З нядаўнага часу ў беларусаў Калінінграда зьявілася магчымасьць наведваць беларускія грэка-каталіцкія багаслужбы. У 2010 годзе там была заснавана парафія, якую назвалі ў гонар сьв. Еўфрасіньні Полацкай, Апякункі Беларусі. Пра гэта паведаміў сябра Калінінградзкага рэгіянальнага грамадзкага аб’яднаньня “Беларускае таварыства культуры” Расьціслаў Шаховіч. 
4–6 сакавіка 2011 г. у касьцёле сьв. Сымона і сьв. Алены ў Менску праходзіла ІІІ Канферэнцыя царкоўных рухаў і супольнасьцяў. Арганізатарам мерапрыемства выступіла МДЕ «Каштоўная пярліна» руху «Сьвятло — Жыцьцё». 
Іншым поглядам глянуць на людзей з абмежаванымі магчымасьцямі прапануюць арганізатары Сусьветнага Дня моладзі 2011 г. у Мадрыдзе. Для гэтага яны абвясьцілі для моладзі з усіх куткоў сьвету фотаконкурс “Няпоўнаспраўныя ў жыцьці Царквы”. 
Пра славянскіх апосталаў сьвятых Кірылу і Мятода, а таксама кірыла-мятодаўскую спадчыну распавядае ў праграме "Na Progu Wiary" ("На парозе веры") для польскай тэлевізіі архімандрыт Сяргей Гаек, Апостальскі Візітатар Беларускай Грэка-Каталіцкай Царквы. 
З 22 па 23 лютага 2010 году ў Брухавічах, каля Львова, у рэкалекцыйным доме Львоўскай Архіяпархіі Ўкраінскай Грэка-Каталіцкай Царквы,адбылася сустрэча ўкраінскіх каталіцкіх біскупаў лацінскага і візантыйскага абрадаў. Пасяджэньні праходзілі пад старшынствам Адміністратара УГКЦ Архібіскупа Львоўскага Ігара Возьняка і Старшыні Канферэнцыі Рыма-Каталіцкіх Біскупаў Украіны Архібіскупа Мітрапаліта Львоўскага Мечыслава Макшыцкага. “Новыя рэлігійныя плыні і рухі: украінскі кантэкст” – такой была асноўная тэма дыскусіяў украінскіх ярархаў. Таксама яны абмяркавалі пытаньні падрыхтоўкі да беатыфікацыі Слугі Божага Яна Паўла ІІ і адзначэньня 10- й гадавіны яго пілігрымкі ва Ўкраіну. 
“Пахаваныя з Хрыстом у хрышчэньні, у Ім вы разам таксама і ўваскрэсьлі” - гэты ўрывак з пасланьня сьвятога апостала Паўла да Каласянаў (пар. Кал 2, 12), зьяўляецца тэмаю Пасланьня Папы Бенядыкта XVI на Вялікі пост 2011 году. Прэзентацыя гэтага пасланьня, якую ўзначаліў кардынал Роберт Сарах, Прэзідэнт Папскай Рады “Cor Unum”, адбылася 22 лютага 2011 году ў прэс-цэнтры Ватыкану. 
Пра абяцаньне кубінскіх уладаў вызваліць сем апазіцыйных дзеячоў паведаміла Гаванская рыма-каталіцкая архіяпархія. 19 лютага 2011 г. адзін з іх ужо выйшаў з турмы і вярнуўся ў свой родны дом: 39-гадовы Іван Эрнандэс Карыльё, журналіст і абаронца правоў чалавека. Ён быў асуджаны на 25 гадоў пазбаўленьня волі ў 2003 годзе. 
У царкву стала ходзіць невялікая колькасьць людзей, а наведваньне храмаў па вялікіх сьвятах ня сьведчыць пра рэлігійнасьць беларусаў. Хутчэй, гэта сьведчыць пра наш кансерватызм, а можа нават пра забабоннасьць… Пра тое, ці рэлігійная мы нацыя, у размове з Еўрарадыё разважае філосаф Уладзімір Мацкевіч. 
«У часы, калі Ўкраіна імкліва апускалася ў карнавал ўлада- і срэбралюбства, калі на арэну выйшаў чалавек карысьці, Гасподзь паслаў нам кіраўніком чалавека малітвы - homo orans. Каб грэх ня стаў неаспрэчным законам нашага жыцьця. Каб памнажалася колькасць тых, хто будзе маліцца за гэты добры, але няшчасны народ». Так пракаментаваў віцэ-рэктар Украінскага каталіцкага ўніверсітэту, прэзідэнт Інстытуту рэлігіі і грамадзтва УКУ Міраслаў Марыновіч місію Яго Блаславенства Любаміра (Гузара) на пасадзе Зьверхніка УГКЦ. 
Навіны за 2011 год
25.02.2011
З 22 па 23 лютага 2010 году ў Брухавічах, каля Львова, у рэкалекцыйным доме Львоўскай Архіяпархіі Ўкраінскай Грэка-Каталіцкай Царквы,адбылася сустрэча ўкраінскіх каталіцкіх біскупаў лацінскага і візантыйскага абрадаў. Пасяджэньні праходзілі пад старшынствам Адміністратара УГКЦ Архібіскупа Львоўскага Ігара Возьняка і Старшыні Канферэнцыі Рыма-Каталіцкіх Біскупаў Украіны Архібіскупа Мітрапаліта Львоўскага Мечыслава Макшыцкага. “Новыя рэлігійныя плыні і рухі: украінскі кантэкст” – такой была асноўная тэма дыскусіяў украінскіх ярархаў. Таксама яны абмяркавалі пытаньні падрыхтоўкі да беатыфікацыі Слугі Божага Яна Паўла ІІ і адзначэньня 10- й гадавіны яго пілігрымкі ва Ўкраіну.
Архібіскуп Іван Юркавич зьвярнуўся з разьвітальным словам да прысутных, адзначыўшы, што мінулыя сем гадоў яго дыпламатычнай місіі ва Ўкраіне былі пазначаныя спакойным духоўным жыцьцём Царквы і згодаю. “Ад гэтай духоўнай атмасферы атрымалі дары найперш сьвятары і вернікі, якія змаглі арганізаваць парафіяльныя структуры і разьвіць шмат пастырскіх і сацыяльных ініцыятываў. Ня толькі для мяне, але таксама для шматлікіх гасьцей, якія наведалі Ўкраіну за гэты перыяд, менавіта сьведчаньне глыбокай веры, пасьвячанасьць і шчыльная сувязь, якія захавалі вернікі з Каталіцкай Царквой, склалі, мабыць, самае глыбокае ўражаньне. Думаю, гэта будзе самае дарагое ўражаньне, якое я забяру з сабою з Украіны. Вялікія літургічныя сьвяткаваньні, з жывым удзелам вернікаў, якіх я бачыў у Зарваніцы, Бярдзічаве і многіх іншых санктуарыюмах, застануцца для мяне самай цёплай згадкай пра вашую краіну”, - сказаў архібіскуп Іван Юркавіч.
Украінскія каталіцкія ярархі абодвух абрадаў падзякавалі таксама за служэньне кардыналу Любамір Гузару, які склаў паўнамоцтвы зьверхніка Ўкраінскай Грэка-Каталіцкай Царквы.
Рыма-каталіцкі мітрапаліт Макшыцкі адзначыў, што сустрэча прайшла ў атмасферы дабразычлівасьці, духу малітвы і ўзаемнага братэрства. Падобныя сустрэчы каталіцкіх біскупаў абодвух абрадаў адбываюцца рэгулярна, два разы ў год.
Паводле Radiovaticana.org/ucr
