Галоўная Навіны хрысьціянскага сьвету Памер шрыфту 13px15px17px19px21px23px25px27px29px31px33px 07.04.2022 Сьвяты Айцец маліўся за ахвяраў забойстваў у Бучы і іншых месцах Украіны 6 красавіка 2022 году, напрыканцы агульнай аўдыенцыі, Папа Рымскі Францішак гаварыў пра вайну ва Ўкраіне і памаліўся з украінскімі дзецьмі, якія знайшлі прытулак у Рыме — паведамляе Vatican News. «Апошнія навіны з Украіны замест таго, каб прынесьці палёгку і надзею, сьведчаць пра новыя зьверствы, такія як масавыя забойствы ў Бучы. Усё больш жахлівая жорсткасьць, скіраваная таксама супраць мірных жыхароў, жанчын і безабаронных дзяцей. Яны — ахвяры, чыя нявінная кроў кліча да неба і ўпрошвае: “Пакладзіце канец гэтай вайне! Прымусьце змоўкнуць зброю! Перастаньце сеяць сьмерць і разбурэньне! Давайце разам маліцца за гэта!» — заклікаў Сьвяты Айцец Францішак, пасьля ў залі запанавала малітоўная ціша. Сьвяты Айцец паказаў усім прысутным паліты крывёй сьцяг Украіны, які яму напярэдадні перадалі з Бучы, ад масавых забойстваў у якой скалынуўся ўвесь сьвет. У знак пашаны і салідарнасьці з цярпеньнямі народу Ўкраіны Рымскі Архірэй пацалаваў гэты сьцяг. Папа Рымскі таксама прывітаў групу ўкраінскіх дзяцей, якія прысутнічалі на агульнай аўдыенцыі ў Зале Паўла VI, і папрасіў памаліцца за іх і разам з імі. «Гэтыя дзеці былі вымушаныя ўцякаць і прыехалі на чужыну. Гэта адзін з пладоў вайны. Не забывайма пра іх і не забывайма пра ўкраінскі народ. Цяжка быць вырваным з сваёй зямлі, калі віной усяму — вайна», — адзначыў Папа. Ад Папы Рымскага дзеці з Украіны атрымалі падарункі. Тэгі: Папа, Буча, Украіна, вайна, малітваГл. таксама:Рымскаму Архірэю перададзены альбом з цудатворнымі абразамі Беларусі Папа: Ісусе, што нарадзіўся пад бомбамі ў Кіеве, зьмілуйся над намі Папа Рымскі: ва Ўкраіне цякуць рэкі крыві і сьлёзаў Прадстаўнік РПЦ сустрэўся з прэфектам Кангрэгацыі Ўсходніх Цэркваў Папа: хто ня моліцца, той ператварае веру ў ідэалогію Гэты артыкул чыталі 26 разоў (-ы)
