулучнасьці (communio) Усходняй Царквы на беларускіх і ўкраінскіх землях з Рымскім Апостальскім Пасадам. Сулучнасьці, якая існавала ў час Полацкай місіі Торвальда Вандроўніка.
Гэты Юбілей дае нам нагоду падзякаваць нашаму Збаўцы Ісусу Хрысту за чатыры стагоддзі, на працягу якіх рыма-католікі ды грэка-католікі сумесна абвяшчалі Хрыстовае Евангельле на нашых землях.
На шляху супольнага духоўнага служэньня Божаму народу былі і цяжкія часы, у якіх нараджаліся праўдзівыя героі веры. У гэтым годзе вы асабліва ўзгадваеце драматычны час Другой сусьветнай вайны, калі былі зьнішчаныя вашыя парафіі на Палесьсі, а таксама крыжовы шлях экзарха-пакутніка Антона Неманцэвіча, якога ў лістападзе 1941 году Папа Пій ХІІ прызначыў апостальскім адміністратарам для беларускіх грэка-католікаў.
Трыццаць гадоў таму, ужо ў незалежнай Беларусі, вы змаглі аднавіць душпастырскую дзейнасьць і літургічнае жыцьцё вашых парафіяў, а таксама распачаць актыўнае дабрачыннае сацыяльнае служэньне на карысьць усяго беларускага грамадзтва.
У час вашага Юбілею ўсім, хто прычыняецца да разьвіцьця Божай справы ў нашай краіне, хачу выказаць словы шчырай падзякі і пажадаць, каб душпастырскія намаганьні духавенства і вашых вернікаў прыносілі шчодры плён і служылі паглыбленьню супрацоўніцтва паміж католікамі ўсходняй і заходняй традыцыяў.У духу малітвы i братняга адзінства ў Хрысьце
+ Біскуп Алег Буткевіч
Старшыня Канферэнцыі Каталіцкіх Біскупаў Беларусі».
Тэгі: Берасьцейская унія, унія, грэка-католікі, біскуп Алег Буткевіч, ККББ, сулучнасьць, Рымскі Апостальскі Пасад
Гл. таксама:
425-годдзе Берасьцейскай Уніі: урачыстасьці ў Віцебску, Полацку і Магілёве
Вярхоўны архібіскуп УГКЦ Сьвятаслаў Шаўчук: я ня ведаю, чаму Ватыкан не дае біскупа грэка-католікам у Беларусі, я дзіўлюся гэтаму
Сымбалічныя падарункі новаму сьвятару БГКЦ
Чаму мітрапаліт Павел абрынуўся на царкоўную унію?
Уніі практыкаваліся ў гісторыі практычна ўсіх Цэркваў
Гэты артыкул чыталі 51 разоў (-ы)
